Going to a Concert in Lebanon

في عدة فرق موسيقية لبنانية مشهورة بالبلد و براتو و مشروع ليلة وحدة من أهم هذه الفرق. لعبت بجبيل ها الصيفية و كنت كتير مبسوطة إنو قدرت احضرا. الشغلة الحلوة يلي بتميز مشروع ليلة عن غيرها من الفرق اللبنانية هي اغانيها يلي بتخبر قصص العالم يلي ما بتسترجي تحكي عن حالها. أول ما وصلنا عجبيل، كانت العجقة مبلشه. وقفنا ناطرين لشي ساعة عل قليلة لنفوت بس ما كتير تعبنا خصوصةً لأن كان في نسيم حلو جايي من البحر. قبل ما نفوت، شترينا أكل و مشروبات كرمال ما نجوع نحنا و عم نحضر الفرقة. من بعد الاكل، فتنا لجوا و اعدنا بمحلاتنا. أخذت الفرقة شي ساعة لتطلع على المسرح بس لما طلت، كان واحد من أحلى الشعور بحياتي. الموسيقى كانت رائعة والجو كان كتير حلو. كل العالم كانت مبسوطة و عم بت هيص. رفيقي يلي كان قاعد حدي بلش يدوخ من كترت العالم يلي حولينا فنجبرنا نرجع لورا كرمال تنتنشأ هوى البحر. من بعد ما خلصت الحفله والفرقة ودعت الجمهور, ضهرنا لبرا ورجعنا تلاقينا بكل أصحابنا لنروح نتعشا بشي مطعم قبل ما نرجع عالبيت. كانت ليلة كتير حلوة والاغاني كانوا بعقدو، بس من ورا كترت العالم والعجقة ما بفتكر برجع بروح على حفلة متل حفلة مشروع ليلة إلا إذا كانوا منظمين الافنت أحسن.