لسا مالقيتش شغل
لينا: نادية. من زمان ما شفتك؛ كيف حالك؟
نادية: انا منيحة؛ وانت كيفك؟
لينا: انا مبسوطة؛ شو بتسوي هالأيام؟
نادية: انا لسا بدور عاشغل؛ من يوم ما تخرجت من الجامعة قبل سنة ونص ولحد هلا مالقيتش شغل.
لينا: صحيح؟ متأسفة اللي اسمع هذاء الوضع الاقتصادي شو سيع نسبة العاطلين عن العمل ارتفعت لثلاثة وثلاثين بالمية.
نادية: ايوة بعرف؛ وهذا بخليني اشعر بكآبة؛ حتى كثير من الشركات عمالهم بطلعوا الموظفين من اشغالهم.
لينا: عالاقل انت بتعيشي مع اهلك وهم حالتهم
نادية: ايوة؛ وانا ممنونة لها الاشي؛ بس انا زهقانة كثير وخايفة انسى كل المهارات اللي تعلمتها بالجامعة.
لينا: انت درست محاسبة؛ مش المحاسبين عليهم طلب كثير؟
نادية: ايوة؛. درست محاسبة عشان الطلب عليه كثير؛ وانا بالتوجيهي المرشد قالنا انو اللي بدرس محاسبة رح يلاقي شغل بسرعة. وبعد ماخلصت الجامعة. فكرت انو رح الاقي فرص عمل كثيرة وبقدر اختار اي شغل بدي اياه. شو كنت هبلة!
لينا: بس انت معاك ماجستير وبتحكي ثلث لغات بطلاقة؛ وتخرجت بدحة شرف؛ ليش مالقتيش شغل لحد هلا؟
نادية: عشان ماعنديش خبرة. انا اكتشفت هلا قديش الخبرة مهمة كثير. مرة اجتني فرصة اشتغل وانا لسة بدرس بالجامعة بس ماستغليتش هاي الفرصة وفضلت اركز عدراستي؛ قديش انا ندمانة.
لينا: لازم تقوليلهم يوظفوكي عشان يصير عندك خبرة.
نادية: بتعرفي هاي فكرة منيحة؛ المرة الجاي رح اسوي هيك.
لينا: ذكرتيني؛ عمي مدير البنك الاهلي؛ بقدر احكيلو اشياء كويسة عنك حتى تشتغلي عندو. نادية: يا ريت؛ يا لينا
لينا: واذا كان ماعندش وظيفة شاغرة بقدر اسألو يوصي عليك لبنوكة ثانية بدهم موظفين.
نادية: انا ممنونة كثير الك يا لينا
لينا: عمرك عملت مقابلة؟
نادية: ايوة. بس بصير منرفزة بالمقابلة.
لينا: اسمعي يا نادية؛ قبل ما تروحي عاي مقابلة اتصلي في؛ وانا رح اعطيك شوية نصايح حتى يكون عندك ثقة بنفسك.
نادية: شكرا كثير الك رح اسوي هيك.
لينا: العفو، وانشالله بتلاقي شغل
