الفصل السادس وعشرين - الدرس الرابع - حوار ٢

مصر هي أكبر بلد عربي في عدد السكان. عددهم حوالي ٨٥،٥ مليون مواطن. القاهرة هي أكبر مدينة في مصر وعدد سكانها بيتراوح مابين ١٨ و ٢٠ مليون مواطن. ميزة القاهرة الكبيرة إن فيها أماكن كتيرة تتراح وحاجات كتيرة تتعمل، بس مشكلتها الرئيسية الزحمة وعدد العربيات الكتير. القاهرة، زي أي مدينة كبيرة فيها أماكن راقية وأماكن تانية بسيطة. أماكن فيها سكان كتير زي حي شبرا وأماكن فيها ناس قليلة زي حي المعادي. القاهرة فيها تعددات وتركيبات سكانية كتيرة مابين المثقفين والحرفيين والطلبة المغتربين في الجامعة بس برغم كل الاختلافات دي، فيه حاجة بتجمع كل الناس دي وهي حب القاهرة.