前文 再續 啊 書 接 上 一回 啊 。
話説 火槍營 嘅 隊長 奉 咗 皇太后 命令 ，唔 畀 蘇菲亞 去 皇宮 。
蘇菲亞話 ：唔得 ，你 帶 我 入 宮 ，我 去 見 娜達麗亞 講道理 。
我 細佬 伊凡 ，年紀 大過 彼得 吖 ，點解 唔 立 佢 做 沙皇 啊 ？
朝裏 便嘅 大臣 做 咩嘢 㗎 ？大家 都 唔 講 道理 嘅 咩 ？
嗰個 隊長 話 ：小將 只係 奉 皇太后 同 沙皇 嘅 命令 ，請 公主 唔好 見怪 。
講完 ，拉住 蘇菲亞 隻 馬 嘅 馬韁 ，屈咗 去 東 便 行 。
蘇菲亞 怒不可遏啊 ，佢 一生之中 ，有 邊個 敢 對 佢 咁 無禮 呢 ？就 舉起 馬鞭 ，兜頭兜腦 噉 拂 嗰個 隊長 。
嗰個 隊長 微微 一笑 ，閃身 避開 ，跟住 翻身 上馬 ，帶領 隊伍 ，擁住 公主 ，連埋 韋小寶 同 雙兒 一齊 送咗 入去 城外 獵宮 。
火槍隊 喺 宮 外 布 防守 衞 ，邊個 都 唔准 出嚟 。
蘇菲亞 公主 啊 嬲 到 好似 癲 咗 噉 啊 ， 將 寢室 裏 便 嘅 家具 、 物件 𢱕 到 融融 爛爛 。
獵宮 嘅 廚子 按時 送嚟 嘅 酒水 食物 ，亦都 畀 蘇菲亞 一手 掉咗 。
就係噉樣 ，過咗 幾日 嘞 ，眼見 獵宮 外 便 嘅 守衛 一啲 都 冇 鬆懈 ，蘇菲亞 就 叫咗 隊長 嚟 ，問 佢 要 將 自己 韞 到 咩 嘢 時候 。
嗰個 隊長 話 ：皇太后 吩咐 ，請 公主 喺 呢度 休息 ，等到 彼得一世 陛下 慶祝 登基 五十 週年 ，就 放 公主 出去 參加 慶典 嘞 。
你 話 咩嘢 話 ？
彼得 慶祝 登基 五十 週年 ，豈不是 要 將 我 韞 喺 呢度 韞 五十 年 ？
小將 今年 四十歲 ，相信 唔能夠 再 侍候 公主 五十年 。
過得 十年 十五年 ，一定 有 更年輕 嘅 隊長 嚟 接替 嘅 。
蘇菲亞 想到 要 韞 喺 呢處 韞 五十年 ，當堂 不寒而慄 ，佢 諗一諗 就 話 ：
你 過嚟 啦 隊長 ，我 睇 你 生得 好 英俊 噃 。
佢 想 用 美色 嚟 引誘 佢 ，使到 呢個 隊長 拜倒 石榴裙下 ，暈晒 大浪 噉 就 放 自己 出去 咯 。
點知 嗰個 隊長 深深 鞠咗 個 躬 ，反而 退後 一步 佢 話 ：
公主 請 你 原諒 ，皇太后 有 旨 ，火槍營 嘅 官兵 裏 便 ，如果 有人 敢 掂 一下 公主 ，即刻 就 要 殺頭 。
殺咗 隊長 ，副隊長 升上 ；
殺咗 副隊長 ，第一 小隊 嘅 小隊長 升上 。
大家 都 想 升官 ，監視 得 好 緊 㗎 。
原來 皇太后 知道 蘇菲亞 美貌 風流 ， 如果 冇 呢 項 規定 啊 ， 至怕 韞 佢 唔 住 啊 。
嗰 個 隊長 退出 去 之後 ， 蘇菲亞 冇 計 嘞 ， 唯有 伏 喺 鋪 床 處 痛哭 ， 不停 口 咁 大鬧 皇太后 啊 。
話説 韋小寶 喺 獵宮 裏 便 韞咗 好多 日 ，見到 公主 每日 只係 大發脾氣 ，監守 嘅 火槍手 呢 ，亦 十分 粗暴 無禮 。
個心諗 ：咦呀 ，啲 番鬼 嘅 地方 ，果然 係 鬼 咁 得人驚 嘅 。
噉 同 雙兒 商量咗 幾次 ，總係 覺得 要 逃出 獵宮 呢 當然 可以 做得到 ，不過 要 返去 中土 ，卻 係 難上加難 嘞 。
如果 冇人 帶路 啊 ，一定 會 喺 大草原 裏 便 蕩失 路 。
莫講 要 坐車 騎馬 行 成 四五個月 先至 返得到 北京 啊 ，只要 行得 四五日 唧 ，就 已經 暈頭轉向 不辨 東西南北 嘞 。
兩個人 冇 計好 諗啦 ，韋小寶 只有 生安白造 講啲 無楠無柳 嘅 嘢 ，嚟 博 雙兒 一笑 打發 日子 係 嘞 。
呢一日 ，正在 講 唐僧 帶埋 孫悟空 、沙和尚 、豬八戒 去 西天 取經 。
韋小寶話 ：我 同 你 輸 賭 吖嗱 ，唐僧 去 嘅 西天 呢 ，一定 冇 莫斯科 咁 遠 。
所以呢 ，我 就 叻過 唐僧 多多聲 喇 。
你 如果 唔信 同 你 輸 賭 吖 ，賭 咩 嘢 吖 ？
點知 雙兒 毫無 賭性 佢 話 ：
相公 話 叻過 唐僧 多多 聲 ，唔係 叻過 唐僧 多多 聲囉 ，我 唔 同 你 賭 。
我 又 冇 豬八戒 咁 叻 。
講完 ，抿住嘴 笑咗 一笑 。
忽然間 ，聽見 嗰便 公主 房 裏 便 又 試 傳嚟 一陣 掟嘢 、擂床 、𨂽腳 、哭泣 嘅 聲音 。
韋小寶 歎 一口氣 佢 話 ：唉 ，等 我 去 勸 下 佢 啦 ，一味 咁 喊 死 嘈 爛 嘈 有 鬼 用 咩 ？
噉佢行入公主間房佢話：
公主 ，你 唔好 喊 ，我 講 個 笑話 畀 你 聽吖 。
蘇菲亞 趴 喺 鋪床 上便 ，雙腳 反過嚟 亂咁 踢 ，喊住 話 ：
我 唔 聽 ，我 唔 聽 。
我要 沙里扎 入 地獄 ，要 沙里扎娜達麗亞 入 地獄 啊 ！
韋小寶 唔明白 沙里扎 係 咩嘢 意思 ，一問 ，原來 係 沙皇 嘅 媽媽 噉 解 ，嘿 佢 好 高興 啊 ，佢 話 ：
我 以為 沙里扎 係 咩 惡人 喎 ，原來 就係 皇太后 。
我 講 你 聽 吖 ，中國 嘅 沙里扎 就 叫做 老舉乸 ，係 個 好 惡 好惡 嘅 惡人 ，收尾 呢 我 想 個 法子 ，將 佢 趕咗 出 皇宮 嘞 。
皇帝 都 唔知 幾 開心 啊 ，就 封 我 做 中國 大官 喇 。
蘇菲亞 好 歡喜 ，咯 一聲 坐翻 起身 ，佢 話 ：你 用 咩嘢 法子 㗎 ？
韋小寶 個 心 諗 ：我 趕走 老舉乸 皆因 佢 係 假 太后 。
你呢個 羅剎 老舉乸 呢 係 貨真價實 嘅 沙里扎 噃 ，我 嗰個 法子 梗係 唔啱用 㗎 喇 。
佢 就 話 ：我 呢個 法子 呢 ，係 串通 咗 小皇帝 ，對付 中國 沙里扎 。
蘇菲亞話 ：彼得 好 愛 佢 媽媽 ，唔會 聽 我 嘅 説話 去 反對 沙里扎 ，除非 ，除非 。
佢 擰擰頭 ，喺 床 上 起身 ，打 大 赤腳 ，喺 地氈 上面 行嚟行去 ，咬實 牙 喺度 思索 。
韋小寶話 ：我哋 中國 有 過 一個 女皇帝 ，叫做 武則天 。
呢個 女皇帝 呢 娶 咗 好多 好多 男皇后 男 老婆 ，嘿 都 唔知 幾 快活 啊 。
公主啊 ，我 睇 你 同 佢 都 差唔多 個 啫 ，不如 自己 嚟 做 女沙皇 咪 仲 好 。
蘇菲亞 個 心 一動 ，呢件事 佢 從來 冇 諗過 ，因為 羅剎國 啊 從來冇 女沙皇 嘅 ，佢 一直 認為 女子 係 唔能夠 做 沙皇 。
噉 中國 既然 有 女 皇帝 咯 ， 羅剎 國啊 點解 唔 能夠 有 女 沙皇 呢 ？
佢 擰轉身 ，成個人 都 精神晒 ，雙手 撳住 韋小寶 膊頭 ，喺 佢 面珠 輕輕 一吻 ，微笑 話 ：
我 如果 做咗 女沙皇 ，就 封 你 為 皇后 。
韋小寶 嚇咗 一跳 啊 佢 諗 ：誒 千祈 咪 䎺 啊 。
就連忙話 ：我 ，中國人 ，唔做得 羅剎國 男皇后 嘅 ，你 封 我 做 大官 啦 。
蘇菲亞話 ：你 又 做 皇后 ，又 做 大官 。
你 快啲 幫 我 想 個 法子 ，等 我 做 女沙皇 啦 。
一講到 軍國大事 呢啲 正經嘢 ，韋小寶 就 唔掂 喇 ，佢 話 ：
公主 ，呢啲 事 好 難 㗎 ，我 真係 諗唔出 咩 嘢 法子 嘞 。
不如噉啦 ，我 即刻 返去 北京 ，請問 我哋 嘅 小皇帝 ，等 佢 幫 我哋 出 個 主意 。
然後呢 ，我啊 帶 一批 好有本事 嘅 人 返嚟 ，捉住 嗰個 沙里扎羅剎 老舉乸 ，又 捉住 彼得 小沙皇 ，噉 就 大功告成 喇 。
佢 講到 大功告成 四個字 ，忍唔住 攬住 蘇菲亞 吻咗 佢 一下 。
蘇菲亞 話 ：唔得 ，唔得 。
你 返去 北京 ，再 嚟 莫斯科 ，一年 都 唔夠 㗎 ，我 ，已經 死 喇 ，上 天堂 喇 。
韋小寶 諗 ：噉 都 好 可能 㗎 。就 歎 一口氣 話 ：
唉 ，美麗 公主 上 天堂 ，中國 細佬 哥 大 官 ，亦 跟住 上 天堂 喇 。
蘇菲亞 輕輕 將 佢 一 推 佢 話 ：
中國 細佬哥 ，就會 講説話 呃人 ，氹人 歡喜 ，冇用 ，拍 牛屁 ，吹 馬皮 。
韋小寶 聽 佢 將 拍馬屁 吹牛皮 ，講 成 相反 ，不由得 哈哈大笑 。
跟 住 睇 見 蘇菲亞 嘅 表情 ， 有 啲 睇 唔 起 自己 ， 個心 唔 忿 嘞 ， 噉 就 諗 有 咩 法子 等 佢 做 女 沙皇 呢 ？
佢 飛快 咁 諗起 佢 睇過 嘅 戲 啊 、聽過 嘅 古仔 啊 噉 ，哈 佢 諗到 一條 道理 嘞 ：
凡係 做 皇帝 都係 打出嚟 嘅 。
就算 做咗 皇帝 啊 ，如果 打唔過 人哋 ，個 皇帝 仲係 畀 人哋 搶咗 去 做 ，就算 唔搶去 ，亦都 會 出晒 醜 好 衰牌 㗎 。
蘇菲亞 見 佢 咬牙切齒 揸實 拳頭 作 個 打狀 ，就 笑住 話 ：你 做乜嘢 ？
韋小寶 窒咗 一窒 嘞 ，佢 喺 沉思 之中 醒覺過嚟 佢 就 話 ：
要 做 皇帝 ，一定 要 打至得 。
蘇菲亞 問 佢 ：打 ？同 邊個 打啊 ？
梗係 同 羅剎 老 舉 乸 打 啦 。
蘇菲亞 聽 佢 講過 幾次 羅剎 老舉乸 ，佢 唔明白 老舉乸 三個 字 係 咩 意思 ，噉 正話 想 問 佢 ；
忽然間 房門 推開 ，火槍營 隊長 行咗入嚟 ，一手 揦住 韋小寶 心口 ，嘰哩咕嚕 講咗 一番 説話 ，就 將佢 拉咗 出去 ，又 喺 佢 𦣇柚 啊 出力 踢咗 一腳 。
嗰 個 隊長 哈哈大笑 喎 ， 噉 第二 腳 呢 又 向 住 佢 踢過去 嘞 。
韋小寶 嬲 到 極 啊 ，忽然間 跳起身 ，一個 關斗 噼卜噉樣 翻過嚟 ，已經 騎住 喺 嗰個 隊長 條 頸 處 嘞 。
乃係 當日 洪教主 教 佢 嘅 救命 三招 之一 ，狄青 降龍 啊 。
呢一招 佢 未曾 練熟 嘅 ，如果 用嚟 對付 武學 高手 仲 爭 好 遠 ，但 呢個 羅剎 隊長 又 唔識 中土 武功 㗎 嘛 。
韋小寶 雖然 係 雞手鴨腳 噉 一翻一跳 啊 ，吖 居然 仲係 得手 。
雙手嘅食指 撳住 佢 雙眼 ，喝 佢 話 ：唔准 逳 ，眼睛 ，死喇 。
佢 唔 識 羅剎 話 點樣 講唔 准 逳， 否則 挖 咗 你 嘅 眼珠 出 嚟 ， 就 只有 話 ， 眼睛 ， 死 喇 噉 。
嗰個 隊長 悟性 都 唔低 噃 ，居然 聽明白 喇 ，即刻 就 唔敢 逳 。
韋小寶 掹住 佢 隻 耳仔 ，叫 佢 ：走 ！
噉就好似騎馬一樣 ，騎住佢 行翻去 公主間房 ，佢話 ：閂門 ，火槍 ，攞 。
蘇菲亞 又 驚 又 喜 ，連忙 閂 翻埋 道門 ，喺 隊長 身邊 抽出 支 短槍 ，頂住 隊長 背心 。
韋小寶 喺 佢 膊頭 跳翻落嚟 ，解咗 佢 條 腰帶 嚟 綁住 佢 雙腳 ，再 解咗 佢 條 褲頭 帶 ，反綁住 佢 雙手 。
嗰個 隊長 冇咗 褲頭帶 咯 ，條 褲 咪 當堂 跌落嚟 ，就 打出 光 捋捋 嘅 下身 。
蘇菲亞 同 韋小寶 哈哈大笑 啊 。
嗰個 隊長 呢 咬牙切齒 啊 嬲 到 面 都 紅晒 。
雙兒 推開 道 房門 哄 個 頭 入嚟 問 ：相公 ，冇事 吖 嘛 ？
韋小寶 擪手 叫 佢 入嚟 ，又 閂 翻埋 房門 。
雙兒 見到 嗰個 隊長 咁 狼狽 ，又 好笑 又 奇怪 。
蘇菲亞 問 韋小寶 ：捉住 隊長 ，有 乜嘢 用 ？
韋小寶 捉住 呢個 隊長 ，只係 出於 一時 氣憤 ，就 冇 想到 有 咩 用 嘅 。
聽 蘇菲亞 一 問 ，佢 靈機一動 就 話 ：叫 佢 帶 兵 造反 。
佢 唔會 講 羅剎話 嘅 造反 ，就 用 中國話 講 咗 嘞 。
又話 ：叫佢 殺 沙里扎 ，殺 沙皇 ，你 ，做 女沙皇 。
蘇菲亞唔識中國話造反係咩意思 ，但係 殺沙里扎 、殺沙皇 、你做女沙皇 呢幾句 呢 係識嘅 。
定咗 一定 ，哎呀 ，歡喜咯 ，向 嗰個 隊長 嘰哩咕嚕 就 講 羅剎話 嘞 。
韋小寶 聽住 兩個人 大講 羅剎話 就 不知所謂 ，只見 嗰個 隊長 猛咁 擰頭 ，估計 佢 唔肯 答應 嘞 ，就 話 ：佢 唔聽話 ，殺 喇 。
喺靴筒 拔出 匕首 ，喺 嗰個 隊長 塊面 一刮 ，嗤一聲 ，當堂 刮咗 大片 鬍鬚 落嚟 。
蘇菲亞 笑住 話 ：好利啊 短劍 。
嗰個 隊長 嚇到 面如土色 ，個 心 諗 ：
呢個 細佬哥 原嚟 有 把 短劍 收埋 喺 皮靴 裏 便 ，真係 古怪 ，當時 冇 摷咗 佢 出嚟 。
蘇菲亞 問 佢 ：到底 肯唔肯 投降 ，擁戴 我 做 女沙皇 啊 ？
嗰 個 隊長 話 ： 唔 係 我 唔 肯 擁戴 公主 ， 我 部下 一定 唔 會 聽 命令 嘅 。
莫斯科 有 二十 營火槍隊 ，我哋 只有 一 營 唧 ，就算 造反 亦 打唔過 其餘 嗰 十九 營 吖 。
蘇菲亞 一 聽 ，誒 講得 有道理 噃 ，噉 但係 要 對 韋小寶 解釋 呢 ，一時 亦 講唔清 ，只有 猛咁 打手勢 。
講到 二十 營火 槍隊 嘅 時候 呢 ，十 隻 手指 唔夠用 嘞 ，只有 除咗 對 鞋 ，連 十 隻 腳趾 都 用埋 上去 噉 先至 夠 數唧 。
韋小寶 都 唔知 幾 辛苦 先 明白 ，個心 諗 ：呢件事 確係 好 為難 噃 。
噉 坐 喺 張 椅 處 猛咁 諗 。
呢個 隊長 唔肯 造反 ，殺咗 佢 都係 冇用 㗎 。
就對蘇菲亞話 ：隊長 唔肯 ，叫 副隊長 嚟 造反 。
蘇菲亞 話 ：副隊長 ？
冇錯 ，叫 副隊長 嚟 。
蘇菲亞 將 隊長 推 到 門邊 ，用 火槍 指住 佢 背脊 ，佢 話 ：叫 副隊長 嚟 。
你 如果 警告 佢 先 ，我 即刻 就 開槍 。
嗰個 隊長 冇 法子 嘞 ，唯有 大聲 呼喝 ，叫 副隊長 入嚟 。
過咗一陣 ，副隊長 推 門 入嚟 嘞 。
雙兒 一早 就 匿埋 喺 門後 便 ，副隊長 一 入 門 ，雙兒 用 手指 喺 佢 背心 督 咗 幾 下 ，點中 咗 佢 嘅 穴道 ，當堂 就 唔逳得 。
雙兒 好 歡喜 噉 話 ： 相公 啊 ， 外國 鬼 嘅 穴道 啊 ， 原來 係 一樣 嘅 ， 我仲怕 鬼佬 個 穴道 唔 同添 。
韋小寶 笑住 話 ：外國鬼 一樣 有 眼 、有 鼻 、有 手 、有 腳 ，梗係 有 穴道 啦 。
講完 ，喺 副隊長 腰間 拔出 佩刀 ，對 蘇菲亞 話 ：
你 叫 佢 ，殺 隊長 造反 ，佢 唔肯 ，叫 小隊長 嚟 殺 佢 。
呢條 計 使得 啊 ，蘇菲亞 就 對 副隊長 話 ：
你 殺咗 隊長 ，帶領 火槍營 ，做 隊長 ，聽 我 嘅 命令 。
你 如果 唔肯 殺 隊長 ，我 叫 小隊長 嚟 殺咗 你 同 隊長 ，由 小隊長 做 隊長 ，你 殺 唔 殺 吖 ？
韋小寶 話 ：雙兒 ，你 解開 佢 身上 嘅 穴道 啦 ，誒 ，腳 上 嘅 穴道 唔好 解 。
雙兒 就 解開 副隊長 上身 嘅 穴道 ，將 佩刀 交 喺 佢 手 。
蘇菲亞 又 問 一次 ，嗰個 隊長 破口大罵 猛咁 恐嚇 。
副隊長 平時 同 隊長 一直 都 唔啱 嘅 ，要 佢 起兵 造反 佢 本來 係 唔敢 ，但係 聽 隊長 鬧 得 咁 惡毒 ，佢 又 諗 嘞 ：
我 如果 唔 殺 你 ，第一 小隊 嘅 小隊長 想 做 隊長 亦 必定 殺 你 ，同時 連 我 都 殺埋 。
唔理 咁多 喇 ，攞起 佩刀 嚓 一刀 ，斬咗 個 隊長 嘅 人頭 。
蘇菲亞 、 韋小寶 、 雙兒 三個 人 齊聲叫好 啊 。
不過 蘇菲亞 叫 嘅 呢 係 羅剎 話 哈啦嗦 。
韋小寶 同 雙兒 叫嘅 呢 梗係 中國話 啦 。
蘇菲亞 拉住 副隊長 隻手 ，稱讚 佢 英勇 忠義 ，即刻 升 佢 做 火槍營 隊長 。
蘇菲亞 話 ：你 坐低 ，我哋 仔細 商量 下 。
副隊長 皺起 眉頭 ，指住 韋小寶 同 雙兒 話 ：
呢 兩個 外國 細佬哥 ，使 咗 魔術 ，我 下身 唔 逳得 嘞 。
蘇菲亞 對 韋小寶 話 ：請你 ，魔法 ，去咗 。
雙兒 微微 一笑 ，解開 咗 副隊長 下身 嘅 穴道 。
蘇菲亞 吩咐 副隊長 話 ：
你 傳 三個 小隊 嘅 小隊長 同 副小隊長 入嚟 ，我 要 中國 細佬 哥 使 魔法 ，每個人 手 逳 腳 唔 逳 。
跟住 ，又 同 韋小寶 同 雙兒 講咗 。
副隊長 領咗 命令 就 去 嘞 。
過咗 冇 幾耐 ，六名 正副 小隊長 排隊 企 喺 門外 。
副隊長 一個個 叫入嚟 房 ，雙兒 呢 逐個 點咗 六個人 腰間 嘅 志室穴 ，同 大腿 嘅 環跳穴 。
蘇菲亞話 ：副隊長 決心 擁戴 我 做 女沙皇 ，我哋 要 出兵 去 殺咗 沙里扎 ，你哋 服唔服從 啊 ？
六名 正副 小隊長 睇見 隊長 屍 橫就地 ，早就 知道 大事 不妙 喇 ；
聽 蘇菲亞 噉樣 講 ，更加 係 心驚肉跳 ，大家 你 望 我 我 望 你 ，邊個 都 唔 敢 開口 。
韋小寶 諗 ：清兵 嚟 中原 搶 江山 ，佢哋 大搞 揚州 十日 ，殺人 放火 姦淫 擄掠 ，老皇爺 就 從此 做成 咗 皇帝 嘞 。
佢 阿爺 嘩 ，我 叫 佢哋 搞 莫斯科 十日 ，搞到 天下 大亂 ，越亂越好 。
和尚 擔 遮 無法 無天 。
如果 唔係 噉 啊 ，又 點 搶得 皇帝 嚟 做 啊 ？
就 對 蘇菲亞 話 ： 你 叫 大家 入 莫斯科 城 打仗 ， 殺人 、 放火 ， 應承 佢 哋 做 將軍 、 大官 ， 有 好多好多 金 啊 銀 啊 ， 大家 搶 美女 做 老婆 。
蘇菲亞 一 諗 ，冇錯喇 ，就 對 副隊長 話 ：你 去 召集 全體 火槍手 ，我 有 嘢 同 佢哋 講 。
六百幾 名 火槍手 喺 獵宮廣場 集合 。
副隊長 派咗 十二名 火槍手 入嚟 ，將 點咗 穴道 嘅 六名 正副 小隊長 抬到 去 廣場 。
蘇菲亞 企 喺 台階 上 便 ，大聲 噉 話 ：
火槍手們 ，你哋 都係 羅剎國 嘅 勇士 ，為 國家 立過 好大 功勞 。
不過 你 哋 嘅 餉銀 太少 喇 ， 你 哋 冇 美麗 嘅 女人 ， 又 冇 錢 使 ， 酒 亦 飲 得 唔 夠 ， 住 嘅 屋 ， 太 過細 喇 ， 太過 唔 舒服 喇 。
莫斯科 城內 有 好多 有錢人 ， 佢 哋 有 好 大 嘅 屋 ， 有 好多 僕人 ， 有 好多 美麗 嘅 女人 ， 你 哋 啊 冇 。
你哋 話 ，噉樣 公平 唔 公平 啊 ？
眾火槍手 一 聽 ，齊聲 噉 叫 ：唔公平 ，唔公平 ！
蘇菲亞話 ：嗰啲 有錢人 又 肥 又 蠢 ，食到 好似 一隻隻 肥豬 ，如果 同 你哋 比武 ，打得過 你哋 咩 ？
呢啲 富翁 嘅 槍法 ，唔通 會 叻過 你哋 咩 ？
佢哋 嘅 刀法 ，唔通 會 叻過 你哋 咩 ？
佢哋 為 國家 、為 沙皇 ，立過 大功 咩 ？
佢 問 一句 ，眾 火槍手 就 大聲 回答 話 ：啞 。
韋小寶 只係 聽見 眾人 叫 一 聲 啞 ，又 一 聲 啞 。
佢 知道 喺 羅剎話 裏 便 啊 ，啞 ，即係 不 嘅 意思 。
但係 佢 唔 懂 蘇菲亞 嘅 説話 啊 ，仲 以為 公主 勸 火槍手 造反 大家 唔 肯 聽 佢 話 ，嘿 不禁 擔憂 起 上嚟 。
蘇菲亞 又 話 ：你哋 都 應該 做 將軍 、做 富翁 。
你哋 個個 都 應該 升官 發財 。
眾 火槍手 大聲 歡呼 嘞 。
有啲就問 ：蘇菲亞公主 ，你 有 咩 法子 使 我哋 升官 發財 啊 ？
蘇菲亞話 ：你哋 想唔想 做 將軍 啊 ？
班火槍手 叫話 ：要 做啊 ！
你哋 想 唔 想 有 好多 好多 錢 喇 ？
當然 要 啊 ！
你哋 想 唔 想 美麗 嘅 女人 喇 ？
眾火槍手 都 轟噉 笑起上嚟 ，大叫 話 ：要要 ，要啊 ！
嗱 各位 ，欲知 後事 如何 ，且 聽 下回 分解 。
