Yemeni Arabic - ضيعت جواز السفر حقي
ماجد: السلام عليكم سامي.
سامي: وعليكم السلام ماجد، كيف حالك؟
ماجد: الحمدلله، انا بخير، بس ضيعت جواز السفر حقي، والآن جالس بين ادور عليه.
سامي: لا مش معقول، متى ضيعت الجواز؟
ماجد: امس، لما وصلت البيت لاحظت انو الجواز ماكانش معي.
صدقني اتصلت بكل شخص شفته امس، حتى اني اتصلت بسواق التاكسي اللي وصلني انا وابي للبيت، بس للأسف مالاقاش الجواز.
سامي: هل اتصلت بالمطعم اللي تعشيت فيه امس؟
ماجد: رحت للمطعم بنفسي، ودورت على الجواز في كل مكان، وما في فائدة.
سامي: دورت على الجواز في الحمام؟ ممكن فلته هناك.
ماجد: الحمام كان اول محل فتشته لما دخلت المطعم.
سامي: كلمت صاحب المطعم؟
ماجد: ايوة، وقال انه ما شاف الجواز، بس قال بيكلم الموظفين يدوروا عليه.
سامي: جيد، وين كمان دورت؟
ماجد: ما دورتش في اي محل ثاني، هذه هي المحلات اللي رحتها امس.
والان ايش لازم اسوي؟
سامي: احسن شي تتصل بالشرطة وتبلغهم. ممكن احد لاقى الجواز وخلاّه عندهم.
ماجد: فكرة حلوة، خلينا بأتصل بهم الان.
سامي: ها خبر، ايش قالوا؟
ماجد: قالوا ما في اي احد جاب جواز السفر حقي لعندهم، بس قالوا لي انو لازم اروح لعندهم واعمل بلاغ في اقرب وقت ممكن.
سامي: تشتي آجي معك يا ماجد؟
ماجد: ايوة لو سمحت وكذا نقدر نتجابر بالطريق.
ماجد: وبعد ما اعمل بلاغ عند الشرطة، ايش لازم اعمل؟
سامي: اظن انو لازم تروح للقنصلية الامريكية، وتكلمهم انك ضيعت جواز السفر حقك، واطلع من عندهم جواز بدل فاقد، بس القنصلية الان مسكرة...
ماجد: طيب. تقول يقدروا يطلعوا لي جواز سفر بسرعة؟ انا لازم اسافر الاسبوع الجاي.
سامي: ممكن، انا سمعت عن ناس حصلوا على جواز سفر جديد بسرعة، ان شاء الله انت كمان تحصل عليه بسرعة.
ماجد: ان شاء الله، ايش تقول لازم آخذ معي للقنصلية؟
سامي: اعرف انو لازم تاخذ معك اي هوية رسمية، مثل رخصة السواقة الأمريكية حقك، وايضا خذ معك شهادة الميلاد حقك، وتذكرة السفر حقك.
ماجد: الحمدلله، عندي كل هذه الاشياء، ان شاء الله بكرة اروح للقنصلية.
سامي: ان شاء الله.
