حياة عيلتنا: تحدي الموبايل- الجزء الثاني - YouTube
بعد عشر دقائق بالزبط بتطفي تحت الطبخة
سند تعال خد اخوك وسكر الباب وراي
ديربالك على سامر
شو هذه الريحة
يييي الطبخة الطبخة
سند وين سامر؟
سامر!! ما بعرف
شو يعني ما بتعرف !!!
شو اللي عم بصير!
التيتا والجدو جايين يشوفوكم
وانتو كل واحد راسه براس هالموبايل!
انا مبارح قلتلكم انه اليوم ما في باص بعد النشاط
وانكم لازم تيجوا توخدوني
امتى ؟؟ ما قولتيلنا؟
شكله انتو كمان لما يكون الموبايل بايدكم ما بتسمعونا!
طيب
شو رأيكم نعمل تحدي
مين بقدر يستغني عن موبايله ٣ ايام
واللي بفوز يطلب شو ما بده!
موافقة
وانا كمان
وانا قد التحدي
الكل يتراجع
الصندوق ما رح يفتح
والموبايلات رح تضل جواته
بابا زهقنا شو نعمل
طب مع مين نحكي احنا هلأ
وين نروح
هلا صار الوقت متأخر
الكل يروح ينام والصباح رباح
اه ام سند في اشي
لا لا ما في إشي بس كنت بدي اقولك شو
رأيك نطلع مشوار اليوم الولاد كثير زهقانين
اوكيه ماشي سلام سلام
ماما انا طالعة ادرس عند رنا
اوكيه ماما ما تتأخري
بالنسبة للانستا
ام كريم منزلة صورة لابنها فايز بمسابقة
ألف مبروك
والشيف دعد منزلة وصفة جديدة لكيكة النسكافية
ييي لازم أجيبها
وعندك ابو سند عامل بوست
عن ازكى خمس محلات شاورما بالبلد
شاورما!!! طيب يا عصام
رهيبة
بس اوعك تنزليها
اكيد اكيد
بدي أفوز بالتحدي
اعطيني اشوف شو راح علي بسرعة
بعد شوي بدنا نطلع مشوار
على اساس انه انا زهقانة بدون موبايلي هههه
شو يا ولاد كيف اول يوم بدون موبايلات
رائع صح؟
رائع جدا
وخاصة انه احنا متسلين كثير
انا بالنسبة الي بقدر اضل هيك شهر
اكيد اكيد
خاصة بعد الرقصة الي على التشيك تشوك
رقصة شو
الرقصة اللي عملتيها مع رنا
لما كنتوا تدرسوا
وانت شو عرفك؟
يزن قلي
بس يزن كان عند بيت جدو
اه قصدك عرفت من هون
يا عيب الشوم عليك يا سند
هيك الترباية
هيك الاخلاق
هيك الاتفاق
ما قدرت تصمد يوم
صح مش هيك الاتفاق
وخاصة انه احنا بنكتب بوستات عن الشاورما
ولا شو يا عصام
وانت شو عرفك؟
ام انصاف كل يوم بتبعتلي ورقة فيها اخر الاخبار
عشان اضل على تواصل يعني
اذا حسب النتيجة سند اوت سالي اوت وعصام اوت
ومين اللي فاز .... انااااااا
اذا بدك الصحيح وانت كمان آوت
يعني خلص ماما خلصونا من هالتحدي
خلونا نرجع لحياتنا الطبيعية
بنرجع بس على شرط
انه بكرا كمان يكون بدون موبايلات
بس بطريقتي
لاااااااا
سالي ذوقيلي اياه ماما
ممتاز
هيك صح؟
مية بالمية
يلا ضل علينا الحلو
شيش بيش، وهي اكلة
جدو
مش معقول اديش شاطر باللعب
بس بعد الغدا انا رح افرجيك
اديش انا شاطر بالقدم
انت وابوك بتلعب وانا بس بشجع ههههه
تيتا
بتقدري تحكيلي كيف بتنعمل كيكة الليمون
كثير جعبالي اجربها
طبعا ورح اقوم اعملها معك
وانا كمان
يييي هذا سامر بحكي
برافو تيتا برافو
يلا وانت كمان معانا
انا بحكي من زمااان بس ما حدا بسمعني
مش هلقد طحين يا تيتا
شو احنا بدنا نعمل خبز ولا كيك
ههههه
انا لما كنت قدك يا تيتا كنت احب الخبيز كثير
ما انا زمان كان عندي محل حلويات صغير
هيك على قدي مكن مكن
ييي عن جد تيتا
اول مرة بعرف
وانا بحب اعمل كيك كمان
كلنا بنعرف انه الموبايلات مهمة
وما بنقدر نستغني عنها
بس كمان اذا بنبالغ بالوقت
اللي بنقضيه على الشاشات
بتحرمنا من أشياء تانية كثير مهمة
وكتير حلوة
عشان هيك
قررنا انه نحط شوية قوانين
لوقتنا كعيلة عالموبايل والشاشات
مثلا ما في موبايلات على الطاولة وقت الاكل
ولا وقت الزيارات ولا لما يكون عنا ناس
ولا تلفونات شغل
صح
واتفقنا انه ما في موبايلات وقت الدراسة
وكمان قبل النوم بساعة
والموبايل ما بضل جنب التخت بالليل
وما تنسوا كمان انه احنا كأهل
واجبنا انه نملي وقت اولادنا بنشاطات تانية
مفيدة ومسلية
ومش غلط كمان تجربوا التحدي اللي جربناه
وتقولولنا شو النتيجة
