التعرف عالاوضاع بالجامعة
تعريف الطلاب الجدد عالوضع بالجامعة الاردنية. ورح يكون عبارة عن اسئلة واجوبة للطلاب اللي بحكوا اللغة العربية ومقدمين طلب يدرسوا.
وين بتقع الجامعة وكيف شكلها؟
الجامعة حلوة كثير بتقع ابمنطقة جبلية اسمها الجبيهة، هواها نقي، لما بتصل الجامعة اول ما بجذب نظرك بوابة الجامعة وهندستها الجميلة، بتمتاز الجامعة ببناياتها الجديدة وشوارعها الواسعة وكثرة اشجار الصنوبر.
وين بعيشوا الطلاب؟
مع انو في الجامعة ثمانية وثلاثين الف طالب، بس الطلاب اللي بسكنوا في منازل الجامعة عددهم تسعمية طالب بالجامعة ست منازل، ثلاث منازل للطالبات العربيات ومنزل راقي للطالبات الاجنبيات ومنزلين للطلاب. وهذول المنازل في اماكن مختلفة.
كل منزل بسع مية وخمسين طالب، معظم الطلاب بعيشوا خارج الجامعة، يااما بستأجروا شقة مع طالب ثاني او طالبين يااما بعيشوا مع اهاليهم او قرايبهم
كيف شكل منزل الطلاب؟
كل غرفة بسكن فيها طالبين، وفيها خزانتين، ودسكين ورفين كتب، وبرضو فيها انترنت وتدفئة في الشتا ومكيف هوا في الصيف، وموجود عاكل طابق حمامات ومطبخ وغرفة غسيل وغرفة دراسة.
وين ممكن الواحد يوكل وجبة خفيفة؟
في سبعتعشر محل للوجبات الخفيفة، وبرضو موجود كافتيريا لكل طلاب الجامعة وبتقدم وجبات سخنة مغذية وشهية بسعر رخيص.
وموجود برضو سوبرماركت للطلاب اللي بحبوا يشتروا فواكه وخضار وطعام حتى يطبخوا.
شو عن المواصلات جوة الجامعة وخارجها؟
في الجامعة باصات زغيرة وابلاش والطلاب ما بدفع ابدا، وممكن يستعمل هاي الباصات يتنقل داخل الجامعة وكثير من الطلاب بستخدموا بوسكليتات للتنقل بالجامعة. وممكن يستعمل هاي الباصات يتنقل داخل الجامعة وكثير من الطلاب بستخدموا بوسكليتات للتنقل بالجامعة.
اما بالنسبة للسفر من الجامعة لوسط البلد وبالعكس، احسن وسيلة مواصلات هي باصات الجامعة لأنها مريحة ورخيصة، وكل نص ساعة بتحرك باص من موقف الباصات وبروح لوسط البلد.
وجدول الباصات من الساعة ستة الصبح حتى احدعش المسا. وبرضو ممكن الطالب إذا كان مستعجل يوخذ تكسي اجرة بس بكون اغلى كثير من الباص.
