Stability and Economic Growth

أنا مصري، طبعا أنا درست في المدرسة الجزويت، درست جزويت بال “The College of the Holy Family” ولغاية ثانويه عامة بتبقئا عندنا، وبعد كه طبعا رحت الجامعة الأمريكية، ودرست mass communication وطبعا الدراسة كلها بالإنجليزي، في الجزويت الدراسة كلها طبعا عندنا اللغة الأولى الفرنساوي، فبالتالي أنا بتكلم فرنساوي وبتكلم انجليزي. فبعد ما اتخرجت من الجامعة الأمريكية، واشتغلت شويه في السياحة، يعني السياحة برضوا شغل الواحد بيبقى شاب عايز يتعرف على ناس، عايز يعمل فلوس أسرع، بيتعرف على بنات جديده. وطبعا ما بعد كده، اشتغلت مع والدي، باباي يعني، بابا عندو مكتبه، مكتبه قديمه وشويه مشهورة، اسمها مكتبة شواربي، فضطريت اشتغل معاه بالشغلانه دي. بنوزع ادوات كتابيه، بنشتغل مع البنوك، مع الشركات، السفرات، سفارة فرنسا، سفارة امريكا، سفارة المانيا. يعني اهو الشغل كده، وبنجيب شوية حاجات بنستوردها من بره، بناخذ شغلانه هنا. يعني الماركت كويس والشغل تجاره، في مصر يعني.

الصوت: آيه رأيك في الإقتصاد بمصر دلوقتي؟

الرجل: والله الإقتصاد بمصر بتهيألي هو booming يعني. يعني عندنا مشاريع كتر بتتفتح، عندنا الوزارة الحالية برضوا متفتحة، بتفتج آفاق كثيرة، بتحاول تساعد الشركات الأجنبية أو تشدها بطرق يعني متقدمة شوية أنها بتسهلها الأمور غير الأول، عشان بتلاقي عندنا في شركات أجنبية فتحت كثير في الوقت الحالي، في انفتاح، تلاقي عندنا سعر العملات ثابت، أو ممكن يكون نازل. عندنا سعر الدولار مثلا ثابت بقالوا سبع سنين ثمن سنين، بعد ما كانوا عوموه. اليروم بالمثل. يعني العملات الأجنبية في ثبات، فدا بيدل إني الإقتصاد تبعنا في نمو يعني.