前 文 再續 啊 書 接上 一回 啊 。
話説 韋小寶 畀咗 兩 錠 白銀 過 母親 ，佢 母親啊 歡喜 到 喊啊 ，話 同 佢 收埋 啲 銀 先 ，過 幾年 呢 就 同 佢 娶 新抱 。
韋小寶 個 心 諗 嘞 ：我 而家 就 去 娶 新抱 喇 。
吹熄咗 眼油燈 ，佢 話 ：阿媽 ，你 快啲 瞓 啦 ，我 等 你 瞓着 咗 再 瞓 。
你 隻 龜蛋仔 吖 ，咁多 花款 嘅 。
就 眯埋 雙眼 嘞噃 。
韋春芳 攰咗 一日 嘞 ，又 飲咗 幾杯 酒 ，見到 個仔 返嚟 又 歡喜 到 不得了 ，噉 一定 落嚟 呢 ，好快脆 就 迷迷懵懵 瞓着 。
韋小寶 聽 佢 鼻鼾聲 ，就 拈手拈腳 ，行 去 門邊 。
個心一動 ，又行翻轉頭 ，將 母親 條 褲 呢 拋 喺 蚊帳 頂 ，佢 諗 ：
等陣 你 如果 瞓醒 呢 冇 咗 條 褲 就 唔 能夠 嚟 捉 我 喇 。
噉佢 行到 甘露廳 外 便 一望 ，見到 鄭克塽 打昂 坐 喺 張 椅 處 ，阿珂 呢 ，就 伏 喺 張 枱 處 ，已經 逳 都 唔 逳 喇 。
韋小寶 歡喜 喇 ，等咗 一陣 ，見 兩個人 仍然 係 唔逳 ，噉 啊 即刻 行 入去 廳 咯 噃 。
佢 反手 想 話 閂 翻埋 道門 ，轉念 一諗 ：
哼 ，唔好 閂門住 ，如果 呢個 僆仔 係 詐假意醉 嘅 ，閂埋 門 啊 就 冇 埞趯 喇 。
噉拔咗匕首 ，揸住喺手嚟 ，行埋去 ，㧬一㧬鄭克塽 ，佢完全唔逳 ，果然已經昏迷喇 。
又㧬一㧬阿珂 ，佢 嗯咗 兩聲 ，不過 呢 就 冇 坐起身 。
韋小寶 諗 ：佢 飲酒 少過 頭 啊 ，怕 冇 幾耐 就 醒翻 噉 就 危險 喇 。
將 把 匕首 插 翻 入 靴 裏 便 ，噉 就 扶 佢 坐 翻 直 。
阿珂 眯埋 雙眼 含含糊糊 噉 話 ：阿哥 ，我 ，我唔能夠 飲 喇 。
韋小寶 低聲 話 ：好妹妹 ，再 飲 一杯 啦 。
噉 啊 斟滿 咗 一 杯酒 ， 左手 挖開 佢 嘅 嘴 仔 就 將 酒 灌 咗 落 去 。
眼見 阿珂 迷迷懵懵 噉 ，將 呢 杯 迷春藥酒 吞咗 落 肚 ，佢 諗 ：
老子 同 你 名媒 正娶 拜咗 天地 ，你又唔肯 同 老公 洞房 花燭 ，走嚟 麗春院 做 老舉 ，要 老公 做 個 嫖客 嚟 梳籠 你 ，真係 賤格 喇 你 。
阿珂 本來 就 秀麗 無比 嘅 ，呢陣時 ，酒醉 之後 ，紅燭 之下 更加 顯得 千嬌百媚 。
韋小寶 色心 大動 喇 ，亦 唔理 鄭克塽 咁多 咯 ，將 阿珂 打橫 抱起嚟 ，行 入 甘露廳 側 跟 嘅 大房 。
呢間 大房 呢 ，係 接待 豪客 留宿 嘅 ，一 張 大床 ，足足 有 六尺 幾 闊 ，錦褥 繡被 陳設 華麗 。
韋小寶 將 阿珂 輕輕 放 喺 床 上 ，翻 出去 攞 咗 燭台 ，放 喺 床頭枱 上 便 。
只見 阿珂 塊面 啊 紅卜卜 噉 ，不由得 個心 啊 乒嘣乒嘣 噉 亂咁 跳 。
護低 個 身 ，同 佢 除咗 件 長衫 ，噉 啊 露出 貼身 着住 嘅 淡綠色 嘅 褻衣 。
佢 正 話 伸手 去 解 佢 褻衣 嘅 衫紐 ，突然間 聽見 背後 腳步聲 響 ，有 個人 衝 入嚟 ，噉 啊 啱啱 想 捩 轉頭 唧 ，條 辮 一 緊 ，耳仔 一 痛 ，又 畀 韋春芳 捉住 嘞 。
韋小寶 低聲 話 ：媽 ，快啲 放手 啦 。
韋春芳 鬧 佢 話 ：你 隻 龜蛋 啦 ，我哋 人 雖然 係 窮 咋 ，妓院 裏 便 嘅 規矩 唔 破壞 得 㗎 嘛 。
揚州 九 大 名院 ，邊度 有 偷 人 客 錢 㗎 ？快啲 出去 ！
我 唔係 偷 人哋 嘅 錢 喇 。
韋春芳 出力 拉佢 條辮 ，搏命 咁 拉拉拉拉 佢 返去 自己 間 房 ，就 鬧佢 話 ：
你 唔 偷 人客 嘅 錢 ，噉 解 人哋 嘅 衣服 做 咩嘢 啊 ？
呢幾十兩銀喇 ，實係 做賊仔 偷翻嚟嘅 。
辛辛苦苦 養大 你 ，估唔到 你 竟然 去 做 賊 。
激起氣嚟 ，流起眼淚 ，攞起 床頭 嗰 兩錠 白銀 啊 噼啪一聲 ，掟咗 喺 地下 。
韋小寶 啊 真係 難以解釋 嘞 ，如果 話 呢個人客 係 女扮男裝 ，其實 係 自己 嘅 老婆 啫噉 ，一來 ，説來 話長 ，二來 呢 ，阿媽 點 都 唔信 㗎 嘞 。
所以 佢 只係 話 ：我 為咩 要 偷 人哋 嘅 錢 唧 ？
你 睇下 ，我 身邊 仲 有 好多 銀 㗎 。
一便講 ，一便 喺 懷內 扲出 一大沓 銀票 ，佢 話 ：
阿媽 ，呢啲 銀 呢 我 都 係 要 畀 你 嘅 ，就 怕 一時 嚇親 你 ，噉 啊 慢慢 再 畀 你 啫 嘛 。
韋春芳 見 幾百 兩 銀 嘅 銀票 ，總共 有 成 幾十 張 咁多 ，嚇到 擘大 雙眼 佢 話 ：
你 ， 你 ， 你 你 你 ， 你 呢 個 賊 仔 吖 ， 你 ， 你 仲 唔 係 喺 嗰 兩個 相公 身上 偷翻 嚟 嘅 ？
你 轉世 投胎 ，再 做 十世 龜蛋 喇 ，亦 賺唔到 咁多 銀 啦 。
快啲 還翻 畀 人哋 。
我 哋 喺 老 舉 寨 做生意 ， 有 本事 ， 就 呃 人 哋 十萬八萬 ， 不過 係 要 四方 邊頂 心甘情願 ， 雙手 奉送 嘅 。
只要 偷 人哋 一個 錢 喇 ，二郎神 決唔 放過 你 㗎 ，來世 仲係 要 做 龜蛋 啊 。
小寶 ，阿媽 係 為 你好 咋 。
人 哋 聽 日 瞓 醒 咯 ， 唔 見 咗 咁 多 銀 ， 邊度 有話 唔 嘈起 上 嚟 嘅 呢 ？
衙門 裏 便 啲 公差 老爺 嚟到 一 查 ，捉咗 你 去 ，仲有 話 唔 打到 你 皮開肉爛 屎綻 羔羊 咩 ？
乖小寶 ，我哋 唔能夠 攞 人哋 嘅 錢 㗎 。
講來講去 ，仲係 要 個仔 去 還錢 。
韋小寶 諗 ：唉 呢件事 係 一時 講唔明白 㗎喇 ，搞到 龜婆 龜公 都 知道晒 ，大家 嚟 一嘈 ，呢件事 冚𠾴 唥𢰸晒 。
佢 心念 一動 ，已經 有咗 主意 喇 佢 就 話 ：
好喇好喇好喇好喇 ，媽 ，我 聽 你 話 啦 。
噉啊拖住母親隻手嚟到甘露廳 ，將一沓銀票都塞咗喺鄭克塽懷內 ，噉啊將自己兩個衫袋呢 ，就拉出嚟 ，拍下個身佢話 ：
嗱 ，睇過 喇 你 ，我 一兩 銀 都 冇 喇 ，嗱噉 你 放心 咯啩 ？
韋春芳 歎咗 口氣 佢 話 ：係咯 ，係 要 噉 至 好 㗎嘛 。
韋小寶 返到 自己 間 房 ，見到 母親 啊 着住 一條 舊 褲 ，不由得 咭噉 笑起上嚟 。
韋春芳 彎起 手指 ，喺 佢 額頭 噗噉 彈咗 一下 鬧佢 話 ：
我 起身 屙尿 ，搵唔到 條褲 ，就 知道 你 冇 好嘢 㗎喇 。
講完 ，不禁 都 笑起上嚟 啊 。
韋小寶 話 ：哎呀 弊喇 ，屎 急 添 。
佢 揞住 個 肚 匆匆忙忙 行咗 出去 。
韋春芳 怕 佢 又 去 甘露廳 嘞 ，但係 見 佢 去咗 後院 廁所 ，噉 先至 放心 ，佢 諗 ：
你 再 要 去 花廳 呢 ，總 走唔甩 老娘 雙眼 嘅 。
韋小寶 行 出 邊門 ，飛跑 返去 何園 。
噉啊 守門 嘅 親兵 伸手 攔住 佢 喝 佢 話 ：做咩 啊 ？
我係 欽差大人 啊 你 唔 認得 我 咩 ？
個 親兵 一驚 ，仔細 一睇 ，果然 係 欽差 大人 ，連忙 話 ：係 ，係 大人 。
韋小寶 唔等 佢 講完 嘞 ，急急腳 返到 房間 ，佢 話 ：雙兒 啊 ，唔該 你 快啲 幫 我 變翻 欽差 大人 啦 。
一便 講 ，一便 出力 掹甩 身上 嘅 長衫 。
雙兒 服侍 佢 洗面 更衣 ，笑住 話 ：
欽差大人 私人 察訪 ，查到 真相 喇 ？
查到喇 ，我哋 而家 就 去 捉人 。
你 快啲 着翻 親兵 衣服 ，再 叫 八名 親兵 跟埋 我 去 。
要唔要叫 徐老爺 佢哋 啊 ？
韋小寶 個心 諗 ： 鄭克 塽 同 阿 珂 已經 迷倒 嘞 ， 手到擒來 就 不費吹灰之力 嘅 。
徐天川 如果 佢哋 跟埋去 ，又 唔准 我 殺 姓鄭 嗰個 衰公 嘞 。
叫埋啲親兵一齊去 ，係要擺架子嚇我媽 ，嚇啲龜婆龜仔啫嘛 。
佢 就 話 ：唔使 喇 。
雙兒 着起 親兵 服飾 ，佢 話 ：
我 哋 叫 埋 曾 姑娘 一齊 去 呢 好 唔 好 啊 ？
喺 親兵隊伍 裏 便 啊 ，只有 佢 同 曾柔 兩個 係 女扮男裝 ，噉 兩個 少女 相處 咗 咁 耐 ，已經 十分 親密 嘞 。
韋小寶 諗 ： 要 抱 阿 珂 返 嚟 呢 處 佢 一個 人 唔 得 嘅 ， 係 要 兩個 人 抬 先 至 得 嘅 。
欽差大人 又 唔能夠 喺 下人 面前 逳手 㗎 ，又 唔能夠 等 啲 親兵 嘅 臭手 ，碰到 我 老婆 嘅 香身 喇 。
噉 於是 佢 話 ：好啊 ，你 叫 一齊 去 啦 ，誒 ，不過 千祈 唔好 叫 王屋 派 嗰啲 人 噃 。
曾柔 本來 就 着住 親兵 裝束 嘅 ，噉 眨下眼 就 嚟到 嘞 。
韋小寶 帶住 兩個 女仔 同 八名 親兵 ，噉 又 去 麗春院 嘞 。
兩名 親兵 行前 打門 ，喝話 ：參將 大人 到 ，快啲 開門 迎接 。
噉 眾 親兵 啊 得到 囑咐 ，只係 話 韋小寶 係 參將 唧 。
要嚇下啲龜婆龜公啊 ，一名參將 已經 綽綽有餘 喇 。
打門 打半日 ，嗰道 大門 先至 咦聲 打開 ，一名 龜仔 出嚟 迎接 佢 話 ：有客 啊 。
呢 兩個 字 叫得 無精打采 。
韋小寶 怕 佢 認得 自己 啊 ，亦 唔 敢 望 佢 。
一名親兵 話 ：參將 老爺 駕到 ，叫 龜婆 好好 侍候 。
韋小寶 嚟到 大廳 ，噉 啊龜婆 出嚟 迎接 ，對 韋小寶 睇 都 唔 睇 就 話 ：請 老爺 去 花廳 飲茶 啦 。
韋小寶 個 心 諗 ：你 唔 睇 我 啊 最好 ，免致 認出 我 。
嗯 我 都 唔 使 見 我 阿媽 喇 ，吩咐 佢哋 抬 咗 阿珂 同 鄭克塽 走 就 係 啦 。
不過 見 呢 個 龜婆 平常 接待 人客 呢 十分 周到 㗎 ， 對 啲 達官貴人 呢 更加 恭敬 客氣 ， 吖 點解 今日 咁 冷淡 ， 噉 説 話 把 聲 都 好 古怪 嘅 呢 ？
不覺 有 啲 詫異 嘞 。
佢 行入 甘露廳 ，只見 酒席 未收 ，鄭克塽 仍然 係 打昂 坐 喺 張 椅 處 。
噉正話 想 下令 嘞 ，只見 一個 衣着 華麗 嘅 人 行過嚟 ，佢 話 ：韋大人 你好 吖 嘛 ？
韋小寶 吃咗 一驚 啊 佢 諗 ：嗯 ，你 點解 認得 我 嘅 ？
向佢 一望 ，哎呀 嚇到 佢 成個 跳起 ，即刻 彎腰 伸手 ，就 去 摸 靴 裏 便 把 匕首 咯噃 。
突然覺到隻手一緊 ，身後 有人 捉住 佢 手腕 ，冷冰冰噉 話 ：好好 坐低啦 ，唔好 逳手逳腳 。
左手 揸住 佢 後領 扚起 佢 ，擠 佢 落 椅 處 。
韋小寶 暗暗 叫苦 啦 。
只聽見 雙兒 喝 一聲 ，已經 同 嗰個 人 逳手 打起 上嚟 嘞 。
噉 曾柔 上前 夾擊 ，旁邊 一個 錦衣 公子 啊 發掌 向 佢 劈過去 ，噉 兩個 人 就 鬥起 上嚟 嘞 。
韋小寶 定眼 一 睇 ， 呢 個 錦衣 公子 啊 ， 原來 亦 係 女扮男裝 ， 係 阿 珂 嘅 師姐 阿琪 啊 。
同雙兒 打鬥 嗰個人 身材 高瘦 ，乃係 西藏 喇嘛 桑結 ，呢個時候 着住 便裝 ，頭上 戴 翻頂帽 ，裝咗 一條 假辮 。
第一個 衣着 華麗 嘅 人 呢 ，係 蒙古 王子 葛爾丹 啊 。
韋小寶 諗 ：哎呀 我 真係 懵 喇 ，明明 聽見 鄭克塽 話 約咗 葛爾丹 喺 呢度 會面 嘅 ，點解 我 噉 都 防唔到 呢 一着 呢 ？
我 一見到 阿珂 ，個心 就 迷迷懵懵噉 ，連 老豆 姓 乜 都 唔 記得 咗 嘞 。
吖叉叉叉 ，我 本來 就 唔 知道 老豆 姓 乜 㗎 嘛 ，噉 亦 難怪 嘅 。
只聽 雙兒 哎吖 一聲 ，條 腰 已經 畀 桑結 點 咗 穴道 ，跌咗 喺 地 嘞 。
呢陣時 ，曾柔 仲 喺度 同 阿琪 猛 咁 打 。
阿琪 招式 啊 雖然 係 精奇 啊 ，但係 出手 冇 力 ，幾次 打中 曾柔 ，不過 都 打 佢 唔 傷 。
桑結 行埋 去 ，兩招 咁多 唧 ，就 將 曾柔 點倒 咯 。
八名 親兵 有啲 係 畀 桑結 點 倒 ，有啲 係 畀 葛爾丹 打死 ，癱晒 喺 廳 外 天井 裏 便 。
桑結 騎騎騎噉 笑一笑 ，坐低 佢 話 ：韋大人 ，你 嘅 師父 呢 ？
講完 伸出 雙手 ，一直 伸到 佢 面前 。
只見佢 十隻手指 都 少咗 一截 ，睇起嚟 啊 好得人驚嘅 。
韋小寶 暗暗 叫苦 嘞 佢 諗 ：
嗰日 佢 掀 部 經書 ，手指 係 黐咗 我 落 嗰啲 毒藥 ，吖 呢個 人 居然 狠得起心 ，將 十 隻 手指 都 斬咗 一 闕 。
今日 老子 落 喺 佢 手內 ，一報還一報 ，將 我 十隻 手指 都 斬咗 一闕 噉 都 唔 緊要 啊 ，怕 就 怕 佢 將 我 個 頭殼 斬咗 一闕 唧 。
桑結 見 佢 嚇到 傻咗 ，十分 得意 啊 就 話 ：
韋大人 ，當日 我 見 你 小小孩童 ，唔知道 你 係 朝中 大大 嘅 貴人 ，真係 多多 得罪 啊 。
唔敢當 。
當日 我 以為 你 係 一個 平常 嘅 喇嘛 ，唔知道 你 係 一位 大大 嘅 英雄 ，真係 多多 得罪 啊 。
哼 ， 你 點知 我 係 英雄 啊 ？
有人 喺 經書 上面 落 咗 劇毒 ， 噉 想害 我 師父 ， 畀 我 師父 識穿 咗 就 唔 敢 用 手 去 掂 佢 。
你呢 ，就 一定要 睇 呢部 經書 ，噉 我 師父 無可奈何 啦 ，只有 畀咗 你 咯 。
大喇嘛 啊 ， 你 手指 中毒 之後 ， 當機立斷 ， 噉 即刻 就 將中 咗 毒 嘅 手指 斬 咗 去 真 係 了不起 啊 ！
自己 鋸 頸 自殺 就 容易 啫噃 ，自己 斬 十 隻 手指 啊 ，古往今來 ，從來 冇 一位 大 英雄 做過 嘅 。
想當年 ，關雲長 刮骨療毒 ，眉頭 都 唔 皺 一下 ，不過 係 人哋 幫 佢 刮骨 啫 ，要 佢 自己 斬 手指 啊 ，噉 就 點 都 唔 做得 㗎 。
你 仲 叻過 關雲長 ，噉 仲唔係 自古以來 ，天下 第一位 大英雄 囉 。
桑結 明知 佢 托大腳 ，不過 係 想 自己 對 佢 手下 留情 ，噉 比起 哀求 饒命 啊 ，相差 亦都 係 冇 幾多 㗎啫 。
不過 呢啲 説話 聽起上嚟 ，噉 確係 非常 舒服 。
當日 ，自己 狠心 斬 十隻 手指 ，先至 保得住 條命 ，噉 雖然 雙手 殘廢 啊 ，好多 武功 大 打折扣 。
但係 想到 當時 生死 懸於 一線 ，自己 竟然 咁 剛強勇敢 ，個心 時常 都 引以為傲 嘅 。
佢 帶埋 十二名 師弟 ，前嚟 中原 劫奪 四十二章經 ，結果 呢 十二個人 冚𠾴唥 都 死晒 ，自己 仲 搞到 雙手 殘廢 。
咁衰牌嘅事情 ，自不然 係 對人 絕口不提 啦 ，亦 從來 冇 人 敢 問 佢 為乜事 要 斬 十隻手指 嘅 。
因此 韋小寶 呢番 説話 呢 ，仲 係 第一次 聽見 唧 。
大喇嘛 嘅 神情 本來 係 陰陰沉沉 嘅 ，都 不覺 多咗 幾絲 笑意 喇 ，佢 話 ：
韋大人 ，我哋 得知 你 駕臨 揚州 ，大家 就 約齊咗 嚟 同 你 相會 。
你 專門 同 平西王 搞鬼 ，扠𢰸咗 佢 老人家 唔少 大事 。
額駙 ，原來 想 返 雲南 探親 嘅 ，亦都 係 畀 你 攔住 嘅 係唔係 吖 ？
哈 各位 嘅 消息 真係 靈通 噃 了不起 了不起 ！
呢次 我 出 北京 啊 ，皇上 吩咐 咗 咩 説話 ，各位 知唔知道 呢 ？
噉啊 要 請教 喇 。
好話 ，好話 。
皇上 講 啊 ：韋小寶 ，你 去 揚州 辦事 ，就係 怕 吳三桂 要 派 人 行刺 你 ，朕 有 啲 放心 唔 落唧 。
好在 佢 個 仔 喺 朕 手上 ，如果 你 有 咩 三長兩短 ，朕 將 吳應熊 呢個 傢伙 一模一樣 噉 兩短三長 就係 喇 。
吳三桂 如果 派人 割咗 你 一隻 手指尾 ，吳 應熊 呢個 傢伙 呢 亦 不免 少 一隻 手指尾 。
吳三桂 呢個 老嘢 派 人 殺 你 ，等於 殺 自己 嘅 仔 啫 噉 。
我就話 ：皇上啊 ，邊個人 嘅仔 呢 我都可以做 ，吳三桂 嘅仔 呢 嘿咪 拘喇 ，一定 唔做 。皇上 就 哈哈大笑 。
就係噉樣 ，我 就嚟到 揚州 喇 。
桑結 同 葛爾丹 對望 咗 一眼 ，兩個人 嘅 面色 ，有啲 變變地 嘞 。
桑結話 ：我 同 王子殿下 呢次 嚟到 揚州 搵 你 ，初時 我哋 諗 ，皇帝 派出嚟 嘅 欽差 ，一定 係 咩嘢 了不起 嘅 人物 啦 。
誰知 我哋 兩個人 遠遠 望咗 一望 ，原來 係 老相識 ，連 呢位 阿琪 姑娘 ，都 認出 你 。
我哋 係 老相好 啦 嘛 。
阿琪 攞起 枱面 一隻 筷子 ，喺 佢 額頭 一督 ，啋 佢 話 ：邊個 同 你 係 老相好 啊 ？
我哋 約咗 台灣 鄭 二公子 喺 呢處 相會 ，本來 係 要 商量 點樣 對付 你 嘅 ，想唔到 你 竟然 自己 送上門 ，呵 ，噉 慳翻 我哋 唔少 力添 。
哦 ，噉啊 係啊 。
係嘞 ，皇上 盤問 王子 手下 嗰個 鬍鬚佬 罕帖摩 啊 ，盤問咗 三日 ，乜嘢 都 知道晒 嘞 。
桑結 同 葛爾丹 聽到 罕帖摩 個 名 ，都 大吃一驚 啊 ，同時 企起身 佢 問 ：咩話 ？
噉 亦 冇 乜嘢 。
皇上 同 罕帖摩 講 嘅 係 蒙古話 ，嘰哩咕嚕咕嚕 嘰哩噉 我 一句 都 唔識 。
收尾 皇上 啊 賞咗 佢 好多 銀 ，派 佢 去 兵部 尚書 明珠 大人 手下 辦事 ，過咗 三日 ，就 派 我 去 催 佢 快啲 畫 地圖 嘞 。
呢啲 行軍 打仗 嘅 事 我 亦 唔 識 嘅 ，噉 我 又 同 皇上 話 啦 我 話 皇上 啊 ，蒙古 西藏 地方 好 冷 㗎 ，你 要 派 兵 去 打仗 啊 ，奴才 同 你 請 個 假 喇 ，等 我 去 揚州 花花世界 逛 下 罷 啦 噉 。
葛爾丹 好 憂心 噉 問 ：你 話 小皇帝 要 派兵 去 蒙古 西藏 啊 ？
呢種 事情 我 都 唔係 點 清楚 嘞 。
皇上 話 ： 我 哋 最好 只 係 對付 一個 老 嘢 ， 蒙古 西藏 如果 係 幫 我 哋 呢 ， 我 哋 就 當 佢 哋 係 朋友 啦 。
佢 哋 如果 要 幫 老 嘢 呢 ， 噉 我 哋 冇 法子 嘞 ， 只有 先發制人 啦 噉 話 啊 。
桑結 同 葛爾丹 對望 咗 一眼 ，噉 稍為 寬心啲 嘞 ，都 坐翻低 。
葛爾丹 問起 罕帖摩 個 情形 ，韋小寶 將 佢 嘅 形貌 舉動 ，描繪得 活龍活現 ，不由得 葛爾丹 同 桑結 唔信 嘞 。
韋小寶 見 佢 兩個 人 都 皺 住 眉頭 ， 估計 佢 兩個 人 知道 罕帖 摩 投降 咗 清廷 ， 蒙古 西藏 同 吳三桂 勾結 嘅 事 ， 已經 瞞 唔 過小 皇帝 ， 就 怕 康熙 先下手 為強 。
眼見 雙兒 同 曾柔 都 畀 佢哋 點 咗 穴道 ，瞓 喺 地下 ，嗰 八名 親兵 呢 多數 已經 係 嗚呼哀哉 嘞 。
佢 呢次 靜靜 嚟到 麗春院 ，就 好 怕 畀 人 發現 自己 身世 秘密 嘅 ，因此 徐天川 、張勇 、趙齊賢 等等 呢 冇 一 個 人 知道 。
唉 睇嚟 等到 自己 畀人 斫 成 肉醬 ，都係 冇人 嚟 救 㗎 喇 。
噉既然 無計甩身 ，只有 信口開河 都好過 坐以待斃 吖 ，佢 就 話 ：
皇上 聽講 葛爾丹 王子 武功 高強 ，英雄 無敵 ，佢 都 好 佩服 㗎 。
葛爾丹 微微笑 問 佢 ：皇帝 都 練 武功 咩 ？佢 點 知道 我 有 武功 㗎 ？
皇上 當然 會 武功 啦 ，仲 好 唔錯 添 。
殿下 嗰日 喺 少林寺 大顯身手 ，打到 少林寺 方丈 啊 甘拜下風 ，達摩堂 、羅漢堂 、般若堂 三堂 首座 望風披靡 。
兄弟 都 同 皇帝 詳詳細細 噉 講咗 喇 。
嗰日 葛爾丹 喺 少林寺 打 輸 走咗 ，而家 聽 韋小寶 為 佢 大 吹 牛皮 ，噉 啊 自己 喺 桑結 面前 好 有 面子 ，啲 表情 都 得意 起嚟 嘞 。
韋小寶 又 話 ：少林寺 方丈 晦聰 大師 嘅 武功 ，喺 武林 中 亦 算 係 數一數二 㗎 啦 。
吖 ，但係 王子 殿下 嘅 衫袖 就 噉 一 拂唧 ，晦聰 方丈 就 企 唔 穩 嘞 ，一 跤 扽 咗 喺 處 。
好彩 佢 扽低 嘅 時候 啊 ，𦣇柚 底 啱啱 有 個 蒲團 唧 ，噉 先至 冇 跌斷 佢 嗰 幾 條 老骨頭 咋 。
其實 嗰日 呢 ，葛爾丹 係 畀 晦聰 衫袖 一 拂 ，一跤 坐 喺 張 椅 處 ，企唔翻起身 。
韋小寶 啊 調轉 嚟 講 。
韋小寶 把 嘴 就 胡言亂語 ，個 心 呢 就 胡思亂想 ，嗰 雙 眼 呢 就 東張西望 。
一擸眼 ，只見 阿琪 似笑非笑 ，猛咁 望實 葛爾丹 ，眼光之中 啊 充滿住 情意 。
嗱 各位 ，欲知 後事 如何 ，且 聽 下回 分解 。
