[anglice]

Salvete plurimum!

Nomen mihi est Magister Craft.

Hodie de popinis discetis.

Salvete, amici!

Iter longissimum fecistis!

Opus erit vobis caupona.

Certe nunc edere vultis

Ergo vos duco ad popinas varias et tum cauponas in urbe.

Venite mecum!

Sumus in Oppio Monte.

In via multae popinae bonae sunt.

Eamus!

Ecce popinam!

Popina pura est.

Adsunt multi homines.

Quem cibum nobis praebet?

Inspiciamus dolia.

Quid est dolium?

Dolium amphora vel vas est.

Dolia in mensa sunt.

In doliis cibus est.

Quid intus sit intellegere non possum.

Inspiciamus tabulas pictas in parietibus

Pisces video.

Ecce pretia!

Ergo popina piscem praebet etiam panem et oleum.

Piscis vobis placet?

Non placet?!

Intellego.

Piscis non semper recens est.

Abhinc paucos dies pisce fetido aegrotavi.

Pergamus.

Ecce fontem si aquam colligere vultis.

Aqua frigida et bona est!

Heus!

Illi bibunt.

Eamus ad illam popinam.

Hi alea ludunt.

Haec femina et hic vir improbi videntur.

Non est popina sed caupona et scelesta!

Abeamus!

Ecce popinam!

Popina pura est.

Quem cibum nobis praebet?

Inspiciamus tabulas pictas in parietibus.

Fructus video.

Lucanicas video.

Ergo popina lucanicas et fructus praebet.

Fructus et lucanicae vobis placent?

Ita?! Optime!

Vultis considere?

Certe.

Intus mensae sunt.

Inspiciamus.

Heu!

Popina plena hominum est.

Aliam popinam vidi.

Eamus!

Ecce popinam!

Popina pura est.

Adsunt pauci homines et

mensa vacua.

Quem cibum praebet?

Quid in tabulis pictis video?

Video

ova

turdos

mala

malogranatum

vinum

et carotam.

Cibum optimum praebet!

Ecce pretia!

Nonne placent?

Optime!

Vos ad mensam exspectate

et ego cibum emo.

Salve, popinarii.

Omnia volumus, si libet.

Popinarius: Libenter. Cibum paro.

Popinarius: Ecce!

Gratias!

Odor suavis est!

Bene sapiat!

Postea ad cauponas vos ducam.

Valete!