حياة عيلتنا: مين حابسين بالبيت؟ - YouTube
شووووط
حلوة
بس مش علي
جننونا طاخ طيخ
طاخ طيخ
امتى بدهم يكبروا
يلا دورك يا دوراندو
سند شو عملت
الله ستر ما انكسر اشي عند ام انصاف كان رحنا فيها
هلأ كيف بدنا نجيب الطابة
شفت اللي شفته
حراااااامييييي
ماما طول بالك
ممكن تكون وحدة من بناتهم
لا ماما كان الخيال كبير
صح يزن
صح وبعدين ليش تخبى
يمكن ما بدها تشوفوها
اصلا ليش يرميلكم الطابة اذا كان جد حرامي
لا هذا مسلسلات الأكشن عامل عمايله معكم
هههه
اهلين يابا كيفك
يابا
ما في داعي لعزومة ابو يزن
وبعدين
رجعنا نحكي بنفس الموضوع
يابا شو فيها انت ساعدته وهو حابب يشكرك
يابا اولا انا ما عملت اشي
اعطيته رقم الشب المكانيكي اللي بتعامل معه
وبعدين امك معزومة عند جاراتها
يابا ابو يزن حابب من زمان يعزمكم عنده
واجته فرصة
وبما انه الوالدة مش طابخة اذا خلص انا جاي اخدك
حضر حالك
سلام
قلتلكم قلتلكم في اشي غريب ببيت ام انصاف
طيب تعال خلينا نرن الجرس ونشوف
شفتوا؟
مافي حدا
شو عم بتعملي عندك
انا مش الف مرة قلتلك ما تطلعي من غرفتك
انت ليش ما بتردي
سوري مش عارفة انكم هون
ما تآخزيني ام سند هذه حماتي
حاطيتلها كل شئ بغرفتها مش ناقص عليها اي شي
وقلتلها ما تفتحي الباب وتحكي مع الناس
عشان ما بدي اتعبها
عمو
شكلو الاكل ما عجبك ممكن اعملك اشي ثاني
لا لا ابدا عمو
شكله بشهي بس انا شبعان شكلي متقل على الفطور
مدايق شوي من معدتي
عن اذنكم
شكرا شكرا كثير يا جماعة
بنحب تشرفونا الجمعة
يعني هيك بدك ترد العزومة على السريع
لا لا لا ما بدنا انتعب الحجة
ولا يمكن الا تيجوا
خلص خلص يا جماعة طولوا بالكم
ههه
الكل بتفضل عنا يوم الجمعة
زمان ما اتجمعنا وبنعزم الجيران كمان
وهي ام سند بتعملنا أطيب اكل من تحت ايديها
مين ما بحب يوكل من طبيخ مرتي الزاكي
ولا شو ام سند
اكيد اكيد طبعا طبعا
طبعا بنروح
صحيح اكلي لا يعلى عليه بس برضوا اكل ام سند زاكي
هي ام خليل جاي كمان
شو رأيك نوخذ الحجة
هي ام سند بتقول جيبوها معاكم
ولا يمكن
عشان تفضحنا
اصلا ما بتعرف بإتكيت الزيارة
شو بدهم يقولوا عنا الجيران
يلا يلا خلينا نطلع الاكل قبل ما يجوا الجيران
سالي سند
انشالله اليوم الحج تكون رايقة معه ويوكل معنا
ما انت عارف القصة
حكالك انه محرج لانه ايديه عم برجوا
ومش قادر يمسك الشوكة بدون ما يوقع الاكل
ما تضغط عليه
مش قصة اضغط عليه
بس بحب انه ينبسط بالجمعات ويوكل اكل زاكي
ااااه عشان هيك جدو ما قبل ياكل معنا
انا عندي فكرة
تفضلوا تفضلوا يا جماعة
اكل ام سند ما في بعده
تفضلوا
جدو دوق هذه من ايدي
جدو ودوق هذه كمان
جدو حبيبي هذه الماما بتعملها كثير زاكية
جربها جربها
شوي شوي يا ولاد ههههههه
ما احلاهم كيف عمبساعدوا جدهم
اهالينا بستاهلوا كل الاحترام والمحبة
ولا شو رأيك يا ام انصاف
آنتي وين التيتا ليش ما اجت
حابين نتعرف عليها
التيتا
هلا نازلة اجيبها
انا فاهم شو كنتو بتعملو
شكرا كثير حبايبي
شو هالحكي جدو
انت على عينا وراسنا
وما في حدا بستاهل المحبة والاحترام اكثر منكم
هات راسك ابوسه
وانا وانا
وانا كمان
الله يخليلي اياكم
