前文 再續 書 接 上 一回 啊 。
話説 韋小寶 返到 內堂 ，噉 啊 派 人 去 傳 李力世 佢哋 嚟 商議 。
只見 雙兒 行到 面前 ，突然間 跪喺 地 嗚噎住 話 ：
相公 ，我 求 你 一件事 。
韋小寶 好奇怪 啦 就 揸住 佢 隻手 拉 佢 起身 問 佢 ：
好雙兒 ，你 係 我 嘅 命根 有 咩事 我 一定 同 你 做到 嘅 。
見到 雙兒 仲 不斷 咁 流眼淚 ，噉 就 用 自己 衫袖 幫 佢 抹乾 。
雙兒話 ：相公 ，呢件事 好為難 嘅 ，不過 我 ，我唔能夠 唔求你 。
韋小寶 用 手 攬住 佢 條腰 就 話 ：
越係為難嘅事 ，噉 我 同 你 做到嘞 ，就 越發 顯得 我 寵愛 雙兒 啦嘛 。
咩事啊 ？快啲 講 我 聽啦 。
雙兒 塊 面 有 啲 紅紅地 嘞 ，佢 細細聲 噉 話 ：相公 ，我 ，我 要 殺咗 先頭 嗰個 官 ，你 唔好 嬲 我 噃 。
韋小寶 諗 ：啱喇 呢件事 我哋 兩個人 志同道合 ，你 嚟 求 我 真係 妙到極咯 。就 問 ：
呢個 官 咩 地方 得罪 你 啊 ？
佢 冇 得罪 我 ， 不過 呢 個 吳之榮 ， 係 我 哋 莊家 嘅 大 仇人 ， 莊家 嘅 老爺 、 少爺 ，冚𠾴唥 都 係 畀 佢 害死 㗎 。
韋小寶 當堂 明白晒 ，嗰晚 喺 莊家 見到 啲 人 ，個個 都係 女子 寡婦 ，屋企 裏 便 呢 又 安設 咗 好多 靈位 ，原來 罪魁禍首 就係 此人 。
就問 ：你 冇 認錯人 吖 嘛 ？
唔會 ，唔會嘅 ，我 唔會 認錯 。
嗰日佢 ，佢 帶住 啲 公差 衙役 嚟 莊家 捉 人 ，當時 我 雖然 仲係 好 細 個 ，不過 佢 嗰種 兇惡 嘅 模樣 ，我 點都 唔會 忘記 嘅 。
韋小寶 諗 ：嗯 我 一定 要 整 成 十分 為難 ，噉 佢 先至 會 領 我 個 情 嘅 。
就 皺起 眉頭 整色整水 ，諗咗 好耐 先至 話 ：
佢 係 朝廷 嘅 命官 ， 揚州 嘅 知府 ， 皇帝 啊 啱 啱 派 我 嚟 揚州 辦事 ， 你 如果 要 殺 咗 佢 ， 怕 我 個 官 都 做 唔 成 㗎 嘞 噃。
先頭 佢 又 嚟 同 我 講 一 件 大事 ，噉 你 要 殺 佢 我 怕 ，誒 我 怕 。
雙兒 十分 着急 喇 ，佢 流住 眼淚 話 ：
我 ，我本來 都 知道 噉樣 做 呢 要 相公 為難 㗎 喇 。
不過 莊家 嘅 老太太 ， 三少 奶 佢 哋 ， 佢 哋 每日 喺 靈位 之前 叩頭 ， 發誓 要 殺 咗 呢 個 姓 吳 嘅 惡 官 嚟 報仇雪恨 嘅 。
韋小寶 啪噉 一拍 大髀 ，佢 話 ：好 ！
係 我 嘅 好 雙兒 嚟到 求 我 ，就係 你 要 我 殺咗 皇帝 要 我 自殺 ，我 都 聽晒 你 嘅 ，何況 一個 小小 知府 唧 ？
不過噉噃 ，你 要 畀 我 啜 個 嘴 㗎 噃 。
雙兒塊面呀 ，好似 大紅柿 咁 紅啊 ，又 歡喜 佢 又 怕 醜 ，擰歪 塊面 低聲 話 ：
相公 待 我 咁 好 ，我 ，我 呢個 人 早就 係 你 㗎 嘞 ，你 ，你 。
講完 耷低 個 頭 。
韋小寶 見到 佢 温柔 婉順 ，個心 一軟 ，就 唔忍心 輕薄 佢 ，笑住 話 ：
好啦 ，等到 我哋 大功告成 喇 ，我 要 啜 你 嘅 嘴 ，你 就 唔准 逃走 㗎 嘞噃 。
雙兒 紅 起 塊 面 慢慢 岌 一岌頭 。
韋小寶 話 ：嗱， 如果 你 而家 殺 咗 佢 呢 ， 呢 個 仇 ， 報得仲 係 唔 夠 痛快 。
我 等 你 帶 佢 去 莊家 ，要 佢 跪 喺 莊家 眾位 老爺 、少爺 嘅 靈位 前 便 ，等 三少奶 佢哋 親手 殺 咗 呢個 狗賊 ，噉 你 話 噉 好唔好 吖 ？
雙兒 覺得 呢件事 呀 ，實在 好過頭 咯 ，都 怕 未必 係 真嘅 ，擘大 雙眼 一味 望住 韋小寶 唔敢 信噃 ，佢 話 ：
相公 ，你 唔係 呃 我 吖嘛 ？
我 點解 要 呃 你 唧 ？
呢個 狗官 ，既然 係 你 嘅 仇人 ，噉 亦即係 我 嘅 仇人 啦嘛 。
佢 話 要 送 我 一場 大富貴 喎 ，我 一啲 都 唔 稀罕 啊 。
只要 你 真心 對 我 好 ，噉 就 比 世上 乜嘢 都 好喇 。
雙兒 嘅 心 啊 好 感激 啊 就 挨 住 韋小寶 ， 忍 唔 住 又 喊 起 上 嚟 。
韋小寶 攬住 佢 條腰 覺得 又 纖細 又 柔軟 ，個心 啊 歡喜 到 乜嘢 噉 。
佢 諗 ：呢啲 現成人情 ，日日 做 佢 十個 八個 都 唔 嫌 多 啊 。
吳之榮 呢個 狗官 點解 唔 將 阿珂 個 爸爸 都 害死 埋 呢 ？
阿珂 如果 亦 嚟 求 我 報仇 ，噉 畀 我 攬住 佢 幾 咁 好 啊 。
跟住 一諗 ：阿珂 個 爸爸 唔係 李自成 就係 吳三桂 啊 點 會 畀 吳之榮 害死 嘅 呢 ？
呢個 時候 ，只 聽見 室外 腳步聲 ，知道 係 李力世 佢哋 嚟 嘞 ，韋小寶 話 ：
呢件事 你 即管 放心 啦 。
而家 我 有 啲 要事 同 人哋 商量 ，你 去 門口 守住 ，唔好 畀 人 入嚟 啊 ，不過 呢 亦 唔好 偷聽 我哋 講嘢 。
雙兒話 ：哦 ，我 從來 都 冇 偷聽 你哋 講嘢 嘅 。
突然 拉起 韋小寶 隻 手 ，吻咗 一下 ，就 閃身 出門 嘞 。
話説 李力世 一班 天地會 嘅 英雄 嚟到 室內 ，噉 坐落 之後 ，韋小寶 就 話嘞 ：
各位 阿哥 ，尋晚 我 聽到 個 消息 ，因為 事情 緊急 啊 嚟唔切 同 各位 商量 ，就 急急忙忙 去 麗春院 。
總算係好彩 ，雖然 係搞到 一塌糊塗 啊 ，不過 終於 救到 顧炎武 先生 同 吳六奇 大哥 條命 啊 。
群雄 非常 驚奇 嘞 ，韋香主 尋晚 嘅 事 確實 係 太過 荒唐 。
宿娼 嫖妓 女 噉 都 算 嘞 ，吖 佢 仲 喺 妓院 裏頭 抬 咗 一 張 大床 出嚟 ，搬 咗 七 個 女子 招搖 過 市 啊 亂七八糟 無以復加 。
哦 ，原來 竟然 係 為咗 搭救 顧炎武 同 吳六奇 啊 ，噉 真係 想 爛心肝 都 想唔到 㗎 ，於是 都 問 佢 呢件事 係 點 㗎 噉 。
韋小寶 笑住 話 ：我哋 喺 昆明 嘅 時候 啊 ，各位 阿哥 唔係 假扮 吳三桂 嘅 衞士 ，去 妓院 飲酒 打交 嘅 。
兄弟 覺得 呢條 計 都 唔錯 吖 ，噉 尋晚 就 依樣 畫 葫蘆 又 嚟咗 一次 。
噉 大家 都 岌 下個 頭 。
韋小寶 諗住 呢啲 嘢 如果 講得 太多 就 不免 會 穿煲 嘅 就 話 ：噉 其中 嘅 詳情 呢 我 都 唔 講 咁多 喇 。
噉講完 ，喺 衫袋 攞咗 吳六奇 嗰 封 信 出嚟 。
錢老本 接過 封信 攤 喺 枱面 同 大家 一齊 睇 ， 只見 信 嘅 開頭 寫住 ， 伊璜 仁兄 先生 道 鑒 ， 信 尾 嘅 署名 ， 係 雪 中鐵 丐 四個 字 。
大家 知道 雪中 鐵丐 係 吳六奇 嘅 外號 ，但係 伊璜 先生 係 邊個 人 呢 就 唔 知 嘞 。
群雄 肚裏 便 嘅 墨水 都 頗為 有限 㗎 ，只係 估到 信裏 便 講 嘅 ，西南 將 有 大事 ，係 指 吳三桂 就嚟 要 造反 唧 。
但係 咩 欲圖 中山 、開平 之 偉業 啊 ，咩 非 青田 先生 運籌 不為 功 啊 呢啲 典故 隱語 就 冚𠾴 唥唔識 。
噉 各人 你 睇 我 我 睇 你 ， 都 喺 度 等候 韋小寶 解 説 。
韋小寶啊笑住話 ：嘿嘿 ，兄弟 嘅 肚裏 便 呢 ，撐飽晒 揚州 湯包 同埋 長壽麵 ，墨水 係 一啲 都 冇 嘅 。
眾位 阿哥 個 肚 裏 便 呢 ，睇嚟 亦 係 燒酒 多過 墨水 嘞 。
好彩顧炎武先生 ，好快就會嚟喇 ，我哋 請 佢 老先生 解説 就係喇 。
正喺度講緊 ，親兵 嚟 話 有 客 探訪 ，一個 係 大喇嘛 一個 係 蒙古 王子 噉 。
韋小寶 請 天地會 群雄 以 親兵 嘅 身份 一齊 嚟 接見 。
噉佢 又 怕 呢兩個 結義 兄長 反面 無情 啊 ，一面 呢 又 去 請 阿琪 出嚟 。
一見面 ，桑結 同 葛爾丹 就 非常 親熱 ，大讚 韋小寶 義氣 深重 。
等到 阿琪 歡歡喜喜 噉 出嚟 相見 ，葛爾丹 啊 更加 係 心花怒放 喇 。
呢陣時 ，阿琪 早就 除咗 手銬 ，重施 脂粉 ，打扮 齊整 。
韋小寶 笑 住 話 ： 嘿好 咗 兩位 阿哥 啊 武功 蓋世 ， 殺退 啲 妖人 ， 如果 唔 係 呀 ， 兄弟 條命 仔 都 保 唔 住 啊 。
呢批 妖人 嘅 武藝 唔 差 ，人數 又 多 嘞 噃 。
好彩 兩位 阿哥 以 少勝多 ，打到 佢哋 屁滾尿流 ，落荒而逃 ，兄弟 啊 真係 佩服之至 喇 。
嚟 ，我哋 擺 慶功宴 ，慶賀 兩位 阿哥 威震天下 ，大勝而歸 啊 。
桑結 同 葛爾丹 明明 係 畀 神龍教 捉咗 去 ，好彩 韋小寶 釋放 洪夫人 ，將 佢哋 兩個人 換翻翻嚟 。
但係 而家 葛小寶 講 呢 ，就 似乎 係 佢哋 兩個 將 敵人 打到 大敗虧輸 一樣 。
桑結 就 有 啲 慚愧 ，個 心 呢 就 好 感激 韋小寶 。
葛爾丹 卻係 眉飛色舞 啊 ，喺 心上人 面前 就 得意洋洋 嘞 。
欽差 話 一 聲 擺 酒唧 ，即刻 就 喺 大堂 擺起 盛大 嘅 酒席 。
噉 飲咗 一輪 酒 ，桑結 同 葛爾丹 起身 告辭 。
韋小寶 話 ：兩位 阿哥 ，最好 呢 請 你哋 兩位 一人 寫 一道 奏章 ，由 兄弟 呈上 皇帝 。
噉 將來 大哥 要 做 西藏 活佛 ，二哥 啊 要 做 捽腳汗 ，噉 兄弟 喺 皇帝 面前 一定 大打邊鼓 嘅 。
日後 吳三桂 呢個 老嘢 起兵 造反 ，兩位 阿哥 幫 皇帝 打 呢個 老嘢 ，噉 我哋 嘅 事 ，邊度 會 話 唔 成功 㗎 係唔係 吖 ？
噉 兩個人 好 歡喜 ，都 話 係啊 係啊噉 。
噉 韋小寶 帶住 兩個 人 嚟到 書房 ，葛爾丹 話 ：
愚兄 文墨 上 唔係 點 嚟得 嘅 ，呢道 奏章 ，仲 係 你 代寫 好過 喇 。
韋小寶 笑住 話 ：嘿嘿 兄弟 連 自己 個 名 啊 ，只有 一個 小 字 寫上嚟 擔保 唔會 錯 之外 呢 ，嗰個 韋字 就 靠唔住 喇 。
呢個 寶字 呢 寫嚟寫去 總係 有 啲 唔對路 嘅 。
不如噉啦 ，我哋 叫 師爺 嚟 代寫 啦 。
桑結 話 ：呢件事 十分 機密 ，唔能夠 畀人 知道 嘅 。
愚兄 嘅 文筆 雖然 亦 唔係 好 通順 ，不過 求其 寫 就係 喇 。
好在 我哋 又唔係 考狀元 ，皇上 亦 唔嚟 理 文筆 好唔好 嘅 ，只要 意思 唔錯 就 得嘞 。
桑結 十隻 手指 啊 雖然 斷咗 一 闕 啊 ，都 仲 能夠 寫字 。
佢 於是 寫 咗 自己 嘅 奏章 ， 又代 葛爾丹 寫 埋 ， 由 葛爾丹 打 咗 手印 ， 畫上 花押 。
噉 三個人 再次 表明 啊 ，將來 富貴 與 共 患難 相 扶 ，決 唔 辜負 結義 之 情噉 。
韋小寶 叫人 攞咗 三盤 黃金 出嚟 ，贈送 畀 兩位 義兄 同 阿琪 ，然後 呢 就 備 馬 備 轎 ，就 恭送 出門 。
返到嚟大廳 ，親兵 報告 話 吳知府 ，已經 押解 犯人 嚟 咗 嘞噉 。
韋小寶 啊 吩咐 吳之榮 喺 東廳 等候 ，將 顧炎武 等 三個人 帶到 嚟 內堂 ，開咗 手銬 ，屏退 親兵 ，只係 留低 天地會 群雄 。
閂埋道門 ，躬身 行禮 佢 話 ：天地會 青木堂 香主 韋小寶 ，率 同 眾 兄弟 參見 顧 軍師 同 查 先生 、呂 先生 。
嗰日 ，查伊璜 啊 接到 吳六奇 嘅 密信 ，好 歡喜 啦 ，就 約咗 呂留良 一齊 嚟 揚州 ，搵 顧炎武 商量 。
誰知 吳之榮 就 啱啱 查到 顧炎武 嘅 詩集 ，就 帶埋 差役 捕快 捉人 ，噉啊 將 查 、呂 兩個人 就 一齊 捉埋 去 。
一搜查 ，竟然 喺 查伊璜 身上 將 吳六奇 呢 封 密信 搜咗出嚟 。
噉 三個人 係 慚愧 到 死 咁滯 啦 諗住 自己 冇命 都 唔緊要 啊 ，吳六奇 呢個 密謀 一 洩漏 出去 啊 就 破壞 咗 大事 㗎 啦 嘛 。
點知道 奇峰突起 ，欽差大臣 ，竟然 自己 話 係 天地會 嘅 香主 喎 ，不由得 驚喜交集 ，好似 發夢 噉樣 。
當日 ，河間府 開 殺龜 大會 ，韋小寶 並冇 露面 嘅 ，但係 李力世 、徐天川 、玄貞道人 、錢老本 等人 呢 都 同 顧炎武 相識 。
顧 、查 、呂 三個人 ，當年 喺 運河 隻 船 處 就 遇險 ，就 曾經 得到 天地會 總舵主 陳近南 搭救 ，知道 眼前 呢個 少年 欽差 就係 陳近南 嘅 徒弟 ，就 完全 冇 懷疑 喇 。
查伊璜 講咗 吳六奇 封信 裏 便 中山 、開平 、青田 先生 嘅 典故 ，噉 天地會 群雄 噉 先至 明白 ，一味 話 好 危險 啊 ，好 危險 啊 噉 。
呂留良話 ：當年 我哋 三個人 ，仲有 一位 黃梨洲 黃兄 ，承蒙 尊師 相救 ，今日 不慎 惹禍 ，又得 韋兄弟 解難 。
唉 ，真係 百無一用 是 書生 ，賢師 徒 大恩大德 ，真係 無以為報 喇 。
韋小寶 話 ：大家 都 係 自己人 啫 嘛 呂 先生 又 何必 客氣 呢 ？
查伊璜 話 ：揚州 府衙門 嘅 公差 ，突然間 破門而入 ，唉 真係 好似 迅雷不及掩耳 啊 。
我 當時 一見 情勢 唔對路 嘞 ，就 連忙 想 攞起 吳兄 呢 封 信 嚟 撕爛 佢 ，點知 已經 畀 公差 捉住 隻 手 ，捩 到 去 背後 。
我諗住闖咗呢場大禍 ，就揸定主意 ，喺審問嘅時候 呢就招供 寫信嘅 雪中鐵丐 就係 吳三桂 。
橫掂 兄弟 呢 條 路 老命 都 保唔住 㗎 咯 ，點 都 要 保住 吳六奇 吳 兄 冇事 至 得 㗎 嘛 。
噉啊眾人哈哈大笑 ，都話 呢條計仔 好妙啊噉 。
查伊璜話 ：嗰啲 都係 迫不得已 嘅 下策 啫 。
雪中 鐵丐 名揚 天下 ，怕 拉唔到 吳三桂 嘅 頭上 。
問官 如果 調 吳 兄 嘅 筆跡 嚟 一加 查對 ，就 非 揭露 真相 不可 嘅 。
顧炎武話 ：我哋 兩次 洩漏 咗 吳兄 嘅 秘密 ，兩次 得救 ，可見 冥冥之中 自有 天意 ，清廷 氣運 不長 ，吳兄 大功 必成 啊 。
不過 自今以後 ，呢件事 點 都 唔能夠 再 講出口 喇 ，總 唔會 有 第三次 都 咁 好運氣 㗎 。
噉 大家 都 話 係 啊噉 。
顧炎武 問 韋小寶 話 ：韋香主 ，你 睇 呢件事 如何 善後 呢 ？
韋小寶 話 ：難得 同 三位 先生 見面 ，就 請 三位 喺 呢處 住 幾日 ，噉 大家 一齊 飲酒 。
然後呢 ，叫 吳之榮 呢個 狗官 嚟 ，等 佢 企 喺 旁邊 睇住 ，就 噉 嚇死 佢 。
呢個 狗官 如果 膽大 咯嚇 佢 唔死 呢 ，一刀 斬 咗 佢 狗頭 就係 啦 。
顧炎武 笑住 話 ：呢個 法子 雖然 係 出咗 一啖氣 ，就怕 洩露 咗 風聲 唧 。
呢個 狗官 係 朝廷 命官 ，韋香 主要 殺 佢 ，點 都 要 有 個 罪名 先至 得 嘅 。
噉啊 ，誒 ，嘿 ，有喇 。
請查 先生 假造 一封信 ，話 係 吳三桂 寫畀 呢個 狗官 嘅 。
呢個 狗官 係 吹牛 ，話 依照 排行 計 起上嚟 呢 ，吳三桂 係 佢 族叔 。
噉 如果 要 假造 書信 嫌 麻煩 ，噉就 將 吳六奇 大哥 呢 封 信 抄 一次 就係 喇 。
只要 換咗 上下 個 名 唔係 得 囉 。
唔理 係 邊個 只要 佢 同 吳三桂 勾結 ，我 斬咗 佢 ，小皇帝 一定 讚成 嘅 。
眾人 聽咗 一齊 讚好 嘢 啊 。
顧炎武 笑住 話 ：
韋香主 才思敏捷 ，呢個 移花接木 之計 ，可以話 係 一箭雙鵰 ，即 以 其人之道 還治 其人之身 啊 。
伊璜兄 ，就 請 你 大筆一揮 啦 。
查伊璜 笑住 話 ：想唔到 今日 ，要 同 吳三桂 呢個 老賊 做 一次 師爺 添 。
韋小寶啊 以己度人 ，以為 假造 一封 書信 係 好難 嘅 ，因此啊 提議 原信 照抄 。
但 係 顧 、 查 、 呂 三個 人 乃 係 當世 名士 ， 寫封信 就 好似 韋小寶 擲 骰仔 賭 牌九 一樣 ， 直情 係 家常便飯 啊 何足道哉 呢 ？
查伊璜 攞 起 支 筆 ， 正話 要 寫 ， 佢 問 ： 唔 知 吳之榮 嘅 別字 叫做 咩 嘢 呢 ？
吳三桂 寫信 畀 佢 ，如果 係 用 佢 嘅 別字 更加 顯得 熟絡啲 。
韋小寶 話 ：高大哥 ，唔該 你 問下 嗰個 狗官 啦 。
高彥超 出去 問咗 ，返嚟 笑住 話 ：呢個 狗官 別字 叫做 顯揚 啊 。
佢 問 為咩事 要 問 佢 別字 啊 噉 。
我 話 欽差 大臣 ，要 寫信 畀 北京 吏部 、刑部 兩位 尚書 ，詳細 稱讚 佢 嘅 功勞 ，呈報 佢 嘅 官名 別字 。
嗰個 狗官 呀 笑到 嘴 都 合唔翻 啊 ，仲 賞咗 十 兩 銀 畀 我 添 。
講完 ， 將 一錠 銀 喺 手 處 拋下 拋下 。
眾人 不禁 又 大笑 起嚟 嘞 。
噉 查伊璜 寫好 封信 就 交畀 顧炎武 佢 話 ：
亭林兄 ，你 睇下 噉 寫得 唔得 ？
顧炎武 接過 封信 ，噉 呂留良 同埋 佢 一齊 睇 ，都 話 ：嘿 ，好極 ，好極喇 。
呂留良 笑住 話 ：
呢句 豈知 我 太祖 高皇帝 首稱 吳國 ，竟 應 三百年 後 我 叔侄 之 姓氏 ，將 呢個 吳字 真係 扣到 死死 ，點 都 推唔甩 喇 。
顧炎武 笑住 話 ：
呢 兩句 欲 斬 白蛇 而賦 大風 ， 願 吾 侄納圯 下 之履 ； 思奮 濠 上 而 都 應天 ， 期吾 侄取 誠意 之爵 。
係喺 吳六奇 兄 呢句 欲圖 中平 、開平 之 偉業 ，非 青田 先生 運籌 不為 功裏 便 化出 嚟 㗎 喇 係 唔係 呢 ？
查伊璜 笑住 話 ：依樣 葫蘆 ，邯鄲 學步 啫 。
天地會 群雄 大家 你 望 我 我 望 你 ， 唔 知 佢 哋 三個 人講 啲 乜嘢 噃， 仲以 為 係 咩 幫會 暗語 江湖 切口 添 。
顧炎武 啊 於是 同 大家 解釋 ，佢 話 ，明太祖 朱元璋 初起 嘅 時候 ，自稱 吳國公 ，噉 收尾 呢 又 稱 吳王 ，噉 就 正啱 同 吳三桂 吳之榮 嘅 姓 相同 嘞 ；
斬白蛇 、賦大風 ，係 漢高祖 劉邦 嘅 故事 ，圯下 納履 呢 係 張良 嘅 故事 ；
朱元璋 起於 濠上 ，而 定都 應天 ，爵位 封 誠意伯 嘅 ，就係 劉伯温 喇噉 。
韋小寶 拍住手 噉 話 ：呢封信 呀 寫得 仲 好過 吳六奇 大哥 嗰 封 啊 。
吳三桂 係 就係 想 做 皇帝 ，不過 將 佢 比 做 漢高祖 、朱元璋 ，未免 捧得 佢 太 高 嘞 。
呂留良 笑住 話 ：係 吳三桂 自己 捧 自己啫 ，唔係 查 先生 捧 佢 啊 。
韋小寶 笑住 話 ：哈 冇錯冇錯 ，我 唔記得咗 係 吳三桂 自己 寫 嘅 添 。
查伊璜 問 ：下便 署 咩 名 好 呢 ？
顧炎武話 ：呢一封信 ，無論 係 邊個 一睇 都 知道 係 吳三桂 寫 嘅 ，所以 署名 呢 就 越 係 含糊 就 越 似 係 真 嘅 ，就 署 叔西 手札 ，就 啱嘞 。
跟住 對 錢 老本 話 ：錢兄 ，呢 四個 字 請 你 嚟 寫 啦 ，我哋 嘅 字 有 書生氣 ，唔似 帶兵 嘅 人 啊 。
錢老本 攞起 支筆 ，戰戰兢兢 噉 寫咗 ，好唔好意思 噉 話 ：
誒 呢 四個 字 寫得 歪歪斜斜 ，太過 唔似樣 嘞 。
顧炎武話 ：吳三桂 係 個 武夫 ，呢 封 信 ，梗係 要 師爺 寫 㗎 啦 。
你呢四個字署名寫得好好啊 ，冇章法間架 ，不過好有力 ，似武將嘅字啊 。
噉查伊璜 喺 信封 上 便 寫咗 親 呈 揚州 府 家 知府 老爺 親拆 十二 個 字 。
袋咗入信封 ，就 交畀 韋小寶 ，佢 微微 笑話 ：
偽造書信 啊 未免 有損 陰德 ，唔係 正人君子 嘅 所為 。
不過 為咗 興復 大業 ，亦 只有 不拘小節 咯 。
韋小寶 個心 諗 ： 對付 吳之榮 呢種 狗賊 呀 ， 造 一封 假信 有 乜 緊要 唧 ？ 哼 讀書人 真 係 酸 揼揼 嘅 。
佢 收起 書信 佢 話 ：好喇 ，呢件 事情 噉 啊 做 妥喇 ，噉 我哋 嚟 飲酒 ，同 三位 先生 接風 。
嗱 各位 ，欲知 後事 如何 ，且 聽 下回 分解 。
