Food - Lesson 7

ممكن تشوف قائمة مشترياتي لهادا الأسبوع. هل بتعتقد إنو غذائي صحي؟ بحاول يكون غذائي صحي وعشان هيك بشتري فواكتي وخضرواتي من الخضرجي ولحمتي العضوية من اللحام وموادي الغذائية التانية من السوبرماركت. ولما رحت على أوروبا، شفت محلات الأكل الصحي وكانت بالنسبة إلى مضحكة. مش متأكدة إنو هاي المحلات رح تكون مشهورة وإلها زباينها عنا بعمان. لازم نجرب ونشوف.

بالعادة، بروح على السوبرماركت السبت المسا حوالي الساعة ٩ .وبحب أروح على محل الخضرة واللحام خلال أيام الأسبوع وغالبا بروح الصبح. ودايمًا بحكي مع المحلات وأنا بالطريق عشان يجهزولي الطلبية قبل ما أوصل عشان ما اضطر أصف السيارة. وعنا بعمان بقدمولنا كتير محلات خدمة تحضير الطلبية ونقلها عالسيارة.

ولهذا الأسبوع اشتريت ٤ علب طماطم، ومرطبان زيتون واحد، وعلبة كوكيز، وكيلو مكسرات مشكلة، وكيلو رز ، ونصف كيلو قهوة، وكيلو خبز ، و ٦ حبات تفاح، وبطيخة، وكيلو كرز ، و ٢ كيلو لحمة، وجاجة وحدة.