前文 再續 啊 書 接 上 一回 。
話說 韋小寶 、洪夫人 佢哋 排 一排 年紀 ，睇下 邊個 大 邊個 細 。
噉 啊 各人 報 咗 生日 嘅 年 月 ， 梗 係 洪夫人 蘇荃 係 最大 啦 ， 其次 係 方怡 ， 再其次 係 公主 。
曾柔 、沐劍屏 同 韋小寶 三個人 係 同年 。
曾柔啊 大過 韋小寶 三個月 ，沐劍屏 呢 ，就 細過 韋小寶 幾日 。
蘇荃 、方怡 等 四個 女子 姊姊 妹妹 噉 叫到 非常 親熱 ，噉 只係 公主 坐 喺 一便 呢 嬲 爆爆 唔出聲 。
蘇荃 話 ： 佢 係 公主 殿下 ， 唔 願同 我 哋 平民百姓 姊妹 相稱 ， 大家 仲 係 稱呼 佢 做 公主 殿下 啦 。
公主 冷冰冰 噉 話 ：我 真係 唔敢當 啊 。
想到 佢哋 聯群結黨 ，自己 孤零零 噉 ；
而 呢個 冇 良心 嘅 死太監 小桂子 ，睇嚟 亦係 向住 佢哋 四個人 多 ，向住 自己 嘅 少 㗎 嘞 ，傷心 起上嚟 忍唔住 放聲 大哭 。
韋小寶 坐 佢 身邊 ，拉住 佢 手 安慰 佢 話 ：
好喇好喇 ，大家 歡歡喜喜 唔係 好囉 ，唔好 喊 啦 。
公主 舉起 手 嚟 一巴 打過去 ，突然間 諗起 蘇荃 講過 嘅 説話 ，噉 呢 一掌 呢 ，只有 中途 轉向 嘞 ，啪 一聲 ，打喺 自己 心口 ，吖 噉 叫咗 一聲 。
噉 眾人 忍唔住 都 哈哈大笑 嘞 。
公主 就 更加 激氣 啦 ，伏 喺 韋小寶 個 身處 啊 猛 咁 喊 。
韋小寶 笑住 話 ：好喇好喇 ，大家 唔好 嘈交 喇 。
誒 我哋 嚟 賭 骰仔 啦 ，我 做 莊 。
不過 喺 洪教主 嘅 鐵箱 裏 便 啊 仔細 咁 搵 ，韋小寶 嗰 兩粒 骰仔 呢 點 都 搵唔到 嘞 。
梗係 陸高軒 喺 搜 佢 嘅 身 嘅 時候 ，將 嗰 兩粒 骰仔 順手 掉 咗 啦 。
韋小寶 悶悶不樂 。
蘇荃 就 笑住 話 ：不如 我哋 用 木頭 嚟 刻 兩粒 骰仔 罷啦 。
嗯 木頭 輕過 頭 ，擲起 上嚟 冇 癮 嘅 。
曾柔 喺 身邊 攞咗 啲 嘢 出嚟 ，揸實 個 拳頭 佢 話 ：你 估下 係 乜嘢 啦 ？
韋小寶話 ：估銅錢啊 ？噉都好 ，總好過冇嘢賭啊 。
曾柔 笑住 話 ：你 估 幾多 個 呢 ？
三個 。
曾柔 攤開 手掌 ，原來 係 兩粒 骰仔 。
韋小寶 哎呀 咁 一聲 大叫 跳起身嚟 問 佢 邊 説 嚟 㗎 邊 説 嚟 㗎 。
曾柔 笑咗 一下 ，將 骰仔 放 喺 枱 上 。
韋小寶 一手 攞起 骰仔 ，擲完 一手又一手 ，興味 無窮 。
就覺得 呢 兩粒 骰仔 啊 ，兩便 輕重 時時 都 唔同 嘅 ，顯然 係 灌咗 水銀 㗎 啦 。
佢 諗 ：曾柔 一向 啊 斯斯文文 ，點會 玩 呢啲 假 骰仔 呃 人 嘅 錢 嘅 呢 ？
突然間 一下 諗起 ，好 歡喜 啊 ，攬住 佢 條 腰 喺 佢 塊 面 吻 一吻 笑住 話 ：
真係 多謝 你 嘞 柔姐 ，好彩 你 將 我 呢 兩粒 骰仔 啊 一直 帶 喺 身邊 唧 。
曾柔 滿面 通紅 啊 趯咗 去 外艙 。
原來 嗰日 韋小寶 同 王屋 派 眾 弟子 啊 擲骰仔 賭命 ，就 放咗 班 人 啦 。
曾柔 臨 出 營帳 嘅 時候 ，問 佢 要 咗 呢 兩粒 骰仔 。
韋小寶 早就 唔記得咗 嘞 ，曾柔 呢 ，卻 一直 貼身 收好 佢 。
骰仔 雖然 係 有 喇 ，不過 嗰 幾個 女子 啊 冇 一 個 有 賭癮 嘅 。
雖然 話 柴 高興 陪 佢 玩下 ，但係 賭注 又 細 ，輸贏 又 係 漫不在乎 ，玩咗 唔到 一陣 唧 ，大家 就 冇晒 癮頭 嘞 。
比起 喺 揚州 嘅 妓院 、 賭場 、 皇宮 、 軍隊 裏 便 等等 嘅 地方 嗰 啲 搏 命 咁 賭錢 法 啊 真 係 天壤之別 啊 。
韋小寶 意興索然 佢 話 ：唉 唔玩喇 唔玩喇 ，你哋 都 唔會 嘅 。
噉諗起 今後 喺 通食島 避難 ，雖然 有 五個 美人 陪 自己 ，不過 又 冇 錢 賭 冇 戲 睇 ，啲 日子 啊 真係 悶 到 死死下 。
再講吖 ，喺 島上 便 就算 有 千萬 兩 金 啊 銀 啊 又 有 咩 用 呢 ？
金銀 既然 同 泥沙石仔 一樣 ，贏錢 ，咪 即係 贏 泥沙石仔 囉 。
而 雙兒 嘅 生死 又 點 呢 ？阿珂 又 喺 邊處 呢 ？
唉 ， 佢 時時 都 掛住 喺 心 嚟 ， 點 能夠 就 噉 撇 低 佢 兩個 唔 理 㗎 。
佢 越 想 就 越 冇 癮 就 話 ：我哋 仲 係 唔好 去 通食島 咯 。
蘇荃 話 ：噉 你 話 想 去 邊處 呢 ？
韋小寶 諗咗 一諗 就 話 ：我哋 去 遼東 啦 ，去 將 嗰個 大寶藏 挖咗 出嚟 。
蘇荃話 ：大家 安安樂樂 噉 喺 荒島 上面 過 太平 日子 ，唔係 好好 咩 ？就算 掘到 咗 大寶藏 ，都 冇 咩 用 嘅 啫 嘛 。
韋小寶 話 ：金銀珠寶 成千成萬 喎 點 會 冇用 㗎 ？
方怡話 ：嗰個 小皇帝 一定 派咗 兵馬 到處 咁 捉 你 ，我哋 仲係 匿埋 避下 風頭 先 。
過得 一兩年 ，事情 淡咗 咯 ，你 鐘意 去 遼東 嘞 ，嗰陣時 大家 一齊 去 ，都 仲 唔 遲 吖 嘛 。
韋小寶 問 曾柔 同 沐劍屏 話 ：你 兩個 點 吖 ？
沐劍屏 話 ：我 諗 師姐 嘅 説話 啱 咯 。
曾柔話 ：你 如果 嫌悶咯 ，我哋 喺 島上 便 就 匿 幾個月 啦 好唔好啊 ？
見韋小寶 個 面色 唔係 點 高興 佢 又 話 ：
我哋 日日 陪 你 擲骰仔 玩 啦 ，輸咗 嘅 罰 打 手板 好唔好 吖 ？
韋小寶 個 心話 ：叉 ，叉叉叉 ，打手板 有 咩 好玩 唧 ？
但係 見 佢 臉 帶 嬌羞 神態 可愛 ，不禁 心逳逳 就 話 ：好好好好好 ，聽晒 你哋 話 。
方怡 企起身 微笑 話 ：過去 我 好 對 你 唔住 ，我 整 幾個 餸 請 你 飲酒 ，算係 向 你 賠罪 啦 好唔好啊 ？
韋小寶 更加 高興 啦 連忙 話 ：哎呀 真係 唔敢當 唔敢當 。
方怡 就 行 去 船尾 炒餸 嘞 。
方怡 烹飪 嘅 手段 認真 使得 啊 ， 呢 番 精心 炮製 ， 雖然 船上 嘅 材料 唔 齊 ， 仍然 係 食到 人人 都 讚 聲 不 絕 啊 。
韋小寶 話 ：我哋 嚟 猜枚 啦 。
沐劍屏 、曾柔 同 公主 三個人 唔會 猜 枚 ，韋小寶 就 教 佢哋 咯喎 ，於是 四紅 四 啊 七 條 啊 八 皮 就 猜起 上嚟 嘞 。
公主 本來 係 悶悶不樂 嘅 ，猜 咗 一陣 枚 ，飲 幾杯 酒 ，就 有 講 有 笑 嘞 。
噉話說 韋小寶 佢哋 喺 船 上面 過咗 一 晚 ，第日 午後 嚟到 通食島 。
只見 當日 清軍 扎營 嘅 遺蹟 仲 喺 處 ，當日 臨時 做 中軍 帳 嘅 茅屋 呢 ，仲 好好 噉 冇事 ，但係 韋小寶 大將軍 指揮 若定 嘅 風光 呢 ，自不然 係 蕩然無存 咯 。
韋小寶 一啲 都 唔 在乎 啊 ，拖住 方怡 隻 手 笑住 話 ：
阿怡姐 啊 ， 嗰 日 就 係 喺 呢 處 ， 你 呃 咗 我 上船 ， 爭 啲 呀 將條命 仔送 咗 去 羅剎 國啊 。
方怡 又 話 喇 ：我 同 你 認 咗 錯 㗎 啦 嘛 ，唔通 仲 要 向 你 叩頭 賠罪 咩 ？
噉就唔使 ，不過 好心 有 好報 ，我 捱得 千辛萬苦 ，今日 終歸 能夠 真正 陪住 你 嘞 。
沐劍屏 喺 後 便 嗌 佢哋 話 ：你哋 兩個 喺 處 講 乜嘢 啊 ？畀 人哋 聽 下 得唔得 㗎 ？
方怡話 ：佢 話 要 捉住 你 ，喺 你 塊 面 上面 啊 刻 隻 龜仔 喎 。
蘇荃話 ：我哋 唔好 掛住 玩 喇 ，做咗 啲 正經事 先 啦 。
就 吩咐 船夫 ， 將船 裏 便 所有 嘅 糧食 用具 冚𠾴唥 搬 晒 上 嚟 島 ， 又 吩咐 將 船上 嘅 船帆 、 竹篙 、 木槳 、 繩索 、 木 舦 都 拆卸 落 嚟 ， 搬 到 島上 ， 放入 懸崖 嘅 一個 山洞 裏 便 。
韋小寶 讚佢話 ：哈荃姐 真係 細心 嘞 ，我哋 只要 看住 呢啲 嘢 ，隻 船 就 開唔走 㗎 喇 。
話猶未了 ，忽然 聽見 海上 遠處 轟噉 一響 ，好似 係 大炮聲 ，噉 六個人 都 吃咗 一驚 ，一齊 望住 大海 。
只見 海面 上 白霧 瀰漫 ，隱隱約約 ，有 兩隻 船 駛緊 過嚟 ，跟住 又 轟轟噉 兩聲 ，果然 係 船上 開炮 啊 。
韋小寶 話 ：哎呀 死喇 ，小皇帝 派 人 嚟 捉 我 。
曾柔 話 ：我哋 快啲 上船 逃走 啦 。
蘇荃話 ：船帆 同埋 個 舦 都 喺 岸上 ，嚟唔切 裝 喇 ，只有 匿埋 先 ，見機行事 係啦 。
噉 六個人 之中 除咗 公主 之外 ，其餘 五個人 都係 經歷 好多 艱險 嘅 ，所以 都 唔係 點 慌 。
蘇荃 又 話 ：唔理 我哋 匿得 點 隱秘 ，終歸 會 畀 官兵 搜查 出嚟 嘅 。
我哋 匿埋 喺 嗰便 懸崖 上面 嘅 山洞 ，官兵 呢 ，只能夠 一個個 上崖 進攻 ，嚟 一個 就 殺 一個 ，免致 畀 佢哋 一擁而上 啊 。
韋小寶 話 ：冇錯喇 ，呢個 就 叫做 一夫當關 甕中捉鱉 啊 。
蘇荃 微微 笑話 ：啱喇 。
公主 啊 忍唔住 哈哈大笑 。
韋小寶 睩住 佢 話 ：有 咩 好笑 唧 ？
冇咩嘢 ，你嘅 成語 用得 真係 好 ，令人 好佩服 啊 。
韋小寶 呢 三分 自知之明 呢 仲 係 有 嘅 ，諗住 必定 係 自己 成語 用錯咗 嘞 ，噉 又 向 公主 睩 咗 一 眼 。
六個人 入咗 山洞 。
蘇荃 用 刀 割咗 啲 樹枝 ，堆 喺 山洞 前面 遮住 ，喺 樹枝 啲 罅隙 處 望 出去 。
只見 兩隻 船 係 一前一後 ，筆直 向住 通食島 駛過嚟 。
後面 嗰 隻 船 呢 ， 仲 喺 度 不停 咁 發炮 ， 炮彈 落 喺 前面 隻 船 四周圍 啲 水柱 啊 ， 一條條 沖天 而 起 啊 。
韋小寶 話 ：後便 呢隻 船 ，開炮 打 前便 嗰 隻 噃 。
蘇荃話 ：係咯 ，原來 係 兩隻船 互相 打仗 啊 。
韋小寶話 ：吖 ，噉 呢 兩隻 船 ，恐怕 唔係 嚟 捉 我哋 㗎 喇 。
蘇荃 話 ：但願 如此 啦 。
不過 佢哋 嚟到 島上 見到 船夫 一 問 就 知 㗎 嘞 ，一定 嚟 搜查 我哋 嘅 。
就算 我哋 搶先 殺咗 船夫 ，亦 嚟唔切 掩埋 屍首 㗎 啦 。
韋小寶 話 ：前面 嗰隻 船 點解 唔 還 炮 呢 ？真係 冇用 喇 。
最好呢就你打我一炮 ，我打你一炮 ，大家都打中 ，噉兩隻船一齊沉落海底就好喇 。
前面 嗰隻 船 呢 比較 細 ，堂里 啊 兜 正 風 駛 得 好快 。
突然間 一炮 打過嚟 ，打斷 桅桿 ，燒着 帆布 。
前便隻船啊當堂傾側 ，船身打橫 ，跟住船上啊放落小艇 ，十幾個人跳落小艇 ，用木槳啊猛咁扒 。
當其時 ，離開 個 島 已經 近 嘞 ，後 便 隻 船 係 漸漸 追到嚟 ，因為 水 淺 唔 能夠 靠岸 啊 ，船上 亦 放落 小艇 ，有 五 隻 咁多 。
噉 前面 嗰 隻 逃走 ，後便 就 五 隻 嚟 追 。
冇幾耐 ，前便 小艇 裏 便 十幾個 人 跳 上 沙灘 ，觀察 下 四圍 嘅 情形 。
有人 高聲 大叫 話 ：嗰便 懸崖 可以 把守 ，大家 去 嗰便 啦 。
韋小寶 聽 叫聲 似乎 係 師父 陳近南 ，見到 呢 十幾個人 順住 山坡 走嚟 懸崖 。
嚟到 近 嘅 時候 ，只見 一個 人 手 執 長劍 ，企喺 崖邊 指揮 ，吖 ，正係 師父 陳近南 啊 。
韋小寶 歡喜 到 不得了 ，喺 山洞 裏 便 跳出嚟 大叫 話 ：師父 ，師父 ！
陳近南 一 轉身 ，見 係 韋小寶 亦 係 驚喜交集 ，佢 話 ：小寶 ，點解 你 喺 呢處 啊 ？
韋小寶 飛步 跑埋去 ，突然 一窒 ，只見 過緊嚟 嗰 十幾個 人 裏 便 啊 ，有 個 姑娘 ，竟然 係 阿珂 。
佢 大叫 一 聲 ：阿珂 ！就 衝 上去 嘞噃 。
突然間 見到 阿珂 後 便 有 個人 ，嚇然 係 鄭克塽 。
見到 阿珂 ，再見到 鄭克塽 ，本來 係 順理成章 嘅 事 。
但係 韋小寶 大喜若狂 之下 ，再見到 呢個 咁 討厭 嘅 嘢 ，當堂 成個 心 ，嘣聲 啊 跌到 落 腳板底 ，傻咗 噉 企響處 。
旁邊 有 個人 嗌 佢 ，相公 噉 。
另外 有 個人 叫 ：韋香主 。
佢 順口 應咗 一 聲 ，眼角 都 冇 睇 佢哋 一 眼 ，只係 傻咗 噉 望住 阿珂 。
忽然 ，覺得 一隻 柔軟 嘅 手 伸過嚟 握住 佢 左手 ，韋小寶 個身 一震 ，擰轉頭 睇下 啦 ，原來 係 雙兒 。
雙兒 激動 到 啊猛咁 流眼淚 。
韋小寶 歡喜 到 極 啦 ，一手 將 佢 抱住 佢 話 ：
哎呀 雙兒 ，真係 想死 我 嚟 啊 ！
霎時之間 ，連 阿珂 都 唔記得咗 嘞 。
陳近南話 ：馮大哥 ，風兄弟 ，我哋 守住 呢條路 。
兩個人 齊聲 答應 ，各 挺 兵器 啊 並肩 守住 通向 懸崖 嘅 一條 窄路 。
嗰 兩個 人 啊 ， 原來 一個 係 馮錫范 ， 一個 係 風際中 。
韋小寶 突然間 遇到 咁多 熟人 ，一時之間 都 唔知 講 咩嘢 好嘞 ，只係 問 ：
你哋 點解 會 嚟到 呢處 嘅 ？
雙兒話 ：風大爺 帶住 我 到處 咁 搵 你 ，遇見 陳 總舵主 ，知道 你哋 上咗 船 出海 ，於是 ，於是 。
講到 呢處 ，歡喜 過頭 啊 ，喉嚨 都 哽噎住 講唔落去 嘞 。
呢個 時候 ，五 隻 小艇 裏 便 嘅 追兵 都 已經 上咗 沙灘 。
喺 懸崖 上面 望落去 ，都係 清兵 嚟 ，總共有 七八十 人 咁多 。
當 先 一個 人 手 執 長刀 ，身形 魁梧 ，因為 隔得 遠 啊 ，睇唔清 個 樣 。
嗰個人 指揮 清兵 ，佈 成 隊伍 ，一隊人 遠遠 企定 。
嗰個 將軍 一聲 令下 ，啲 兵 喺 背上 攞 咗 把 弓 落嚟 ，喺 箭壺 裏 便 攞出 羽箭 ，搭 喺 弓 上 ，箭頭 啊 對準 咗 懸崖 。
陳近南話 ：大家 伏低 。
遇到 噉嘅 情形 ，韋小寶 都 唔使 師父 吩咐 啊 ，一見 清兵 攞 弓 在 手 ，早就 穩穩陣陣 噉 縮埋 喺 一嚿 岩石 後 便 嘞 。
只聽見 嗰個 將軍 話 ：放箭 ！
即時啲 箭 啊 𠻘𠻘聲 射過嚟 。
懸崖 就 好高 嘅 ，由 下 而 上 噉 仰射 ，啲 箭 射到 上嚟 嘅 勁力 呢 已經 冇 嘞 。
馮錫范 同 風際中 一個 揸 長劍 ，一個 揸 單刀 ，將 射嚟 嘅 箭 啊 撥開 去 。
馮錫范話 ：施瑯 ，你 嘅 死漢奸 ，有膽 就 上嚟 ，一對一 同 老子 決一死戰 啦 ！
韋小寶 諗 ：哦 原來 下便 帶兵 嘅 係 施瑯 。
行軍打仗 ，呢個人 呀 係 一把 好手 嚟㗎 。
只聽見 施瑯 話 ，你 有種 就 落嚟 ，單打獨鬥 ，老子 亦 唔怕 你 。
好！ 馮錫范 正 話 想 落去 ，陳近南 話 ：馮大哥 ，唔好 上 佢 當 啊 。
呢 個人 卑鄙無恥 ， 咩 嘢 事 都 做 得出 㗎 。
馮錫范 只係 行咗 一步 ，就 即刻 停住 腳 喇 ，佢 話 ：
你話 單打獨鬥 ，點解 又 派咗 五隻 小艇 ，啊 豈有此理 ，係 六隻 ，連 我哋 隻 艇 都 偷埋 去 。
死漢奸 你 嘩 ，你叫 小艇 去 接人 ，仲唔係 想 倚多為勝 咩 ？
施瑯 笑住 話 ：陳軍師 、馮隊長 ，你 兩位 武功 好使得 ，施某 向來 佩服 。
開講 有話 識時務者 為 俊傑 ，仲 係 帶埋 鄭公子 落嚟 ，一齊 投降 罷 啦 。
皇上 一定 封 你 兩位 做好 大 嘅 官 嘅 。
施瑯 當年 係 鄭成功 手下 嘅 大將 ，同 周全斌 、甘輝 、馬信 、劉國軒 四個人 合稱 五虎將 。
陳近南 係 軍師 。
馮錫范 啊 武功 雖然 又 高強 啊 ，戰略 呢 就 唔係 佢 所長 嘞 ，乃 係 鄭成功 嘅 衛士隊長 。
施瑯 同 陳馮 兩個人 並肩 血戰 共患難 好耐 ，而家 對 兩個人 仍然 用 當年 嘅 軍銜 相稱 。
懸崖 同 下便 距離 七八丈 ，施瑯 呢 企得 又 遠 ，不過 佢 中氣 充沛 ，一句句 説話 人人 都 聽得 好 清楚 。
鄭克塽 個 面色 都 變晒 ，聲 都 震埋 佢 話 ：馮師父 ，你 ，你唔好 投降 啊 。
馮錫范話 ：公子 你 放心 ，馮某 ，只要 有 一啖氣 ，決唔會 投降 清廷 嘅 。
陳近南 啊 雖然 知道 馮錫范 陰險 奸詐 ，曾經 幾次 三番 要 害死 自己 ，要保 鄭克塽 圖謀 延平郡王 世子 嘅 位置 。
但係 而家 聽 佢 噉樣 講 大義凜然 ，好 敬佩 佢 ，就 話 ：
馮大哥 ， 你 我 今日 並肩 死戰 ， 點都 要 保護 二 公子 安全 啊 。
馮錫范話 ：我 一定 追隨 軍師 。
鄭克塽話 ：軍師 呢次 保駕 有功 ，返到 台灣 我 必定 奏明 父王 ，重重噉 ，誒 重重噉 封賞 你 。
陳近南話 ：呢啲 係 屬下 應該 做嘅 。
講完 ，就 行 去 崖邊 觀察 敵情 嘞 。
韋小寶 笑住 話 ：鄭公子 ，重重噉 封賞 呢 就 不必 喇 。
你 只要 唔好 反面 無情 ，害 我 師父 ，噉 就 多得晒 你 喇 。
鄭克塽 向 佢 睩咗 一 眼 。
韋小寶 低聲 話 ：師姐 啊 ，我哋 不如 捉咗 鄭公子 去 獻畀 清兵 咯 。
阿珂 話 ：哈 一見咗面 就 冇 好嘢 講 ，你 點解 又 嚟 嚇 佢 唧 ？
嘿嘿嘿 ，嚇幾下 玩下啫嘛 ，又 嚇人 唔死 嘅 。
就算 嚇死咗咯 ，都 唔緊要啦 。
睇下 你 吖 。
阿珂 突然間 塊面 紅一紅 ，耷低 個頭 嘞 。
韋小寶 問 雙兒 話 ：大家 點解 會 喺埋一齊 嘅 你哋 ？
雙兒話 ：陳總舵主 帶住 風大爺 同 我 出海 搵 你 。
我諗起你 曾經 嚟過 通食島 嘅 ，就 同 陳 總舵主 講咗 ，唔係 嚟到 呢處 睇下 你 喺唔喺 處 囉 。
半路啊 遇 啱 清兵 炮船 追趕 鄭公子 ，打沉咗 佢 隻 船 ，我哋 救咗 佢 上 船 ，趯 到嚟 呢處 。
唉 ，謝天謝地 ，終於 見到 你 嘞 。
講到 呢處 ，眼圈 又 紅 嘞 。
韋小寶 話 ：雙兒 啊 我 話 你 聽 啦 ，咁耐以嚟 啊 ，我 真係 冇 一日 唔 掛住 你 㗎 。
呢個 時候 ，陳近南 話 ：眾位 弟兄 ，趁住 敵人 援兵 未到 ，我哋 落去 衝殺 一陣 先 。
否則 ，佢哋 再 運 咗 六 艇 清兵 嚟 ，噉 就 唔 容易 對付 嘞 。
眾人 齊聲 都 話 係 啊噉 。
呢次 嚟到 島上 嘅 十幾人 當中 ，除咗 陳 、馮 、鄭 、風 ，同埋 阿珂 、雙兒 之外 ，仲有 天地會 會眾 八 個 人 ，鄭克塽 嘅 衛士 三 個 人 。
陳近南話 ：鄭公子 、陳姑娘 、小寶 、雙兒 ，你哋 四個 留 喺 呢處 ，其餘 嘅 跟 我 衝 。
長劍 一揮 ，當先 就 跑 落 懸崖 。
馮錫范 、風際中 同 其餘 十一 個 人 ，跟住 佢 跑落去 ，齊聲 吶喊 ，向住 清兵 隊伍 衝過去 。
清兵 又 紛紛 放箭 啦 ，都 畀 陳 、馮 、風 三個 人格 開晒 。
先頭 坐船 水戰 ，施瑯 所 坐 嘅 係 大戰船 ，炮火 好 厲害 ，陳近南 隻 船 呢 只有 捱打 㗎啫 。
呢 陣時 近身 接戰 ， 清兵 隊伍 裏 便 除 咗 施瑯 一個 人 之外 啊 ， 其餘 嗰 啲 都 係 武功 平平 ， 噉 啊點 頂得住 陳 、 馮 、 風 三個 高手 呢 ？
天地會 兄弟 同埋 鄭府 衛士 ，身手 亦 頗 使得 嘅 ，呢 十四 個 人 一 衝 入 陣 啊 ，清兵 當者 披靡 。
韋小寶話 ：師姐 、雙兒 ，我哋 都 落去 衝殺 一陣 咯 。
阿珂 同埋 雙兒 一齊 話 好 。
鄭克塽 話 ：我 都 去 。
眼見 韋小寶 揸住 匕首 衝咗 落去 嘞 ，雙兒 同 阿珂 亦 跟住 衝 。
鄭克塽 只係 跑咗 幾步 ，就 停步 唔去 喇 ，佢 諗 ：
我係 千金之體 ，點能夠 同 呢啲 下屬 一齊 去 冒險 呢 ？
佢 就 嗌 ：阿珂啊 ，你 都 唔好 去 喇 。
阿珂 唔 應 佢 ，緊緊 跟住 韋小寶 後 便 衝 。
韋小寶 嘅 武功 雖然 係 麻麻地 唧 ，但係 身 有 四寶 噃 ，噉 衝入 敵陣 之中 呢 卻 係 履險如夷 。
邊四寶呢 ？第一寶 ，匕首鋒利 ，敵人 兵器 碰到 呢 必定 斷 嘅 。
第二寶 ，寶衣 護身 刀槍不入 。
第三 寶 ， 逃跑 功夫 精妙 ， 追 佢 啊 實 追 唔 到 嘅 。
第四寶 ，雙兒 喺 側 跟 ，清兵 啊 難以 抵敵 。
佢 恃住 呢 四寶 啊 同 高手 對敵 就 梗係 唔得 啦 ，但係 對付 清兵 卻 係 綽綽有餘 嘞 。
霎時間 ，連氣 打傷咗 幾個 人 ，果然 係 威風凜凜 啊 殺氣騰騰 。
嗱 各位 ，欲知 後事 如何 ，且 聽 下回 分解 。
