حياة عيلتنا: تحدي الموبايل- الجزء الأول - YouTube
امممممم بشهي
بده شوية ملح
وين الملح ؟
يييي يا علينا
سالي
انا طالعة اجيب غرض من الدكانة
بعد عشر دقائق بالزبط بتطفي تحت الطبخة
آه
وهلا ابوك جاي ومعه التيتا وجدّه
اذا وصلوا قبلي حطيلهم عصير ما تنسي ماشي
سالي
سمعتيني
اه
اه ماما سمعت سمعت
سند
تعال خد اخوك وسكر الباب وراي
ديربالك على سامر آه
معقول كيف وصلنا مع بعض
يا ميت اهلا وسهلا
عملتلكم الاكلة اللي بتحبوها
رح توكلوا اصابعكم وراها
غلبتوا حالكم
ما كان في داعي
ولو ياما
انتو بركتنا
وبعدين يعني فرصة نوكل محاشي
شو هذه الريحة
يييي الطبخة الطبخة !!!
مش انا قلتلك قبل ما اطلع
اطفي على الطنجرة بعد ١٠ دقايق
قلت ولا ما قلت
ماما
انت قولتيلي اضيفهم عصير بس يجوا
ما سمعت اشي عن الطبخة
طبعا
لانك ما بتسمعي لما تكوني على الموبايل
بتكوني بعالم ثاني
هلا شو رح نعمل ؟؟
تفضلي أشوف
خلص خلص ما تفضحونا
هلا بروح بجيب اشي جاهز بسرعة
طيب
سند وين سامر؟
سامر!
ما بعرف!
شو يعني ما بتعرف !!!
يا صبي هات
عمو تعال عنا
في كثير لمبات خربانة
بس يدفعلي ابوك حسابه
مش عارف هو مطنش ولا ناسي
سامر
انت شو بتعمل هون
لقيته لقيته
يا ناسينا يا ناسينا
وش اللي ذكرك فينا
يا ناسينا يا ناسينا وش اللي ذكرك فينا
هلا
اهلين اهلين معلم
اكيد اكيد وقت مناسب
دايما وقت مناسب
تفضل
كيف المدرسة حبيبتي؟
المدرسة
اه اه تمام تيتا
تفضلوا تفضلوا يا جماعة
اشتقنالكم كثير
شو في اخبار؟
ما انت عارفة احنا لا بنروح ولا بنيجي
انتوا الاخبار عندكم!
عصام يلا جعنا
ابدوا ابدوا هيني جاي
شو بتعمل يا جدو؟
عم بلعب لعبة على الموبايل
ييي الهريسة
بلاش تنحرق هي كمان
خلص
اتفقنا
بردلك جواب بكرا انشالله
أووف
صرله ساعة بحكي
معلش يا جماعة ما تأخذوني
شو اللي عم بصير!!
سالي وسند اتركوا موبايلاتكم هلا
مش معقول هذا الحكي
ولو
التيتا والجدو جايين يشوفوكم
وانتو كل واحد راسه براس هالموبايل!
بكرا بعد المدرسة لازم نقعد نحكي
بدي أشوف شو آخرتها معكم!
وهذا كمان طافي !!
يعني عن جد شو بدي اعمل مع الجدو
اخلي يلعب معي بلاي ستايشن مثلا
فش اشي اعمله معه!
حتى ولو
بتقدر تحكي معه بأي موضوع
ماما افهميني
ما في مواضيع مشتركة بينا!!
حتى سالي اللي بتحب تحكي
بتضل على موبايلها
ليش بس انا؟!
انتو كلكم!
عشان هيك
بدي اخلص من قصة الموبايلات وتضييع الوقت
منيح هيك؟
وقلة التركيز كمان
اللي بسببها اخوك نزل من البيت للشارع
والله بس ستر!
نزل عالكراج مش عالشارع!
يا سلام ما فرقت اشي
والست سالي كمان حرقت الطبخة
لما تحطوا راسكم براس هالموبايل
لا بتسمعوا ولا بتشوفوا
جبنا سيرة القط اجى ينط
ليش تأخرتي ست سالي؟
ليش اتأخرت
ابصر ليش تأخرت؟
شو مالك
شو صاير
انا مبارح قلتلكم انه اليوم ما في باص بعد النشاط
وانكم لازم تيجوا توخدوني
امتى ؟؟
ما قولتيلنا؟
امبلى قلتلكم انتو التنين
بس كنتوا انتو كمان قاعدين على موبايلاتكم
وحتى بابا
انت هزيت راسك وابتسمت
شكله انتو كمان لما يكون الموبايل بايدكم ما بتسمعونا
شو هالحكي
اكيد سمعنا اكيد
بس يمكن نسينا
كبرنا يا ام سند
قولتولي بدنا نخلص من القعدة على الموبايل
وعدم التركيز
هيو انتو كمان ما بتقدروا تستغنوا عن موبايلاتكم
هيك يعني
طيب
شو رأيكم نعمل تحدي
مين بقدر يستغني عن موبايله ٣ ايام
واللي بفوز
يطلب شو ما بده
موافقة
وانا كمان
وانا قد التحدي!!
