مرحبا
انا مهى وهيدي التشانل
لكل الاشخاص
اللي عم يتعلموا عربي
و بيحبوا يسمعوا
شيء بالعربي
باللهجة اللبنانية
اليوم بهذا الفيديو
انا ما راح اكون لحالي
اليوم راح يكون معي ضيف
وهذا الضيف مثلي
بيشتغل بمجال
تعليم اللغة
العربية
وتحديدا
اللهجة الشامية
اليوم بهذا الفيديو
انا و حسن
راح نكون عم نحكي مع بعض
بطريقة كتير عفوية
بطريقة كتير طبيعية
كرمال تقدروا
تتعلموا كلمات جديدة
وتشوفوا كيف
اي شخصين
بيحكوا مع بعضهن
بطريقة
عادية بالحياة اليومية
واكيد راح تتعلموا
كتير عبارات
وكتير اشياء جديدة
اهلا وسهلا حسن
اهلا مهى
شكرا شكرا اليك
اهلا فيك
نحنا سبق و عملنا انا و حسن فيديو
انا كنت ضيفة عنده
وهلا صار وقت
انه
حسن يكون ضيف عندي
انا بالقناة
حبيت كمان
انه انتوا
تتعرفوا عليه
وتشوفوا
هو شو
عم بيشتغل
شو عم بيعمل
تشوفوا المشروع
يلي هو عم بيشتغل عليه
يمكن انتوا كمان تستفيدوا من المحتوى
يلي هو عم بيعمله
لانه
صراحة
يعني قريب
للمحتوى
تبعي مختلف
وقريب بنفس الوقت
في اشياء
كتير مشتركة
هو بيركز
كمان على فكرة
الاستماع
التعلم عن طريق الاستماع
وبيحكي بكل فيديوهاته
بالعربي
كمان بطريقة سهلة وواضحة وبسيطة
على مهله
وهلا حسن
هو راح يخبركم اكثر
عن
طريقته
خبرنا شوي
عنك اكثر يا حسن
عرفنا عن حالك
وكيف بلشت
هذا المشروع
اكيد اكيد اول شيء شكرا كثير
الك مهى
شكرا على الاستضافة الحلوة
سعيد انا
انبسطت كثير
بالمحادثة
اول مرة
واكيد يعني مبسوط
هلا
بالمحادثة التانية النا
انا اسمي حسن
انا من سوريا
وحاليا عايش بكندا
ومن فترة
انا بصراحة ما عندي
كان تجربة
بتعليم اللغة
العربية
انا كنت اشتغل
بمجال الهندسة
المدنية
ومن سنتين تلاتة تقريبا
تلات سنين صاروا
بدات تعلم
اللغة الاسبانية
عن طريق
الاستماع
عن طريق
المحتوى
المفهوم
او comprehensible input
يمكن اي حدا
بيسمع بcomprehensible input
بيعرف او سمع ب
Dreaming Spanish
Dreaming Spanish
هي كانت
المنصة الرائدة
بهذا المجال
وانا استخدمت
Dreaming Spanish
لتعلم اللغة الاسبانية وكانت بصراحة التجربة
مذهلة يعني اكثر من رائعة
كانت تجربة كتير
كتير حلوة
ممتعة سهلة
والنتائج كانت رائعة
فلمن
وانا كنت لمن بلشت
اتعلم ب Dreaming Spanish
بلشت صرت ادور
هل هذا الشيء موجود
باللغة العربية؟
والاجابة كانت لا
انه هذا
موجود يعني ممكن
او مو كثير يعني
موجود شوي
بس ما في انه
يعني في
قنوات على اليوتيوب
تقدم هذا الشيء
بس عدد قليل من الفيديوهات
ما في يعني
الاستمرارية
الكافية
ما في عدد
الساعات
الكافية
لحتى
الواحد يتعلم اللغة
فقررت انا
اخذ هالتحدي الكبير
على نفسي
وحاول ابني
يعني منصة
تكون
شبيهة تكون
مثل Dreaming Spanish ولكن لمتعلمين
اللغة العربية
فهيكي بلشت الرحلة
وهلا نحن هيكي
بهالمعركة
هي
معركة بناء اكبر
مكتبة
comprehensible input الخبيصة
للغة العربية
اها برافو برافو
على فكرة انا ما خبرتك انه عندي تلميذ
ستيف
عملت انا وياه فيديو
مرة ما بعرف اذا حضرته
اللي لازم
اعمله
هو كمان تعلم الاسباني
على نفس
Dreaming Spanish
على نفس
التشانل
بتذكر هالاسم
منيح لانه خبرني عنه
هو انا بلكي
ان شاء الله
بس خلص من الروسي
بعد شي 20
30 سنة ببلش
كمان بالاسباني
هي
تعلم اللغات
يعني
رحلة طويلة وبياخذ وقت كثير
بس يعني اذا الواحد
بيستمتع
فبصراحة
ما يعني
هي شيء كثير كثير
حلو
اذا اذا
الطريقة ممتعة فبالنسبة لي
جدا مهم
انه الواحد
يستمتع
بالرحلة
لانه بالاخير يعني
العمر عم بيمر
والواحد يعني مو
مو لازم يتعلم بس لانه يتعلم
تحديدا لغات مثل الاسبانية
والعربية
معظم الناس ما بيتعلموها
لحاجة اساسية يعني مو مثل الانجليزي
الانجليزي هي
مطلب رئيسي
يعني بالعالم بشكل عام للمهنة
للدراسة ل
اما العربي
معظم الناس اللي بيتعلموها والاسباني كمان
هني لاهتمام ثقافي
لاهتمام
لحب التواصل
مع ناس معينين
لحب الفهم ثقافات مختلفة
فهذا الشيء لازم يكون ممتع
لانه اذا
اذا ما كان ممتع
بيفقد هدفه
الاساسي
واللي هو
انه اغناء
التجربة
البشرية للشخص
اها
اها حلو كتير
مية بالمية بوافقك
حلو قد ايه صار لك انت
مبلش بهذا
المجال؟
هل ما سالتك قبل هالسؤال صح
هلا انا بلشت
يعني انا بلشت
الفكرة تجيني هيك
بسنة الالفين واربعة وعشرين
انا اول ما
قررت اعمل
واخترت الاسم
المشروع اللي هوArabic all the time
هذا الشي صار بشهر سبتمبر الفين و اربعة و عشرين
هي كانت
يعني مثل
البزرة الأولى
بس عمليا
اول فيديوهات حطيناها على اليوتيوب كان هذا الشيء صار
باوائل الالفين و خمسة و عشرين
وبصراحة ما بعتبر انا الانطلاقة الجدية
كانت حتى بداية
هي السنة
يعني في بداية الالفين وستة وعشرين
لمن صار في
هيك انه زخم كبير
جهزت المنصة
جهز الويب سايت
يعني
كبرت مكتبة
الفيديوهات
وايه فيعني
جداد جداد لسه عم
نتعلم وعم ننمو شوي شوي
اكيد برافو
كل التوفيق
كل التوفيق
شكرا الك
بدي اسالك حسن
قلت لي انه انت كتير
بتشجع هيدي الطريقة
وبرايك انه كتير مفيدة
الواحد يتعلم
لغة عن طريق
المحتوى
المفهوم
والبسيط
برايك
كرمال واحد
اي شخص اذا
بده يتعلم
مثلا اللهجة
الشامية
قد ايه لازم
يسمع بالنهار مثلا او
او ما بعرف
بالاسبوع
برايك
انه
بطريقة منتظمة
كرمال يبلش يشوف
تقدم ويحس حاله عن جد عم بيستفيد
مثلا نص ساعة
بالنهار
مش ضروري
كل يوم
شو رايك
انت بخبرتك؟
هلا الحالة
المثالية
انا سميته Arabic all the time
فالاجابة هي all the time
حلو الجواب
حلو الجواب
هي بالحالة المثالية
بس
بس
ما حدا منا
عنده كل الوقت
حتى يتعلم اللغة
فالاجابة بترجع بانه شو هو
اقل قدر
ممكن الواحد
يستمر فيه
على المدى الطويل
لمدة سنوات
هذا بيعتمد من شخص لشخص
في ناس بتكرس حياتها
لتعلم اللغات
في ناس
لا هي مشغولة موظف
عنده وظيفة
بيروح على شغله
راجع بالقطار
عنده وقت
ممكن
بدل ما يشوف
الانستغرام او يفتح اليوتيوب
يشوف شيء عشوائي
ممكن يخصص هذا الوقت
لمتابعة
محتوى
هو يكون
مهم يعني
مثير بالنسبة اله
ولكن يساعده
بنفس الوقت
على اكتساب اللغة
يعني
الوقت المثالي
هو بيعتمد على الشخص بصراحة
وعلى اهداف الشخص
كلما الواحد
كثّف اكثر
فاكيد كلما
النتائج
طلعت بشكل اسرع
بس انا برجع
لنقطتي اللي
ذكرتها من شوي
انه انا برايي
اهم شيء
اهم شيء
مو هو النتائج مو هو ايمت
انا فيني احكي
مو هو ايمت
انا فيني
اوصل ل
B2 او C1
او هيك يعني
ربط بالاهداف
انا برايي
اهم شيء هو
هل انا عم
بستمتع بهذا الشيء
هل هذا الشيء
عم يغني حياتي
عم بيضيف
شيء انا ما كنت منتبه له
عم يفتح عيني
على ثقافة جديدة
على ناس اخرين
عم
يعني
عم بيكون ممتع؟
فالقدر اقل قدر
ممكن الواحد
يعني يلتزم فيه
على المدى الطويل
او عفوا
اكثر قدر
اكثر قدر
خربطت انا
اكثر قدر
ممكن يلتزم فيه الواحد
على المدى الطويل
يعني
اذا ممكن يكون
ربع ساعة باليوم
ممكن يكون
ساعة باليوم
بس انا بشكل عام اذا هيك بدي اعطي
هيك رقم
او شيء اللي انا بحاول التزم فيه بحياتي
هو انه ساعة ونص
للساعتين
ماكسيموم
بالتعلم
لغة جديدة
بشوف انا هذا الوقت كافي
لحتى الواحد يشوف
نتائج ملموسة
يعني خلال سنة
ويمكن يوصل لمستوى كثير عالي باللغة
خلال سنتين
من الاستماع المتكرر اذا الواحد التزم بساعة ونص
خلال سنتين
بيوصل لمستوى
كثير كثير
كويس باللغة
فهيك يعني
اجابة معقدة
لسؤال صعب
معقدة ومش بس معقدة
جاوبتني عن السؤال
عن السؤال
اللي كان بدي اسالك اياه هلا
اللي بعده
جوابين
هلا كنت بعد
بدي اسالك
بدي اقلك
انه
اذا كان شخص
يعني مبتدئ كليا
بلش يتعلم اللهجة
بهاي الطريقة يعني بلش
مثلا مع فيديوهاتي
انا او مع فيديوهاتك انت
بدون استاذ
بدون ما يتعلم
قواعد بدون ما يقعد يعمل تمارين اي شيء
اذا بلش بهاي الطريقة برايك
قد ايه هو مثلا
بعد
كم قد ايه
بعد مدة
قد ايه ممكن
يبلش يحس
يعني يلمس نتايج
يعني يحس
بتقدم
يحس حاله انه عم بيفهم
يحس حاله
انه ايه
بلش
يستوعب يعني
اللغة
لحد حسب ما قلت لي
يعني برايك ايه
كمان سنة الى سنتين اذا كان بالشكل المنتظم لا
سنة الى سنتين
هي للتمكن من اللغة
يعني اذا كان مبتدئ للتمكن؟
اي للتمكن يعني
لحتى يوصل
لفهم عالي جدا
في انا اتخيل بعد سنة
يعني سنتين
سنة ونص
سنتين
يصير فيه
يتابع
Native media
يعني مانو محتاج
يشوف شيء
مخصص للمتعلمين
اذا التزم سنm
سنتين على
يعني بين ساعة ونص للساعتين
انا بتخيل هذا وقت كافي
للواحد يوصل لمستوى
وهو قادر
ما راح يكون يعني طلق باللغة مية بالمية
ولا اكيد بيحتاج
لوقت اطول
بس راح يكون عنده الفهم الكافي
لانه يشوف محتوى
لانه خلاص تصير اللغة
جزء من حياته
الطبيعي
يعني ما في جهد ابدا
بس الجهد بالمرحلة الاولى
الواحد لازم يجبر حاله شوي
لانه لغة غريبة اصوات غريبة
شغلة غريبة
بتاخذ وقت
بيحتاج الانسان
وقت لحتى
يعتاد على اصوات اللغة
هلا للاجابة على سؤالك للمبتدئين تحديدا
اللي انا شفته
يعني من
خبرتي بالمنصة ومن الناس اللي بشتغل معهن كمان انا بعمل
يعنيone on one sessions
يعني يحتاج
يحتاج
على الاقل خمسين ساعة
او هذا عم نحكي لمتعلمي
لمتحدثين اللغة الانجليزية
بشكل اساسي
يعني اذا بتعرف
انجليزي
وما بتعرف
لغات تانية
قريبة من العربي
فتحتاج على الاقل
خمسين ساعة
بس لحتى
يعني تبلش
يعني
يدخل انه اوكي
في
يكتسب كلمات اساسية
كلمات مفتاحية
يصير يميز
الهيكلية
يسمع انه اوكي
هي الكلمة يعني
يوصل
في عنده هيك
intuition او احساس
لشو هي
شو اللي عم ينحكى
على الاقل
50 ساعة
بالبداية
من الصفر
للخمسين
يمكن الواحد بيسمع بس بيسمع
كلام
مانو مانو
مفهوم بيسمع
يعني بس
الدماغ عم يتاقلم
على اللغة
كمان ممكن
نقطة تانية
بشوفها انا مهمة جدا هي قرابة
لتلاتمية ساعة
حول التلاتمية ساعة
اللي شفته
انا من التعامل مع من اكثر من حدا
الواحد
بيوقف بحاجة
للمواد البصرية
يعني بيصير
يعني بيصير بيفهم الكلام
اذا كان حدا عم يحكي معه مباشرة
وبشكل واضح
تلاتمية ساعة بيوصل
انه انا ماني محتاج شوف
شوف صور
ماني محتاج شوف
عن شو عم يحكوا بالضبط
انا فيني
اتبع المحادثة
وافهم شو الفكرة
ما راح افهم
كل كلمة
اكيد
بس راح افهم الفكرة
وراح فيني
يعني هون انا بعتبر
الشخص دخل
بالمستوى
يعني عم يطلع من مرحلة
المبتدئ
عم يدخل بمرحلة
المتوسط
فهيكي يعني
ولحتى يصير advanced
يعني بتاخذ لها عشرين
تلاتين سنة ها
ها ها
كل حياته الواحد
بس يبلش يتعلم لغة
بيضل عم يتعلم كل حياته انا هيدا اللي خايفانة منه صراحة
هيك حاسة
يعني نحن حتى
بالنسبة
النا لحد الان انا بحس
بتعلم كلمات جديدة
باللغة العربية
وباللغة الانجليزية اللي هي انا بحكيها من
من تلات عشر سنة
او اكثر
فهي يعني اللغة رحلة
رحلة طويلة
اكيد فعلا فعلا
فعلا يعني
للاقوياء فقط
هيدي يعني اذا حدا بيستسلم
بسرعة ما راح يمشي
الحال مضبوط
تعرفي شو
مهى على هي النقطة
انا يعني
بصراحة من فترة كنت هيك
عم كان عندي لحظة تامل
هيك moment of meditation
كنت عم فكر
بالناس اللي عم بشتغل معها
بالطلاب اللي
انا ما بحب كلمة طلاب
لانه
ما نو
هو تعليم تقليدي يعني بس
الناس متعلمين اللغة
اللي بشتغل معهن انا
حسيت انه
عندي هيك
وعن جد يعني كانت
لحظة من الادراك
انه انا بحب كل الناس اللي عم بشتغل معها
واستغربت
قلت ليش يعني انا لمن اشتغلت بالهندسة مثلا
كان في ناس حبها
في ناس ما كثير حبها يعني
طبيعي يعني
انه مو دائما
الواحد في بيئة
العمل
راح يشتغل مع الناس
اللي بتناسبه
بس صدقا
في تعلم اللغة
انا اللي شفته بانه
كل الناس اللي بيشتغل معها في
في هيك مشاعر
صادقة مني
انه مشاعر حب
صرت افكر ليش
شو السبب
بعدين هيك
صرت حلل
يعني هذا تحليل ما بعرف اذا هذا هو السبب الحقيقي
بس توقعي انه
مو اي شخص
بيتعلم اللغة العربية
بيتعلم اللغة بشكل عام
ومو اي شخص يعني بيتعلم
بياخذ هذا التحدي
اللي هو
تعلم اللغة العربية
يعني هذا الشخص بيكون
بيكون... ما توقعت هالجواب
صراحة
فكرتك بدك تقول شي ثاني
لا عن جد يعني انه فكري
فيها
لحتى الواحد
يحط نفسه
بانه عم يتعلم لغة
غريبة جدا
تحديدا
معظم الطلاب اللي بتعامل معهن
لغتهن الام هي اللغة الانجليزية
بالنسبة
الهن لغة غريبة جدا
لغة الها رهبتها
يعني في
سمعة للعربي
بانها لغة صعبة
للاسف الشديد يعني انا
انا بعتبرها لغة
مثل اي لغة تانية يعني
فللواحد يحط نفسه بهذا المكان
في في
درجة من التواضع
في درجة من المثابرة
في درجة من
الاهتمام
والفضول
للتعرف على الاخر
مو اي شخص
يعني فعلا هن
ناس فريدين
اللي بيحطوا حالهن
بهالتحدي
بياخذوا هذا التحدي الصعب
على عاتقهن
وبيمشوا فيه
مو اي شخص
بيرضى انه
يجلس و يقلك اه
اوكي
يسمع انه ها
حسن عم بيقول هذا فنجان
هذا فنجان
هذا ابيض ابيض
بده يكون في
درجة من التواضع
ومن
حب التعلم
ففعلا انا اللي شفته انه كل الناس اللي بيتعلموا
بياخذوا هذا التحدي
هن ناس
يعني يستحقوا الاعجاب على
يعني بحد ادنى يعني
مضبوط
حلوة حلوة
نظرتك لهذا الموضوع حبيتها
شو شو
انتي كنتي متوقعة
الاجابة
انا فكرتك
بدك تقول انه
انه
مثلا شيء
بشكل عام
يعني اي شخص
انه عم بيحط جهد
ليتعلم لغة غريبة عنه
عم بيدفع مصاري
مع استاذ وكذا
انه هذا الشخص
يعني هو مهتم
باللغات
وكذا بس ما توقعت
يعني تقلي
انه انه
لانه هو اختار
اللغة العربية
يعني هيدي لحالها
بيستاهل
وسام يعني
عليها ميدالية
هاها
انه هو
قرر يعني اخذ
هذي الخطوة لانه خطوة منها سهلة
نظرا لاختلاف
يعني اللغة
والاصوات
والاحرف مضبوط
اكيد اكيد يعني
اي اي متعلم
اي لغة
بتخيل عنده نفس المواصفات
بس لسه زيادة العربي
لانه فعلا
في الىها رهبة العربي
هيك في شوية
خوف من العربي
فزيادة انا بشوفها
بس اي اي
متعلم لغة انا برايي
هو مو اي
مو شخص عادي
هو شخص عنده
درجة من المثابرة
والفضول
والتواضع
التواضع
وانه يقبل
يكون طفل
مرة جديدة
هو بالغ
عم يقبل
يحط حاله بموقف عم يتعامل فيه كطفل
فهذا هذا الشيء بياخذ
يعني
مو اي شخص
عنده هذا التواضع
الكافي ل
ليحط نفسه بهالشيء
معك حق ما انا بتعرف هيدي مشكلة كتير كبيرة
انه
الانسان
عنده يعني الكبرياء
تبعه كتير مهم
في كتير ناس
هيدي الشغلة
يعني بتعملهن
مشاكل
هلا هون كيف باللغات
يعني انا عندي تلاميذ عن جد
يلي يمكن ما بعرف انا هذا تحليلي الخاص
يمكن اذا هن
عندهم كبرياءهن عالي
ما بيحبوا يحكوا
وينحطوا بموقف انه
هن بيحكوا بطريقة غلط
انه شو راح يقول
الشخص التاني
عنهم انه اللفظ تبعهم منه
مية بالمية مضبوط
عم بيقولوا كلمات غلط يعني
انه راح
الصورة
تبعهن كانه راح تتشوه
او راح يبينوا هن
بصورة شوي
يعني مش مثل
الصورة اللي هن بيحبوا يبينوا فيها
بالايام العادية
كرمل هيك التلاميذ يلي
يعني بيخافوا ياخذوا هذي الخطوة
بيخافوا يحطوا حالهم بهذا الموقف الحرج
يعني شوي
وبيخافوا انه يطلعوا من
comfort zone تبعتهن
بيطولوا
برايي شوي اكثر
يعني ليحسنوا
اللغة وليحسنوا
الطريقة اللي عم بيحكوا فيها لانه بالنهاية الواحد
يعني بده يتمرن
ليحسن
ما بيقدر.. اوكي عم نسمع كثير
منيحة هذي الخطوة بس هلا
هون السؤال التاني
انه ايمتى
لازم ينتقل
الشخص من الاستماع للحكي
انه نحنا
بدنا نوصل لمحل
نبلش نحكي ولما نبلش نحكي
راح يكون في كثير معلومات براسنا
بس ما راح نقدر نستعملها
دغري بطريقة صحيحة
من اول مرة
ويعني هون
قد ايه قد ايه
امتى الشخص
بيقدر يبلش يحكي
بتشجع انه دغري
بعد هيدي ال50 ساعة
يا اللي قلت لي
راح يكون كل شيء غريب بالنسبة لاله
بعد ما يبلش
هو
يعني يستوعب الاصوات
ويتعرف شوي
شوي على الكلمات
الاساسية
بتشجع انه دغري
يبلش يحكي
او بتفضل
انه ينطر شوي اكثر
ما بعرف شو رايك انت
بهذا الموضوع
لكل الاشخاص يا اللي بيخافوا يحكوا
وبيخجلوا وبيستحوا
وبيقولوا لي انه بتعرف شو بيقولوا لي؟
بدي انطر شوي
لصير احكي احسن
لحسن مستواي
مثلا بالصف
معي انا
مع الاستاذ
وبعدين راح
بلش احكي مع رفقاتي
وانا بقولهن ليه ما بتبلشوا من هلا؟
كيف بدكن تتحسنوا؟
انه بس بالصف ما بيكفي
بالحياة
لازم يعني مع الناس
بالمواقف
بتتحسنوا
والاشخاص
يا اللي مستعدين يعملوا هالشي
انا لاحظت عم بيتعلموا اكثر واسرع
بكتير من الاشخاص يا اللي بعدهم
خايفانين انه ياخذوا هذي الخطوة
ما بعرف شو رايك انت؟
هلا يمكن انا بتفق معك بجوانب
وفي جانب مو كثير بصراحة انا
يعني
انا
بقول الواحد يحكي
طالما هو مرتاح
اذا الكلمة عم تجي
بشكل عفوي هو سمع
بشكل كافي سمع
فنجان فنجان
فنجان
يصير يحكي
يقول هذا فنجان
انا برايي هذا شيء طبيعي
حتى ولو من اللحظة الاولى. حلو
بس
يجبر حاله جبر
انه هو يحكي
قبل ما هو
يستمع بالقدر الكافي
انا برايي
هذا ممكن
يعني كمان
هو اكيد حلو التواضع
وحلو عمل
الاخطاء
يعني بالبداية
ما في مشكلة ابدا
بس ممكن يجيب
سترس كثير للشخص
وضغط ويخليه يخاف
ويكره اللغة
بالبداية
فانا مع
انه الواحد
ياخذ وقته
ما تستعجل خذ وقتك
لمن بيطلع الحكي
بيطلع الحكي
لمن انت بتسمع
الشغلة بالقدر الكافي
بتصير انا هيك كانت تجربتي مع الاسباني
وتجربتي مع البرتغالي والفرنسي حاليا
يلي عم بتعلمهن
بنفس الطريقة
انه تصير تسمع الكلمة
اكثر من مرة
تصير تطلع تطلع لحالها
تصير حالك عم تحكي يعني تشوف حالك عم تحكي
مثل ما الطفل
بيحكي كلمات
عشوائية
مانها كلمات
يعني جمل
مفيدة مثل ما
نقول بالعربي
انه هيك
كلمات
عشوائية
لحتى
انا افضل
انه
لحتى هيك
الحكي الجدي
انه انا بدي احكي
احكي
يكون واصل لمستوى
يعني على الاقل
متوسط باللغة
مو يكون
بالبداية
انا بظن انه
الحكي مبكرا كثير
الحكي الاجباري
اذا الحكي
عم يطلع بشكل طبيعي
احكي خذ راحتك
استمتع enjoy it, have fun
اذا الحكي
انت عم تتوتر
كثير وهي
بالبداية معناها
لا اصبر شوي
لازم تسمع
الاصوات اكثر
لازم تسمع هي
لغة غريبة
في احرف
اذا عم نحكي عن العربي في احرف كثير
مميزة مانها موجودة
باللغات التانية
فالواحد بيحتاج
ليسمعها
لحتى فيه
ينتجها بالشكل الصحيح لازم
ياخر شوي
الحكي لمرحلة
انا برايي
المتقدم
يعني عفوا
المتوسط
intermediate
على الاقل يعني
اه فهمت عليك
حلو كمان
حلو
فهمت عليك
يعني حسب
هو الشخص
اذا كان ما عنده مشكلة
حاسس حتى لو كان
ما اله
زمان عم بيتعلم
حاسس حاله ما عنده مشكلة
مرتاح
يقول كلمة
عربي من هون
كلمة انجليزي من هون
ما عنده مشكلة
ليش لا
واذا حاسس حاله
عم بيحس بضغط
مش مشكلة
يعني ياخذ وقته. تماما تماما صحيح
حلو كتير
طيب سؤالي
يللي بعده
هو انه
يمكن اصعب شيء
بتعلم اللغات مثل ما قلت
المثابرة
يعني الواحد
ما بده يوقف
يعني يدرس يوم ايه وعشرة
لا يسمع
يوم ايه
وعشرة لا
لازم عطول يضل
لو شو ما صار معه
بده يكمل
ما لازم يوقف
هون الصعوبة
فشو النصيحة
يا اللي انت
بتعطيها
للاشخاص
يا اللي بيحسوا
انه بعد فترة
هذا الدافع
الموجود
عندهن عم بيخف
عم بينزل او انه حسوا حالهم
بطلوا هالقد محمسين
مثل لما
كانوا محمسين بالبداية
بطلوا هالقد
متشجعين
انه يكفو
يعني خاصة لما يحس
الواحد بالسخن
نحنا بنقول باللبناني
لما يحس بالسخن
يعني لما يحس عن جد انه هذا
شي صعب وراح ياخد
كتير وقت
مضبوط؟ فهون
في كتير تلاميذ بيوقفوا
شو النصيحة يا اللي بتعطيهن اياها كرمال
يتشجعوا ويكفوا
بهالمسيرة؟
هلا اول شيء هو تقبل
انه هذا الشعور طبيعي جدا
نحنا ماننا روبوتات حلو
وماننا
يعني تحديدا هون
انا عايش
يعني بامريكا الشمالية من
فترة طويلة هون
عنا في ثقافة
الانتاجية
طوال الوقت
والمثابرة والهي
المثابرة حلوة بس نحن
ماننا روبوتات
نحن بشر
ومنمر بفترات
شعورنا فيها
مانو كتير عالي وماننا متحمسين
طبيعي جدا
اول شيء
تقبل هذا الشعور
ما اخذه
بشكل متطرف
انه اه انا
انا كرهت العربي
خلاص باي
باي عربي
لا
انه طبيعي
انا ماني
ممكن اترك اخذ بريك
ممكن انا تعبت
بدي بريك
طبيعي جدا جدا
هذا شيء
جدا
بشري
وثاني شيء
هو انه
يحاول ينوع
يحاول ينوع
اذا مل
اذا مل
وصل الشخص
ومل من شيء
محدد
يشوف شيء
ثاني شيء جديد
تحديدا باللغة
العربية
يعني انا بصراحة
تزعجني فكرة
الالتزام
بحس في هيك
كثير تطرف بموضوع
انه اه انا بدي اتعلم
اللهجة الشامية
انا بدي اتعلم الفصحى
وكل الناس اللي بيتعلموا
متعصبين جدا
لهاللهجة المحددة اللي عم يتعلموها للفصحى
للشامي للمصري
انا برايي هذا
الشيء غير مبرر ابدا
اللغة العربية لغة واحدة
شاء من شاء
وابى من ابى يعني مثل ما بنقول
انا وانت
وكلنا تابعنا
تعلمنا لهجات
مثلا انا وانت من
لهجات من لهجات
بلاد الشام من لبنان من سوريا
استمعنا الى الفصحى
وتعلمناها
بنفهم الفصحى
استمعنا
شفنا
مسلسلات
وافلام مصرية
نعرف
صار عندنا اصدقاء
بيجوز من بلدان
عندهن لهجة معينة
اللغة العربية
لغة غنية جدا
جدا جدا
فانا نصيحتي انه
انقل التركيز جرب شيء جديد
اللغة العربية
والعالم العربي
والثقافة
العربية غنية كثير
امتداد على 22 دولة
بتاريخ طويل جدا
ما في يعني
باي مجال انت مهتم فيه راح تشوف
شيء يعجبك باللغة العربية
اذا حسيت حالك وصلت
لمرحلة ملل كبير
فجرب شيء جديد
ويعني
انا برايي حدود
بالعربي
تحديدا يعني
حدود المعرفة
والتعلم
الواحد فيه يشوف شيء جديد
مالها نهاية
مالها نهاية ابدا
فهيك يعني انا برايي
اول شيء التقبل
وتاني شيء
محاولة التنويع
و اي
اكتشاف اشياء جديدة
صح يعني اول
كانت نصيحة
اول شيء انه اذا حس
انه حاله
مش قادر يكفي
او حس بالصعوبة
لازم يتقبل
انه هذا الشيء طبيعي
وهذا الشيء
راح يصير معه
مرة واتنين وتلاتة
يعني من وقت
لوقت لانه
هيدي الرحلة
راح تكون كتير طويلة
يتقبل
هيدا الموضوع
ومش مشكلة
يعني بيمرق
كم يوم ما بعرف
بيرجع بيفوت بجو
اللغة من جديد
والنصيحة التانية كانت انه اذا حس حاله
هاي الطريقة مثلا
ما بقى كتير عم بتساعده
او مل
يعني زهق منها
فيه يفتش
على شيء ثاني
شيء ثاني
من بلد ثاني
من
يكتشف شيء
جديد صح
تعلم اذا انت بتعرف
لهجة بلاد
الشام بتفهم
المصري ما بياخذ وقت كثير يعني بياخذ
انه اوكي
اكيد مو نفس الكلمات
وفي صعوبة شوي
بس يعني لا يحتاج
ما نها لغة تانية
هي اللغة نفسها
بس في طريقة
الفاظ مختلفة
في تعابير مختلفة شوي
تحتاج فقط فترة قصيرة اكتشفها
هذا الشيء بيضيف اثارة
لتعلم اللغة
وانا شيء بشوفه
كثير حلو يعني
ما نها ناحية سلبية
بالعكس ناحية
ممكن الواحد يستمتع فيها
اها
حلو
حلو
بدي اسالك كمان
بعد سؤال مش
مش من ضمن الاسئلة اللي انا كان بدي اسالك
اياهن هلا
اجا هيك عراسي
بموضوع بخصوص اللهجات ما زال عم نحكي عن اللهجات
وعن الفصحى
في كتير
اساتذة يعني
او انه ناس يعني
بيشتغلوا بهالمجال
بيشجعوا التلاميذ
بيشجعوا اي شخص
بدو يتعلم عربي
انه يبلش اول شيء يتعلم
الفصحى
وبيقولوا لهن
انه بس تتمكنوا من الفصحى او بس على القليلة
تتعرفوا على الاساسيات
من بعدها فيكم
تختاروا اللهجة اللي بدكن اياها
واكثر شيء يعني
الناس عم تختار اللهجة
الشامية
لانها مفهومة
بكتير بلاد
ومطلوبة يعني
شو رايك انت
بالموضوع يعني
شو الطريقة الاحسن
تشجع الطلاب يبلشوا بالفصحى
او بتقلهن فيكم
تبلشوا دغري تتعلموا لهجة
لانه اذا بلشتوا بالفصحى
راح تتعبوا او راح تحسوها كتير صعبة
وراح تتفاجئوا
اذا جيتوا على لبنان او على سوريا
او على الاردن او على
فلسطين راح تتفاجئوا انه الناس ما بتستعمل
هيدي اللغة
للتواصل
بالحياة اليومية
هو بصراحة سؤال صعب شوي انا
اجابتي يعني
او رايي
منظوري للموضوع
مرة ثانية هي انه لغة واحدة
وانه
الواحد لازم يبلش
بلش
بالشيء اللي بيناسبك
بالشيء اللي انت بتحبه
في ناس فعلا بيحبوا الفصحى كثير
كثير
انا بدعمهن
مية بالمية
ولكن
ماني مع التطرف
انه فقط الفصحى
يعني في ناس
متعلمين
الفصحى تحديدا
بتحس لمن
بيحكوا عن اللهجات وكانه
يعني هي تلوث
يعني ها ها
انهن عم ينزعوا
العربي تبعي
يعني "هاي مش لغة" انا كتير بسمع هاي
هاي مش لغة
يعني انا ما بعرف
انا بحكي
هلا عم نحكي عامية
بس انا فيني احكي معك نفس المحادثة بالفصحى
وما بشوف انه هي عائق
على يعني على
على
الشيء يعني
تعلم هي لا ينفي
تعلم هي
الاثنين
هني من نفس اللغة
هني طريقة مختلفة
لقول نفس الشيء
فكل واحد اله اهداف
انا بحترم جدا وبالعكس انا احب الفصحى
جدا جدا
بس انا كمان اللي بشوفه
هيك في عندي منظور خاص
يعني انه
انه نحن
العرب كيف
نستخدم اللغة
نحن
بشكل عام نستخدم
لهجة محلية
لهجة محكية
للتواصل
حول مواضيع الحياة اليومية
بس لمن عم نحكي عن مواضيع
جدية بشكل طبيعي بتشوفي انه نصير
نستخدم
فصحى اكثر
لمن نحكي عن التاريخ
لمن نحكي عن
السياسة
عن الجغرافيا
عن العلوم
بتشوفي وبشكل طبيعي وتلقائي
تحديدا بين الطبقة
المتعلمة
انه الناس فورا
تصير تستخدم
عبارات هي
اقرب للفصحى
لانه هيك نحنا
نتعامل مع هالمواضيع نتعامل فيهن
بالفصحى
فانا مع
انه متعلمين
اللغة
يكون عندهن نفس
المنظور
بانه
بما يخص
الحياة اليومية
تروح على كافيه
تطلب قهوة
تاخذ تاكسي
تعلم الفصحى لهي الامور بصراحة
مانو امر عملي
ابدا ابدا
لانه راح تنزل مثلا على القاهرة على
بيروت راح تتفاجئ
بانه
الناس ما بيحكوا فصحى
او يعني بيحاولوا يحكوا معك فصحى ولكن هي
مو هي
الشيء الطبيعي
بس اذا بدك تحكي
تعطي محاضرة
بدك تطلع
ببودكاست بدك
بدك تطلع بمقابلة
على الجزيرة
اذا بدك الناس تاخذك بجدية
لازم تحكي فصحى ما فيك تحكي عامية
كثير
الناس حتى العرب
ما حدا بياخذك بجدية اذا انت عم تحكي
بلهجة محكية
فهون بيصير انه
استخدام الفصحى
شيء قيم كثير كثير
وطبعا الفصحى
جميلة جدا
فهيك انا بشوفها
انا بشوف انه حسب
الحالة وحسب الموضوع
في مواضيع بتلائمها
الفصحى اكثر
وفي مواضيع بتلائمها
اللهجة المحكية
ولازم نتعلم
الاثنين
لازم نتعلم
الاثنين
امم
مية بالمية
حسب كل شخص هو
شو هدفه
ليه عم بيتعلم هيدي اللغة اذا كان عم بيتعلمها
كرمال يتواصل
مثلا انا عندي كتير تلاميذ
اجانب بدهن
يتواصلوا مع
بيت عمهن العرب
يعني عائلة
زوجهن او كذا
بيقولوا لي انه ما بدي حتى اتعلم القراءة
والكتابة
بس بدي احكي مع عمي
بدي احكي مع اخته لجوزي
ما بيحكوا
انجليزي
حسب كل واحد
هو شو بده
صحيح مية بالمية
صحيح مية بالمية
طيب
حسن
ميرسي كتير على هالاجوبة
الكتير حلوة
الرائعة
مبسطت كتير
حكيت معك
خبرنا كمان بعد
بليز كرمال
الاشخاص اللي عم بيسمعونا
وين فيهن يلاقوك
او يتواصلوا معك او خبرنا اكثر عن
المشروع انت
وين موجود
بالضبط وشو عم تعمل حاليا
على شو عم تشتغل؟
شكرا شكرا كثير
مهى انا يعني
سعيد جدا دائما
بالحكي معك
هلا انا
فيهن الناس
يعني يشوفونا ب
Arabic all the time
Arabicallthetime.com هو موقعنا الرسمي
هي منصة
هي حاليا اكبر
منصة
لاكبر
مكتبة من
فيديوهات
المحتوى
المفهوم
باللغة
العربية
الفصحى وباللهجة الشامية
نحن
نقدم
فيديوهاتنا للمبتدئين
باللهجة الشامية
والفيديوهات
المتوسطة
والمتقدمة
بالفصحى
يعني
التزاما
بنفس المنظور اللي
والشيء اللي حكيته
وعلى اليوتيوب
بشكل اساسي
يعني
موجودين
انا ارحب
بكل من
يريد ان يتعلم العربي
واشجعكم
تابعوا استمروا
اللغة العربية
لغة جميلة وتستحق تستحق
الواحد يتعب كرمالها
الجهد. صحيح مضبوط تستحق
قلت لي قبل شوي
انه بتعطي
اكيد عم بتعطي دروس
قلت لهي
one on one
صح صح كمان بعمل one on one
اللي مهتم
كمان بكون سعيد
بالتواصل انا
بوفر كمان
يعني
تلاتين دقيقة مجانية
لاي حدا
the first 30 minutes
for free
you can book فيكم تحجزوا
واكيد بكون سعيد بالتعرف على ناس مختلفين
اها اها
مية بالمية
طب بعد شغلة صغيرة
في
حبيت انا اقولها
كمان للناس اللي عم بيسمعونا
انت عندك على الويب سايت
اشتراك
عندك محتويات مجانية
يعني ببلاش
بدون مصاري
وفيه الشخص
اللي عن جد هو مهتم
وعم بيتعلم
بطريقة جدية
يعمل اشتراك
شهري
ليقدر يحضر
كل شيء
مضبوط؟
صحيح صحيح
نحن عنا مكتبة كتير كبيرة
حاليا عنا
اكثر من ميتين و خمسة عشر فيديو
وهي الفيديوهات
جزء منها
متوفر بشكل مجاني
وجزء منها بدو اشتراك
Premium
فاذا جربوا
الفيديوهات المجانيه
اللي بيحب
الشيء اللي بيشوفه
بالمجاني
وبدو فيديوهات اكثر من نفس
الطريقه
بنفس الاسلوب
فيه يشترك
بال Premium
Premium
هو بيعطي access
على كل المكتبه
وعنا اشتراكات يعني اشتراك
السنوي والاشتراك الشهري
الاشتراك الشهري
خمسة عشر دولار
شهريا
او الاشتراك السنوي
هو مية و عشرين دولار
سنويا
وهذا بيعطي يعني access
يعني تطلع
تقريبا عشرة دولار بالشهر
على يعني لسنة كاملة
ياه
واذا
تستخدموا لينك مهى
فمهى بيطلع لها
discount
عشرين بالمية
على annual plan
هلا تذكرت هذا الشيء
ما انا بدي اوصل لهون
*رح نحط اكيد اللينك بالوصف و اللي, اي
حدا بيحب يدعم Arabic all the time ويدعم مهى
بليز استخدموا لينك
مهى in the description
بيعطي هذا خصم
عشرين بالمية على annual plan
على الاشتراك السنوي
مضبوط مضبوط
انا راح احط اللينك تحت
الفيديو
واذا بتستعملوا هذا اللينك لتشتركوا عند حسن
حسن بيستفيد
وانا كمان بستفيد
بس مش انه الهدف انا استفيد
اكيد
لا اكيد
نحن
بالعكس
بالعكس
يعني نحن نتمنى
لازم الاثنين نستفيد
لحتى نستمر
لانه بالاخير
كمان في
في نقص كثير
كثير كبير
بهذا الشيء اللي عم نعمله ما في مواد
Listening material
لمتعلمين
اللغة العربية كثير
فلحتى فينا نستمر
صح بدنا شوية دعم
اكيد يعني ليعني
هي عم تروح
على انتاج
المزيد من المحتوى
فلازم ندعم بعضنا
ونشكر كل
كل مين
فيه
يشترك ويدعمنا
وحتى اللي بيشاهدنا ومجرد
تعليق او لايك
فهذا دعم كثير اله
يعني بيعطينا دفع معنوي وتشجيع
للاستمرار
والمواصلة
بهذا الشيء اللي عم نعمله
فعلا فعلا
هذا اللي كان
بدي اقوله
هلا انه بليز
خبرونا شو رايكم
بهذا النوع من الفيديوهات
اذا بتحبوا
تحضروا بالمستقبل
فيديوهات اكثر مني
ومن حسن
هلا تعرفتوا عليه
ففينا نعمل
بعدين ما بعرف
نتحدث مع بعض لانه
اثنيناتنا لغتنا الاساسية
هي العربي
فكل شيء راح نستعمله
راح يكون كثير طبيعي وعفوي
اي شخص يعني
عربي راح يستعمل
هيدي العبارات
خبرونا اذا بتحبوا تشوفوا
فيديوهات اكثر من
هيدا النوع
و
وايه شو كمان
بتحب تقول؟
بترك الكلمة الاخيرة
لالك انت الضيف بقول
شكرا كتير الك
مهى اول شيء
شكرا لكل من تابعنا
شكرا لكل من يتعلم
اللغة العربية
ومهتم بثقافتنا
وبلغتنا اللغة العربية
لغة جميلة
والثقافة
العربية ثقافة جميلة
اهلا وسهلا فيكم
وشكرا
من القلب
لكل من بيحب يدخل
على هالعالم
انا يعني هذا اكثر شيء بيعطيني الدافع
والسعادة
انه انشر
نعطي جانب اخر
عن بلادنا
غير الجانب اللي الناس بتشوفه
بالاخبار
عن الصراعات والحروب
في كثير اشياء جميلة تستحق
غير الجانب المعروف الصورة النمطية تستحق المشاركة
وهذا احد
اكبر الدوافع النا
لحتى
نستمر وننشر هذا الشيء ونشارك
لغتنا اللي هي مفتاح
الثقافة مفتاح
الثقافة تبعنا
هي المفتاح
لانكم فيكم
تدخلوا الى هذا العالم
الجديد
اللي هو عالم
غني كثير
ومليء بالشغلات الجميلة
مو بس الشغلات اللي بتشوفوها بالاخبار
اكيد اكيد
اكيد مية بالمية
بعتقد صار في كثير ناس
هلا اصلا
مهتمة كثير
بثقافتنا
عن جد
ومستعدين
انه هن يشيلوا هذي الصورة النمطية يا اللي موجودة عندهن
و ينفتحوا اكثر او يكونوا منفتحين
ليتعرفوا اكثر على
علينا يعني او
على العرب
يعني ما بعرف
فبدي اشكرك
ميرسي كثير
حسن على هالاتصال
انبسطت كثير
حكيت معك اليوم
وان شاء الله
بتمنى
ناس اكثر
واكثر يدعموك بالمستقبل
وان شاء الله
تقدر تكفي
بهالمشروع
شكرا لالك
شكرا شكرا كتير مهى
يلا مع السلامة
ان شاء الله
بالمستقبل
نشوف بعض
و نعمل فيديوهات اكتر اكيد
مع السلامة
باي باي
