Episode 1 Introduction

متل ما بنقول باللهجة السورية : أهل وسهل فيكن

أهل وسهل بكل مين عم يسمعنا وين ما كان و كيف ما كان

بهي الحلقة رح نعرفكن عالبودكاست تبعنا شوي

وكمان رح نحكي عن حالنا, لتعرفو مين عم تسمعو

من اسم البودكاست فيكن تعرفو انو هدا البودكاست بساعدكن على تعلم اللغة العربية الفصحى واللهجة الشامية من ولاد اللغة

بكل حلقة رح تسمعو محادثة بين شخصين عم يحكو عن مواضيع مختلفة إما باللهجة الشامية او بالفصحى

وهي المواضيع رح تشاركونا فيها كمان ورح نناقش كتير من المواضيع بناء على اقتراحاتكن وأفكاركن لحتى يكون الحديث ممتع, مفيد وبجاوب على أسئلتكن

وأهم شي إنكن رح تحكو عربي متل لغتكن الأم من دون أي مشاكل أو صعوبات وهاد هو هدفنا الساسي

والشخص يلي عم يحكي معكن هلق هو محمد جنيد , شب من سوريا عايش بمدينة دمشق طول حياتو وحاليا طالب طب بجامعة دمشق وعلى بواب التخرج

وأنا لوتس رسلن صديقتكن من سوريا وعايشة هلق بمدينة حلب وكمان انا بدرس بجامعة حلب هندسة أغذية ونحن التنين رح نكون معكن بهدا البودكاست