前文 再續 啊 書 接 上 一回 啊 。
話說 陳近南 對 歸辛樹 話 ：
聽日 上午 ， 大家 一齊 去 北京 ， 夜晚 就 去 呢 個 細佬 哥 嘅 住宅 聚會 ， 共商 大事 。
兩位 覺得 點樣 呢 ？
歸辛樹岌一岌頭 。
陳近南 問 韋小寶 ：你 有冇 搬屋 啊 ？
韋小寶 話 ：弟子 仲 喺 東城 銅帽子 胡同 住 。
陳近南話 ：兩位 前輩 ，聽晚 ，在下 喺 北京 東城 ，銅帽子 胡同 呢個 細佬 哥 嘅 子爵府 恭候 大駕 。
師父 啊 ， 你 唔 好 嬲 啊 ， 而家 叫做 伯爵 府 喇 。
哼 ，又 升官 啊 ？
歸二娘 瞪大 隻眼 ，望實 韋小寶 佢 話 ：
你 係 吳三桂 嘅 侄 ，亦 係 身在 曹營 心在 漢 ，想 大義 滅 親 啊 ？
韋小寶 笑 住 話 ： 我 唔 係 吳三桂 嘅 侄 ， 吳三桂 係 我 個 塞 啊 。
陳近南 鬧 佢 話 ：喺 前輩 面前 唔准 冇禮 ，快啲 叩頭 謝罪 。
係 。韋小寶 作狀 想 跪 噉 ，不過 就 慢吞吞 噉 拖延 時間 。
歸辛樹 擺 一擺手 ，帶咗 妻兒 僕從 ，直 出 大門 。
佢 明知 外便 冇 地方 住宿 嘞 ，不過 就 寧願 捱餓 野宿 ，實在 係 冇 面 同 天地會 群豪 相對 啊 。
歸鐘 自 細 都 冇 人 同 佢 玩 嘅 ，見到 韋小寶 講説 話 又 伶俐 年紀 又 細 ，同 佢 好 玩得 嚟 ，就 向 佢 擪 一擪 手 話 ：
細佬哥 ，你 跟 我 去 啦 ，陪 我 玩 啦 。
韋小寶 話 ：你 殺 我 個 朋友 我 唔 同 你 玩 啊 。
突然間 呼噉 一聲 ，人影 一晃 ，歸鐘 跳過嚟 一手 揦起 韋小寶 ，就 扚到 門口 。
呢一下 出手 快到 極 啊 ，陳近南 啱先 受咗 傷 ，隔得 又 遠 ，噉 其餘 天地會 群雄 竟然 冇 一個 人 嚟得切 阻止 嘅 。
歸鐘哈哈大笑佢話 ：
你 同 我 ，去去 ，去 捉匿匿 啦 ，我哋 玩到夠 啦 ，吓 。
歸辛樹 黑起 塊面 喝佢 話 ：阿仔 ，放低 佢 。
歸鐘 就 唔敢 唔聽 老豆 嘅 説話 ，只有 放低 韋小寶 ，不過 就 扁扁嘴 想 喊 嘞 。
歸二娘 安慰 佢 話 ：阿仔 ，我哋 去 買 兩個 書童 返嚟 ，陪 你 玩吓 。
歸鐘話 ：書童 唔好玩嘅 ，就係 呢個 細佬哥 好玩 ，我哋 買咗 佢 啦 。
歸辛樹 見到 個仔 出醜 ，就 拉住 佢 隻手 快步 出門 。
唉 ，群雄 互相 望 下 ，都 覺得 吳六奇 一世 英雄 ，就 噉樣 糊里糊塗 死 喺 個 白痴 手上 ，真係 太過 冤枉 咯 。
韋小寶 話 ：師父 啊 ，我 去 請 婆婆 姐姐 出嚟 同 大家 見 下面 呢 。
講完 ，就 同 雙兒 一齊 行 去 後堂 嘞 ，點知 何惕手 早就 扯咗 咯 。
三少奶話婦女之家 ，唔方便 同群雄會見 ，只係 吩咐 媽姐 安排 酒飯 ，款待 賓客 。
第日 ，韋小寶 拜別 咗 主人 ，同 陳近南 等 分開 去 北京 。
陳近南話 ：小寶 啊 ，歸 二俠 夫婦 要 去 行刺 皇帝 ，佢哋 已經 應承 大家 商量 之後 再 作 定論 。
你 到咗 北京 之後 ，就 唔能夠 通知 皇帝 ，使 佢 有咗 防備 啊 。
韋小寶 本來 就 有 噉嘅 意思 嘅 ，點知 畀 師父 講穿咗 ，佢 就 連忙 話 ：
噉啊梗係啦 。
清廷 佔咗 我哋 漢人 江山 ，我 喺 朝上 做官 係 奉咗 師父 你 老人家 嘅 命令 ，點能夠 真係 向住 佢 嘅 呢 ？
你噉就啱嘞 。
不過 你 如果 言不由衷 ，做咗 對唔住 大家 嘅 事 ，我 第一個 就 唔放過 你 。
師父 你 放心 啦 。
佢 個 心話 ：其實 我 自己 都有 啲 唔係 點 放心 。
噉韋小寶 帶住 雙兒 、徐天川 等人 ，去 同 張勇 、趙良棟 等人 會合 ，押咗 毛東珠 就 返到 北京 。
佢 一 返 銅帽子胡同 ，即刻 就 想 去 見 康熙 嘞 。
佢 諗 ：小皇帝 係 我 嘅 好朋友 ，點能夠 畀 呢 三 隻 烏龜 殺死 佢 㗎 ？
有喇 ，我 去 皇宮 分派 侍衞 ，好好 戒備 嚴密 守衞 咪 得囉 。
我 應承過 師父 ，唔同 皇帝 講 啫 嘛 ，大丈夫 言而有信 ，我 講 就 唔講 ，不過 仍然 可以 叫 三隻 烏龜 唔能夠 得手 嘅 。
啱啱 想 出門 ，陳近南 已經 帶埋 古至中 同 馬超興 嚟到 嘞 。
韋小寶 暗暗 叫苦 啦 ，佢 諗 ：唉 ，你哋 點解 嚟 得 咁 快 嘅 ？
噉啊 只有 強打 精神 設宴 接待 。
冇 幾耐 ，天地會 群雄 分批 陸續 嚟到 嘞 。
跟住 沐劍聲 帶住 鐵背蒼龍 柳大洪 、搖頭獅子 吳立身 、聖手居士 蘇岡 等 一行人 ，亦 嚟嘞 。
因為 沐王府 眾人 啊 一早 就 喺 北京 ，得到 消息 之後 呢 就 一齊 嚟 聚會 。
眾人 食過 酒飯 ，又 等咗 好耐 ，歸家 三個人 先至 嚟到 。
噉 韋小寶 吩咐 另外 開 一 圍 枱 啦 ，歸 二娘 冷冷淡淡 噉 話 ：我哋 食過 飯 喇 。
歸鐘啊 東張西望 ，見到 府第 裏 便 堂皇 華貴 就 話 ：
細路啊 ，睇 你 屋企 啊 ，誒 同 平西王 嘅 五華宮 都 相差 唔 遠 喇 。
你 冇 講 大話 ， 吳三桂 ， 果然 係 你 伯父 啊 。
韋小寶話 ：冇錯 ，吳三桂 係 你 嘅 。
講到 個 嘅 字 突然間 收口 ，佢 諗 呢 一句 便宜 一攞 啊 ，師父 實嬲 啫 ，噉 啊 即刻 改口 話 ：
三位 既然 食過 飯 嘞 ，請 去 東廳 飲茶 啦 。
噉啊眾人嚟到東廳 ，獻上清茶點心 ，韋小寶 又叫啲僕人出去 。
陳近南 又 派咗 十幾名 會眾 出去 ，喺 東廳 周圍 同 屋頂 把守 ，噉 先至 閂門 上咗 門戌 ，商議 大事 。
陳近南 幫 歸氏 夫婦 ，同 沐王府 眾人 引見 ，不過 就 唔提 吳六奇 嘅 事 嘞 。
歸氏夫婦 雖然 退隱 好耐 啊 ，柳大洪 、吳立身 等 呢 仲 係 十分 仰慕 ，對 佢哋 十分 恭敬 。
歸二娘 單刀直入 ，佢 話 ：
吳三桂 起兵 之後 攻入 湖南 、四川 ，勢如破竹 。
吳三桂 當年 雖然 投降 清廷 ，斷送咗 大明 天下 ，實在 係 罪大惡極 ，但係 佢 畢竟 係 我哋 漢人 啊 。
照 我哋 歸 二爺 話 ，我哋 要 入 宮 去 刺殺 嗰個 小皇帝 ，等到 清廷 群龍無首 ，亂到 不堪 。
眾位 高見 如何 呢 ？
沐劍聲話 ：清廷 皇帝 固然 係 該 殺 嘞 ，不過 噉樣 一嚟 ，豈不是 幫咗 吳三桂 呢個 奸賊 一個 大忙 ？
歸二娘 話 ：吳三桂 當年 害死 沐王爺 ，沐公子 自不然 放佢 唔過 啦 。
但係 滿漢 之 分 係 頭等 大事 。
我哋 先 殺盡咗 清兵 ，慢慢 再 嚟 收拾 吳三桂 都 唔遲 嘅 。
柳大洪話 ：吳三桂 如果 起兵 得勝 ，佢 自己 就 做 皇帝 嘞 ，嗰陣 ，想要 再 逳 佢 就 唔 容易 嘞 。
照晚輩話 ，我哋 先 等 清兵 同 吳三桂 自相殘殺 ，拼 個 你死我活 。
我哋 再 嚟 漁翁得利 。
因此 ，晚輩 以為 目前 不宜 去 行刺 清廷 皇帝 。
佢 雖然 白鬚 飄拂 ，但係 歸氏 夫婦 成名 好耐 ，佢 仲 係 自稱 晚輩 。
沐王府 同 吳三桂 仇 深 似 海 ，一定 要 見到 佢 覆滅 先 ，條氣 噉 先至 順 㗎 。
噉啊眾人商議好耐 ，有啲主張假手康熙 ，先剷除咗吳三桂 ，再圖復國 ；
又啲又以為 吳三桂 雖然 係 奸惡 嘞 ，到底 係 漢人 ，應該 幫佢 趕走 清兵 ，恢復咗 漢人 江山 ，然後 再 去 剷除 佢 。
議論 紛紛 啊 難 有 定論 。
講到 收尾 ，眾人 都 望住 陳近南 ，因為 人人 知道 佢 足智多謀 ，必有 高見 嘅 。
陳近南話 ：我哋 以 天下 為 重 ，如果 而家 就 殺咗 康熙 ，吳三桂 嘅 聲勢 固然 係 大振 ，但係 台灣 鄭王爺 亦 可以 渡海 西征 ，進兵 福建 、浙江 ，直攻 江蘇 。
噉樣 東西 夾擊 ，清廷 非 垮 不可 嘅 。
到其時 ，吳三桂 如果 自己 想 做 皇帝 ，鄭王爺 嘅 兵力 ，再加上 沐王府 、天地會 同 各路 英雄 ，亦 可以 制服住 佢 嘅 。
蘇岡 冷冷冰冰噉 話 ：陳 總舵主 呢番 説話 ，係 唔係 有啲 為 台灣 鄭王爺 打算 呢 ？
陳近南話 ：鄭王爺 忠義之名 著於 天下 ，蘇兄 唔通 仲 信唔過 咩 ？
蘇岡話 ：陳總舵主 忠勇 俠義 人人 佩服 。
不過 鄭王爺 身邊 ，奸詐 卑鄙 嘅 小人 ，亦 實在 唔少 啊 。
韋小寶 忍唔住 話 ：呢句 説話 就 講得 啱 啊 。
好似 嗰個 一劍無血 馮錫范 、仲有 鄭王爺 嘅 細仔 鄭克塽 都 唔係 好人 。
陳近南 聽 佢 並 冇 附和 自己 ，都 覺得 有啲 奇怪 嘞 ，但係 諗 佢 嘅 説話 亦 唔係 假 嘅 ，不禁 歎咗 一口氣 。
歸 二娘 話 ：趕走 清兵 係 頭等 大事 。
至於 邊個 嚟 做 皇帝 我哋 就 唔 理得 咁多 嘞 ，反清 係 一定 要 反 嘅 ，復 唔 復明 呢 不妨 慢慢 商量 。
大明 嘅 崇禎 皇帝 ，就 唔係 咩嘢 好嘢 喇 。
陳近南 同 沐王府 群雄 向來 忠於 朱明 ，一聽 佢 噉 講 面色 都 變晒 。
沐劍聲話 ：我哋 如果 唔 擁護 朱氏 子孫 復位 ，唔通 仲 去 擁護 吳三桂 呢個 大奸賊 登位 咩 ？
歸鐘 突然間 話 ：吳三桂 ，呢個 人 呀 ，哦 好好 㗎 ，佢 送咗 一件 白老虎皮 畀 我 做 長袍 ，你哋 見過 未 啊 ？
講完 ，翻開 皮袍 嘅 下襟 ，露出 白老虎皮 ，洋洋得意 啊 。
歸 二娘 話 ： 細佬哥 ， 唔 好 喺 處 亂 噏 一通 啊 。
蘇岡 冷笑話 ：嘿嘿 ，喺 歸少爺 眼內 ，一件 皮袍 就 比 我哋 漢人 江山 更加 緊要 嘞 。
歸 二娘 嬲 嘞 佢 話 ：仔 ，除咗 件 皮袍 。
歸鐘 愕然 話 ：做 ，做 ，做做乜嘢 啊 ？
歸辛樹 一 伸手 ，喺 個仔 腰間 拔出 長劍 ，白光 閃動 唓唓聲 。
歸辛樹 用 長劍 嘅 劍尖 喺 個 仔 嘅 身 前 、 身後 、 膊 頭 、 手臂 飛快 噉 掠過 。
眾人 大吃一驚 啊 ，都 喺 椅處 跳起身 ，以為 歸辛樹 已經 將 個仔 殺死 嘞 。
不過 見到 歸鐘 着住 嗰件 皮袍 已經 裂開 十七八 件 ，跌晒 落地 ，露出 一身 絲綿 短衫褲 。
歸辛樹 呢 幾 劍 出手 準 到 極 ，割裂 皮袍 ，不過 就 冇 割爛 絲綿 衫褲 。
群雄 一 睇 清楚 呀 ，個個 都 喝彩 啊 。
歸鐘 嚇到 傻晒 ，猛咁 咳嗽 ，爭啲 喊出嚟 佢 話 ：爹 ，嗯 ，哼哼 ，誒爹啊 ，誒我 ，我 。
歸辛樹 一揮手 ，長劍 入鞘 ，跟住 除咗 自己 着 嗰件 棉袍 ，褸 喺 個仔 身上 ，佢 話 ：着起 佢 。
歸 二娘 執起 地下 白老虎皮 嘅 碎塊 ，掉落去 嗰個 火爐 處 ，當堂 火光 大盛 啊 ，一浸 又 燶 又 臭𡃴 ，噉 啊 白虎皮 呢 漸漸 燒成 灰燼 。
韋小寶 一味 話 ：唉 ，真係 可惜 嘞 可惜嘞 。
歸辛樹 話 ：走啦 。
拉住 個 仔 隻 手 ，就 行 去 廳 門 。
陳近南話 ：歸二俠 去 做 大事 ，我哋 緊 依 驅策 。
歸辛樹 話 ：唔敢當 ，唔使嘞 。
韋小寶 知道 佢 即時 就會 逳手 嘅 ，已經 嚟唔切 去 講 畀 皇帝 聽 嘞 ，諗住 要 想 個 援兵 之計 阻 佢 一 阻 ，就 大聲 話 ：
皇宮 裏 便嘅 屋 呀 ，冇 一萬 間 亦 有 五千 間 ，你 知唔知 嗰個 小 皇帝 住 喺 邊處 啊 ？
歸辛樹 打個 特 ，覺得 呢句 説話 問得 好啱 啊 就 捩轉頭 問佢 ：你 知唔知道 啊 ？
冇人 知㗎 ，嗰個 小皇帝 怕 人 行刺 佢 ，每晚 啊 都 換 地方 瞓 。
有時 喺 長春宮 瞓 ，有時 喺 景陽宮 瞓 ，有時 喺 鹹福宮 、延禧宮 瞓 ，話唔埋 又 喺 麗景軒 、雨花閣 、毓慶宮 瞓 嘅 。
佢 一口氣 講咗 七八個 宮閣 個 名 ，歸辛樹 啊 聽到 皺起 眉頭 。
韋小寶 又 話 ：就算 係 皇帝 貼身 嘅 太監 、侍衞 都 唔知 佢 今晚 喺 邊處 地方 瞓 㗎 。
歸辛樹 話 ： 噉 樣 ， 點先 能夠 搵 到 皇帝 啊 ？
呢 ，皇帝 上朝 ，文武百官 就 見到 佢 嘞 。
等到佢一入咗皇宮裏便呀 ，哼 ，就只有佢嚟搵你 人哋 就永遠搵佢唔到嘅 。
其實 情形 就 唔係 噉嘅 ，康熙 亦 唔係 經常 調換 瞓覺 嘅 地方 ，但係 歸 辛 樹夫婦 係 老百姓 ，又 點 知道 皇宮 內院 嘅 規矩 呢 ？
聽 韋小寶 車咗 一輪 大炮 ，諗住 皇帝 嚴防 刺客 ，本來 應該 噉嘅 ，不禁 大為 躊躇 喇 。
韋小寶 見到 歸辛樹 好為難 ，個心 啊 好得意 咯噃 佢 就 問 佢 ：
歸 大爺 啊 ， 你 知 唔 知道 皇帝 有 幾 多個 皇妃 啊 ？
歸辛樹 哼咗 一 聲 ，唔 應 佢 ，即係 話 唔知 啦 。
韋小寶 話 ：講古佬 話 呢 皇帝 有 三宮六院 ，後宮 美女 有 成 三千 人 。
而 家 嘅 皇帝 嘅 老婆 冇 咁 多 ， 三千個 係 冇 嘅 ， 八九百個 係 有 㗎 喇 。
佢 晚晚 做 新郎哥 ，今日 ，喺 第三百五十一 個 皇妃 嗰 處 瞓 ，聽日 呢 ，就 去 第六百三十四 個 皇妃 嗰 處 瞓 。
就算係 皇帝 嘅 皇妃 啊 ，亦 唔 知道 皇帝 今晚 喺 邊處 瞓 㗎 ，有啲 啊 等 咗 三年 四年 ，都 唔 知道 皇帝 嚟 呢 定 唔 嚟 。
陳近南話 ：小寶 ，你 喺 皇宮 裏 便 咁 耐 ，必定 知道 搵到 皇帝 嘅 法子 嘅 。
日頭 呢 仲 容易 搵 ，晚黑 呢 就 點 都 搵唔到 嘞 。
噉聽 日日 頭 我哋 都 喬裝 改扮 ，由 你 帶住 混入 皇宮 。
呢位 錢 兄弟 同埋 吳 二哥 ，你 唔係 帶過 入 皇宮 嘅 咩 ？
陳近南 講完 ，指 一指 錢老本 同 吳立身 。
韋小寶 話 ：錢大哥 只係 去過 御廚房 。
吳二哥 佢 哋 一 入 皇宮 ， 就 畀 衛士 發覺 咗 喇 ， 要 見 皇帝 嘅 面 呀 ， 哼 ， 爭 十萬八千里 啦 。
錢大哥 、吳二哥 ，你哋 兩位 話 係 唔係 啊 ？
錢 、吳 兩個人 都 岌一岌頭 。
佢 兩個人 入過 皇宮 ，都 知道 喺 皇宮裏 便 搵到 皇帝 喺邊處 ，確係 好似 大海撈針 一樣 啊 。
韋小寶 話 ：不過 弟子 有 個 法子 噃 。
陳近南 問 佢 ：咩嘢 法子 啊 ？
弟子 聽日 去 見 皇帝 ，佢 必定 會 話 吳三桂 造反 ，要 點樣 派兵 去 打 㗎 ，噉 弟子 呢 就 㨃 鬼 佢 出嚟 睇 試演 大炮 。
只要 佢 一 出 宮門 ，落手 就 容易 得多 嘞 ，行刺 成功 又 好 ，唔 成功 亦 好 ，我哋 腳底 抹油 啊 即刻 鬆人 ，亦 少咗 好多 兇險 㗎 係 唔係 ？
歸二娘 冷笑話 ：哼 ，皇帝 就 咁 聽 你 嘅 細佬 哥 話 ？
佢 三年 唔 出 皇宮 ，我哋 唔通 又 等 佢 三年 嘞噃 ？
你 推 三推四 ，總之 係 唔肯 帶 我哋 入去 就係 喇 。
沐劍聲話 ：入宮 去 行刺 皇帝 兄弟 亦係 做過 嘅 。
不過 講起嚟 就 慚愧 ，我哋 沐王府 死咗 好幾位 兄弟 。
舍妹 同 一位 方 師妹 ，仲有 呢位 吳 師叔 ，以及 兩位 師弟 ，都 失陷 喺 宮 裏頭 ，幾乎 冇 命 ，多得 韋香主 仗義 相救 ，噉 先至 脫險 唧 。
唔係 我哋 膽小怕死 啊 ，呢件事 真係 唔容易 成功 㗎 。
歸二娘 冷冰冰 噉 望住 韋小寶 佢 話 ：憑 你 就 救得 佢哋 脱險 ？
吳立身 連忙 話 ：呢位 韋香主 年紀 雖然 係 細 咋 ，不過 仁義 過 人 ，機智 聰明 ，兄弟 條命 啊 ，全靠 佢 搭救 㗎啫 。
沐王府 做唔成 嘅 事 ，未必 姓歸 嘅 亦 一定 做唔成 。
柳大洪 噗聲 企起身 ，佢 話 ：
歸氏 夫婦 神拳 無敵 ，當然 叻過 我哋 小小 沐王府 百倍 啦 。
而家 就 請 啟駕 起程 ，我哋 喺 呢處 正 候 佳音 。
天地會 洪順堂 嘅 一 名 兄弟 話 ：
韋香主 ，你 仲 係 一齊 入 宮 好 ，等到 歸家 三位 大俠 畀 宮裏 頭 嘅 衞士 捉住 喇 ，你 就 設法 搭救 佢哋 啦 。
佢 嬲 歸家 三個人 殺咗 吳六奇 啊 ，雖然 喺 總舵主 面前 ，亦 忍唔住 要 出言 諷刺 佢 幾句 。
韋小寶 喺 個 心處 鬧 喇 ：你哋 三隻 烏龜 ，入 宮 畀 人 捉住 呀 ，殺咗 我 個 頭 都 唔會 嚟 救 你哋 啊 。
佢 笑住 話 ：歸家 三位 大俠 又 點 會 畀 衞士 捉住 呢 ？
皇宮 裏 便 衞士 有 八千幾個 ，歸 少爺 只要 咳 幾聲 唧 ，就 將 嗰 八千幾名 衞士 啊 ，冚𠾴 唥 都 震死 咯 。
天地會 同 沐王府 群豪 當中 ，有 唔少 人 都 笑出聲 嘞 。
歸鐘 亦 笑住 話 ：誒 真係 有 噉 嘅 事 啊 ？噉啊 真係 得意 咯 ，佢哋 怕 我 咳 ，誒 ，咳啊 ？誒 。
歸氏夫婦 嬲 到 不得了 ，一人 揸住 個仔 一隻手 ，三個人 一拍噉 行出去 。
陳近南話 ：歸二俠 ，請 你 唔好 嬲 ，兄弟 有 個 意見 。
歸 二娘 一向 知道 陳近南 足智多謀 嘅 ，就 擰轉 身 聽 佢 講 落去 嘞噃 。
陳近南話 ：歸 二俠 賢夫婦 武藝 高強 ，當世 無敵 。
但係 深入 險地 ，到底 係 敵眾我寡 。
我哋 仲係 商議 一個 萬全之策 啦 。
歸二娘話 ：我 以為 陳 總舵主 真係 有 咩 高見 喎 ，哼 ！
擰 轉身 ， 行去 廳門 嘞 。
柳大洪 同 吳立身 突然間 行快 幾步 攔住 門口 。
柳大洪話 ：兩位 要 幫 吳三桂 ，我哋 沐王府 點 都 唔肯 。
歸二娘話 ：點啊 ？想逳手啊 ？
兩位 即管 殺咗 我 師兄弟 先 ，然後 再 出 呢道 門 ，去 幫 吳三桂 嘅 忙 。
邊個 話 我哋 幫 吳三桂 嘅 忙 啊 ？
兩位 雖然 係 冇 幫助 吳 賊 嘅 意思 ， 但 呢 件 事 如果 成功 ， 吳賊 聲勢 大盛 ， 點都 制服 佢 唔 住 㗎 喇 。
歸辛樹 低聲 話 ：行開 。
踏上 一步 。
柳大洪 擘大 雙手 ，攔住 門口 。
歸辛樹 左手 前伸 ，去 揦 佢 心口 。
柳大洪 用手 擋格 ， 啪 一聲 兩掌 一交 ， 柳大洪 個身 岌 咗 兩下 ， 塊面 呀 當堂 好似 白紙 咁 白 。
歸辛樹 話 ：我 只係 使咗 五成 力 唧 。
吳立身 擰住 個 頭 話 ：你 不妨 使 十成 力 ，打死 我哋 兩 師兄弟 啦 。
歸鐘話 ：十成 唔係 十成 。
兩手 一縮 一伸 。
吳立身 就 用 手 去 格 佢 。
歸鐘 兩手 又 試 縮 翻轉 頭 ，吳立身 就 格 空 咗 嘞 。
歸鐘 趁 佢 雙手 正 話 要 縮翻去 嘅 時候 ，雙手 快如 電閃 啊 ，已經 揦住 佢 心口 要穴 嘞 。
陳近南 衝上前 勸佢話 ：大家 都係 好朋友 ，唔好 逳手 。
嗱 各位 ，欲知 後事 如何 ，且 聽 下回 分解 。
