Gulf Arabic - قرفة الطواري
الطبيب: شنو عدنه اليوم ؟
الممرض: دكتور الاسعاف يابت مصابين اثنين بحادث سيارة. السايق انقمى عليه وبعدين صحى.
الطبيب: وشنو نوع الاصابة مالتهم.
الممرض: عدهم جروح وكسور ورضوض. السايگ عنده جرح براسه ويای ينزف ويشتكي من صدره.
الراكب اللي معاه چتفه يعوره وهم مجروح براسه. خيطنا الجروح مالتهم.
الطبيب: چم خياط سويتولهم؟
الممرض: السايغ ثمن خياطات براسه والراكب اربع.
الطبيب: خوش سويتو لهم اشعة؟
الممرض: اي سوينا هذي حگ السايغ.
الطبيب: الظاهر عنده ضلع مكسور والباجي فيهن رضوض.
الممرض: وهاي الاشعة حگ الراكب.
الطبيب: هذا عظم الترغوة مالته مكسور، جبس له چتفه وذراعه ولا يحرك ايده ولا يشيل اي شي.
الممرض: زين نحولهم عالداخلي؟
الطبيب: لا خلهم في الطواري اربع ساعات واتصلوا باهلهم واذا حالتهم مستقرة سولهم دسجارج بعدين.
الممرض: احنا اخذنا معلومات عن تاريخهم الطبي وما عدهم اي امراض وما ياخذون اي ادوية.
الطبيبة: زين، انا راح اكتبلهم وصفة مسكنات وخلي يصرفوها من الصيدلية.
