上 有 巫婆 ，下 有 怪獸
「細佬 ，你 喺度 望 緊 啲 咩 呀 ？」 家姐 見到 細佬 望 住 個 天 ，走 過嚟 問 。
「家姐 你 喺度 就 啱 喇 ，我 有 個 問題 想 問 你 。」
「如果 我 將 啲 嘢 拋 上 天 ，啲 嘢 唔係 應該 會 飛 上 天 嘅 咩 ？ 點解 會 自己 跌 返 落嚟 嘅 ？」
「 家姐 ， 你 估 天 上面 會 唔 會 住 咗 個 巫婆 ， 佢 覺得 啲 人 成日 亂 拋 啲 嘢 上去 ， 搞 到 佢 屋企 立立 亂 ， 所以 嬲 到 抌 返 晒 啲 嘢 落 嚟 吖 嗱 ？ 」 細佬 好 興奮 噉 捉 住 家姐 講 。
家姐 無奈 地 望 住 細佬 ，「唉 」咗 一 聲 。
然後 佢 開口 話 ： 「 細佬 呀 細佬 ， 都 叫 你 平時 認真 啲 聽書 㗎 啦 ！ 噉 嘅 嘢 你 都 講 得 出 嘅 ？」
細佬 有啲 唔忿氣 ：「咩 喎 ！ 噉 你 知唔知 點解 媽媽 會 成日 唔見 錢 吖 ？ 」
佢 繼續 認叻 ： 「 計 我 話 ， 應該 係 住 喺 天上面 嗰個 巫婆 好 鍾意 錢 ， 所以 成日 趁 住 媽媽 唔 小心 跌 錢 嘅 時候 搦 走 啲 錢 ， 唔 抌 返 落嚟 —— 你 唔見 媽媽 次次 唔見 錢 ， 都 係 猛咁 喺度 求 個 天 畀 返 啲 錢 佢 嘅 咩 ？ 你 話 我 啱 唔 啱 先 ？」
家姐 望 住 細佬 個 自信 樣 ， 頂 唔 順 話 ： 「 細佬 呀 細佬 ， 錯晒 喇 ！ 唉 ，都 係 等 我 話 你 知 點解 啦 ——」
「我 估 應該 係 住 喺 地底 嘅 怪獸 做 嘅 ！」 家姐 懶 神秘 噉 話 。
細佬 問 ：「佢 係 點 做 㗎 ？」
「佢 應該 係 好 為食 嘅 ，一 肚餓 就 會 想 揾 嘢 食 ，跟住 佢 個 口 又 好 大 喎 ，所以 佢 一 吸 ，就 將 啲 嘢 吸 晒 落 肚 。 所以 我 估 我哋 啲 錢 呀 、鎖匙 嗰啲 ，應該 係 俾 佢 食 晒 ！」
其實 家姐 都 唔 知 自己 講 得 啱 唔 啱 ，只係 佢 唔 想 喺 細佬 面前 冇 面 ，所以 至 喺度 亂 作 啲 嘢 出嚟 。
佢 越 講 越 覺得 自己 啱 ，忍唔住 笑 咗 下 ，呢 次 仲 唔 俾 佢 喺 細佬 面前 叻 返 次 ？
「好喇 ！ 同學仔 ，故事 講 到 呢度 ，有冇 人 知 故事 入面 嘅 家姐 同 細佬 講 得 啱 唔 啱 ？」 老師 合埋 本 故事書 。
老師 見到 同學仔 搖 晒 頭 ， 笑 住 話 ： 「 等 我 開估 啦 ： 佢哋 講 嘅 係 錯 㗎 ！ 其實 喺 地球 中心 ……」
「 有 一 種 力量 係 會 吸 住 地球 上面 啲 嘢 …… 」
「你哋 見 啲 魚 呀 、飛機 呀 ，好似 好 大 噉 ，其實 喺 地球 『眼中 』只 係 好 細 好 細 ，佢哋 都 會 俾 地球 嘅 一 種 力量 吸 住 ……」
「所以 就算 我哋 將 啲 嘢 拋 到 幾 高 都 好 ，佢哋 都 會 跌 返 落嚟 。 呢 一 種 力量 叫做 地 、心 、吸 ——」老師 話口未完 ，台下 嘅 同學仔 已經 一齊 接口 ：「力 ！」
老師 笑 住 話 ： 「 答 啱 喇 ！ 滿分 ！」
