عيلة ليلى
أنا اسمي ليلى. عمري خمسة وعشرين سنة. أنا مدرسة لغة انجليزية للمرحلة الابتدائية. تخرجت من الجامعة الأردنية. أنا ساكنة مع جوزي وأولادي في الجبيهة في مدينة عمان في الاردن.
كل يوم بنقوم الساعة ستة الصبح. بحضر الفطور وبل بس الولاد وبنودي الولاد عند أهلي وبعدين بنروح أنا وجوزي على الشغل.
نحنا عيلة كبيرة. عندي اربع اخوات وخمس اخوة. سيدي وستي ساكنين مع أهلي في نفس البيت عشان أبوي أكبر واحد في اخوته.
سيدي كان شوفير تكسي بس هلا بشتغلش لانو ختيار. ابوي بشتغل حارس في البنك العربي في عمان. امي بتشتغلش لانها ربة بيت.
اختي الكبيرة حنان طبيبة اطفال في مستشفى الجامعة الاردنية. هي كمان متجوزة وساكنة مع جوزها وولادها في منطفة عبدون في عمان. هادي منطقة غالية اكتير وفيها بيوت اكتير كبيرة وغالية.
اخوي الكبير فادي بشتغل ميكانيكي سيارات عند عمي نبيل. عمتي سعاد بتشتغل خياطة في مصنع. وساكنة هي وجوزها وولادها في جبل الحسين.
وخالي ايمن أستاذ في جامعة عمان الأهلية. اختي الصغيرة طالبة في مدرسة الأمل الثانوية . واخوي الصغير زابط شرطة.
كل يوم أحد بنجتمع كلنا في بيت أهلي وبنتغدا مع بعض وبنقضي وقت حلو مع العيلة والولاد.
