9 - رفيئة جديدة

علي عندو رفيئة جديدة ,

رفيئتو الجديدة إسما سارة ,

علي بدو يحضر العشا لسارة ,

فراح عالسوبرماركت.

وأخد سلة وعرباية ,

ومشي بين ممرات الخضرة ,

وعم يشوف السمك بالبراد .

وئف جنب طاولة السلطة ,

وآخر شي طلع من المحل .

علي راح عالبيت واتصل ليطلب بيتزا .

هاي هي نفس الئصة منئالة بطريئ مختلفه.

أنا عندي رفيقة جديدة ,

اسما سارة ,

أنا بدي حضر العشا لسارة .

أنا رايح عالسوبرماركت ,

أخدت سلة وعرباية ,

عم أمشي بين ممرات الخضرة ,

وعم شوف السمك بالبراد .

وئفت جنب طاولة السلطة ,

وآخر شي طلعت من المحل .

ورايح عالبيت أتصل وأطلب بيتزا .

الأسئلة:

واحد: علي عندو رفيئة جديدة اسما سارة

علي عندو رفيئة جديدة شي؟

أي ، علي عندو رفيئة جديدة اسما سارة.

اثنان: علي بدو يحضر العشا لسارة.

علي بدو يحضر الغدا لسارة شي؟

لأ .. علي ما بدو يحضر الغدا لسارة، علي بدو يحضر العشا لسارة.

ثلاثة: علي رايح عالسوبرماركت ليشتري أكل .

علي رايح عالسوبرماركت شي؟

أي . علي رايح عالسوبرماركت ليشتري أكل.

أربعة: علي مشي بقسم الخضرة.

علي عم يشتري خضرة شي؟

لأ ، علي ما عم يشتري خضرة .

خمسة: علي عم يشوف السمك بالبراد بس ما اشترى شي.

علي عم يشوف السمك شي؟

أي، علي عم يشوف السمك بالبراد بس ما اشترى شي.

ستة: آخر شي علي ترك المحل ورجع عالبيت.

علي ضل بالمحل شي؟

لأ، علي ترك المحل ورجع عالبيت .

سبعة: طلب بيتزا بدال ما يحضر شي.

علي عم يحضر العشا شي؟

لأ، علي ما عم حضر عشا، طلب بيتزا بدالو.