Enjoying Classical Egyptian Music
اشهر المغنيين الكلاسيكيين هي أم كلثوم، ونقول في مصر عنها، أو يسمونها الناس كوكب الشرق، لها صوت جميل ورائع، صوت بلوري، يعني صوت قوي. لدرجة مرة كانت بتغني على المسرح ومكانتش مستخدمة الميكروفون. يعني صوتها قوي من غير ما تستخدم أي نوع من أنواع التكنولوجيا الحديثة. أغانيها، ليها أغاني مشهورة خالص أسمها أغنية...أغنية آيه يا ربي؟...أمل حياتي، ليها أغنية أمل حياتي، أغنية مصر التي في خاطري، الأطلال، غذاً القاك، رجعوني عينيك،...ليها أشهر الأغاني. من ايضا أشهر المغنيين الكلاسيكيين عبد الحليم. عبد الحليم يعتبر يعني...الشباب بيحبوه جداً، مجانيني بعبد الحليم، بيحبوا عبد الحليم خالص عشان هو كان بيغني أغاني رومانسية، وإلي هيَّ اغاني حلوه خالص: "أسمر يا اسمراني من قساك عليَّ". أغنية...مش فاكره...أعرف أغنيها لكن معرفش...مكن أغنيها. وعبد الوهاب، محمد عبد الوهاب. عبد الوهاب ليه أغاني مشهورة ولكن هو مشهور أكتر بالألحان، الألحان بتاعتوا. يعني ليه لحن جميل أسمه النهر الخالد، وصوته جميل ورائع يعني. من أشهر أيضا المغنيين فريد الأطرش. فريد هو مش مصري، لكن جيه مصر وغنى في مصر وغنى باللهجة المصرية. هو أصله سوري تقريبا. ولكن حب مصر يعني، وعاش فيها كتير، وأسمهان أخته مغنية أيضا كانت مشهورة خالص أيام أم كلثوم. بالنسبة لي من المغنيين الكلاسيكيين، من المغنيين الكلاسيكيين أنا بحب أم كلثوم وعبد الحليم وبعض الأغاني لفريد الأطرش. بس أنا بحب أم كلثوم أكتر، بحبلها "غدا ألقاك"، بحبلها "أمل حياتي"، بحبلها "رجعولي عينيك لأيامي إلي راحوا، علموني أندم على الماضي وجراحوا." أغنيه جميله ليها، طويله. مشهورة أم كلثوم...نارد جدا تلاقي الشباب بحبوا أم كلثوم، لأن الأغاني بتاعتها طويله أوي. لكن لم تقعدي كده مسترخية، لازم تسمعي مين، لازم تسمعي أم كلثوم.
