前文 再續 啊 書 接 上 一回 啊 。
話說 康熙 派 韋小寶 去 揚州 起 一座 忠烈祠 ，等 佢 衣錦還鄉 。
康熙話 ：你 奉咗 我 個 上諭 ，去 揚州 宣讀 。
我 褒揚 史可法 盡忠報國 ，忠君 愛民 ，係 個 大 忠臣 、大好漢 。
我哋 大清 敬重 忠臣 義士 ，睇唔起 啲 反叛 逆賊 。
我 為 史可法 起 一座 祠堂 ，將 揚州 當時 守城 殉難 嘅 忠臣 勇將 ，都 喺 祠堂 裏 便 供奉 。
再攞 三十萬 兩 銀 去 ，撫恤 救濟 揚州 同 嘉定 嘅 百姓 。
我 再 下旨 ，免 呢 兩 笪 地方 三 年 錢糧 。
韋小寶 長長噉 吐咗 一啖氣 佢 話 ：
皇上 ，你 呢番 恩典 啊 真係 大喇 。
我要 向 你 真心誠意 叩 幾個 頭 至 得 。
講完 趴 喺 地下 ，轟轟轟 叩咗 三個 響頭 。
哦？ 噉 你 以前 叩頭 畀 我 就 唔係 真心誠意 㗎 ？
有時 係 真心誠意 嘅 ，有時 不過 係 敷衍了事 嘅 咋 。
康熙 哈哈 一笑 ，一啲 都 冇 怪 佢 。
佢 諗 ：叩頭 畀 我 嗰啲 人 ，一百 個 當中 有 九十九 個 係 敷衍了事 嘅 ，亦 只有 小桂子 先 肯 講 真心話 㗎啫 。
韋小寶 話 ：皇上 啊 ，你 呢個 計策 呢 ，真係 一箭 就 射咗 兩隻 雀仔 嘞 。
咩 一箭 射咗 兩隻 雀仔 啊 ？呢個 叫做 一箭雙鵰 。
誒 你 講 嚟 聽下 ，係 兩 隻 咩嘢 雀仔 呢 ？
呢座 忠烈祠 一起 啊 ，天下 漢人 都 知道 皇上 對待 老百姓 好好 。
以前韃 ，誒 以前 清兵 喺 揚州 嘉定 亂咁 殺 漢人 ，皇上 個 心 就 好 過意唔去 ，想法子 嚟 補救 。
噉 如果 吳三桂 造反 ， 又 或者 尚可喜 、 耿精忠 造反 ， 要 恢復 明朝 啊 咩 嘢 噉 ， 老百姓 就 會 話 ： 大清 有 咩 嘢 唔 好 啊 ？ 皇帝 啊 好好 啊 。
你 講得 冇 錯 ，不過 稍微 有 一啲 以 小人 之 心 度 君子 之 腹 唧 。
我 想到 往年 揚州 十日 、嘉定 三屠 ，個 心 確係 好唔安樂 ，發銀 撫恤 減免 錢糧 亦 唔完全 係 為咗 收買 人心 嘅 。
噉 第二 隻 雀仔 又 係 咩嘢 啊 ？
皇上 起 呢 間 祠堂 啊 ， 大家 都 知道 做 忠臣 義士 係 好 嘅 ， 做 反賊 係 唔 好 嘅 。
吳三桂 要 造反 ，噉 就係 反贼 咯 ，老百姓 都 睇 佢 唔起 嘞 。
康熙 用 手 喺 佢 膊頭 出力 一拍 ，笑住 話 ：
冇錯喇 ，我哋 需要 大肆 宣揚 ，忠心 報主 先至 係 好人 。
天下嘅 百姓 ，有 邊個 肯 做 壞人 唧 ？
吳三桂 唔 起兵 就算啦 ，如果 起兵 ，亦 冇 人 跟從 佢 。
我 聽講 古 先生 講古 仔 ， 話 古往今來 最 叻 嘅 忠臣 義士 ， 一位 呢 係 岳飛 岳 爺爺 ， 一位 係 關帝 關王爺 。
皇上啊 ，我哋 呢次 去 揚州 起 忠烈祠 ，不如 將 岳爺爺 、關王爺 嘅 廟 亦 起 埋 佢 咯 。
你 個人 聰明 就 聰明嘞 ，就係 可惜 唔 讀書 冇 學問 。
起關帝廟 就 非常好 ，關羽 忠心 報主 ，好 有義氣 ，我 嚟 賜佢 一個 封號 。
不過 嗰個 岳飛 打 嘅 係 金兵 。
我哋 大清 本來 叫做 後金 ，金 就係 清 ，金兵 就係 清兵 。
呢間 岳王廟 就 唔好 起 佢 嘞 。
係 ， 係 ， 原來 噉 嘅 。
韋小寶 個 心 諗 ：原來 你哋 滿人 係 金兀術 、哈迷蚩 嘅 後代 ，你哋 嘅 祖宗 啊 ，好鬼 逗泥 嘅 咋噃 。
康熙話 ：河南省 王屋山 ，好似 有 吳三桂 埋伏 落 嘅 一支 兵馬 係 唔係 啊 ？
韋小寶 打個 特嘞 就 話 ：係啊 。
個心諗 ：呢件事 你 如果 唔提起 我 真係 唔記得 添 。
康熙話 ：當時 你 查到 吳三桂 嘅 逆謀 ，派人 前嚟 稟奏 畀 我 知 ，我就 反而 將 你 申斥 一餐 ，你 知唔知道 係 咩 原因 呢 ？
我估 ，我哋 對付 吳三桂 嘅 兵馬 未曾 調派 好 ，因此 皇上 啊 詐 假意 唔信 ，免致 打草驚蛇 咯 係 唔係 啊 ？
冇錯喇 ，打草驚蛇 呢句 成語 用得啱嘞 。
朝廷 之中 啊 ，吳三桂 一定 暗中 埋伏 咗 唔少 心腹 嘅 。
我哋 一舉一動 ，呢個 老賊 都 知道 得 清清楚楚 。
王屋山 司徒伯雷 嘅 事 ，當時 我 如果 一加查究 ，吳三桂 即刻 就 會 知道 。
噉佢 個 心 一驚 ，講唔定 馬上 就 起兵 造反 。
嗰陣時 朝廷 嘅 虛實 佢 乜嘢 都 知道 ，而 佢 嘅 兵力 部署 啊 等等 ，我哋 一啲 都 唔知 ，噉 打起仗嚟 ，我哋 非 輸 不可 。
一定要 知己知彼 ，先至 能夠 百戰百勝 啊 。
皇上 當時 派人 嚟 大鬧 我 一餐 ，滿營 嘅 軍官 都 知道 晒 嘞 。
吳三桂 如果 有 奸細 喺 我 兵營 裏 便 ，必定 去 報告 畀 老嘢 知道 嘅 。
噉嗰個老嘢嘅心裏便 ，講唔定啊 ，仲喺度 笑 皇上 糊塗 添啊 。
你 呢次 去 揚州 ，帶住 五千 兵馬 ，去到 河南 濟源 ，突然間 出其不意 ，將 王屋山 上 嘅 匪窟 剿咗 佢 。
吳三桂 呢 支 伏兵 離開 京師 太 近 ，係 個 心腹 之 患 啊 。
啊 ，噉 真係 妙喇 。
皇上啊 ，不如 你 御駕 親征 ，殺 吳三桂 一個 下馬威 咯 。
王屋山 上面 只係 一二千 名 土匪 ，其中 有 成大半 係 老弱婦孺 ，嗰個 姓 元 嘅 張 大其辭 ，話 咩 有 三萬幾人 冚𠾴唥 都 係 假 嘅 。
我 早就 派人 上山 查得 清清楚楚 咯 。
一千多名 土匪 要 我 御駕親征 ？嘿嘿 ，未免 叫人 笑話 啩 ？哈哈哈哈哈哈哈哈 。
韋小寶 跟住 乾笑 幾聲 ，佢 諗下 小皇帝 精明 到 極 ，報 大數 係 唔得 嘅 。
康熙話 ：點樣 剿滅 王屋山 土匪 ，你 返去 想下 先 ，過 一兩日 嚟 回奏 我 啦 。
韋小寶 返去 之後 就 諗嘞 ：
行軍 打仗 老子 又唔係 點在 行 㗎噃 。
當時 水戰 係 靠 施瑯 ，噉 陸戰 靠 邊個 至 啱 呢 ？
吖 ，有喇有喇 ，我 調 廣東 提督 吳 六奇 嚟 做 副手 ，一切 都 聽 佢 嘅 ，呢個 人 打仗 係 個 好手 啊 。
哎呀 ，唔得啊 。
皇上 叫 我 想好 方略 ，一兩日 之後 就 回奏 ，去 廣東 請 吳六奇 嚟 ，一來一回 最快 都 要 一個月 啦 ，嚟唔切 嘞 。
喺 北京城 ，又 有 咩嘢 打仗 嘅 好手 呢 ？
佢 諗 來 諗去 諗咗 好耐 ，北京 城內 ，出名 嘅 武將 係 唔少 啊 ，但係 多數 係 滿洲 大官 ，唔係 已經 封 公 封侯 嘅 就 係 將軍 提督 嘞 ，自己 小小 一個 都統 ，指揮 佢哋 唔逳 嘅 。
佢 嘅 爵位 已經 封 到 伯爵 ，喺 清廷 嘅 官職 制度 啊 ，子爵 ，已經 係 一品 嘞 ，伯爵 以上 啊 列為 超品 ，比起 大學士 、尚書 嘅 品秩 仲 高 。
不過 嗰個 係 虛銜 咋噃 ，雖然 係 尊貴 ，不過 就 冇 實權 嘅 。
佢 小小年紀 ，想要 名臣 勇將 聽 自己 命令 就 唔 容易 嘞 。
佢 喺 房間 裏 便 啊 踱嚟踱去 喺度 諗 ，睇住 枱 上 施瑯 送畀 佢 嗰 隻 玉碗 ，佢 諗 ：
施瑯 喺 北京 唔 得意 ，噉 先至 嚟 求 我 。
北京城 內 唔得意 嘅 武官 應該 仲 有 唔少 嘅 。
不過 又 要 唔得意 ，又 要 有 本事 ，一時之間 啊 未必 夾得埋 一齊 嘅 噃 。
冇 本事 而 飛黃騰達 嘅 人 ， 喺 北京城 內 確係 有 唔 少 嘅 ， 好似 我 韋小寶 就 係 一位 嘞 ， 哈哈哈哈 。
行過去 ，將 個 玉碗 捧住 喺 手 佢 諗 ：
加官進爵 ，哈 ，呢 四個字 都 幾 靈噃 。
佢 送 我 呢隻 玉碗 嘅 時候 呢 ，我 係 子爵 ，而家 就 升到 伯爵 嘞 。
我 有 咩 本事 加官進爵 唧 ？最 叻 嘅 本事 ，就係 托大腳 ，托到 小皇帝 舒舒服服 。
噉 除此之外 ，老子 嘅 本事 實在 認真 麻麻 嘞 。
睇嚟 有 本事 嘅 人 ，多數 係 唔肯 托大腳 嘅 ，鐘意 托大腳 嘅 呢 ，就係 同 老子 差唔多 。
佢 昂起 個 頭 喺度 諗 ，相識 嘅 武官 之 中 啊 有 邊個 唔 肯 托 大腳 嘅 呢 ？
天地會 嘅 英雄豪傑 啊 當然 唔 會 隨便 托人 大腳 嘅 ， 不過 除 咗 師父 陳近南 同 吳六奇 之外 ， 大家 只 係 會 內功 外功 就 唔 會 帶兵 打仗 嘅 。
師父 個 部將 林興珠 啊 會 打仗 ，就 可惜 返咗 去 台灣 呢 。
突然之間 ，佢 諗起 一件事 嘞 。
就係嗰日 佢 帶埋 施瑯 等人 去 天津 ，轉去 塘沽 出海 ，水師 總兵 黃甫 對 自己 啊 奉承 周到 。
天津衛 有 個 鬍鬚佬 武官 ，就 對住 自己 皺眉 扁嘴 一副 睇唔起 自己 嘅 樣子 ，半句 托大腳 嘅 説話 都 冇 講 。
吖 嗰個 嘢 係 邊個 呢 ？
佢 當時 係 冇 記住 呢個 軍官 嘅 名 ，而家 更加 想唔起 嘞 。
佢 只 係 諗 ： 托 大腳 嘅 就 冇 本事 ， 呢 個 鬍鬚 佬 唔 肯托 大腳 ， 一定 有 本事 嘅 。
諗諗下 有 主意 嘞 。
即刻 去 兵部 尚書 衙門 啊 搵 尚書 明珠 ，噉 啊 請 佢 盡快 將 天津衛 一 名 鬍鬚佬 軍官 調 嚟 北京 。
呢個 鬍鬚佬 個 軍階 ，唔 高 亦 唔 低 ，唔係 副將 就係 參將 噉 。
明珠 覺得 呢件事 有 啲 奇怪 嘞 ，呢個 鬍鬚佬 無 名 無 姓 啊 點樣 調法 呢 ？
但係 韋小寶 眼前 係 皇帝 最 得寵 嘅 人 ，咪 講話 不過去 天津 調 一 個 武官 嚟 啊 ，就算 係 再 難 十倍 嘅 事 交落嚟 ，亦 要 想法子 交差 。
於是就 含笑 應承 ，親筆 寫咗 一道 六百里 加急 文書 畀 天津衛 總兵 ，命令 佢 將 麾下 所有 鬍鬚佬 軍官 ，一齊 調嚟 北京 ，赴 部 進見 。
第日中午 ，韋小寶 啱啱 食完 午飯 ，親兵 嚟 報告 話 ，兵部尚書 大人 求見 噉 。
韋小寶 出去 大門口 迎接 ， 只見 明珠 後 便 啊 ， 跟 住 二十幾個 大 鬍鬚 佬 軍官 ， 有 啲 係 黑 鬍鬚 ， 有 啲 係 白 鬍鬚 ， 有 啲 係 花白 鬍鬚 ， 個個 沙塵 滿面 啊 大汗淋漓 。
明珠 笑住 話 ：韋爵爺 ，你 吩咐 調 嘅 人 ，兄弟 同 你 搵咗 一批 嚟 ，請 你 挑選 喇 ，唔知 邊 一個 啱喇 。
韋小寶 忽然間 見到 一大群 鬍鬚佬 軍官 ，窒咗 一窒 ，不由得 哈哈大笑 佢 話 ：
尚書大人 ，我 只係 請 你 搵 一個 鬍鬚佬 ，吖 ，你 辦事 真係 周到 嘞 ，一搵 就 搵咗 二十幾個 嚟 ，哈 ，真係 好嘢 ，哈哈哈哈哈哈 。
明珠 笑住 話 ：就係 怕 搵錯咗 人 ，唔中 韋爵爺 嘅 意唧 。
哈哈哈哈哈哈哈 ，天津衛 總兵 麾下 ，原來 有 咁多 大鬍鬚佬 㗎 喎 。
説話 未 講完 ，人叢 之中 ，突然間 有人 行 雷 咁 大聲 喝話 ：鬍鬚佬 又 點 啊 ？
你 唔好 攞 人哋 嚟 開玩笑 噃 。
韋小寶 同 明珠 都 吃 咗 一驚 啊 ， 望 下 嗰 個人 ， 只見 佢 身材 魁梧 ， 企 喺 眾 軍官 之中 ， 比 旁人 都 高 咗 半個 頭 ， 滿面怒容 ， 一把 大 鬍鬚 ， 似乎 條條 都 趷 起 晒 啊 。
韋小寶 打個 特 ，跟住 就 歡喜 喇 。
冇 錯 冇 錯 喇 ， 就 係 老兄 喇 ， 我 就 係 要 搵 你 。
嗰個 鬍鬚佬 好 嬲 噉 話 ：
上次 你 嚟到 天津 ，我 講説話 衝撞咗 你 ，早知 你 一定 要 報復 出氣 㗎喇 。
哼 ，我 冇 犯罪 ，想 夾硬 加 我 咩 罪名 ，都 怕 唔 容易 。
明珠 就 申斥 佢 話 ：你 叫做 咩 名 啊 ？點解 喺 上官 面前 咁 無禮 啊 ？
嗰個 鬍鬚佬 啊 啱先 去過 兵部 衙門 ，就 已經 參見過 明珠 ，佢 係 該管 嘅 大 上司 ，就 唔敢 亂咁 頂撞 ，就 躬身 話 ：
回 大人 ， 卑職 天津 副將 趙良棟 。
呢位 韋 都統官 高爵尊 ，為人 寬仁 ，係 本部 嘅 好 朋友 。
你 點解 得罪 佢 啊 ？快啲 上前 賠罪 。
趙良棟 嗰 啖 氣 好 難 啃 啊 ， 悻悻然 打斜 隻 眼望 下 韋小寶 佢 心 諗 ：
你 呢個 乳臭未乾 嘅 黃口小兒 ，我 為咩 要 向 你 賠罪 啊 ？
韋小寶 笑住 話 ：趙大哥 ，唔好 見怪 ，係 兄弟 得罪 咗 你 ，應該 係 兄弟 向 你 陪罪 至 啱 。
佢 對住 眾 軍官 話 ：兄弟 有 一件 要事 ，要 同 趙 副將 商議 ，一時 呢 就 記唔起 佢 尊姓大名 ，以致 兵部 大人 請 齊 各位 一齊 嚟到 北京 ，累 到 各位 漏夜 趕路 ，實在 認真 對唔住 啊 。
講完 ，一味 咁 拱手 。
噉啊 眾 軍官 連忙 還禮 。
趙良棟 見 佢 言語 謙和 ，大出意料之外 ，噉 嗰啲 火氣 當堂 冇晒 。
就 對 韋小寶 話 ：小將 得罪 。躬身 行禮 。
韋小寶 拱拱手 ，笑住 話 ：唔使客氣 。
又 對 明珠 話 ：大人 光臨 ，請 入去 裏 便 坐 ，兄弟 敬酒 道謝 。
天津衛 嘅 各位 朋友 ，一齊 請 入去 啦 。
明珠 有心 要 同佢 結交 嘅 ，噉 好 歡喜 就 跟佢 入去 嘞 。
韋小寶 大排 筵席 ， 請 明珠 坐 喺 首席 ， 請 趙良棟 啊 坐 次席 ， 自己 就 坐 喺 主位 陪客 。
其餘嘅 天津 武將 啊 另外 坐咗 三圍 枱 。
伯爵府 嘅 酒席 自不然 係 十分 豐盛 啦 ，酒 過 三巡 ，做戲 嘅 ，就 喺 酒席 前面 演唱 嘞 。
呢次 進京 嘅 天津 眾 武將 ，有 啲 呢 ，只不過 係 個 小小 把 總 。
因為 天生 一把 鬍鬚 啊 ，居然 喺 伯爵府 同 兵部尚書 、伯爵大人 一齊 飲酒 聽戲 ，真係 發夢 都 想唔到 嘅 意外 奇遇 嘞 。
趙良棟 嘅 脾氣 啊 雖然 係 倔強 ，之 為人 都 幾 精細 㗎 ，見 韋小寶 喺 席 上 唔 提 商議 咩 事 ，亦 唔 問 佢 ，只係 聽 韋小寶 講 啲 羅剎國 嘅 奇風異俗 。
佢 諗 ：細佬哥 亂噏 一通 啦 ，邊度 有 男人 女人 喺 大庭廣眾 之中 ，攬住 嚟 東 跳 西 跳 啊 ，天下 點 會 有 咁 不識羞恥 嘅 事 㗎 啫 ？
明珠 飲咗 幾杯 酒 ，聽咗 一齣 戲 就 起身 告辭 。
韋小寶 送 佢 出 大門 之後 ， 就 返入 嚟 大廳 ， 陪眾 軍官 啊 睇 完戲 ， 食飽 咗 酒飯 ， 噉 啊 送走 咗 佢 哋 ， 然後 先至 請 趙良棟 去 內 書房 詳談 。
趙良棟 見到 書架 上面 擺滿 一套套 書籍 ，不禁 肅然起敬 嘞 ，佢 諗 ：
呢個 細佬哥 年紀 雖然 係 細 ，學問 都 好好 噃 ，叻過 我哋 啲 粗人 好多 嘞 。
韋小寶 見 佢 雙眼 望住 啲 書籍 ，就 笑住 話 ：
趙大哥 ，唔怕 同 你 講 吖 ，呢啲 書 呢 ，都 係 我 攞嚟 擺 樣子 嘅 啫 。
兄弟 識得 嘅 字 啊 ，加加埋埋 都 唔夠 十個 。
我 自己 嘅 名 韋小寶 三個 字 啊 ，呢 連埋 一齊 我 就 識 噃 ，分開嚟 呢 就 唔係 點 靠得住 嘞 。
除此之外 ，就唯有 對住 本書 睩大 雙眼 嘅啫 。
趙良棟 哈哈大笑 ，個心 呢 又 鬆咗 一鬆 ，覺得 呢個 小 都統 性情 好爽直 ，唔擺架子 。
佢 話 ：韋大人 ，卑職 以前 言語 冒犯 ，你 唔好 見怪 。
見咩怪唧 ？
嗱 ，我哋 唔好 咁 客氣 喇 ，你 年紀 大 ，我 叫 你 做 趙大哥 ，你 就 叫 我 韋兄弟 就 啱喇 。
趙良棟 連忙 企起身 嚟 請安 佢 話 ：都統大人 唔好 噉 講 ，小人 不敢 。
請坐 ，請坐 。
我 不過 好運氣 ，撞啱 做咗 幾件 使到 皇上 稱心滿意 嘅 事 啫嘛 ，你 估 我 真係 有 咩 狗屁 本事 啊 ？
我 做 呢個 官 ，實在 係 慚愧 到 極 ，邊度 及得上 趙大哥 一刀一槍 ，勞苦功高 ，完全 係 靠 真本事 搏翻嚟 嘅 呢 ？
趙良棟 聽到 滿心歡喜 就 話 ：
韋大人 ，我 係 個 粗人 ，你 有 咩 事 即管 吩咐 啦 。
只要 小將 做得到嘅 ，一定 搏命 同你 去 做 。
就算 真係 做唔到 咯 ，我 亦都 搏命 去 做 就係 喇 。
韋小寶 好 歡喜 啊 佢 話 ：
我 亦 冇 咩嘢事 ，上次 喺 天津衛 見到 趙大哥 ，見 你 相貌堂堂 一表人才 。
我係欽差大臣 ，人人 都 嚟 托 我 大腳 ，偏偏 趙大哥 就 唔 賣賬 。
趙良棟 嘅 面色 好 尷尬 佢 話 ：小將 係 粗魯 武人 ，唔識 奉承 上級 ，就 唔係 有意 對 欽差大臣 冇 禮 嘅 。
我 冇 見怪 ，否則 ，我亦 唔會 嚟 搵 你 嘞 。
我 心 係 噉 諗嘅 ：凡係 冇 本事 嘅 呢 ，就 只有 靠 托 大腳 去 升官 發財 ；
唔肯 托 大腳 嘅 ，一定 係 有 本事 嘅 人 。
韋大人 呢 幾句 説話 講得 真係 爽快 到 極嘞 。
小將 本事 係 冇 嘅 ，但係 聽到 人哋 吹牛 拍馬 ，個 心 就 激氣 。
得罪咗 上司 ，同 同僚 鬧交 升唔到 官 ，都係 因為 呢個 牛脾氣 唧 。
你 唔肯 托 大腳 ，一定 係 有 本事 嘅 。
趙良棟 咿 開 個 嘴 ，唔知 講 咩 説話 先至 好嘞 ，真係 覺得 生 我者 父母 知 我者 韋大人 喇 。
韋小寶 吩咐 喺 書房 裏 便 開咗 酒席 ，兩個人 一便 飲 一便 傾 。
趙良棟啊 講起 自己 身世 ，原來 佢 係 陝西省 人氏 ，行伍 出身 ，打仗 嘅 時候 勇往直前 ，因為 功勞 啊 升到 副將 。
韋小寶 聽 佢 講 善於 打仗 ，個心 好 歡喜 ，覺得 自己 果然 冇 睇錯 人 ，就 問 佢 帶兵 進攻 一座 山頭 嘅 法子 。
趙良棟 啊 冇 讀過 兵書 嘅 ，但係 久經 戰陣 ，經歷 豐富 。
聽 韋小寶 問起 ，以為 係 考 自己 嘅 本事 ，就 滔滔不絕 咁 講起嚟 。
講到 興起 ，將 書架 上 嘅 四書五經 一部部 搬落嚟 ，當成 係 山峰 、山谷 、河流 、道路 等等 等等 。
噉啊 打仗 嘅 時候 喺 邊處 埋伏 啊 ，邊處 佯攻 啊 ，邊處 攔截 啊 ，邊處 衝擊 啊 ，逐樣逐樣 詳細 解釋 。
噉佢 講嘅 呢 ，係 雙方 兵力 相等 嘅 戰法 。
韋小寶 問 佢 ：如果 敵人 只係 千幾 人 ，我哋 有 五千 兵馬 ，要 點樣 進攻 就 能夠 實贏 呢 ？
趙良棟 話 ：打仗 實 贏 係 冇 嘅 。
不過 我哋 兵力 多過 敵人 幾倍 ，如果 由 小將 帶領 ，噉 仲 打輸 呢 ，噉 仲 算 係 人 嘅 咩 ？
一定要 將 敵人 全部 生擒活捉 ，一個 都 唔 漏網 。
韋小寶 吩咐 家丁 攞咗 幾千 文 銅錢 嚟 ，當做 兵馬 ，噉 趙良棟 呢 就 佈起 陣 嚟嘞 。
話說 韋小寶 將 佢 嘅 説話 記晒 喺 心 ，噉 當晚 留 佢 喺度 過夜 。
第日 ，去 見 康熙 ，就 依樣 畫 葫蘆 ，喺 上書房 裏 便 就 佈 起 陣 嚟 嘞噃 。
韋小寶 就 唔敢 亂咁 逳動 皇帝 嘅 書籍 ，噉 大致 粗具 規模 就算 嘞 。
康熙 沉思咗 一陣 就 問 ：呢個 法子 係 邊個 教 你 㗎 ？
韋小寶 亦 唔 敢 隱瞞 ，就 將 趙良棟 嘅 事 講咗 。
康熙 聽講 明珠 漏夜 召咗 二十幾名 鬍鬚佬 軍官 ，由 天津 趕嚟 畀 佢 挑選 ，不由得 哈哈大笑 。
佢 又 問 ：你 又 點 知道 趙良棟 有 本事 呢 ？
各位 ，欲知 後事 如何 ，且 聽 下回 分解 。
