Naguib Mahfouz

ن: النهارده عايزة أكلمكو على الأدب المصري والأدب العربي، بس خصوصا الأدب المصري. وطبعا مش ممكن نتكلم عن الأدب المصري من غير مانذكر إسم الكاتب المرحوم نجيب محفوظ. هو نجيب محفوط بالنسبة لي أحسن كاتب عربي وحشرحلكو دي الوقتي ليه بحبه الأسباب والحاجات دي. فأول حاجة عايزة أقول أنه هو.... اهم... حائز على جائزة نوبل للأدب. وبرضو هو أول كاتب عربي، أو أول كاتب بيكتب باللغة..اه..اللغة العربية الي حاز على جايزة نوبل للأدب. وده من مثلا عشرين سنة في ألف وتسعماية و ثمانية و ثمانين متهيألي. فطبعا دي حاجة جامدة قوي ولازم.. اه... نشكر شغله وعمله. عايزة أقول برضه أن هو كان مصري وبيحب مصربطريقة مافيش حد بيحب مصر زيه. ماكانش بس بيتكلم على حبه لمصر كان بيعيش حبه لمصر. وفي فرق بين الاثنين، في ناس كثير ... بيتكلموا: آه أنا بحب مصر وأنا فخور إن أنا مصري وكله للوطن وكل الكلام ده بس في ناس قلييلين جدا بيعيشوا الحب ده في حياتهم. فهو كان واحد من دول. وكان معظم الوقت كمان بيقعد في قهوة، في خان الخليلي في مصر القديمة، كان بيقعد في قهوة معروفة اسمها قهوة الفيشاوي. وكان بيحب يقعد في وسط البلد أو في مصر القديمة.اهه...في القهوة يسمع اللي بيحصل حواليه و يكتب عن الموضوع ده.