Famous Contemporary Singers

موسيقى الأغاني المشهورة و الكلمات بتاعتها يعني كلمات خفيفة وبسيطة جدا وسهلة وكمان ليها معنى وهدف. بتحسي إن إلي بغنيها بيغنيها بهدف، وكمان الصوت، صوت المغني، صوت كويس، مش صوت أي كلام يعني. عمرو دياب ليه أغاني حلوة خالص ومشهورة ومتصورة تصوير كويس، متصورة في مصر تقريبا و متصوره بره مصر. متصوره تصوير كويس. في أغاني تانيه مثلا زي إيهاب توفيق، وشيرين، بتغني أغاني مثلاً، بتبقى أغاني سريعة، يعني ال rhythm بتاعها سريعـ واحيانا بتبقى أغاني slow هادية زي الأغاني الرومانسية. يعني على حسب كلمات الأغنية، لو كلمات الأغنية في أحيانا بتبقى كلمات الأغنية كلمات رومانسة جدا وقصه رومانسية فبيبقى اللحن مناسب لها. وأحيانا بتبقى أغنية شبابية سريعة. يعني مستخدمة خبط كتير وصوت كتير ورزع كتير. في مغني مشهور خالص في مصر، بيحبوه وهو مش مصري أصلاً، كاظم، كاظم الساهر. يعني مشهور في مصر خالص وهو كمان بيحب مصر، لأنو بيغني شعر، ويهني هو وتنين تلاته تانين هم إلي بيغنوا أشعار. وأشهر الأغاني هي أشهار لشاعر سوري مشهور إسمه نزار قباني. فيعني الأغاني بتاعتوا رومانسية جدا وفيها معاني كبيرة وطبعا هو مستخدم كلمات وألحان كويسه خالص.