Episode 2 - Don't care about your Arabic mistakes
أهلا وسهلا فيكن بالحلقة التانية معي أنا ومحمد, وهي الحلقة بعنوان لا تهتم بأخطائك.
متلا ما سمعتو منا لوتس انوا عنوان حلقتنا هي المرة هو لا تهتم بأخطائك.
كلنا بنتعلم من الخطاء يلي بنعملها وقت بنكون عم نتعلم أي شي جديد وبما إنو هدا الموضوع كتير مهم بغض النظر عن الشي يلي انت عم تتعلمو أو اللغة يلي انت عم تتعلمها وكمان هو موضوع مهم بغض النظر عن مستواك بهي اللغة يلي عم تتعلمها.
ولكن كلن بنسمع كتير من الجمل التشجيعية والتحفيزية وأنا متأكد أنو لوتس من الشخاص يلي سمعت هي الجمل.
لهيك خلونا نشوفها إذا بتتذكر شو هي الجمل.
أكيد أنا بتذكر من هي الجمل كتير, بس أول وحدة بتذكرها هي : الصبر مفتاح الفرج.
وتاني وحدة إنو يلي ما بيفشل ما بيتعلم.
بس الحكي أسهل من الفعل.
تماما أنا بتفق مع لوتس إنو الكلام أسهل من الفعل.
وكمان أنا سمعت هي الجمل التحفيزية من قبل.
لهيك رحا نعطيكن مجموعة من النصائح العملية يلي فيكن تطبقوها بسهولة.
ولكن خلونا هلق نحكيلكن عن تجاربنا الشخصية بتعلم اللغات.
بالنسبة للي فأنا بلشت بتعلم اللغة النكليزية بالمدرسة لمدة 12 سنة يعني من الصف الأول للبكالوريا ومع هيك كان في عندي ضعف كتير كبير باللغة النكليزية.
وبعد دخولي للجامعة لحظت أهمية اللغة النكليزية وقررت إني اتعلمها بشكل صحيح.
وهيك بلشت بتطوير اللغة النكليزية عندي عن طريق كتير طريقة.
وبلشت بمجموعة من الطرق التقليدية يلي بعتقد كتير منكن جربه.
متل دراسة خمس كلمات من القاموس يوميا وبعدين حفظ هي الكلمات ومراجعتهاا بين فترة والتانية.
أوا قراءة قصص مكتوبة باللغتين العربية والنكليزية.
ولكن حتى كون صريح معكن هي اللطرق كلها ما كانت مفيدة.
وكانت متل قلتها.
وكنت حاسس حالي مكانك راوح.
بعدها بلشت بالتعلم عن طريق الفلام, المسلسلت, بودكاست, يوتيوب.
وهي الطريقة كتير فادتني وساعدتني لحتى حسن أخطائي وصلح أخطائي وطور اللكنة أو اللهجة يلي عندي.
لهيك بحب قلكن أنو الخطاء هي أفضل معلم.
وإنت لوتس كيف كانت تجربتك مع تعلم اللغة النكليزية ؟
أنا تعلمت انكلش من لما كان عمري خمس سنين بس مع هيك ما كنت بحكي منيح.
متل ما حكى محمد, المدرسة لحالها ما بتكفي.
ما كان عندي الجرأة إني احكي مع أجانب أبدا, بس بعدين قررت اكسر حاجز الخوف.
وصرت احكي مع ناس من كل أنحاء العالم ولما يحكولي إنو إنتي بتحكي منيح, أنا تشجعت.
وصرت اتعلم مصطلحات وأمثال شعبية لحتى احكي إنكليزي متل العربي بالضبط يعني متل لغتي الأم.
أكتر شي بقدر قول إنو ساعدني هو الفلام والأغاني والميمزز
ولحد هلق أنا بتعلم شي جديد كل يوام.
بطلت خاف إني اأغلط واتأكدت إنو نحن ما بنتعلم إل من أخطائنا.
تماما متل ما حكتا لوتس, نحن ما بنتعلم إل من أخطائنا وفيكن تلحظو إنو تجربتي أنا ولوتس كتير متشابهين.
نحن التنين تعلمنا الغة النكليزية بشكل شخصي وكانت الستفادة من التعلم خلل فترة المدرسة كتير قليلة.
لهيك خلينا نبدأ بالنصيحة الولى, هي النصيحة بتقول إنو إنت لازام تحاول تتعلم اللغة مع أشخاص تانين هنن كمان عم يحاولو يتعلموها.
يعني بتكون كلكن بمرحلة التعلم يعني بالمرحلة يلي كلكن رح تعملو فيها أخطاء.
وهيك رحا يخف التوتر من ارتكاب الخطاء.
وبالفعل بلشت باستخدام تطبيقات التبادل اللغوي متل hellotalk, lingbe.
وبهي الطريقة تعرفت ع ناس كتير عم يحاولو يتعلمو اللغة النكليزية وبلشنا نساعد بعضنا البعض وا نتعلم من أخطائنا.
وهي هي النصيحة الولى بعنوان إنك تتعلم مع أشخاص تانين.
هلق خلونا نسمع نصيحة لوتس.
النصيحة التانية أنا برأيي هي السفر.
السفر كتير مهم لنو لما تسافر عالدولة يلي عم تتعلم لغتها, مارح تتعلم بس اللغة, رح تتعلم ثقافة اللغة كمان وهدا شي كتير مفيد.
وأنا متأكدة إنو رح تستغل الفرصة لتحكي بهي اللغة مع السكان ولتسمع اللهجة بشكل صح.
بس حاسة إنو محمد عندو تعليق ع كلمي, شو رأيك بنصيحتي هي يا محمد؟
نصيحتك كتير حلوة وبالفعل أنا شخصيا حكيت مع ناس كتيرة هن كانو عم يتعلمو اللغة العربية, لهيك سافرو على دول عربية لحتى يحسنو لغتهن أكتر وأكتر.
ولكن من وجهة نظري إنو هدا المر بيختلف من شخص لتاني حسب إمكانياتو المادية.
وحسب قدرتو على السفر وتحمل تكاليفو المادية.
وهي هي وجهة نظري بالنسبة لنصيحة السفر, وإنت شو بتنصحينا كمان يا لوتس أغير شغلة السفر ؟
عندي نصيحة كتير مهمة.
وهي إنو نفكر ونحكي مع حالنا باللغة يلي عم نتعلمها.
أنا لما كنت بدي احكي انكلش منيح كنت احكي مع حالي, لنو ما كنت اخجل أو ما كنت خاف إني اأغلط وأنا عما احكي مع حالي.
وهدا الشي كتير ساعدني.
ولحد هلق أنا بستخدم هي النصيحة وبفكر باللغة يلي عم بتعلمها.
كل كلمة ما كنت اعرف احكيها, كنت ترجمها دأغري وارجع كمل تفكير.
ممكن آخر اليوم تذكرو حالكن كيف كان يومكن, أو شو عملتو, أو ممكن تخططو لبكر.
وهي كانت نصائحنا للكن, لهيك بنتمنى منكن إنكن تجربوها وتخبرونا بنتائج هي النصائح معكن.
