My Life - Lesson 5

شقتي كبيرة نسبياََ, وغرفتي المفضلة هي المطبخ والمساحة المخصصة للمكتب, وبقضي فيهم كتير وقت لإنو بحب الطبخ وبحب شغلي. وعشان هيك رح أوصفلكم إياهم اليوم. المساحة اللي بطبخ فيها مفتوحة وباكل وجبة فطوري فيها على طاولة المطبخ, وبشتغل على مكتبي وبسترخي عالكنبايات حولين طاولة المكتب. وعندي طاولة أكل, ومكتب, وكرسي وكنبايتين مريحين. المكان لزيز وتهويته منيحا.

على يمين مدخل المطبخ في الثلاجة, وعالشمال في رفوف, وجمب الرفوف موجود الغاز وجمبو المجلى وجمبو الجلاية. بس ما عندي مايكرويف, لإني ما بحب استعملو. وبنتي لارا بتفضل تقعد بغرفتها طبعا. ما عندها كتير عفش جواتها بس فيها تخت حلو ومريح عالزاوية. وجمبو في كوميدينتين. وعلى كل كوميدينة في مصباح. وعلى يمين باب غرفتها, في خزانة أواعي كبيرة, بستعملها أنا وياها.