الفصل السادس وعشرين - الدرس الرابع - حوار ١

كلمة قبطي يعني مصري مفيش فرق بين الاتنين. لكن حالياً لفظ الأقباط بيطلق على المسيحيين الأرثوذوكس اللي عايشين في مصر. الأقباط أو المسيحيين الأرثوذوكس أصلهم فرعوني جايين من سلالة الفراعنة. المسيحية انتشرت في مصر عن طريق الرسول مارمرقس وهو اللي أسس أول كنيسة وكانت في مدينة الإسكندرية وهو برضه بيعتبر أول بطريرك في سلسلة بطرير كاتنا اللي امتدت ل ١١٨ بطريرك وآخرهم هو البابا تواضروس التاني حالياً.

المسيحيين أو الأقباط المصريين عددهم مش معروف كام بالظبط لكن فيه إحصائيات بتتعمل في الكنايس والإحصائيات دي قالت إن النسبة بتتراوح مابين ١٢ ل ١٥٪. بيتركزوا في الصعيد وبيعيشوا برضه في المدن الكبرى والمحافظات التانية والقرى. أماكن عبادتهم هي الكنايس وبيصلوا فيها باللغة القبطية واللغة العربية وبرضه بيصلوا في أماكن تانية اسمها الأديرة... والأديرة دي عبارة عن أماكن مبنية في الصحرا بيتعبد فيها نساك بنسميهم رهبان أو راهبات والراهب هو الشخص اللي كرّس حياته لربنا وما بيكنش متجوّز.