الفصل السادس وعشرين - الدرس التاني - حوار ٣

هي حملة تنظيم الأسرة دي حملة بيقوم بيها وبينفذها قطاع السكان وتنظيم الأسرة في الوزارة، والحملة طبعاً بتعليمات من الدكتورة هالة زايد وزيرة الصحة. الحملة الغرض منها إن إحنا بنوصل خدمات تنظيم الأسرة لجميع الأماكن المحرومة والنائية. الحملة زي ما طبعاً متعودين إحنا نعملها هي بتبقى حملة فيها خدمات تنظيم أسرة والصحة الإنجابية وعلى هامش الحملة عندنا المرة دي مفاجأة، إن أنا عندي أسبوع إعلامي في جميع الإدارات الصحية. خمس ندوات إعلامية كل يوم ندوة بتتكلم عن حاجات كتير خالص. الندوات كل الندوات بيقوم بيها مسؤول إعلام بمشاركة مسؤول الإعلام مع طبيب، بمشاركة كمان كل الجهات المعنية معانا في القضية السكانية ا لأزهر، والكنيسة بيشاركوا، التربية والتعليم، الزراعة. إحنا خدماتنا كلها مجانية وغرضنا في النهاية إن أنا صحة الأم والطفل أكون عملنا معاهم حاجة يعني لصالح المواطنة المصرية البسيطة، إن أنا أوصلها بخدمات تنظيم أسرة لغاية عندها.