My Life - Lesson 7
مرحبا وأهلا وسهلا فيكم بحلقة جديدة من The Arabic We Speak. اليوم, رح نعرفكم أنا وليليان على شوية عبارات حوارية ممكن تستخدموها عشان تحكو عن يوم خططتو تطلعو فيه مع صديق.
أماني: مرحبا ليليان.
ليليان: مرحبا أماني, كيف حالك؟
أماني: أنا كتير منيحا, شكرا. كان يومي كتير طويل, إنتي كيفك؟
ليليان: أنا كتير منيحا, ويومي كان مريح. ما عملت كتير أشياء اليوم, إنتي مشغولة بكرة؟
أماني: لأ, عندك خطط؟
ليليان: كنت مخططة أروح عالمول, بتحبي تيجي معي؟
أماني: أه لو سمحتي, فعلياً بدي أكم غرض بس كتير مكسلة أروح لحالي.
ليليان: بدك أمر اَخدك؟
أماني: أه لو سمحتي! لإنو الصفة بالبوليفارد زي الكابوس المرعب. إحنا رايحين عالعبدلي, صح؟
ليليان: أه, بحب العبدلي مول. وبنقدر نتغدى بسوشال.
أماني: فكرة منيحا.
ليليان: أي ساعة أمر اَخدك؟
أماني: بفكر حوالي الساعة ١٠ الصبح, بناسبك هالوقت؟
ليليان: أه, أكيد. ما في مشكلة.
أماني: عموعدنا إذن.
