الفصل السادس وعشرين - الدرس الخامس - حوار ٢

النهارده أنا هكلمكم عن المشوار العلمي لشخص عظيم بمعنى الكلمة وهو العالم المصري الجليل أحمد زويل، الدكتور أحمد زويل من مواليد ٤٦ ، اتولد في مدينة دمنهور، واتنقل مع أسرته لمدينة دسوق، وكمل تعليمه الثانوي هناك، وبعد كده دخل كلياة العلوم بجامعة إسكندرية. اتخرج من الجامعة بتقدير امتياز مع مرتبة الشرف، أخد الماجستير من جامعة إسكندرية برضه، وبعد كده أخد منحة وسافر على الولايات المتحدة، وهناك أخد الدكتوراه من جامعة بنسلفانيا، وده كان سنة ١٩٧٤ ، بعد كده اتنقل لجامعة بيركلي بولاية كاليفورنيا وانضم لفريق الأبحاث هناك . وفي سنة ١٩٧٦ اتعيان كمساعد أستاذ للفيزياء الكيميائياة في كلية كالتك وكان في الوقت ده عمره تلاتين سنة بس. وفي سنة ١٩٨٢ نجح الدكتور أحمد زويل إنه ياخد منصب أستاذ للكيمياء في معهد لينوس بولينج، وفي سنة ١٩٩٠ اتكرم وخد منصب أستاذ أول للكيمياء في نفس المعهد. أما بقى في سنة ١٩٩٩ حصل الدكتور أحمد زويل على جايزة نوبل في الكيمياء بعد اكتشافه المذهل المعروف باسم الفيمتو ثانية ، وبكده بيعتبر أول عالم مصري عربي ياخد جايزة نوبل في المجال ده.