Egyptian and Non-Egyptian Artists

أشهر المغنيين في مصر ممكن ميكونوش مصريين أصلاً. يعني نانسي عجرمن يعنيمغنية مشهورة جداً في مصر والمصريين بيحبوها خالص وهي مش مصريه. بس بتحب مصري يعني وبتغني لمصر كثير. في وائل كفوري من لبنان، برضوا المصريين بيحبوا وهو كمان بيغني في مصر. وإليسا من لبنان، وبتغني باللهجة المصرية. اللهجة المصرية مشهورة جداً في الأغاني. لأن خفيفة جدا وسهلة خالص، وزي ما بقولوا لهجة موسيقية يعني ممكن تمشي مع أي لحن يعني. يعني لو عندك لحن كويس ممكن اللهجة المصرية تخلي الأغنية بتاعتك مشهورة خالص. لكن في عندنا مغنيين مصريين مغنيين برضوا مشهورين أوي والناس بتحبهم. زي عمرو دياب، وإيهاب توفيق، ومحمد منير. محمد منير مجموعة من الشباب كتير أوي بحبوه. من تاني من المغنيات؟ في آمال، آمال وهبي او أمل وهبي. في مغنيين تاني...في هشام عباس، أنا بحاول أفتكر، في عندنا كتير مغنيين الشباب بيحبوهم أوي. انتشرت دلوقتي. مصطفى قمر، مصطفى قمر، محمد فؤاد، مجموعة كبيرة خالص من الشباب بتحبو، وبتحب الأغاني بتاعتوا وبتخب الفيديو كليبس بتاعتو.