دير بالك على صحتك
الدكتورة: مرحبا يا رامي. كيف صرت اليوم؟
رامي: لسا زي ما أنا. لسا صدري بوجعني وبسعل ومرات مش قادر آخذ نفسي.
الدكتورة: ما هادا هو سبب زيارتك اليوم عشان احكي معك عن نتيجة تحاليل المختبر اللي عملنالك اياها للفحص الطبي وبصراحة انا قلقانة عصحتك.
رامي: خير يا دكتورة شو مالي؟
الدكتورة: وزنك عالي كتير. لازم اتنزل وزنك والا رح يصير عندك مضاعفات كتيرة متل ارتفاع ضغط الدم.
رامي: ليش انا ضغطي مرتفع؟
الدكتورة: اه. ضغطك عالي. مية وخمسين على مية وعشرة. ومع انو فحص الدم بين انو فش عندك سكري وهادا اشي منيح بنصحك تئلل من الحلويات.
رامي: طيب.
الدكتورة: عشان اتنزل وزنك بنصحك تعمل هيك:
- اتعود توكل سلطة نبل الوجبة الرئيسية وهيك بتجنب توكل اكتر مما لازم.
- ائلل الدهون وكمان النشويات متل الرز والبطاطا والخبز عشان هادي الاشياء بتنصح كتير.
- كل خمس وجبات زغيرة في اليوم ومن الافضل انها تحتوي على كتير من الفواكه والخضرة.
- حط كميات ئليلة من الاكل واستعمل صحن زغير ووئف الاكل اول ما تحس انك شبعان.
- اشرب سوائل كتير خاصة مية. وبنصحك تشرب مية نبل كل وجبة وابتعد عن الكولا والمشروبات الغازية نهائيا.
رامي: طيب يا دكتورة. رح احاول اد ما بندر.
الدكتورة: اكتر اشي انا قلقانة عليه هو انو صورة الأشعة بينت انو عندك التهاب في الشعب. لازم اتبطل التدخين فوراً.
رامي: التدخين. شو بدي اقولك؟
الدكتورة: التدخين بضر بصحتك وممكن يسبب أمراض متل ضيق النفس والسعلة وسرطان الطم والمريء والرئتين.
رامي: والله يا دكتورة انا بدي اونف الدخان بس المشكلة انو بس اروح على النهوة عشان اتسلى كل صحابي بدخنو. كل يوم العصر بجتمع مع اصحابي وبنلعب شدة. وكل ما احاول ابطل بعزموا علي سجايرء مابقدرش اقاوم؛ بوخذ سيجارة وبصير ادخن.
الدكتورة: عندي اكمن نصيحة بتساعدك على ترك التدخين:
- فكر بصحتك وبعيلتك. عشان تعيش فترة اطول وتشوف اولاد اولادك.
- هيئ حالك نفسيا وعقلياً عشان تونف الدخان.
- اشغل نفسك باي هواية مثلاً اشتغل بالبستان او انضي ونت مع احفادك.
- اتخلص من باكتات السجاير والمتكات والكبريت.
رامي: انشالله يا دكتورة. رح اتبع تعليماتك.
الدكتورة: وكمان بنصحك تعمل تمارين رياضية على الائل مرتين في الاسبوع عشان اضل صحتك منيحة بصورة عامة.
رامي: طيب يا دكتورة.
الدكتورة: منيح وسلامتك. كمل الدوا اللي اعطيتك اياه وراجعني بعد شهرين. مع السلامة.
رامي: مع السلامة
