前 文 再續 啊 書 接上 一回 。
話 說 韋小寶 要 征集 一千架 水龍 ， 嗰 個 掌管 軍需 嘅 參 將 ， 話 要 返去 北京 天津 運 嚟 至 得 。
韋小寶 發 嬲 話 ： 放 你 個 屁 ！ 去 北京 天津 調運 水龍 ， 噉 要 幾耐至 得 啊 ？ 打仗 嘅 事 ， 半日 都 唔 耽擱 得 ！
嗰 個 參 將 猛 話 ， 係 係 係 噉 。
面色 都 變 晒 啊 佢 諗 ： 哎呀 ， 呢 一次 我 冇 命 喇 。
嗰 個 欽差 坐 喺 旁邊 ， 忍 唔 住 勸 佢 話 ：
大帥 ， 你 嘅 貴 尿 ， 已經 射上 咗 羅剎 人 嘅 城頭 ， 呢 啲 嘢 ， 呵呵 ， 誒 呢 啲 嘢 貴 精不貴 多 。
我 哋 呢 一仗 已經 贏 咗 咯 ， 以 兄弟 淺見 ， 似乎 可以 窮寇 ， 誒 窮寇 莫射 喇 。
韋小寶 擰 擰 頭話 ： 唔 得 ， 冇 一千架 水龍 ， 辦 唔 成 噉 嘅 大事 。
眾位 將軍 ， 邊 一位 能夠 想 出 妙計 ， 即刻 調 到 一兩千架 水龍 ， 噉 就 係 天大 嘅 功勞 喇 。
朋春話 ： 請問 大帥 ， 要 呢 一千架 水龍 係 用 嚟 ， 誒 ， 係 咪 用 嚟 射 尿 上城 呢 ？
韋小寶 笑 住 話 ： 我 哋 有 呢 一千架 水龍 如果 用 嚟 射 尿 上城 ， 又點 有 咁 多 人 嚟 屙 尿唧 ？ 一百萬 兵 都 唔 夠 㗎 嘛 。
係 ， 係 。 屬下 太過 愚蠢 ， 要 請 大帥 指點 。
先頭 啊 ， 我 見到 本帥 嘅 貴 尿 射 上 城頭 ， 即刻 就 結成 咗 冰 。
噉 如果 我 哋 用 一兩千架 水龍 ， 連日連夜 噉 將 熱水 射入 城裏 便 ， 你 哋 話 會點 呢 ？
眾 將官 打 咗 個 特 ， 腦筋 比較 靈活 嘅 人 呢 ， 就 首先 歡呼 嘞 ， 跟 住 其他 嘅 人 呢 亦 都 明白 喇 ， 一時之間 ， 大帳 之內 ， 歡聲 如雷 。
眾 將官 都 話 ： 妙計 ， 妙計 啊 ！ 水漫 雅克薩 ， 冰凍 鹿鼎山 啊 。
過 咗 一陣 ， 歡呼聲 漸漸 停止 喇 ， 有人 就 話 ：
就算 要 去 北京 、 天津 調 啊 ， 嗰 一千架 水龍 ， 亦 要 有 咁 快 得 咁 快運 過 嚟 㗎 。
噉 即刻 就 有 幾名 副將 、 佐領 ， 自告奮勇 ， 請求 命令 去 征集 水龍 嘞 。
洪朝 啊 職位 低微 ， 排班 啊 企 喺 最 收尾 。
呢 個 時候 佢 躬身 話 ： 啟 稟 主帥 ， 末將 有個 淺見 ， 請 主帥 定奪 。
韋小寶 話 ： 你講 啦 。
末將 係 福建人 ， 家鄉 地方 好窮 ， 做 唔 起 水龍 ， 鄉村 火燭 嘅 時候 呢 ， 大家 就 用 竹筒 水槍 救火 。
竹筒 水槍 ， 係 用 一支 粗大 嘅 毛竹 打通 佢 ， 頭 嗰 處 ， 開 一個 銅錢 咁 大 嘅 窿 仔 ， 另外 一便 呢 ， 用 一條 木頭 活塞 插 喺 竹筒 裏 便 。
救火 個 時候 ， 將 水槍 嘅 窿 仔 浸 喺 水 裏頭 ， 活塞 一向 後 拉 ， 竹筒 就 會 吸滿 咗 水 㗎 喇 ， 噉 再 出力 推動 嗰 個 活塞 ， 水槍 裏 便 嘅 水 就 射出去 嘞 。
韋小寶 嗯 噉 應 咗 一聲 ， 噉 諗 下 水槍 究竟 用 得 唔 用 得 。
何佑話 ： 啟 稟 主帥 ， 水槍 就 可 大 可細 ， 卑職 細時 同 啲 細路 玩 ， 用水 槍射人 ， 都 幾 有趣 㗎 。
就 可惜 呢 一帶 冇 大 毛竹 ， 要 做 大 水槍 呢 啲 大 竹筒 ， 亦 要過 咗 長江 先至 有 嘅 。
韋小寶 問 洪朝 話 ： 噉 你 有 咩 法子 呢 ？
洪朝 話 ： 末將 諗 ， 呢 一帶 ， 大 毛竹 係 冇 嘅 ， 大 松樹 、 大 杉樹 就 非常 多 。
我 哋 將 大樹 斬落 嚟 ， 將 中間 挖空 佢 ， 就 可以 做成 大 水槍 嘞 。
韋小寶 話 ： 要 挖空 大 松樹 個心 ， 唔 容易 啩？
一名 姓 班 嘅 副將 係 山西 木匠 出身 ， 佢 話 ： 啟 稟 主帥 ， 呢 件 事 唔 難 嘅 。
我 哋 將 樖 樹 鋸開 兩邊 ， 每 一邊 中間 ， 挖成 半圓 ， 打磨 光滑 。
然後 ， 將 兩邊 合翻 埋 ，樖 樹 中間 呢 ， 就 係 一個 空心 嘅 圓 洞 嘞 。
兩邊 夾 埋 嘅 時候 ， 如果 講究 啲 ， 就 接榫 啦 ； 如果 係 粗粗 地 ， 就 用 大 鐵釘 釘 起 嚟 就 得 㗎 嘞 。
韋小寶 好 歡喜 啊 佢 話 ： 好極 喇好極 喇 ！ 誒 做 噉 樣 一支 大 水槍 ， 要 幾多 時候 呢 ？
班副將 話 ： 小將 自己 逳 手 ， 一日 可以 做 得 一支 ， 再開 埋 夜工 ， 可以 做 得 兩支 。
嘿慢 過頭 喇慢 過頭 喇 。
你 去 各營 挑選 幫手 ， 一齊 嚟 做 ， 你 做 師父 ， 即刻 就 教 徒弟 。
呢 啲 係 粗 功夫 嚟 啫 ， 唔 係 新娘 嘅 紅 漆 屎 桶 ， 亦 唔 係 財主 佬 嘅 楠木 棺材 。
水槍 外 便 嘅 樹皮 都 唔 使 剝 喇 ， 只要 能夠 射水入 城 噉 就 得 㗎 喇 。
眾 將官 ， 馬上 逳 手 ， 即刻 去 做 水槍 耶 ！
噉 啊眾 將官 得 令 ， 帶住 所屬 士兵 就 即時 出發 ， 去 樹林 啊 斬伐 木材 。
同時 分遣 快 馬 ， 去 同 百姓 征借 斧 、 鑿 、 鋸 、 刨 等等 嘅 木工 用具 。
關外 呢 遍地 都 係 松杉 ， 額爾古納河 一帶 係 處處 森林 ， 百年 以上 嘅 參天 喬木 啊 ， 亦 係 不計其數 嘅 。
清軍 大舉 出動 ， 都 唔 使 半日 唧 ， 就 斬 咗 幾千 樖 大樹 嘞 。
軍中 士兵 本來 做過 木匠 嘅 有 百 幾 人 ， 班副將 將 佢 哋 調 埋 一齊 ， 噉 再 搵 咗 四五百名 手藝 靈巧 嘅 士兵 幫手 ， 漏夜 開工 啊 趕造 水槍 。
班副將 啊 首先 做 咗 一支 嚟 到 示範 。
嗰 支 水槍 直徑 長 二尺 ， 槍筒 呢 ， 有丈 幾長 ， 活塞 末端 就裝 咗 一條 橫木 ， 六名 士兵 啊 企 喺 兩 便 ， 揸 住 橫木 一齊 推拉 。
喺 水 槍口 倒 咗 熱水 入去 之後 ， 班副將 一聲令下 ， 六名 士兵 就 出力 推動 活塞 ， 熱水 喺 水槍 裏 便 激射 而出 ， 一直 射 到 二百 幾步 咁 遠 啊 。
韋小寶 睇 咗 試演 啊 連聲 喝彩 佢 話 ：
呢 支 唔 係 水槍 ， 係 水炮 啊 ！
我 哋 同 佢 改 個 好聽 啲 嘅 名 至 得 ， 叫做 ， 嘿 ， 叫做 白龍水 炮 啦 。
又 攞 咗 金銀 出 嚟 ， 犒賞 班副將 同埋 造炮 官兵 ， 就 吩咐 連日連夜 咁 趕造 。
話 說 圖爾布青 呢 見到 清軍 退 咗 又 翻 轉頭 ， 佢 就 企 喺 城頭 瞭望 ， 見到 清軍 營寨 堆積 咗 無數 木材 個心 諗 ：
中國 蠻子 砍伐 木材 ， 要 燒火 取暖 ， 照 噉 樣 睇 ， 佢 哋 係 要 圍城 唔 扯 嘞 。
哼 ， 再 過 得 半個 月 ， 大風雪 一刮 ， 你 哋 就 知 ， 啲 火燒 得 再 旺 都 擋 唔 住 呢 啲 地獄 裏 便 吹 出 嚟 嘅 陰風 寒氣 㗎 。
佢 落 咗 城 ， 叫 親兵 燒旺 咗 室內 爐火 ， 斟滿 咗 羅剎 烈酒 ， 叫 兩名 擄掠 翻 嚟 嘅 中國 少女 服侍 飲酒 啊 。
噉 朋春 、 何佑 等 啊 分遣 騎兵 ， 將 幾百里 方圓 內 百姓 嘅 鐵 鑊 、 鐵煲 都 調晒 嚟 。
掘 地 為 灶 ， 木柴 堆 、 冰雪 堆 好似 一座座 山仔 噉 ， 一坎坎 做好 嘅 白龍水 炮 ， 都 用 樹枝 嚟 冚 住 ， 以免 畀 羅剎 兵 發覺 。
過 咗 幾日 ， 班副將 稟報 話 三千 坎 白龍水 炮 已經 做好 嘞 。
第 日 係 黃道吉日 ， 韋小寶 卯時 升帳 ， 擊鼓 聚將 ， 下令 將 水炮 抬 上 長 壘 ， 炮口 對準 雅克薩 城 。
噉 就 準備 妥當 喇 ， 軍中 鼓角齊鳴 ， 號炮 嘣 嘣 嘣 噉 連響 九 下 。
各營 將士 一齊 逳 手 ， 將 冰雪 啊 鏟 入 鐵 鑊 鐵煲 ， 煲 熱水 嘞 。
圖爾布青 啊 正 喺 個 被 竇 處 暖 笠 笠 瞓 到 淰 ， 忽然間 ， 聽見 城外 炮聲隆隆 一下 扎醒 咗 就 連忙 跳 起身 ， 匆匆忙忙 着 翻 衣服 ， 褸 翻件 貂皮 ， 去 到 城頭 睇 下 咩 嘢 事 嘞 噃。
噉 當 其時 風雪 好大 ， 天色 昏暗 ， 喺 朦朧 之中 ， 見到 清 軍長 壘 上面 就 擺滿 晒 一 樖樖 大樹 都 唔 知 做 乜 。
猛 聽見 清軍 齊聲 吶喊 ， 好似 山崩地裂 一樣 啊 ， 幾千 樖 大樹 裏 便 突然 間射 出水 嚟 ， 四面八方 噉 噴射 入 城 。
圖爾布青 啊 驚到 不得了 ， 只 係 叫 咗 一聲 ： 哦 ！ 一股 熱水 射 到 嚟 心口 。
不過 天時 呢 實在 太冷 嘞 ， 熱水 射 到 嚟 嘅 時候 已經 唔 係 點熱 ， 不過 呢 沖 到 佢 企 唔 穩 ， 一個 踉蹌 成個 𢴈 倒 ， 噉 身邊 嘅 親兵 啊 連忙 扶 起 佢 。
只 聽見 四圍 都 係 叫喊聲 啊 ， 頭頂 水聲 ， 啡 哩 嘩 喇 ， 一條條 白龍 一樣 嘅 水柱 飛入 城內 。
霎時之間 ， 雅克薩 城 上面 籠罩 咗 一團 茫茫 大霧 ， 呢 啲 係 水汽 遇冷 凝結 而 成 嘅 。
圖爾布青 搞 到 心亂如麻 佢 大叫 話 ： 中國 蠻子 又 使 妖法 喇 。
梗 係 啦 ， 大樹 裏 便 ， 竟然 會 噴出 水 嚟 ， 當然 係 妖法 無疑 嘞 。
佢 急 到 極 嘞 就 大叫 話 ： 大家 放槍 ， 大家 放槍 ！ 唔 好 畀 中國 蠻子 衝 上城 啊 ！ 放槍 ！ 放槍 ！
自從 嗰 日 佢 畀 清軍 剝光 晒 衫褲 ， 牽住 繞城 三個 圈 之後 威風 大失 。
噉 發出 嚟 嘅 號令 呢 ， 部屬 已經 唔 係 好似 以前 咁 聽 嘞 。
而家 見到 幾千 股 水柱 射入 城內 ， 眾兵 將避 都 避 唔 切 啊 ， 仲 邊度 有人 理 佢 吖 。
噉 好 在 清軍 呢 只 係 射水唧 ， 冇 乘機 攻城 。
噉 羅剎 兵亂 咗 一陣 ， 就 冇 咁 驚 嘞 。
只見 地下 積水 成冰 ， 頭頂 一條條 水柱 仲 係 猛 咁 射落 嚟 。
雅克薩 城內 中國 男人 呢 早就 畀 羅剎 兵 殺 到 清光 ， 只 係 剩翻 啲 年輕 女子 作為 營妓 ， 畀 佢 哋 淫樂 。
噉 城內 除 咗 羅剎 兵將 之外 啊 ， 仲有 莫斯科 派 嚟 嘅 文職 官員 ， 傳教 嘅 教士 ， 隨軍 做買賣 嘅 商人 ， 想 嚟 東方 大發橫財 嘅 無賴 亡命 ， 小偷 大盜 。
噉 而家 呢 畀 水一射 ， 人人 嘅 身上 淋到 落湯雞 噉 。
噉 初時 水 呢 仲 係 温熱 ， 冇 幾耐 呢 ， 濕衫 漸漸 冷 嘞 噃， 又過 咗 一陣 ， 濕衫 開始 結冰 嘞 。
嘩 ， 啲 人 驚 喇 ， 紛紛 除 咗 衫褲 皮靴 。
因為 人人 都 知道 啊 ， 濕衫 一結 咗 冰 呢 ， 黐 住 晒 啲 肉 ， 嗰 陣 時 手指 僵硬 就 冇 法子 除得開 。
就算 有人 幫手 ， 就 往往 將 啲 皮膚 連埋 衫褲 鞋襪 一齊 撕落 嚟 ， 好 危險 㗎 。
地下 積水 漸漸 高 嘞 ， 慢慢 凝固 ， 變成 稀粥 一樣 。
羅剎 人除 大 赤腳 踩 喺 裏 便 ， 冷到 入骨 ， 忍 唔 住 就 猛 咁 𨂽 腳 大叫 話 ： 凍死 喇 ， 凍死 喇 ！
啲 人 啊 紛紛 走 到 高個 地方 ， 有 啲 人 係 索性 爬 上 屋頂 。
喺 呢 個 時候 喺 人群 之中 有人 叫 話 ： 投降 啊 ， 投降 喇 ， 再 唔 投降 大家 都 凍死 喇 ， 投降 喇 ！
圖爾布青 啊 着 住件 貂裘 ， 左手 啊 揸 住 把 遮 ， 騎住 一匹 高頭大馬 嚟 來回 巡視 ， 聽見 有人 大聲 叫 投降 唄 ， 就 大聲 噉 喝 ：
邊個 喺 處 擾亂 軍心 啊 ？ 呢 啲 奸細 ， 拉 出 嚟 槍斃 ！
班人 見到 佢 貂裘 可以 防水 ， 佢 就 着 到 暖 笠 笠 ， 喺 呢 處 呼喝 斥罵 ， 人 哋 呢 凍到 死去活來 。
人人 個心 都 好 唔 忿 ， 噉 就 有人 執起 啲 冰塊 掟 佢 。
圖爾布青 嬲 嘞 ， 舉起 短槍 ， 嘣 一聲 ， 向 人群 中 射過去 ， 當堂 啊 打死 兩個 人 。
噉 其餘 啲 人 啊 向 佢 亂 掟 冰塊 雪團 ， 仲 有人 撲上去 將 佢 拉 落馬 。
衞 兵 啊 用 刀 嚟 斬 佢 哋 ， 都 冇 法子 阻止 得 住 。
正在 大亂 嘅 時候 ， 一 小隊 騎兵 跑 到 嚟 ， 噉 羅剎 亂民 啊 先至 一哄而散 。
圖爾布青 喺 地下 爬 起身 ， 咁 啱 ， 頭頂 有 兩股 水柱 淋落 嚟 ， 將 佢 全身 潑濕 。
佢 兩 腳 亂 𨂽 亂 跳 大聲 噉 鬧 ， 噉 唯有 叫 衞 兵 幫 佢 除 衫 除 靴 嘞 。
清軍 望見 城內 嘅 羅剎 兵 狼狽 嘅 情景 ， 土壘 之上 啊 歡聲雷動 。
朋春 等 軍官 ， 喺 度 忙碌 指揮 。
班副將 帶 住 嗰 隊 木匠 隊 ， 加緊 修理 壞炮 。
噉 啊 燒柴 隊 啊 加柴 燒火 ， 將 冰雪 鏟入 鑊 裏 便 。
運水隊 呢 ， 將 熱水 一桶桶 噉 喺 炮口 倒入 去 。
炮筒 裏 便 水一 倒滿 ， 一 ， 二 ， 三 ， 放 ！
噉 六名 炮手 啊 出力 咁 向前 推動 活塞 ， 一股 水 箭 喺 炮口 沖 出去 ， 射入 城裏 便 。
清軍 水炮 射 出 嚟 嘅 熱水 嘅 時候 ， 成條柱 噉 樣 ， 有 啲 去 到 城頭 上空 ， 就 散成 為 水珠 ， 好似 大雨 一樣 噉 灑落 去 ；
有 啲 係 射 得 比較 低 ， 不過 呢 ， 就 唔 散開 嘅 ， 對準 啲 人身 直 沖 。
噉 水炮 嘅 精 粗 亦 唔 一樣 ， 有 啲 力量 好大射 得 好 遠 ， 有 啲 嘅 射程 就 好 近 。
仲有 好多 射得 幾次 就 炮筒 散裂 ， 啲 熱水 呢 反而 焫 親唔 少 清軍 嘅 炮手 添 。
三千 坎 水炮 啊 射 咗 一個 幾 時辰 ， 已經 壞 咗 六七百 坎 嘞 。
同時 將 啲 冰雪 煮成 熱水 ， 又 唔 及 水炮 發射 咁 快 ， 噉 彈藥 到 咗 收尾 已經 接濟 唔 上 。
噉 又 射 咗 大半個 時辰 ， 壞炮 越 嚟 越 多 ， 熱水 啊 更加 缺乏 。
只 係 剩翻 八九百 坎 水炮 ， 仲 喺 度 發射 ， 不過 就 威力 大減 嘞 。
韋小寶 正 係 感到 喪氣 嘅 時候 ， 忽然間 見到 城門 大開 ， 幾百名 羅剎 人湧 住 出 嚟 大叫 話 ： 投降 啊 ！ 投降 喇 ！
當 其時 薩布素 頭上 嘅 槍傷 已經 好 咗 成 大半 嘞 ， 佢 率領 一千 騎兵 上前 ， 大喝 話 ：
投降 個人 坐 喺 地下 ！
羅剎 人 互相 望下 ， 唔 明白 佢 個 意思 ， 因為 唔 識 話 吖 嘛 。
一名 清軍 把 總 喺 地下 一 坐 佢 話 ： 坐低 ， 坐低 ！
就 喺 呢 個 時候 ， 城門 又 閂 翻 埋 嘞 ， 城頭 上 幾排 槍射落 嚟 ， 將 羅剎 投降 嘅 人 射死 咗 幾十人 。
噉 其餘 羅剎 投降 嚟 嘅 人 呢 ， 就 散 晒 逃走 。
清軍 水炮 啊 瞄準 城上 放 槍 嘅 羅剎 兵將 ， 水柱 激射 過去 。
羅剎 兵 又 紛紛 跌落 城頭 。
呢 個 時候 ， 城內 積水 兩尺 有 多 ， 都 已經 結成 咗 冰 嘞 。
如果 要將 全城 灌滿 水 ， 凍成 一座 大 冰城 呢 ， 至少 ， 亦 都 要 過得 十零 二十日 嘅 。
但 係 羅剎 兵 啊 冇 衫 冇 鞋 ， 又 透 唔 到 火 ， 人人 都 凍到 滴滴 震 ， 面色 都 青晒 。
有 啲 幾個 人 呢 攬 埋 一堆 僂 ， 互相 嚟 靠 體温 取暖 。
圖爾布青 仲 喺 度 大聲 咁 喝 噃， 督促 啲 士兵 守城 。
啲 兵 都 擰 歪面 ， 唔 理 佢 。
圖爾布青 啊 嬲 到 不得了 ， 想 去 摑 一名 軍官 。
嗰 個 軍官 轉身 避開 ， 圖爾布青 啊 追過去 ， 忽然 隻 腳 喺 冰 上面 一 滑 就 跌 喺 地 。
旁邊 有個 兵士 ， 用手 一 推 ， 將 佢 推 咗 落 去 地下 一個 水 氹 裏 便 。
圖爾布青 啊 出力 咁 掙扎 ， 但 係 手腳 麻木 啊 爬 唔 上 嚟 ， 大叫 話 ： 救 我 啊 ！ 救 我 啊 ！
但 係 眾兵將 人人 都 繑 埋 雙手 ， 圍 埋 喺 水 氹 旁邊 嚟 到 睇 。
過 咗 冇 幾耐 ， 水 氹 嘅 水 凝結 成冰 嘞 ， 將 圖爾布青 監生 噉 凍結 喺 裏 便 。
佢 上身 喺 冰窟 之外 ， 仲 喺 度 猛 咁 喘氣 ， 胸膛 以下 呢 ， 就 陷 喺 冰 內 就 好似 活埋 咗 一樣 。
呢 個 時候 人人 心意 相同 啊 ， 打開 城門 大叫 話 ： 投降 喇 ！ 就 蜂擁 而出 嘞 。
韋小寶 歡喜 到 癲 喇 ， 手舞足蹈 胡言亂語 ， 所發 嘅 號令 冚𠾴唥 莫名其妙 嘅 。
好 在 清軍 帶兵 將領 都 係 久經 戰陣 嘅 宿將 ， 個口 就 大叫 話 ： 得 令 ！
卻 係 自行 去 辦理 受降 、 入 城 、 繳械 、 清理 各種 手續 ， 噉 一切 井井有條 。
而 呢 啲 呢 ， 同 韋大帥 所發 嘅 號令 完全 冇 關係 嘅 。
先頭 射水入 城 就 唯恐 不 多 吖 ， 而家將 城內 結 嘅 冰 燒 翻 融 佢 ， 再 化成 水流 出 城外 呢 ， 都 好 難 做 得到 㗎 ， 只好 順其自然 嘞 。
郎坦 督率 眾兵 ， 先將 總督府 清理 妥當 ， 請 韋小寶 、 索額圖 同 欽差 住入 去 。
然後 再 去將 火藥庫 、 倉械庫 、 金銀 庫 等等 要 地 一一 封存 ， 就 派兵 看守 。
當 其時 清朝 國勢 正 係 強盛 ， 軍隊 紀律 森嚴 。
大官 好似 韋小寶 啊 、 索額圖 啊 等 啊 不免 乘機 大發橫財 啦 ， 不過 軍官 士兵 呢 ， 係 一件 嘢 都 唔 敢 要 嘅 。
城內 城外 殺 牛 劏 羊 ， 大舉 慶祝 。
索額圖 等 人 梗 係 一味 恭維 韋小寶 啦 。
嗰 個 欽差 話 ： 兄弟 呢 次 出京 ， 皇上 一再囑咐 ， 要 韋大帥 不可 殺傷 太 多 。
今日 ， 韋大帥 攻克 堅城 ， 固然 係 奇功 ， 更加 難得 嘅 係 居然 刀槍劍戟 ， 弓箭 火器 一概 唔 用 ， 我軍 竟然 冇 一兵一卒 陣亡 。
一日 之內 ， 摧 大敵 ， 克 名城 ， 而 不損 一名 將士 ， 古往今來 ， 唯 韋大帥 一人 而已 唧 。
呢 個 不但 係 空前 啊 ， 亦 一定 係 絕後 㗎 喇 ， 哈哈哈 哈哈哈 。
韋小寶 得意洋洋 ， 就 大 吹牛皮 話 ：
要 打破 雅克薩 城 呢 ， 本來 亦 唔 係 難 嘅 。
難 在 皇恩浩蕩 ， 要 體恤 將士 唔 能夠 傷亡 太 大 。
因此 兄弟 呢 ， 要 等到 今日 ， 先至 使 呢條 計策 ， 等 欽差大臣 親眼見到 。
我 哋 同 皇上 辦事 打 一場 勝仗 ， 人人 都 會 嘅 ， 唔 算 得 稀奇 吖 。
不過 要仰 遵 皇上 聖意 ， 打勝仗 而 唔 死 人 ， 嘿 ， 噉 就 難 一 啲 啲 喇 。
眾 將官 覺得 佢 雖然 係 自吹自擂 啊 ， 但 係 要 打 一個 大 勝仗 而 自己 方面 ， 一個 人 都 唔 死 ， 亦 確係 天大 嘅 難事 噃， 所以 人人 都 岌頭 。
索額圖 話 ： 呢 啲 係 皇上 嘅 洪福 ， 韋大帥 嘅 奇才 啊 。
韋小寶 話 ： 今日 由 上 到 下 ， 人人 都 有 好 大 嘅 功勞 。
如果 唔 係 欽差 大人 ， 同 索大人 親臨 前敵 ， 奮勇 督戰 ， 我 哋 亦 唔 能夠 贏得 咁 容易 嘅 。
欽差 同埋 索額圖 都 好 歡喜 啊 ， 感激 到極 。
先頭 對陣 嘅 時候 ， 佢 兩個 文官 啊 匿 到 遠遠 ， 慌怕 畀 火器 矢石 打傷 ， 邊處 有 親臨 前敵 、 奮勇 督戰 嘅 事 吖 ？
但 係 韋小寶 既然 係 噉 樣講 咯 ， 喺 報捷 嘅 奏章 裏 便 ， 當然 亦 有 自己 一份 大功 嘞 。
清廷 軍功 嘅 賞賜 最為 豐厚 ， 其他 嘅 功勞 都 冇 得 比 嘅 。
噉 大家 飲 咗 一輪 酒 ， 薩布素 嘅 部下 得到 羅剎 兵 嘅 報告 ， 將 圖爾布青 喺 冰窟 裏 便 挖 翻 出 嚟 ， 就 抬 到 嚟 天井 。
呢 陣時 圖爾布青 早就 死 咗 嘞 ， 凍死 嘅 。
韋小寶 叫 人用 棺木 將 佢 收斂 ， 呢 啲 就 唔 講 佢 喇 。
噉 等到 降兵 人數 ， 城中 財物 器械 等 大致 查點 就緒 ， 韋小寶 啊 同 索額圖 、 欽差 三個 人 聯名 上 奏 ， 派 人 騎馬 送 去 北京 ， 向 皇上 報捷 嘞 。
嗱 各位 ， 欲知 後事 如何 ， 且 聽 下回分解 。
