投機 Speculation (2Dialogues )

昨日 電台 嘅 新聞 廣播 話 ，舊年 香港 市民 投注 喺 賽馬 嘅 錢 有 一 百 三 十 二 億 元 ，入 馬場 嘅 人數 係 三 百 二 十 萬 人 ！

嘩 ！ 香港 人 真係 有錢 嘞 ！ 張 先生 ，你 鍾 唔 鍾意 賭 馬 㗎 ？

唔 鍾意 。

賭馬 、賭狗 、賭啤牌 、賭股票 、樣樣 都 唔 鍾意 。

你 真係 乖 嘞 ！ 喺 香港 好似 你 一樣 嘅 人 而家 真係 好 少 嘞 。

有人 話 ，香港 咁 繁榮 係 同 香港人 鍾意 賭錢 有 關係 嘅 啵 ！ 你 話 啱 唔 啱 呀 ？

我 話 冇關係 ，但係 賭錢 同 罪案 嘅 增加 就 有關係 嘞 。

對唔住 ，王 先生 ，我 而家 夠鐘 要 去 參加 一 個 慈善 籌款 抽獎 會 。

抽獎 會 吖 ！ 獎品 豐 唔 豐富 㗎 ？

頭獎 係 一 間 屋 ，二 獎 係 一 架 車 。

咦 ！ 噉 ，算 唔 算 係 賭錢 呢 ？

老陳 ，你 咁 鍾意 去 澳門 賭錢 老實話 俾 我 聽 ，你 贏錢 嘅 時候 多 定係 輸錢 嘅 時候 多 呢 ？

當然 係 贏錢 嘅 時候 多 啦 。 但係 每 次 都 係 贏 少少 啫 ！

你 鍾意 賭 輪盤 定係 廿一點 呀 ？

兩樣 我 都 唔 鍾意 。 我 鍾意 賭 番攤 。

你 去 賭場 定係 喺 屋企 賭錢 呀 ？

我 有時 去 賭場 有時 喺 屋企 ，但係 我 一定 唔 去 大堂 賭錢 ，因為 係 非法 嘅 。

噉 ，賭波 同 賭 外匯 呢 ？

我 估 你 話 『賭波 』就 係 賭 英國 足球 嘞 。 呢 樣 嘢 我 冇 興趣 。 睹 外匯 就 一定 要 有 好多 本錢 。 所以 兩 樣 都 唔 適合 我 。

香港人 最 鍾意 打 麻雀 嘅 嘞 。 噉 你 呢 ？

我 覺得 打 麻雀 最 好玩 ，最 吸引 我 ，但係 我 好 少 贏 錢 嘅 。 真 好 嘞 ！ 下個 禮拜 如果 你 得閒 ，請 嚟 我 屋企 我哋 一齊 打 場 麻雀 喇 ！