حياة عيلتنا: سند طفران - YouTube
شو صار بالنت ؟
بكفي على الشاشات يلا قوموا
ماما شو عم تحكي احنا بالعطلة الصيفية
ماما شو بدنا نقعد نسوي يعني ؟؟
في الف اشي مفيد بتقدروا تعملوه
ما رح نضيع العطلة على الشاشات، مفهوم؟
طيب انا طالع عند يزن
لا اكيد اكيد امهاتنا متفقين مع بعض على قصة الانترنت
مش معقول نقضي كل الصيف بقوانين مجحفة لاستخدام الانترنت
مش معقول
يا زلمة من وين جايبها "مجحفة" هاي؟
شكلك كاين نايم بحصة العربي اه؟
طب هلا شو العمل ؟؟
كيف مفروض نتسلى؟
اصلا شو الواحد بقدر يعمل بدون نت؟
على قولة أبوي
اقرألك جريدة
يابا هي المكتبة مليانة كتب امسكلك كتاب
اتعلم طبخ
ساعد أمك بالبيت
انزل معي عل الشغل
خدلك دورة بينغ بونغ
جبتها!
شو رأيك نشتري طاولة بينغ بونغ ونحطها هون على السطح
ونضل نلعب كل الصيف
ونعمل دوري ونعزم ولاد وبنات الصف
انت عبقري
شووو
قصدي انا يعني مع انها فكرة ممتازة بس هاي بدها ميزانية
خلوها لبداية السنة الجاي
بس بابا ما انتوا حددتوا وقتنا على الانترنت
وبدنا اشي نتسلى فيه بالعطلة
شوفوا يا ولاد
اللي بده الشغله، بده يتعب عليها
وهذه الفكرة مستحيلة الا اذا
شووو
اقنعتوا العمارة كلها تشترك في سعرها
وتكون مفتوحة للجميع
موافقين
تيتا بتقدري مش بس تستخدميها طاولة
كمان بتقدري تلفي عليها ورق دوالي
بس يا حبيبي انا عندي روماتزم ما بقدر الف ورق دوالي
وهيك بتخلصوا منا كل الصيف
قلتلي اديش لازم ادفع
اصلا مين قال بدنا نخلص منكم
بالعكس هيك رح نشتاقلكم
ورح نخلي سالي تكون مصورتك الخاصة
عشان توخذلك لقطات وانت بتلعبي
والكل يشوف اديش انتي رياضية
مش رح تلحقي لايكات
ييي شو مهضومين حبايبي
انا بحب اتصور بس وانا بلعب غولف
لعبة كلاسي للي معهم مصاري كثير
بس ما بدي أفشّلكم
انتو جمعوا قد ما بتقدروا وانا رح اعطيكم قدهم
باي
شو بدنا نعمل هلا ما حدا بالعمارة بده يشترك
عندما تكون هناك ارادة ستكون هناك طريقة
تعال معي
قرب قرب تعال لعندي هون
بوظة ايس كرييم برد حالك بالشوب
ايس كرييم!! احسن الاسعار وخدمة ما بعد البيع
قرب وجرب
عمو عمو اديش هذه ؟
نص دينار
شو !! بالدكانة نفسها بربع
طب روح اشتري من الدكانة
اصلا رح تدوب من الشوب عبل ما توصل لهناك
معلش اخد وحدة ؟
وين المصاري حبيبي ؟
بس انا ما معي مصاري
خلص خلص خد
كيف يعني بتعطيه بدون مصاري
شو احنا فاتحين جمعية خيرية
اصلا ما حدا عم بشتري بسببك لانك عم بتبيع غالي
هي خلص النهار وما بعنا اشي
وما دفعنا للدكانة
شو بدنا نعمل
هيني دفعت للدكانة
بس يا شباب
عشان تربحوا من الشغلة
وتقدروا تشتروا طاولة البينغ بونغ
لازم تخفضوا التكلفة عشان سعركم يكون منافس
كيف يعني بابا ؟
بدكم تفكروا باشي سعر تكلفته بسيط
حتى تقدروا تبيعوه بسعر أكبر من سعر التكلفة
ويكون ما في مثله بالسوق
أو سعره أرخص من السوق
اجتني فكرة
اسكيمو على ليمون يلا قرب وجرب
سند اعطيني٤ هون بسرعة
يلا يلا
خِلص اللي عندي خليني اروح اجيب من البيت
بسرعة سند
اهلين بالحلوين
هلا هلا كنت نازلة بدي اشتري منكم اسكيمو ليمون
احنا أصلا طالعين نضيفك
يا الله عالزوق
آنتي احنا جمعنا ١٥٠ دينار
واااااو
برافو عليكم حبايبي
وانت وعدتينا تعطينا قدهم
متذكرة
انا؟؟
مرحبا شباب كيف حالكم
احنا جايين نلعب دوري
دينار على الواحد
ودوركم بعد ساعة و٤٥ دقيقة
فيها دفع الشغلة !! ما حدا قلي
طب أنا بدي ألعب هلاّ
عندي اجتماع بعد نص ساعة
متأسفين عنا حجوزات منيح اللي دبرناكم أصلاً
شو سند يعني دفع وانتظار كمان
اللي بده الشغلة بده يتعب عشانها ولا شو يابا
هههههه
