前文 再續 啊 書 接 上 一回 。
話說 當晚 ，韋小寶 同 雙兒 喺 總督府 嘅 卧室 裏 便 過夜 。
爐火 燒到 好旺 ，狐皮 貂褥 ，一室 皆 春 。
呢度 係 佢 個 舊 遊 之 地 ，掀開 床邊 大 木箱 個 蓋 一 睇 ，箱 裏 便 放 嘅 係 軍服 同 槍械 。
雙兒 微微 笑話 ：相公 希望 喺 個 箱 裏 便 ，又 蜎 個 羅剎 公主 出嚟 呢 係 唔係 呢 ？
韋小寶 笑住 話 ：你 係 中國 公主 ，比 羅剎 公主 啊 好得多 喇 。
韋小寶 攬住 佢 條 腰 ， 一拍 噉 坐 喺 床 邊 ， 韋小寶 話 ：
你 夾 嗰幅 地圖 呢 ，嘥咗 你 唔少 心血 ，而家 我哋 終於 攞到咗 鹿鼎山 嘞 。
皇上啊 封 我 做 鹿鼎公 ，呢 座 城池 ，多數 係 畀 我 管 㗎 喇 。
呢座 山下 便 呀 ，收藏住 無數 金珠寶貝 ，我哋 慢慢 噉 掘佢哋出嚟 ，噉 我 韋小寶 呢 ，就 要 改過 個 名 嘞 喎 ，叫做 韋多寶 喇 。
雙兒話 ：相公 已經 有咗 咁多 金 啊 銀 喇噉 ，幾世人 都 用唔完 啦 ，珠寶 再多 都係 冇用 嘅 。
我 睇 呀 ，仲 係 做 韋小寶 好 。
韋小寶 喺 佢 塊 面 處 輕輕 吻 咗 一吻 ， 佢 話 ： 冇 錯 冇 錯 。
呢一排 呢 ，我 一直 都 揸唔定 主意 ，如果 要 掘寶 ，就 怕 掘 斷咗 滿洲 龍脈 害死 咗 皇帝 。
噉 皇上 向來 都 待 我 唔 錯 㗎 嘛 ，害死咗 佢 未免 對 佢 唔住 啦 。
你 話 唔 掘寶 呢 又 覺得 好 可惜 。
噉啦 ，我哋 暫時 唔 掘 呢個 寶藏 ，等到 皇上 御駕 升天 ，我哋 又 窮 到 要 乞食 咁 交關 喇 ，嗰陣時 再 掘 都 唔 遲 吖嚱 ？
啱啱 講到 呢處 ，忽然間 聽見 木箱 裏 便 輕輕 咔噉 一聲 。
兩個 人 打個 眼色 ， 望 實個 箱 ， 過 咗 好 耐下 ， 又 冇 動靜 嘞 噃。
韋小寶 輕輕 拍咗 三下 手 ，雙兒 行過去 開咗 房門 ，喺 門外 守衞 嗰 四名 親兵 躬身 聽令 。
韋小寶 指住 個 木箱 低聲 話 ：裏 便 有人 喇 。
四名 親兵 吃咗 一驚 ，就 衝 到 個 木箱 旁邊 ，揭開 箱蓋 ，見 木箱 裏 便 呢 ，裝滿 衣物 。
韋小寶 打個手勢 ，個 親兵 就 搬開 衣物 ，揭開 箱底 就 露出 個 大洞 。
就喺呢個時候 ，嘣一聲 ，洞裏頭 開咗 一槍 。
一名 親兵 吖 一 聲 ，膊頭 中彈 就 向 後 跌低 。
雙兒 連忙 將 韋小寶 一拉 ， 拉 佢 嚟 到 自己 後 便 。
韋小寶 指 一指 個 炭爐 ，作 個 倒嘢 嘅 手勢 。
一名 親兵 過去 捧起 炭爐 ，向住 個 洞 倒落去 。
只聽見 洞裏頭 有 個人 用 羅剎話 大叫 ：唔好 倒火 ，投降 ！
跟住 猛咁 咳 。
韋小寶 用 羅剎話 叫話 ：先 將 火槍 拋 上嚟 ，再 躝 出嚟 ！
噉嗰個洞裏便呢 ，拋出 一支短槍 ，跟住 一名 羅剎兵 伸 個頭 出嚟 嘞 。
一名 親兵 啊揦 住 佢 頭髮 一拉 ，另外 一名 親兵 呢 ，用 把 刀 晾 喺 佢 條 頸 處 。
嗰個 兵 鬍鬚 着火 仲 未曾 熄 啊 ，痛 到 佢 哇哇聲 咁 叫 狼狽 非常 噉 爬出嚟 。
韋小寶 話 ：下便 仲 有冇 人 啊 ？
洞裏頭 有 個人 叫 啊 ：誒 仲有 一個 ，投降 ，投降 ！
韋小寶 話 ：拋槍 上嚟 ！
只見 洞口 白光 一閃 ，噉啊 拋咗 把 馬刀 上嚟 。
跟住 一團 火 燒住 出嚟 ，原來 呢名 羅剎兵 啊 燒着咗 頭髮 。
喺 門外 守衞 嘅 親兵 ，聽見 大帥 房間 有 事 唄 ，噉 又 跑咗 幾個 入嚟 。
七八名 親兵 啊 捉住 兩名 羅剎兵 ，撲滅 咗 兩個 人頭髮 同 鬍鬚 上面 嘅 火焰 ，然後 將 佢哋 反綁 。
韋小寶 突然間 指住 一名 羅剎兵 話 ：咦 ？你 係 王八 死雞 。
嗰 個 兵 笑 喇 佢 話 ： 係 ， 係 ， 中國 細佬哥 大人 ， 我 係 華伯斯基 啊 。
另外一名 羅剎兵 亦都 叫起嚟 話 ：中國 細佬 哥 大人 ，我 ，我係 齊洛諾夫 啊 。
韋小寶 向 佢 望咗 一陣 ，見 佢 啲 鬍鬚 呢 燒 到 七零八落 ，塊 面 啊 焫 到 又 紅 又 腫 。
但係 終於 認出嚟 喇 ，笑住 話 ：係喇係喇 ，你 係 豬玀懦夫 。
齊洛諾夫 歡喜 到 乜嘢 噉 佢 話 ：冇錯冇錯 ，中國 細佬 哥 大人 ，我 係 你 嘅 老朋友 啊 。
華伯斯基 同 齊洛諾夫 ，都係 蘇菲亞公主 嘅 衞士 ，當年 喺 雅克薩城 同 韋小寶 一齊 去 莫斯科 嘅 。
噉 兩個人 喺 獵宮 同埋 火槍手 造反 ，立咗 啲 功勞 。
蘇菲亞公主 執掌 國政 之後 ，酬謝 跟隨 佢 嗰啲 人 ，噉啊 將 身邊 嘅 衞士 都 升為 隊長 。
其中 四個 人 呢 ，就 嚟 東 便 想 立功 劫掠 。
當兵 敗城 破 個 時候 ，一個人 就 戰死 ，一個人 就 凍死 。
剩翻 呢 兩個 人 呢 就 靜靜 匿咗 入去 地道 ，想 出城 逃走 。
誰知 城外 地道 出口 啊 早就 塞死咗 嘞 ，噉 兩個人 進退不得 ，終於 形跡 敗露 。
當年 ，韋小寶 分別 叫 佢 做 王八 死雞 同 豬玀 懦夫 嘅 。
噉 兩個人 啊 邊度 知道 佢 嘅 意思 呢 ，以為 中國 細佬 哥 發音 唔 正 啫 ，就 照應 嘞 。
噉聽 公主 叫 佢 做 中國 細佬 哥 ，初時 亦 跟住 噉 叫 。
等到 韋小寶 立咗 功 ，公主 啊 封 佢 爵位 ，班 衛士 呢 ，就 稱 佢 做 中國 細佬 哥 大人 喇 。
韋小寶 問 明 來歷 ，就 命令 親兵 鬆綁 ，帶 出去 畀 酒食 款待 佢哋 。
班 親兵 啊 怕 地道 裏 便仲有 奸細 喎 ， 噉 蜎 入 去 搜索 咗 一輪 ， 查 清楚 房間 裏 便 呢 ， 除此之外 ， 再 冇 地道 啊夾 墻 喇 ， 噉 先 至 出 翻 去 。
親兵隊長 嘅 心 就 好 慌 啊 ，猛 話 有罪 有罪噉 。
佢 諗 ：真係 僥天之倖 喇 ，如果 呢 兩 名 羅剎兵 半夜 喺 地道 蜎 出嚟 ，刺死 咗 韋大帥 ，哼 自己 呀 ，非 滿門 抄斬 不可 。
第日 ，韋小寶 又 叫 華伯斯基 同 齊洛諾夫 嚟 ，噉 問起 佢哋 蘇菲亞 公主 嘅 近況 。
兩個人 話 公主殿下 總理 朝政 ，羅剎 全國 嘅 王公大臣 ，將軍 主教 邊個 都 唔 敢 違抗 。
噉 兩位 沙皇 年紀 幼小 ，一切 呢 ，亦都 係 聽 姐姐 嘅 。
齊洛諾夫 話 ：公主殿下 好 想念 中國 細佬 哥大人 ，吩咐 我哋 嚟 探聽 你 嘅 消息 。
要 我哋 見到 你 之後 ，請 你 再 去 莫斯科 玩下 ，公主 重重 有 賞 。
華伯斯基 話 ：公主殿下 唔 知道 係 中國 細佬 哥 大人 帶 兵 嚟 打仗 ，否則 ，大家 都係 親愛 嘅 甜心 ，係 好 朋友 ，呢場 仗 亦都 唔使 打 喇 。
韋小寶 話 ：呵 ，你哋 亂噏 一通 啫 ，呃人 嘅 。
兩個人 賭咒發誓 ，話 係 千真萬確 ，完全 冇 假 。
韋小寶 諗 ：皇上 本來 要 我 設法子 同 羅剎國 講和 ，噉 不妨 叫 呢 兩個 傢伙 去 同 蘇菲亞 公主 講 下 噃 。就 話 ：
誒 我要 寫 一 封 信 ，你 同 我 送去 畀 公主 啦 。
不過 我 又 唔會 寫 羅剎 啲 雞腸 字 ，你哋 代 我 寫 啦 。
華伯斯基 同 齊洛諾夫 互相 望下 ， 都 好 為 難 啊 。
因 為 佢 哋 兩個 人 只 係 會 騎馬 放槍 ， 講到 提筆 寫字 ， 亦 係 一竅不通 嘅 。
齊洛諾夫 話 ：中國 細佬 哥 大人 要 寫 情信 啊 ，我哋 兩個 唔識 寫 㗎 。
我 哋 ， 誒 ， 我 哋 去 搵 個 教士 嚟 寫 啦 。
韋小寶 話 好啊噉 ，就 命令 親兵 帶 兩個人 去 羅剎 投降 嗰啲 人 處 搵 嘞 。
過咗 冇 幾耐 ，兩個人 就 帶咗 一名 大鬍鬚佬 教士 嚟到 。
當其時 ，羅剎 軍人 一般 都 唔識字 。
隨軍教士 除咗 祈禱 上帝 ，激勵 士氣 之外 啊 ，仲有 一門 重要 職務 ，就係 幫 兵將 代寫 家書 。
嗰個 教士 着住 清兵 裝束 ，衣服啊 太過 細嘞 ，烏住 個 身 ，顯得 十分 可笑 。
佢 嚇到 手揗腳震 ，跟住 兩名 隊長 參見 韋小寶 ，佢 話 ：
上帝 賜福 中國 大將軍 ， 大 爵爺 ， 願 中國 大將軍 一家 平安 。
韋小寶 要 佢 坐低 。
韋小寶話 ：你 同 我 寫 封 信 ，畀 你哋 嘅 蘇菲亞 公主 。
得得得得 。
親兵 早就 將 枱上 擺好咗 文房四寶 嘞 。
嗰個 教士 手執 毛筆 ，鋪開 張 宣紙 ，彎彎曲曲 噉啊 寫起 羅剎字 嚟 嘞 。
只覺得 嗰支 毛筆 柔軟 無比 ，筆畫 呢 一時 粗 一時 細 ，嘿 講唔出 咁 論盡 。
不過 一句 説話 都 唔敢 評論 中國 嘅 筆墨 喇 ，怕 激嬲 呢位 中國 將軍 吖 嘛 。
韋小寶話 ：嗱 你噉樣寫 ，自從 分別 之後 ，時常 想念 公主 ，只係 希望 娶咗 公主 做 老婆 。
嗰個 教士 嚇咗 一跳 ，手 一震 ，毛筆 喺 紙 上面 扠咗 一團 墨 。
齊洛諾夫 話 ：呢位 中國 細佬 哥大人 ，係 蘇菲亞 公主 殿下 嘅 甜心 。
公主殿下 好 愛 佢 㗎 ，時常 都 話 中國 情人 啊 勝過 羅剎 情人 一百倍 。
佢 要 討好 韋小寶 啊 ，不免 誇大其詞 。
嗰 個 教士 話 ： 係 ， 係 ， 勝過 一百倍 ， 誒 一百倍 。
個 教士 心神不定 ，文思窒滯 ，不過 呢 又 唔敢 拖延 時間 喇 ，噉 啊 只有 將 平日 用慣 嘅 陳腔濫調 都 寫晒 上去 。
冚𠾴唥 都係 羅剎 士兵 寫畀 故鄉 嘅 妻子 、情人 嘅 肉麻 詞句 。
咩 嘢 ， 親親 好 甜心 啊 ， 我 尋晚 又 夢見 到 你 啊 ， 啊 吻 你 一萬次 啊 之類 ， 不一而足 。
韋小寶 見 佢 筆 走 如 飛 ，非常 滿意 喇 佢 話 ：
你哋 羅剎兵 嚟 侵佔 我 中國 地方 ，殺咗 好多 中國 百姓 。
中國 大皇帝 非常 嬲 啊 ，派 我 帶 兵 嚟 ，將 你哋 兵將 都 捉住 嘞 。
我要 將 佢哋 割 成 一條一條 ，都 燒 成 霞舒尼克 。
嗰個 教士 大吃一驚 話 ：哦 ，我 嘅 上帝 啊 ！
韋小寶 繼續 話 ：不過 ，睇在 你 公主 份上 ，暫時 唔 割 、唔 燒 。
噉 如果 你 應承 以後 羅剎兵 再唔嚟 侵犯 我 中國 疆界 ，中國 同 羅剎國 呢 ，就 永遠 係 好朋友 喇 。
如果 你 唔 聽話 呢 ，我 派兵 嚟 殺 清光 你哋 羅剎 男人 ，你 就 再 冇 羅剎 男人 陪 你 瞓覺 喇 。
你 要 男人 陪 你 瞓覺 呢 ，天下 只有 中國人 喇 。
嗰個 教士 個 心 不以為然 啊 佢 諗 ：
天下 除咗 羅剎 男人 ，唔係 只有 中國 男人 吖 呢句 説話 太過 冇道理 嘞 。
噉 又 覺得 呢種 無禮 嘅 説 話 ， 決 唔 能夠 對公 主講 嘅 ， 就 改寫 幾句 又 恭謹 又 親密 嘅 説 話 ， 佢 估計 呢 個 中國 將軍 亦 唔 識得 。
但係 佢 為人 謹慎 啊 ，怕 畀 佢 睇出 咗 破綻 ，於是 將 呢 幾行 文字 ，都 寫成 咗 拉丁文 。
寫完 之後 ，不由得 微微 笑嘞 。
韋小寶 又 話 ：而家 ，我 派 王八 死雞 同 豬玀 懦夫 ，送 呢 封 信 畀 你 ，又 送 禮物 畀 你 。
你 願意 做 我 個 情人 ，定係 做 我 個 敵人 啦 ？你 自己 決定 啦 。
嗰個 教士 又 將 最後 呢 句 説話 改寫得 極為 恭敬 。
佢 係 噉 寫 嘅 ：中國 小臣 思慕 殿下 厚恩 ，謹 獻 貢物 ，以 表 忠忱 。
小臣 有生之年 ， 皆 殿下 不二 之臣 也 。
企盼 兩國 和好 ，畀 羅剎 被俘 軍民 重歸 故國 ，實 出 殿下 無量 恩德 。
最後 呢句 説話 呢 ，係 出於 佢 嘅 私心 嘞 。
因為 佢 諗住 兩國 如果 唔 講和 呢 ，自己 同 其餘 嘅 羅剎 投降 嘅 人 ，勢必 客死 異鄉 ，永遠 唔能夠 回國 。
韋小寶 等 佢 寫完 就 話 ：完喇 ，你 讀 一次 我 聽 下吖 。
嗰個 教士 雙手 捧起 信箋 嚟到 誦讀 ，讀到 自己 改寫 嘅 地方 呢 ，就 仍然 照 韋小寶 嘅 原意 讀出嚟 。
韋小寶 會 講 嘅 羅剎 話 本來 就 頗 為 有限 ， 聽起 上 嚟 似乎 大致 冇 錯 ， 噉 啊 點估 得到 佢 竟然 膽敢 任意 篡改 呢 ？
就岌一岌頭話 ：好極喇 。
攞出 撫遠 大將軍 韋之 印 嘅 黃金 印信 ，喺 信箋 上面 扱咗 朱印 。
呢封 情書 唔似 情書 公文 唔似 公文 嘅 嘢 呢 ，就 搞成 喇 。
韋小寶 叫 嗰個 教士 出去 領賞 ，就 吩咐 大營 嘅 師爺 ，將 封信 ，就 袋 入去 信封 裏 便 。
喺 信封 上 便 呢 用 中國字 寫上 蘇菲亞 公主 嘅 名 。
嗰個 師爺 磨 濃啲 墨 ，蘸 淰 支 筆 ，噉 第一行 寫 ：大清國 撫遠 大將軍 、鹿鼎公 韋奉書 。
第二行 寫 ：鄂羅斯國 ，攝政 女王 蘇飛霞 固倫 長公主 殿下 。
羅剎 兩個 字 啊 ，喺 佛經 裏 便 呢 係 魔鬼 嘅 意思 ，用嚟 稱呼 俄國 ，有啲 侮辱 嘅 味道 嘞 ，噉 文書 裏 便 呢 ，就 稱 佢 做 鄂羅斯 。
嗰個 師爺 又 覺得 蘇菲亞 三個 字 不甚 高雅 噃 ，呢個 菲 字 啊 ，令人 想起 芳草 菲菲 ，似乎 諷刺 佢 全身 都 係 毛 ，於是 呢 ，就 寫成 蘇飛霞 。
噉又合 落霞 與 孤鶩 齊 飛 嘅 典故 ，又 有 飛霞 撲面 嘅 美麗 ；
固倫長公主 係 清朝 公主 最 尊貴 嘅 封號 ，皇帝 嘅 姊妹 係 長公主 ，皇帝 嘅 女 係 公主 。
呢個 女人 貴為 攝政 ，又係 兩位 並肩 沙皇 嘅 姐姐 ，當然 係 頭等 公主 嘞 。
嗰個 師爺 聽見 韋小寶 笑住 話 ：
呢個 羅剎公主 同 我 啊 有 一手 㗎 ，幾年 冇見 ，都 唔知 佢 點樣 啊噉 。
所以 呢個 師爺 喺 信封 後 便 呢 又 寫咗 兩行 字 ：
夫 和 戎狄 ，國 之 福 也 。
如樂之和 ，無所不諧 ，請與子樂之 。
佢 諗住 呢啲 係 左傳 裏 便 嘅 説話 ，只可惜 羅剎 乃 係 戎狄 之 邦 ，未必 能夠 懂得 我 中華 上國 嘅 經傳 。
噉 其中 相關 嘅 意思 就 更加 唔 識 嘞 ， 噉 直情 係 對牛彈琴 啦 。
其實 不但 鄂羅斯 國 固倫 長公主 蘇飛霞 ，完全 唔懂 呢 幾個 中國字 嘅 含義 。
連 大清國 撫遠 大將軍 ，鹿鼎公 韋 ，噉 除咗 認得 自己 個 名 ，同 兩 個 大字 之外 啊 ，亦都 係 隻 字 唔識 嘅 。
見 嗰個 師爺 喺 信封 正反面 都 寫咗 字 就 話 喇 ：
夠喇夠喇夠喇 ，你嘅 字 寫得 好好 ，叻過 羅剎 鬍鬚佬 啊 。
佢 吩咐 師爺 準備 好 一批 貴重 禮物 ， 好 在 都 係 喺 雅克薩 城繳 翻 嚟 嘅 ， 佢 一文錢 都 唔 使 使 。
噉再 將 華伯斯基 、齊洛諾夫 兩名 隊長 叫嚟 ，叫 佢 兩個人 喺 羅剎 降兵 裏 便 ，挑選 一百 人 做 衞隊 ，立即 前往 莫斯科 送信 。
兩名 隊長 歡喜 到 癲喇 ，猛咁 鞠躬 多謝 ，又 攞起 韋小寶 隻 手 ，喺 佢 手背 上面 一味噉 親吻 。
韋小寶 嘅 手背 畀 兩個人 嘅 鬍鬚 擦到 又 痕 又 癢 ，忍唔住 哈哈大笑 啊 。
雅克薩城 好 細 嘅 ，大軍 駐扎 唔 落 。
韋小寶 同 欽差 ，以及 索額圖 商量咗 ，就 派 郎坦 、林興珠 兩個人 啊 帶領 二千 兵士 ，喺 城內 防守 。
大軍 就 凱旋 南行 ，駐扎 喺 璦琿 、呼瑪爾 兩 笪 地方 候 旨 。
韋小寶 臨行 嘅 時候 ，鄭重 叮囑 郎坦 、林興珠 兩個人 ，叫 佢哋 千祈 唔好 喺 雅克薩城 開鑿 水井 、挖掘 地道 。
噉 大軍 南行 嘞 ，韋小寶 、索額圖 、朋春 等 啊 駐扎 喺 璦琿 。
薩布素 率領 一 支 軍隊 ，噉 啊 駐扎 喺 呼瑪爾 。
韋小寶 叫 羅剎 降兵 ，改着 清軍 裝束 ，噉 派 人 教授 華語 。
叫佢哋 將 我 皇 萬歲 萬萬歲 ，聖天子 萬壽無疆 ，中國 皇帝 德被 四海 、皇恩 浩蕩 呢 幾句 説話 ，背到 爛熟 。
然後 就 派兵 押 佢哋 去 北京 ，要 佢哋 喺 京師 大街 上面 一路 高呼 。
朝見 康熙 嘅 時候 ，需要 大聲 吶喊 ，話 越係 嗌得 大聲 呢 ，皇上 啊 賞賜 越多 噉 。
過咗 二十幾日 ，康熙 頒發 詔書 嚟 嘞 ，對 出征 將士 啊 大加 嘉獎 。
韋小寶 升為 二等 鹿鼎公 ，其餘 將士 啊 各 有 升賞 。
噉啊 傳旨 嘅 欽差 ，將 一個 用火漆 封住 嘅 木盒 交畀 韋小寶 ，乃係 皇上 御賜 啊 。
韋小寶 叩頭 謝恩 ，打開 個 木盒 一 睇 ，嗨 ，不禁 成個 傻咗 。
盒裏便係一隻黃金飯碗 ，碗上面刻住 ：公忠體國四個字 ，係當年施瑯送畀佢嘅 。
只係 花紋 字跡 有 啲 破損 ，係 重新 修補 完整 。
韋小寶 記得 當年 呢隻 金飯碗 係 擠 喺 銅帽子 胡同 伯爵府 裏 便 ，嗰晚 倉皇 逃跑 ，並 冇 帶走 。
一諗 ，就 明白 康熙 嘅 意思 嘞 。
一定係 嗰晚 炮轟 伯爵府 之後 ，前鋒營 軍士 將 府內 殘損 嘅 物件 開具 清單 呈交 畀 皇帝 。
呢隻 金飯碗 雖然 破損咗 ，不過 就 未 融爛 。
康熙 叫 工匠 修補 好 喇 ，再 賜 畀 佢 ，意思 當然 係 話 ：
你嘅 金飯碗 已經 打爛咗 一次 嘞 ，呢 一次 就 要 好好地 捧住 喇 ，唔好 再 打爛 喇 噉 。
韋小寶 諗 ：小皇帝 對 我 倒是 講義氣 ，我哋 有來有往 ，我亦 唔 掘 佢 嘅 龍脈 。
噉啊當晚 ，大宴欽差 ，各位 將軍 作陪 ，宴會後 呢 就 開賭 。
再過 咗 個 幾月 ， 康熙 又 有 上諭 嚟 到 ， 呢 一次 呢 卻 係 大加 申斥 ， 話 韋小寶 做事 胡鬧 ， 要 羅剎 降兵 大呼 萬壽無疆 ， 實在 無聊 之至 啊 。
上諭 裏 便 話 ：為 人君 守牧者 ，當 上體 天心 ，愛護 黎民 。
羅剎 雖 蠻夷 化 外之邦 ，其 小民 亦 人 也 ，既已 降服 歸順 ，不應 復 侮弄 屈辱 之 。
汝 為人臣 ，須 諫君 以 仁明 愛民 之 道 。
朕 若 有 惠 於 眾 ，雖 不 壽 亦 為 明君 ；若 驕妄 殘虐 ，則 萬壽 無疆 ，徒 苦 天下 而 已 。
大臣 諂諛 邪佞 ，致 君 於 不德 ，其 罪 最大 ，切宜 為 誡 。
韋小寶 呢次 拍馬屁 就 拍 喺 馬腳 上 便 碰 咗 成 鼻灰 ，好在 面皮 好厚 亦 不 以為意 。
佢 對 住 傳旨 嘅 欽差 就 猛鬧 自己 該死 啦 ， 個心 就 話 ：
天下間啊 ，邊度 有人 唔鐘意 戴高帽 㗎 ？
實係 呢啲 羅剎兵 嘅 中國話 講得 唔好 ，聽到 皇上 一頭霧水 激嬲 佢 定啦 。
就 將 教 羅剎 兵 華語 嗰 幾 名 師爺 叫嚟 ，大鬧 佢 一 餐 ，鬧完 之後 ，就 開 枱 同 佢哋 賭 錢 。
擲咗 幾 手 骰仔 呢 ，早就 將 康熙 嘅 訓誡 拋 到 九霄雲外 嘞 。
匆匆 又 過咗 幾個 月 ，冬盡 春來 ，韋小寶 喺 璦琿 雖然 住得 好 舒服 啊 ，不過 就 成日 掛住 阿珂 、蘇荃 等 幾個 妻子 同埋 虎頭 等 兒女 ，噉 曾經 幾次 派 親兵 ，送 嘢 返 屋企 。
六位 夫人 呢 ，亦都 各 有 衣物 用品 送嚟 ，大家 知道 佢 唔識字 ，家書 就 兩 免 嘞 。
只係 叫 親兵 帶 個 口信 嚟 ，話 屋企 大小 平安 ，盼望 大帥 早日 凱旋 歸來 。
嗱 各位 ，欲知 後事 如何 ，且 聽 下回 分解 。
