Episode 4 - The death of Queen Elizabeth
أهل وسهل فيكن بحلقتنا الرابعة, عنوان حلقة اليوم هو: وفاة الملكة اليزابيث, ملكة بريطانيا
متل ما كلنا سمعنا من لوتس هي الحلقة بعنوان وفاة الملكة اليزابيث الثانية, ملكة بريطانيا
حلقتنا هي المرة, هي حلقة عفوية وما كنا مخططين لإلها من قبل
ولكن لأنو كل العالم حاليا مهتم بخبر وفاة الملكة اليزابيث الثانية
حبينا انو نعمل هي الحلقة يلي بنحكي فيها عن طريقة التعامل مع هيك مواقف باللهجة الشامية وكمان لنعلمكن بعض الكلمات الجديدة
لهيك, اليوم رح نحكي عن بعض الكلمات وعن بعض التعابير يلي غالبا رح تكون جديدة بالنسبة للكن
ما هيك لوتس ؟
إي أكيد, صح محمد
هدا الموضوع جديد الكن لأنو ما كتير ناس بيعرفو كيف العرب بيتعاملو مع الموت، وما بعتقد إنو في حدا شرح كيف بنتعامل مع موقف الموت باللغة العربية
وهدا الشي رح نحكي عنو اليوم
تماماا لوتس
بالفعل أنا ما سمعت حدا حاكي عن هدا الموضوع من قبل
لهيك أنا هلأ رح ابدأ بالحكي عن بعض الكلمات يلي اجت عبالي هلأ
أول و أهم كلمة هي كلمة : الموت
كلمة الموت بتعني انو النسان انتهت حياتو
بس كمان في كلمة تانية نحن بنستنخدمها باللهجة الشامية وقت بموت شخص ما وهي: الوفاة
فممكن إنكن تقولو إنو :
الكل عم يحكي عن موت الملكة اليزابيث أو
الكل عم يحكي عن وفاة الملكة اليزابيث
أما بالنسبة للشخص يلي مات فنحن بنسمي باللهجة الشامية: مًيِّتْ، او مِتْوًفّي فممكن إنكن تقولو
مين الميت ؟
وهون الجواب بكون : الميت هو الملكة اليزابيث أو طريقة تانية لنفس السؤال هي
مين المتوفي ؟
وبكون الجواب هو: المتوفي هو الملكة اليزابيث
وكمان بالنسبة للطقوس والعادات والتقاليد يلي بتنعمل بحالة الوفاة بنقول اسمها: الجنازة
يعني ممكن تقولو: كانت جنازة الملكة اليزابيث كتير كبيرة وشاركو فيها تقريبا كل البريطانيين
تماما, بالفعل يعني كل العالم اهتم بجنازة الملكة اليزابيث
كمان في شغلة تانية بالنسبة للصندوق الخشبي يلي بكون جواتو الشخص الميّت بنسمي: التابوت
لهيك فينا نقول انو: تابوت الملكة اليزابيث كان محمول بشوارع اسكتلندا اليوم
وبعدين بصير الدفن
لهيك فيكن تقولو: انو الملكة اليزابيث رح تندفن بمدينة لندن
يعني قصدك رح يكون قبر الملكة بمدينة لندن ؟
تماماً هدا قصدي بالضبط. رح يكون قبرها بمدينة لندن
طيب، تمام
بس فيكي تشرحي لو سمحت معنى كلمة قبر ؟
طبعا
طبعاً. كلمة قبر معناها : المكان يلي بيندفن فيه الشخص الميّت
يعني مكان دفن الملكة اليزابيث هو : القبر
أيوا تمام
هلأ صار معنى هي الكلمة واضح بالنسبة لمين عم يسمعنا
وهيك بنكون حكينا عن أهم الكلمات المرتبطة بحالة الموت وهن:
موت
وفاة
ميّت
متوفي
جنازة
تابوت
دفن
واخر كلمة هي قبر
وهلأ أنا رح احكيلكن بعض الجمل يلي بنستخدمها لنشارك أقارب الشخص المتوفي حزنهن
أول جملة هي : الله يرحمو
أو
الله يرحمها ( إذا بتكون عم تحكي عن مرى وهي الشخص الميت ) يعني المعنى تبع هي الجملة هي إنو نحن بندعي بالرحمة للشخص المتوفي
أما الجملة التانية يلي رح احكيلكن عنها فهي : البقية بحياتكن
أو إذا كنت عم تحكي مع زلمة واحد فبتقول: البقية بحياتك
أو إذا كنت عم تحكي مع مرة فبتقول: البقية بحياتك
وهون نحن بنتمنى انو قرايبين الشخص المتوفي يعيشو عمر طويل
وكمان لا تنسى يا محمد في جملة تانية الها نفس المعنى بالضبط: العمر الكن
بتقدر تقول العمر إلك لو كنت عم تحكي مع رجال
أو العمر إلك لو عم تحكي مع مرى
والجملة الأخيرة يلي رح نحكيلكن اياها هي: الله يصبركن ويكون معكن
وهون نحن بنطلب من الله انو يعطي الصبر لاهل المتوفي ويساعدهن ويكون معهن
تماماً
وهيك بنكون نحن وصلنا لنهاية حلقتنا اليوم
وهي هي المعلومات يلي حبينا نشاركها معكن
وبنتمنى انكن استفدتو منها
وان شاء ال تضلو كلكن بخير وسلمة
والله يحمي حبابكن
وانتظرونا بحلقة جديدة
