036 Esse et composita

Homo sum: nihil humani a me alienum puto.

Cur tristis es, puer? - Quod mater aegra est. - Bono anímo es! Morbus non est gravis.

Fortes estis, milites! Virtute vestra patria incolumis erit. Profecto tum erimus beati, cum cupiditatis expertes erimus. Quanta est brevitas vitae hominum! Qui nunc iuvenes sunt, mox senes erunt.

Dum felix eram, multi amici mihi erant. Laude bonorum semper dignus sim! Sit mens sana in corpore sano! Miseris semper auxilio simus! Ne simus severi iudices aliorum! Numquam immemores sitis beneficiorum, quae parentibus debetis!

Magistro, puer, carior esses, si diligentior esses! Utinam omnes homines bonis moribus essent! Utinam ne tot mali et nefarii essent!