Leciono 11. La Familio

Leciono 11. La Familio

P Sed, kara mia, kion diros viaj gepatroj? Ĉu vi opinias, ke ili kontraŭstaros nian geedziĝon?

H Kompreneble ne. Kia ideo! Miaj gepatroj tre ŝatas vin, kaj ankaŭ mia frato.

P Ĉu vere?

H Jes, certe. Sed kion diros via familio? Mi dubas, ĉu mi plaĉas al via fratino.

P Kompreneble vi plaĉas al mia fratino. Ŝi vere ŝatas vin.

H Kaj viaj gepatroj? Ĉu plaĉos al ili havi bofilinon?

P Tute certe. Kaj ili estus tre kontentaj esti geavoj. Nepo aŭ nepino tre plaĉus al ili.

H Estas tro frue por paroli pri idoj, ĉu ne?

P Jes, vi pravas. Tamen mi deziras infanojn; ĉu ne ankaŭ vi same?

H Ho jes, mi tre amas infanojn.

P Ĉu vi volas, ke la geedziĝa ceremonio okazas en preĝejo?

H Certe jes, en preĝejo, kun multaj gastoj - geonkloj, gekuzoj, genevoj - la tuta familio.

P Ni devas decidi la daton de la ceremonio. Kiam ĝi estu?

H Nu, supozeble, post nia vizito al la kongreso.

P Sed kial post ĝi - kial ne antaŭ la kongreso? Se ni aliĝos al la kongreso kiel geedza paro, la kotizo estos malpli alta. Ni povos ŝpari.

H Kia penso! Kia homo!

P Helena, mia kara, ne koleru. Tio estis nur sugesto. La mono ne gravas. Temas nur pri tio, ke mi volas edziĝi al vi kiel eble plej baldaŭ.

H Kara Petro, pardonu min!