前文 再續 啊 書 接 上 一回 。
話說 韋小寶 同 費 要 多羅 為 咗 劃定 邊界 啊 爭執 起 上嚟 。
韋小寶 話 ：貴使 一定 要 話 尼布楚 係 羅剎國 嘅 地方 ，噉 我哋 兩個 交換 一下 啦 。
我 去 莫斯科 ，請 公主 封 你 做 尼布楚伯爵 ，封 我 做 攞唔攞梳化公爵 。
噉呢座 攞唔攞 梳化城 呢 就算 係 中國 地方 喇 。
費 要 多羅唂 到 滿面通紅 佢 話 ：噉 ，噉 ，噉 ，噉 點 可以 呢 ？
佢 好 擔心 啊 ， 佢 諗 ： 公主 係 佢 情人 ， 如果 畀 佢 喺 枕頭 邊啊灌 咗 大量 中國 迷湯 ， 竟然 應承 交換 噉 就 弊 喇 。
佢 諗 ：我 嗰個 洛莫諾沙伐 係 祖傳 嘅 封邑 ，物產 豐富 。
如果 畀 公主 改 封 咗 尼布楚 ，呢度 氣候 寒冷 人丁 稀少 ，噉 真係 攞 我 條命 喇 。
何況 我 而家 係 侯爵 ，改封 做 尼布楚 伯爵 豈不是 降級 ？
韋小寶 見到 佢 一副 憂心忡忡 嘅 模樣 就 笑住 話 ：
你 想 連 我 個 封地 雅克薩 都 佔咗 去 ，等 我 做唔成 鹿鼎公 噉 我 有 乜 法子 唧 ？噉 只有 去 做 攞唔攞 梳化 公爵 啦 。
費要多羅諗 ：你 中國 想 霸佔 我 嘅 洛莫諾沙伐 噉 啊 決冇可能 嘅 。
不過 你 韋小寶 已經 受過 我 俄羅斯 帝國 嘅 封爵 ，如果 嚟 謀 我 個 封邑 都 幾 麻煩 㗎 噃 。
我哋 亦唔係 真嘅 係 要 雅克薩 ，呢 雅克薩 已經 畀 你哋 打咗 落嚟 咯 ，再 要 你哋 退出 嚟 當然 係 唔肯 㗎啦 。
於是 面露笑容 話 ：既然 雅克薩城 係 貴使 嘅 封邑 ，我哋 就 退讓 一步 。
兩國 仍然 以 黑龍江 為 界 ，不過 雅克薩城 同埋 城 嘅 周圍 十里 嘅 地方 屬於 中國 。
呢啲 完全 係 睇在 貴 使 份 上 ，係 最大 嘅 讓步 喇 。
韋小寶 諗 ：你哋 打咗 敗仗 仲 咁 神氣活現 。
如果 呢 一仗 係 你 哋 羅剎 人 打贏 呀 ， 嘿 ， 怕連 北京城 都 要劃 畀 你 哋 喇 。
就 話 ： 我 哋 打過 呢 一仗 ， 唔 知 係 你 哋 贏 咗 呢 定 係 我 哋 贏 咗 呢 ？
費 要 多羅 皺起 眉頭 話 ：小小 嘅 接觸 亦 唔 能夠 話 邊個 贏 邊個 輸 嘅 。
我哋 公主殿下 早 有 嚴令 ，為咗 顧全 同 貴國 和好 唔准 開仗 ，因此 貴國 軍隊 進攻 嘅 時候 ，敝國 將士 都 冇 還手 。
否則 ，局面 就 大大 不同 喇 。
韋小寶 一 聽 就 火滾 喇 佢 話 ：哦 ？原來 羅剎 兵 槍炮 齊 放 噉 都 唔 算 還手 啊 ？
費要多羅話 ：佢哋 不過 係 守衞 本國 土地 ，唔算 還手 。
羅剎人 真正 打起仗嚟 ，唔會 只守不攻 嘅 。
兩國 如果 係 大戰 ，羅剎 火槍手 同 哥薩克 騎兵 ，就 會 進攻 北京城 嘞 。
韋小寶 嬲 到 極 佢 諗 ：叉叉叉 你 嘩 你個 黃毛鬼 講 大話 嚇人 ？
我 如果 畀 你 嚇到 我 跟 你 姓 ！
佢 就 話 ：噉 好 ，非常之 好 ，認真 咁 好 ！
侯爵大人 ，你 知唔知道 我 心 最 盼望 係 咩嘢事 呢 ？
哦噉就唔知噃 ，請你指教 。
我 而家 係 公爵 ，個 心 只係 盼望 加官進爵 ，封 為 郡王 親王 唧 。
費 要 多羅 諗 嘞 ：加官 進爵 邊 一個 唔 想 吖 ？就 微微 笑話 ：
公爵大人 精明能幹 ，深得 貴國 皇帝 寵信 ，只要 再立 幾件 功勞 ，加封 為 郡王 ，親王 係 確定 無疑 㗎 啦 。
敝人 誠心誠意 ，恭祝 你 早日 成功 。
韋小寶 低聲 話 ：呢件事 呀 ，要得 你 幫忙 至得 ，如果 唔係 就 怕 做唔到 嘞 。
費 要 多羅 愕然 嘞 佢 話 ：敝人 應當 效勞 ，只係 唔知 點樣 幫法 呢 ？
韋小寶 哄 個 嘴 埋 到 佢 耳邊 ，細細聲 噉 話 ：
我哋 大清國 嘅 規矩 呢 ，只有 打咗 大勝仗 ，立咗 軍功 ，先至 能夠 封王 嘅 。
而家 我國 太平 無事 ，反叛 已經 撲滅 晒 嘞 ，再 等 二三十年 ，恐怕 亦 冇 仗 打 。
噉 我 想 封王 就 好為難 㗎 嘞 噃 。
呢次劃界議和 ，你 乜嘢 都 唔好 讓步 ，最好 呢派兵 向 我哋 挑戰 ，將 我哋 呢處 嘅 大臣 ，殺死 一個 兩個 。
噉 我哋 兩國 就 大戰 一場 。
你 派 火槍手 、哥薩克 騎兵 去 進攻 北京 。
我哋 呢 同 瑞典 國聯盟 ，派兵 嚟 打 莫斯科 。
殺到 沙塵 滾滾 ，血流成河 ，噉 嗰個 時候 呀 ，我 就 可以 封王 喇 。
拜託 晒 喇 ， 拜託 晒 喇 ， 你千祈 要 幫 呢 個 大忙 至 好 啊 。
噓 ，講説話 細聲啲 ，唔好 畀 人哋 聽見 啊 。
費 要 多羅越 聽 越 驚 ，佢 諗 呢個 少年 膽大妄為 ，為咗 想 封王 ，不惜 挑起 兩國 戰火 ，仲要 同 瑞典 國 聯盟 。
噉呢一仗打起上嚟 ，將來 誰勝誰負 雖然 就 唔知 啊 ，不過 而家 彼眾我寡 ，雙方 軍力 懸殊 ，呢個 眼前 虧 係 食梗 㗎 嘞 。
個心 好 後悔啊 ，唔應該 嚇佢啊 ，話 咩 火槍隊 同 哥薩克 騎兵 攻打 北京城 啊噉 。
呢個 少年 信以為真 ，哈佢 非但 唔怕 ，反而 歡天喜地 ，嘿 呢一下 真係 弄巧成拙 嘞 。
但係 如果 露出 膽怯 嘅 意思 ，啊 未免 又 畀 佢 睇小 嘞 ，一時之間 ，不由得 彷徨失措 啊 。
韋小寶 又 話 ：莫斯科 離 呢度 遠過 頭 ，大清兵 開去 攻打 呢 實在 冇 把握 ，講唔定 會 打輸 添 ，皇上 啊 反而 怪 我 。
費 要 多羅 一聽 有咗 轉機 ，連忙 話 ：係 ，係 。
奉勸 閣下 仲係 唔好 冒險 好啊 。
韋小寶 話 ：我 只係 想 立功 封王 啫 ，又 唔 想 滅 咗 羅剎國 。
貴國 地方 好 大 ，我 點 都 冇 本事 滅得了 嘅 。
係啊 ，係啊 。
噉樣啦 ，你 出兵 去 打 北京 ，我 就 出兵 打 尼布楚 ，我哋 兩個 各 打 各 嘅 。
打到 北京 係 你嘅 功勞 ；打到 尼布楚 係 我嘅 功勞 。
你 睇 呢條 計策 妙 唔 妙 吖 ？吓 ？
費 要 多羅 暗暗 叫苦 嘞 ，自己 手頭 只有 二千 幾 人馬 ，要 反攻 雅克薩 亦 無能為力 ，仲 講 咩 去 攻打 北京 吖 ？
諗住 再唔認錯 ，講埋 呢個 後生仔 要 弄假成真 ，噉 只有 苦笑話 ：
請 公爵 大人 不必 介意 。
先頭 我 話 火槍手 同 哥薩克 騎兵 攻打 北京城 ，係 假 嘅 啫 ，我 講錯咗 喇 ，全部 收回 。
咦 ？説話 已經 講咗 出口 嘞 噃 點樣 收回 翻 啊 ？
敝人 向 公爵 大人 求 個 情 ，請 你 忘記咗 呢句 説話 。
噉樣講 ，你哋 羅剎兵 係 唔去 攻打 北京 㗎喇 ？
唔會 ，決唔會 。
你哋 亦 唔 再 想 強佔 我 雅克薩城 㗎 啦 ？
唔會 ，唔會喇 。
噉 呢個 尼布楚城 ，你哋 亦 決唔敢 要 㗎 喇 ？
嗯 呢個 尼布楚城 係 我哋 沙皇 嘅 領地 ，請 公爵 大人 原諒 。
韋小寶 諗 ：蘇州人 講 啊 漫天 要價 落地 還錢 ，我 問 佢 要 尼布楚 係 要唔到手 嘅 。
等 我 問 佢 要 尼布楚 以西 嘅 地方 睇 佢 點 講 至 得 ，就 話 ：
我哋 呢次 和議 ，一定 要 公平 交易 啊 童叟無欺 ，邊 方面 都 唔能夠 蝕底 嘅 係 唔係 啊 ？
費 要 多羅岌 一岌頭 話 ：係啊 。
兩國 誠意 劃界 ，樹立 永久 和平 。
噉好極嘞 。
邊界 如果 劃得 太近 莫斯科 ，係 你哋 羅剎人 蝕咗 底 ；劃得 太過 近 北京 呢 ，噉 就係 我哋 中國人 蝕底 喇 。
最好 個 法子 呢 ，係 劃 喺 中間 ，二 一 添 作 五 。
咩嘢 叫做 二一 添作 五 呢 ？
由 莫斯科 到 北京 ，噉 大約 係 三個月 嘅 路程 吖 係唔係 ？
係 。
三個月 分為 兩份 係 幾耐 啊 ？
費 要 多羅 唔明白 佢 嘅 意思 ，就 隨口 回答 話 ：係 一個 半月 。
冇錯喇 ，我哋 亦 唔使 傾 咁多 嘞 ，大家 各自 返去 本國 京城 。
然後 你 由 莫斯科 出發 向 東 行 ，我 由 北京 出發 向 西 行 。
噉 大家 各走 一個半月 ， 自 不然 就 會 撞 到 㗎 啦 係 唔 係 吖 ？
係 ，唔知 大人 噉樣 做 係 咩嘢 用意 呢 ？
呢個 係 最 公平 嘅 劃界 法子 吖 嘛 。
我哋 撞到 嘅 地方 ，就係 兩國 嘅 邊界 喇 。
嗰笪地方 離 莫斯科 係 一個半月 嘅 路程 ，離開 北京 呢 ，亦 係 個 半月 嘅 路程 。
你哋 冇 佔便宜 ，我哋 呢 亦 冇 佔便宜 。
噉但係 我哋 呢一場 勝仗 就算 白打 係啦 。
計起 上嚟 呀 ，仲係 你哋 佔咗 便宜 啊 係咪 呢 ？
費 要 多羅唂 到 滿面通紅 佢 話 ：噉 ，噉 。
佢 講 唔出 嘢 喇 ，就 噗聲 企咗 起身 。
韋小寶 笑住 話 ：你 亦 覺得 呢個 法子 非常 公平 呢 係 唔係 呢 ？
費 要 多羅 連忙 耍 手擰 頭話 ：唔係 ，唔係 ，絕對 唔可以 ！
噉樣劃界 ，豈不是 將 俄羅斯帝國 嘅 一半 國土 劃咗 畀 你 ？
唔會 係 一半 啦 你哋 喺 莫斯科 以西 ，仲有 好多 國土 ，嗰啲 土地 就 唔使 同 中國 二一 添作五 啦嘛 ，又何必 咁 客氣 唧 ？
費 要 多羅 嬲 到 吹鬚 睩眼 ，隔 咗 好 耐 佢 先至 話 ：
公爵大人 ，你 如果 係 誠心 議和 ，就 應該 提啲 通情達理 嘅 主張 出嚟 。
噉樣 ，噉樣嘅法子 ，要 將 我國 領土 分咗 成 半 去 ，噉 ，噉 ，噉真係 欺人太甚 喇 。
講完 ，嬲爆爆噉 坐低 ，砰一聲 ，震到 張椅 啊喇喇咁 響 。
韋小寶 細細聲 噉 話 ：其實 議和 劃界 有 咩 好玩 唧 ，我哋 仲係 先 打一仗 呢 ，你 話 好唔好 吖 ？
費要多羅 不停 咁 喘氣 ， 忍 唔 住 又 要 拍案而起 大喝一聲 話 ： 打 唔 係 打 ！
但 係 想到 呢 一仗 打 完 ， 後果 係 實在太 過 嚴重 ， 自己 呢 方面 呢 一 啲 贏 嘅 可能 都 冇 ， 只有 夾硬 忍住 又 唔 出聲 嘞 。
韋小寶 突然 間 用 手 喺 枱 上 一 拍 ， 笑 住 話 ： 嘿有 喇有 喇 ， 我 另外 仲有 個 公平 嘅 法子 。
喺 懷內 攞咗 兩粒 骰仔 出嚟 ，吹咗 一啖 氣 擲 喺 枱 上 佢 話 ：
你 唔想 打仗 ，又 唔願 二一 添作五 ，噉 我哋 嚟 擲骰仔 啦 。
由 北京 到 莫斯科 ，算係 一萬里 路程 ，噉 我哋 分成 十份 ，每份 係 一千里 。
我 同 你 擲骰仔 賭 十場 ，每一場 嘅 賭注 呢 ，係 一千 里 國土 。
噉 如果 你好運 呢 ，贏足 十場 ，噉 一直 到 北京城 下 嘅 土地 都 算 羅剎國 嘅 。
費 要 多羅 哼咗 一 聲 佢 問 ：如果 係 我 輸 足 十 場 呢 ？
嘿嘿 ，噉 你 自己 話 啦 。
唔通 莫斯科 以東 嘅 萬里 江山 ，通通 都係 中國 㗎 嘞噃 ？
我 估 你 嘅 運氣 呢 亦 唔 會 咁 差 嘅 ，十場 之中 ，連 一場 都 贏 唔到 。
嗱 ，你 只要 贏得 一場 ，就 保住 一千里 土地 ，兩場 就 二千里 ，贏得 六場 呀 ，就 有着數 喇 。
有 咩 着數 啊 ？
莫斯科 以 東 六千里 ，本來 就係 俄國 嘅 地方 ，七千里 、八千里 ，亦都 係 俄國 地方 。
韋小寶 同 費 要多羅 兩個人 不停口 咁 交涉 ，做 翻譯 嘅 荷蘭 教士 喺 旁邊 ，不斷 噉 細細聲 譯 成 中國話 。
佟國綱 、索額圖 等 聽咗 ，初時 覺得 費 要 多羅 蠻橫無理 ，竟然 要 以 黑龍江 為 界 就 直逼 中國 遼東 。
嗰度 係 滿洲 龍興 之 地 ，點 可以 受 夷狄 嘅 威逼 呢 ？個 心 都 好 嬲 。
收尾 聽見 韋小寶 講話 渴望 打仗 立功 ，以求 列土 封王 ，費 要 多羅 即刻 就 軟翻晒 喇 唔 敢 接口 嘞 。
再聽 韋小寶 東拉西扯 ，咩 交換 封邑 啦 ，二一添作五 啦 ，又 咩 擲骰仔 劃界 ，每注 一千里 土地 啦 ，明知 係 亂噏 一通 ，對方 決 唔會 應承 嘅 。
但係 費 要 多羅 嘅 氣焰 呢 ，已經 冇 晒 咁滯 嘞 。
所以 佟國綱 佢哋 諗 ：羅剎人 蠻橫 的確 係 名不虛傳 ，如果 同 佢哋 一板正經 噉 談判 係 非 處於 下風 不可 嘅 。
皇上 派 韋公爵 嚟 主持 和議 ，真係 大有 知人之明 啊 。
啊 ，啊呢個 番邦 鬼子 係 野蠻人 ，亦 只有 韋公爵 呢種 不學無術 嘅 市井 流氓 ，先至 能夠 同 佢 針鋒相對 以 蠻 制 蠻 唧 。
佢哋 越 聽 就 越 佩服 ，更加 覺得 皇上 英明 睿智 ，非 眾臣 所及 啊 。
索額圖 聽到 呢處 突然間 插口 話 ：莫斯科 本來 係 我哋 中國 嘅 地方 嚟 嘅 。
荷蘭 教士 將 呢句 説話 傳譯 咗 ，費 要 多羅 大吃一驚 ，佢 諗 ：
呢個 後生仔 胡言亂語 就 話 啫 ，點解 你 呢個 老坑 都 亂講 咁 唔 要 面 呢 ？
竟然 話 我 國 京城 莫斯科 ，亦 係 你哋 中國 地方 。
索額圖 又 話 ： 按照 貴 使 嘅 講法 ， 只要 係 ， 羅剎 人 暫時 佔據 過 嘅 地方 ， 就算 係 羅剎 國 嘅 土地 喇 係 唔 係 啊 ？
費要 多羅話 ：本來 就係 噉樣 㗎嘛 。
貴使話 莫斯科 係 中國 地方 ，嘿嘿 ，怕 ，怕 真係 笑話 奇談 喇 。
索額圖 話 ： 羅剎 國 嘅 人民 有大 俄羅斯 、 小 俄羅斯 、 白俄羅斯 ， 又 有 哥薩克 、 韃靼 等等 ， 都 係 羅剎 人 啦 。
一啲 都 冇 錯 ，我國 土地 廣大 ，治下 人民 眾多 。
我國 百姓 嘅 民族 亦 好多 㗎 ，有 滿洲人 、蒙古人 、漢人 、苗人 、回人 、藏人 等等 。
冇錯吖 ，俄國 係 大國 ，中國 亦 係 大國 。
我哋 呢 兩 國 係 當世 最大 嘅 大國 。
貴使 呢次 帶嚟 嘅 衞兵 好似 都係 哥薩克 騎兵 噃 。
哥薩克 騎兵 英勇 無敵 ，係 天下 最 厲害 嘅 勇士 嘞 。
哥薩克 騎兵 厲害 過 俄羅斯 人 好多 喇 係 唔 係 啊 ？
説話 唔能夠 噉 講 嘅 。
哥薩克 係 羅剎 百姓 ，俄羅斯 亦 係 羅剎 百姓 ，毫無 分別 。
好比 滿洲人 係 中國人 ，蒙古人 、漢人 亦 係 中國人 ，毫無 分別 。
噉就係喇 ，因此 莫斯科 係 我哋 中國 嘅 地方 。
韋小寶 聽 佢哋 兩個人 傾到 呢處 ，仍然 唔明白 索額圖 嘅 用意 。
佢 明知 莫斯科 離 呢度 有 萬里 咁 遠 ，決 唔係 中國 地方 。
但係 聽索額圖 講得 似 層層 噉 ，而 費 要 多羅 額頭 啲 青筋 呢 爆起晒 ，面色 一時 鐵青 一時 通紅 ，顯然 個 心 係 嬲到 發狂 ，就 插口 話 ：
莫斯科 係 中國 地方 一啲 都 冇 錯 。
不過 中國 皇帝 寬洪大量 ，畀 你哋 劉備 借 荊州 ，一 借 之後 就 永世 不 還 啫 嘛 。
費要 多羅 當然 唔 知道 劉備 借 荊州 係 咩 意思 ，只係 覺得 呢啲 中國 蠻子 唔 講理性 ，講説話 完全 唔 似 文明人 嘅 ，就 冷笑話 ：
我 以前 聽講 中國 歷史 悠久 ，中國人 極 有 學問 ，點知道 ，嘿嘿嘿 ，就 專 講 埋 啲 冇 憑證 嘅 發暗話 。
索額圖話 ：貴使 係 羅剎國 大臣 ，就算 冇 咩嘢 學問 ，但係 羅剎國 嘅 歷史 總係 知道 㗎 係唔係 啊 ？
費要 多羅話 ：我國 嘅 歷史 都有 書 為 證 ，清清楚楚 噉 寫住 響 處 ，決唔係 由得 人哋 隨口 亂講 嘅 。
索額圖話 ：噉好極嘞 ，中國 從前 有 一位 皇帝 ，叫做 成吉思汗 。
費 要 多羅 聽到 成吉思汗 四個 字 ，不由得 哎吖 一聲 叫咗出嚟 ，個 心 話 ：
弊喇弊喇 ，點解 我 咁 糊塗 ，竟然 將 呢件 大事 都 唔 記得 咗 添 。
索額圖 繼續 話 ：呢位 成吉思汗 ，我哋 中國 叫做 元太祖 ，因為 佢 係 我哋 中國 創建 元朝 嘅 太祖 。
佢 係 蒙古人 。
貴使 先頭 講 ：滿洲人 、蒙古人 、漢人 都係 中國人 ，毫無 分別 。
嗰陣時 蒙古 騎兵 西征 ，曾經 同 羅剎 兵 打過 好多 場 大 仗 。
貴國 歷史 都有 書 為 證㗎 一切 都 清清楚楚 噉 寫住 響 處 嘅 ，決唔係 由得 人 隨口 亂講 嘅 。
呢幾場 大仗 ，唔知 係 我哋 中國人 贏咗 呢 定係 貴國 羅剎人 贏咗 呢 ？
費 要 多羅 冇 聲 出 嘞 ，過咗 好耐 好耐 先至 話 ：
係 蒙古人 贏咗 。
索額圖話 ：蒙古人 係 中國人 。
費 要 多 羅睩 大 雙眼 好耐 ，然後 慢慢 岌下 個 頭 。
韋小寶 唔 知道 從前 居然 有 噉樣 嘅 事 噃 ，一聽 當堂 精神 大振 ，佢 話 ：
中國人 同 羅剎人 打仗 ，羅剎人 係 必輸 無疑 嘅 。
你哋 嘅 本事 呀 的確 係 差咗啲 ，下次 再 打 呢 ，我哋 只係 用 一隻手 啦 。
如果唔係呀 ，雙方 相差 太遠 ，打起上嚟 亦 冇 咩 趣味 嘅 。
費 要 多 羅嬲 到 極 喇 ，睩實 韋小寶 ，佢 諗 ：
如果 唔係 公主殿下 頒咗 嚴令 ，呢次 只准 和 唔准 戰 ，就係 以 你 講 呢啲 侮辱 我哋 羅剎人 嘅 説話 ，我 就 要 同 你 決鬥 喇 ！
韋小寶 笑 騎騎噉 問 索額圖 話 ：索大哥 啊 ，成吉思汗 係 點樣 大敗 羅剎兵 㗎 ？
索額圖話 ：當年 成吉思汗 派咗 兩個 萬人 隊 西征 ，總共 只有 二萬 人馬 ，就 殺到 羅剎 聯軍 十幾萬 人 一敗塗地 。
成吉思汗 嘅 孫 拔都 ，亦都 係 一位 大 英雄 。
佢 率領 軍隊 將 羅剎兵 打到 落花流水 ，佔領咗 莫斯科 ，一直 打到 波蘭 、匈牙利 ，到咗 多瑙河 。
噉 此後 幾百年 之中 ，羅剎 嘅 王公貴族 ，都 聽 我哋 中國人 嘅 説話 。
嗰陣時 ，我哋 中國 嘅 蒙古 英雄 ，住 喺 黃金 鑲嵌 嘅 帳篷 裏 便 。
莫斯科 大公爵 時時 都 嚟 向 中國人 叩頭 啊 。
噉 中國人 要 打 囉柚 就 打囉柚 ，要摑 佢 塊面 就 摑 佢 塊面 。
羅剎 人仲要 笑 騎騎 噉 大聲 話 ： 啊 打 得 好 啊 打 得 好 啊 。
如果 唔係 呀 ，佢 就 做 唔成 公爵 喇 。
韋小寶 聽到 眉飛色舞 ，拍枱 大讚 話 ：
好嘢 好嘢 真 好嘢 ！原來 莫斯科 果然 係 屬於 中國 嘅 。
費要 多 羅塊 面 啊 一陣 青 一陣 白 ，索額圖 所 講 嘅 確係 史實 ，絕無 虛假 ，不過 羅剎 向來 就 唔 承認 蒙古人 係 中國人 。
而家 ，蒙古 屬於 中國 ，由此 推論 ，話 莫斯科 曾經 係 屬於 中國人 ，噉 亦 唔係 無稽之談 啊 。
韋小寶 話 ：侯爵 閣下 ，我 覺得 劃界 嘅 事 ，我哋 亦 不必 談 喇 。
請你 返去 問下 公主 ，乜嘢 時候 將 莫斯科 還畀 中國 啦 。
我呢 ，亦 要 趕翻去 北京 喇 ，採購 牛皮 同 黃金 ，以便 精製 一 頂 黃金 篷帳 ，然後 拆平 克里姆林宮 啊 豎立 金 帳 ，請 蘇菲亞 公主 嚟 瞓覺 咯 ，哈哈哈哈哈哈哈哈哈哈哈哈 。
費 要 多羅 聽到 呢處 呀 ，忍無可忍 ，啪聲 企起身 ，衝出 帳外 。
只聽見 佢 怒吼 如 雷 ，大聲 呼喝 ，傳 呼 命令 ，跟住 馬蹄 聲 響 ，兩百 幾 匹 馬 一齊 衝過嚟 。
韋小寶 大吃一驚 喇 佢 話 ：哎呀 死喇 死喇 死喇 ，羅剎鬼 要 打仗 啊 我哋 快啲 走咯 ！
佟國綱啊久經戰陣 ，認真沉得住氣 佢話 ：韋公爺唔使慌 ，要打就打 ，邊個怕佢啊 ！
只聽見 帳外 哥薩克 騎兵 齊聲 吶喊 ，哇韋小寶 嚇到 周身 滴滴震 啊 ，一蜎 ，就 蜎咗 落去 張 枱 底 。
佟國綱 同 索額圖 你 睇 我 我 睇 你 ， 個心 啊 ， 都 不禁 有 啲 慌 起 上 嚟 喇 。
嗱 各位 ，欲知 後事 如何 ，且 聽 下回 分解 。
