前文 再續 啊 書 接 上 一回 啊 。
話説 呢一場 大風 ，將 隻 船 吹咗 三十幾里 遠 ，等到 返到去 柳州 嘅 時候 呢 ，已經 上下 中午 嘞 。
噉 眾人 喺 原來 嘅 碼頭 上岸 。
只見 有 個人 飛奔 過嚟 ，佢 對 韋小寶 話 ：相公 ，你 ，哎呀 你 返嚟 喇 。
呢個人 係 雙兒 啊 ，佢 全身 都 濕到 淰 ，神情 就 好 歡喜 。
韋小寶 問 ：你 嚟 呢度 做 乜嘢 啊 ？
雙兒話 ：尋晚 大風大雨 ，你 坐咗 船 出去 ，我 好唔放心 啊 ，一味 盼望 相公 你 早啲 返嚟 咯 。
你 一直 喺 呢度 等 啊 ？
係 ， 我 ， 誒 我 只 係 擔心 。
擔心 我 坐 隻 船 沉咗 啊 ？
我 知道 你 福份 大 ， 隻 船 一定 唔 會 沉 嘅 ， 不過 ， 不過 我 。
碼頭 上 有 個 船夫 笑住 話 ：嘿 呢位 小總爺 啊 ，尋晚 ，三更半夜 風雨 最大 嘅 時候 ，話 請 我哋 隻 船 出去 ，誒 話 要 搵 人 喎 。
噉 初 初話 畀 五十兩 銀 呢 就 冇 人肯 去 ， 佢 又 加 到 一百兩 ， 張 老三 嗰 個 嘢 貪錢 就 應承 啦 。
不過 啱啱 想 開 船 唧 ，哩嘞 一聲 ，大風 就 吹 斷 咗 桅杆 ，哎噉 就 冇 人 敢 去 嘞 。
佢 呢 就 急到 喊 啊 ，哈哈哈哈哈 。
韋小寶 個心 好 感動 ， 握住 雙兒 隻 手話 ： 雙兒 ， 你 對 我 真 係 好 喇 。
雙兒 面 都 紅晒 耷低 個 頭 。
噉話說一行 ，去到 馬超興 嘅 住處 ，換過 衣服 。
陳近南 啊 吩咐 馬超興 派 人 去 打聽 鄭公子 同 馮錫范 嘅 下落 。
馬超興 應咗 ，就 派 人 出去 查 嘞 ，噉 跟住 稟報 家 後堂 嘅 事務 。
馬超興 擺開 筵席 ，噉啊 請 陳近南 坐咗 首席 ，吳六奇 就 坐咗 次席 。
要請 韋小寶 坐 第三席 嘅 時候 呢 ，韋小寶 話 ：
林大哥 攻破 台灣 ， 地堂 刀 大 斬 紅毛 火腿 ， 立 咗 咁 大 功勞 ， 兄弟 啊 ， 就算 係 企 喺 度 陪 佢 飲酒 亦 係 心甘情願 啊 。
噉樣嘅 英雄好漢 ，兄弟 點 敢 坐 佢 上首 便 啊 ？
佢 就 拉住 林興珠 坐咗 第三席 。
林興珠 極之 歡喜 啊 佢 諗 ：
軍師 呢 個 徒弟 年紀 雖然 係 細唧 ， 不過 認真 夠朋友 啊 。
噉散咗席之後 ，天地會 四個人 又 喺 廂房 商議 事情 。
陳近南話 ：小寶 ，你 有 大事 在身 ，我哋 師徒 呢次 仍然 唔能夠 多聚 嘞 ，聽日 你 就 北上 啦 。
韋小寶 話 ：係 。
可惜 呢次 呢 又 唔能夠 多 聽 師父 嘅 教誨 咯 。
我 本來 仲想 聽 下 吳大哥 講 下 佢 嘅 英雄事蹟 嘅 ， 噉 唯有 等到 打平 吳三桂 之後 再 聽 佢 講 啦 。
吳六奇 笑住 話 ：你 吳大哥 就 冇 咩 英雄事蹟 喇 ，不過 平生 嘅 壞事 呢 係 做過 唔少 。
如果 唔係 查伊璜 先生 一場 教訓 ，直到 今日 ，我 仲 係 為 虎 作 倀 ，幫 清廷 賣命 啊 。
韋小寶 攞咗 吳三桂 送畀 佢 嗰 支 洋槍 出嚟 ，對 吳六奇 話 ：
吳大哥 ，你 咁遠 嚟 見 我 真係 感激 嘞 ，呢支 羅剎國 洋槍 送畀 你 留念 啦 。
吳三桂啊 本來 送咗 兩支 畀佢嘅 ，另外 嗰支 呢 ，韋小寶 喺 領翻 沐劍屏 嘅 時候 ，交咗 畀 夏國相 做 憑證 ，噉 收尾 匆匆忙忙 離開 雲南 就 嚟唔切 攞翻 。
吳六奇 多謝 過 韋小寶 ，接過嚟 ，裝上 火藥 鐵彈 ，點着 火 向住 天井 放咗 一 槍 。
火光 一閃 ，嘭 一聲 ，天井 嘅 青石板 石屑 紛飛 。
大家 都 嚇咗 一跳 啊 。
陳近南 皺起 眉頭 佢 諗 ：
羅剎國 嘅 火器 竟然 咁 犀利 ，如果 興兵 侵犯 真係 難以 抵擋 啊 。
韋小寶 攞咗 四張 五千兩 嘅 銀票 出嚟 ，交畀 馬超興 笑住 話 ：
馬大哥 ，勞煩 你 代 我 請 貴堂 各位 兄弟 飲 翻杯 酒 啦 。
馬超興 笑住 話 ：二萬兩 銀 啊 ？太多咯 ，飲 三年 酒 都 飲冇完 喂 。
噉啊 多謝 過 收咗 嘞 。
韋小寶 跪低 向 陳近南 叩頭 辭別 。
陳近南 扶起 佢 ，拍下 佢 膊頭 ，笑住 話 ：
你好好 ，不愧係 我 陳近南 嘅 徒弟 。
韋小寶 同 佢 企得 好 近 ，睇得 好 清楚 ，見到 佢 兩 鬢 斑白 ，神情 非常 憔悴 ，估計 呢 幾 年 來 奔走 江湖 ，飽受 風霜 之 苦 。
個心 好 難過 ，噉啊 想 送 啲 禮物 畀 師父 ，佢 諗 ：
師父 啊 唔 要 銀 嘅 ，珠寶 啊 啲 噉 嘅 嘢 佢 亦 唔 鐘意 。
師父 武功 咁 使得 ，亦 唔 稀罕 我 嘅 匕首 同 寶衣 㗎 。
突然間 一陣 衝動 佢 就 話 ：師父 ，有 件事 我要 稟告 你 老人家 。
吳六奇 同 馬超興 知道 佢 兩 師徒 有 説話 講 嘞 ，就 退出 去 。
韋小寶 喺 貼肉 嘅 衫袋 裏 便 ，攞咗 一 包 嘢 出嚟 。
解開綁繩 ，揭開 一層 油布 ，再 掀開 兩層 油紙 ，就 露出 喺 八部 四十二章 經 封皮 裏 便 攞出嚟 嗰啲 碎羊皮 。
佢 話 ：師父 ，弟子 冇 咩 孝敬 你 老人家 喇 ，呢包 碎羊皮 ，請 你 收低 佢 啦 。
陳近南 好奇怪 就 問 ：啲 碎羊皮 係 咩嘢 嚟㗎 ？
韋小寶 於是 講咗 碎羊皮 嘅 來歷 。
陳近南 越 聽 呢面色 就 越 鄭重 。
聽到 太后 、皇帝 、鰲拜 、西藏 大喇嘛 、獨臂尼九難 、神龍教主 等等 大有來頭 嘅 人物 ，冇 一個 唔 處心積慮 噉 想得到 呢啲 碎羊皮 。
而 其中 呢 ，竟然 隱藏住 清廷 龍脈 ，同 大批 寶藏 嘅 秘密 ，嘿 真係 發夢 都 想唔到 啊 。
佢 詳細噉 問 經過 嘅 情形 ，韋小寶 都 講咗 喇 。
噉 啊 至於 有 啲 細節 ， 好似 神龍教 教主 教招 啊 ， 拜 九難 做 師父 等等 嘅 情形 呢 噉 啊 當然 係 略過 唔 提 啦 。
陳近南 沉吟咗 一陣 就 話 ：呢包嘢 真係 非同小可 。
我哋 兩 師徒 帶領 會中 兄弟 ，去 掘咗 佢哋 嘅 龍脈 ，攞出 寶藏 ，興兵 起義 ，呢個 係 不世 奇功 。
不過 我 好快 就 返去 台灣 謁見 王爺 ，呢包嘢 帶 喺 身邊 ，坐船 來回 ，恐怕 唔 安全 啊 。
而家 仲 係 你 收住 好 。
我 翻 台灣 之後 ，就 嚟 北京 同 你 會合 ，嗰陣時 再 共圖 大事 啦 。
好 ，噉啊 請 師父 盡快 嚟 北京 啦 。
你 放心 ，我 一陣 都 唔會 停留 㗎 喇 。
小寶 ，你 師父 畢生 奔波 ，就係 為咗 圖謀 興復 明室 。
睇 住 日子 一日 一日 過去 ， 百姓 對 前朝 漸漸 都 唔 記得 ， 而 家小 皇帝 施政 又 好 妥善 ， 興復 大業 越 嚟 越 渺茫 。
想唔到 吳三桂 終於 要 起兵 造反 ，而 你 又 得到 呢份 藏寶圖 ，真係 天大 嘅 轉機 啊 。
講到 呢處 ，不由得 喜上眉梢 。
佢 本來 神情 憂鬱 ，滿懷 心事 ，呢個時候 精神 大振 啊 ，韋小寶 見到 佢 噉樣 十分 歡喜 。
陳近南 又 問 ：你 身上 中 嘅 毒 點 啊 ？有冇 減輕 啊 ？
韋小寶 話 ：弟子 食咗 神龍教 洪教主 畀 嘅 解藥 ，毒性 啊 完全 解晒 喇 。
噉啊 好極喇 。
小寶 ，你嘅 膊頭 擔住 反清復明 嘅 萬斤 重擔 ，務必要 自己 保重 啊 。
講完 ，陳近南 雙手 撳住 佢 膊頭 。
韋小寶 話 ：係 。
弟子 係 咩嘢 都 唔 懂 嘅 。
得到 呢啲 碎羊皮 呢 ，不過 係 好彩 數 啫 嘛 。
次次 都 好似 我 做莊 ，食咗 閒家 嘅 夾棍 噉 ，天槓 食 天槓 ，密十 食 密十 ，食得 啊 舒舒服服 。
陳近南 微微 一笑 話 ：
你 返到 北京 之後 ，半夜 呢 閂實 門窗 ，慢慢 將 呢啲 碎羊皮 拼起 上嚟 。
拼到 地圖 喇 ， 然後 記住 圖形 ， 記到 爛熟 ， 唔 會 錯 嘞 ， 又 將碎 羊皮 拆 亂 佢 ， 分開 七八 包 ， 收埋 喺 唔 同 嘅 地方 。
小寶 ，一個人 嘅 運氣 呢 有 好 有壞 ，唔會 係 成日 都 一帆風順 嘅 。
噉嘅 大事 ，我哋 唔能夠 專靠 好運氣 㗎 。
師父 講得 冇 錯 啊 。
嗱就好比我賭牌九做莊啫嘛 ，而家已經贏咗八鋪嘞 ，如果一鋪通賠 ，呢包碎羊皮畀人哋搶咗去 ，豈不是全軍覆沒鏟咗我嘅莊 ？
所以呢 ，連贏 八鋪 之後 ，就 要 落莊 嘞 。
陳近南 諗 ：小寶 就係 好賭 。就 微微 笑話 ：
你懂得 呢個 道理 就好啦 。
賭錢 輸贏 冇 咩嘢 大不了 。
我哋 圖謀 大事 ，就算 係 冇咗 條命 啊 亦 係 好閒 嘅 事 啫 。
但係 呢包嘢 ，天下 千千萬萬 人 嘅 身家性命 都 喺 上便 ，點 都 唔 輸得 㗎 。
係 ， 我贏 咗 之後 呢 ， 就 將銀 捧 翻 屋企 ， 埋 喺 床 下 底 嚟 ， 斬 手指 唔 賭 喇 ， 噉 就 永遠 都 輸 唔 翻出去 喇 。
陳近南 行 到 窗口 旁邊 ，睇住 個 天 ，細細聲 噉 話 ：
小寶 ，我 聽到 呢個 消息 之後 ，就算 即刻 死咗咯 ，個 心 亦都 好 歡喜 啊 。
韋小寶 諗 ：往日 見到 師父 呢佢 總係 精神十足 嘅 ，點解 呢一次 成日 都 想到 要死 呢 ？
佢 就 問 ：師父 ，你 喺 延平郡王府 辦事 個 心 唔係 點 痛快 呢 係咪 呢 ？
陳近南 擰轉身 ，有啲 奇怪 噉 話 ：你 點 知道 啊 ？
我 見 師父 你 似乎 唔係 點 開心 之 嘛 。
我 想 世上 再 為難 嘅 事情 ，你 都 唔 放 喺 心上 嘅 。
江湖上 嘅 英雄好漢 ，又 個個 對 你 十分 敬重 嘅 。
你 係 連 皇帝 都 唔 怕 嘅 ，普天下 只有 鄭王爺 一個 人 能夠 畀 氣 你 受 㗎啫 。
陳近南 歎 一口氣 ，隔咗 一陣 話 ：
王爺 對 我 一向 禮敬 有加 ，十分 倚重 啊 。
韋小寶 話 ：嗯 ，實係 鄭二公子 呢個 嘢 向 你 擺 臭架子 定 嘞 。
當年 國姓爺 待 我 恩重如山 ，我 早就 誓死相報 ，對 佢 鄭家 嘅 事 我 係 鞠躬盡瘁 死而後已 。
鄭 二公子 年紀 輕 ，就算 有 咩 言語 不當 我 亦 唔 放 喺 心上 。
王爺 嘅 世子 ，英明 愛眾 ，不過 乃 係 庶出 。
韋小寶 唔明白 喇 佢 就 問 ：誒 咩咩 庶出 嘩 ？
庶出 ，就唔係 王妃 生 嘅 噉解 。
哦 我 明白 喇 我 明白 喇 ， 係 王爺 嘅 妾 侍 生 嘅 。
冇錯 。
當年 國姓爺 逝世 同 呢件事 亦 好 有關係 。
因此 王太妃 就 好唔歡喜 世子 ，噉 啊 一再 吩咐 王爺 ，要 廢咗 世子 立 二公子 做 世子 啊 。
唔得 ，二公子 又 糊塗 又 冇用 又 怕死 ，唔得嘅 。
呢個嘢啊 好鬼衰㗎 ，正龜蛋啊 嗰日 仲 想 害死 師父 你 老人家 添 。
小寶 ，把 嘴 乾淨啲 ，你 噉 唔係 即係 鬧 王爺 ？
吖 ，係啊係啊係啊 ，哎呀 ，龜蛋 唔能夠 隨便 咁 鬧人 㗎 。
兩位 公子 比較 起上嚟 ，二 公子 的確 係 處處 都 唔及 佢 哥哥 ，不過 係 相貌 端正 ，把嘴 又 甜 ，祖母 好 歡喜 佢 。
係囉 ，女人之家 乜 都 唔識 嘅 ，見到 會 托 大腳 嘅 白板仔 又 當 寶貝 嘞 。
陳近南 啊 唔 知道 佢 係 話 阿珂 ，就 擰 下 個 頭 話 ：
改立 世子 王爺 係 唔 肯 嘅 ，文武百官 亦都 勸 王爺 唔好 改立 。
因此 兩位 公子 固然 係 兄弟 失和 啦 ，太妃 同 王爺 母子 之間 ，亦 時時 為 呢啲 事 爭執 。
太妃 有時 個 心 嬲 起上嚟 ，仲 叫咗 我哋 去 訓斥 一 餐 啊 。
呢個 老 。
韋小寶 老 舉 乸 三個字 爭啲 出口 ，總算 佢 及時 縮翻 轉頭 連忙 改口 話 ：
呢個 老太太 呢一 上咗 年紀 ，就 變得 糊塗 嘞 。
師父啊 ，鄭王爺 嘅 家事 你 既然 係 管唔掂 ，又 唔能夠 得罪 佢哋 ，索性 嚟 一個 各人 自掃 門前 雪 ，別管 他人 瓦上 霜 咪 得囉 。
唉 ，我 呢條命 已經 唔係 自己 㗎 嘞 ，早就 賣咗 畀 國姓爺 。
人生 於 世 ，受 恩 當 報 。
目前 王爺 身邊 人才 日 少 ，我 點 都 唔 能夠 獨善其身 ，離開 佢 去 第二處 㗎 嘞 。
唉 ！大業 艱難 ，亦 不過 做到 點 就 點 係 啦 。
講到 呢處 ，又 有 啲 意興 蕭索 嘞 。
韋小寶 想 講 啲 説話 嚟 寬慰 下 佢 ，不過 一時 就 無從 講起 。
過咗 一陣 就 話 ：尋日 呢 ，我哋 本來 想 將 鄭克塽 一刀兩段 ，噉 就 乾淨爽快 嘞 。
但係 馬大哥 話 ，噉樣 一嚟 呢 ，就 會 令到 師父 難以 做人 ，孭住 個 咩 誒 施主 嘅 罪名 喎 。
陳近南話 ：係 弒主 。
馬兄弟 呢句 説話 講得 好啱 ，如果 你哋 殺咗 鄭公子 ，我 仲 點 有 面 去 見 王爺 呢 ？
他日 九泉之下 ，亦 唔敢 去 見 國姓爺 啊 。
吖師父啊 ，你 幾時 帶 我 去 睇下 鄭家 嗰個 王太妃 啦 ，對付 呢種 老太太 啊 ，弟子 有 翻 幾下 散手 㗎 。
佢 諗 自己 將 假太后 治到 佮佮掂 ，連 皇太后 都 對付 得了 ，區區 一個 王太妃 又 何足道哉 呢 ？
陳近南 微微 一 笑話 ：胡鬧 啦 。
噉啊 拉住 佢 隻 手 行 出 房 嘞 。
噉韋小寶 向 師父 、吳六奇 、馬超興 告辭 。
吳 馬 兩個人 送 佢 出 門口 。
吳六奇話 ：韋兄弟 ，你 呢個 小丫鬟 雙兒 ，我 已經 同 佢 結拜 為 兄妹 喇 。
韋小寶 同 馬超興 都 吃咗 一驚 ，噉 擰轉頭 睇下 雙兒 ，只見 佢 耷低 個 頭 面 都 紅晒 ，神情 非常 忸怩 。
韋小寶 笑住 話 ：吳大哥 真係 會 講笑 嘞 。
吳六奇 好正經 噉 話 ：唔係 講笑 啊 。
我 呢 個 義妹 忠肝義膽 ， 勝過 男子漢 ， 完全 係 我 哋 噉 嘅 人 。
我 對 佢 好 敬重 啊 。
我 見 你 同 百勝刀王 胡逸之 結拜 咁 高興 ，我 有樣學樣 ，於是 就 同 雙兒 結拜 嘞 。
吖佢 就 講 乜嘢 都 唔 肯 噃 ，話 係 高攀 唔 上 喎 。
唓 我 一個 老乞衣 ，有 咩 高攀 低攀 啊 ？
我 非 拜 不可 ，噉 佢 就 只有 應承 喇 ，哈哈哈哈哈 。
馬超興 話 ：哦 ，先頭 你 兩位 喺 嗰間 房 裏 便 講嘢 ，原來 係 商量 結拜 嘅 事 啊 。
吳六奇話 ：冇錯 。
雙兒妹 叫 我 唔好 講出嚟 喎 ，哼 ，結拜 兄妹 ，光明正大 有 咩嘢 唔能夠 講 嘅啫 ？
韋小寶 聽 佢 噉樣 講 先至 知道 係 真嘅 ，睇下 吳六奇 ，又 睇下 雙兒 ，覺得 好奇怪 。
吳六奇話 ：嗱 韋兄弟 ，從今之後 ，你 對 我 呢個 義妹 呢 要 另眼相看 喇 。
如果 得罪咗 佢 啊 ，我 要 同 你 過唔去 㗎 。
雙兒 連忙 話 ：唔 ，唔會嘅 ，相公 佢 ，佢 待 我 好好 㗎 。
韋小寶 笑住 話 ：有 你 噉樣 一位 大哥 撐腰 ，玉皇大帝 、閻羅王 都 唔 敢 得罪 佢 啦 。
三個人 哈哈大笑 ，拱手 分別 嘞 。
韋小寶 返到去 住地 ，就 問 結拜 嘅 事 ，雙兒 好 怕 醜 佢 話 ：
呢 位 ， 呢 位 吳爺 。
韋小寶 話 ： 咩 嘢 吳爺唧 ？ 大哥 就 係 大哥 ， 都 結拜 咗 嘞 ， 唔 通 唔 算數 啊 ？
係 ，算數 ，算數 。
佢 話 覺得 我 唔錯 ，一定 要 同 我 結拜 成 兄妹 喎 。
雙兒 喺 身邊 攞出 嗰支 洋槍 話 ：
佢 話 身邊 冇 帶 咩 嘢 好 嘢 ，呢 支 洋槍 係 相公 送 畀 佢 嘅 ，佢 轉送 畀 我 。
相公 啊 ， 仲 係 你 帶 住 防身 啦 。
韋小寶 一味 耍手話 ：誒唔得 ，係 你 大哥 畀 你嘅 ，又 點 可以 還翻 畀 我 呢 ？
佢 想起 吳六奇 做事 出人意表 ，覺得 真係 奇怪 嘞 ，佢 又 諗 ：
佢 個 名 都 叫做 六奇 嘞 ，哎 真係 難怪 。
哈 ，唔知 另外 嗰 五奇 係 乜嘢 呢 ？
話説 一行人 一路 慢慢 返 北京 。
路上 九難 教咗 韋小寶 一路 拳法 ，噉啊 叫佢 練習 。
但係 韋小寶 個人 呢 又 扎扎跳 ，點 都 唔 肯 專心 學習 。
噉 學 咗 一段 時候 ， 九難 就 叫 佢 試演 啦 ， 見 佢 淨 係 有 姿勢 一 啲 真實 功夫 都 冇 學到 就 話 ：
我哋 雖然 有 師徒 嘅 名分 ，但係 睇 你 嘅 性情 呢 實在 唔係 學武 嘅 材料 。
噉樣啦 ，我哋 鐵劍門 裏頭 有 一項 神行百變功夫 ，係 我 恩師 木桑道人 創造 嘅 ，乃係 天下 輕功 之 首 。
呢項 輕功 ，需要 有 高深 內功 做 根基 ，睇嚟 你 亦 唔能夠 領會 嘞 。
你 一門 傍 身 嘅 技藝 都 冇 ， 日後 遇到 危難 點得 了 呢 ？
我 唯有 教 你 一啲 逃跑 嘅 辦法 啦 。
韋小寶 又 歡喜 到 癲 喇 佢 就 話 ：腳底 能 抹 油 ，打交 唔 使 愁 。
師父 教 我 逃跑 個 法子 啊 ，噉 啊實 係 冇人 能夠 追得到 定 㗎 喇 。
神行百變 ，世間 無雙 ，當年 威震武林 ，今日 卻係 畀 你 愛 嚟 腳底 抹油 。
恩師 地下 有知 ，實唔肯認 你 呢個 冇出息 嘅 徒孫 。
不過 除此之外 ，我 亦 冇 咩 你 學得會 嘅 本事 傳畀 你 嘞 。
師父 收咗 我 呢個 冇出息 嘅 徒弟 啊 ，算係 行咗 衰運 係 啦 。
不過 賭錢 啊 有 輸 有 贏 ，師父 呢次 唔好彩 數 ，收咗 我 呢個 徒弟 噉 啊 算 係 大 輸 一場 喇 。
天公 有眼 ，保佑 師父 以後 啊 連贏 八場 ，再 收 八個 威震天下 嘅 好 徒弟 。
九難 笑咗 一笑 ，拍下 佢 膊頭 話 ：
武功 好 亦 唔 一定 係 人 好嘅 。
你 性情 唔 鐘意 學 武 ，呢個 係 天性 ，唔能夠 勉強 嘅 。
你 除咗 油腔滑調 之外 ，亦 總算 係 我 嘅 好 徒弟 。
韋小寶 好 歡喜 啊 ，個 心 一陣 激動 ，就 想 將 嗰啲 碎羊皮 攞出嚟 交畀 九難 。
不過 佢 跟住 又 諗 ：
啲碎羊皮 我既然 畀咗 男師父 ，就 唔能夠 再 畀 女師父 喇 。
不過唔怕 ，好彩 兩位 師父 都係 想 趕走 清廷 ，光復 漢人 江山 嘅 ，無論 畀 邊個 都係 一樣 嘅啫 。
噉 於是 九難 將 神行百變 裏 便 唔 需要 內功 根基 嘅 一啲 身法 步法 ，講畀 韋小寶 聽 。
講起嚟 又 古怪 噃 ，一般 拳法 掌法 ，佢 學 嘅 時候 呢 ，就係 噉 意 就算數 㗎 嘞 ，唔肯 用心 鑽研 嘅 。
但係 呢啲 逃跑 嘅 法子 呢 ，卻係 大 感興趣 噃 ，一路 學得 啊 津津有味 ，一 得閒 就 練習 。
有時 仲要 輕功 極好 嘅 徐天川 喺 後 便 追 佢 ，自己 就 東跑西竄 噉 逃避 。
徐天川 見 佢 身法 奇妙 非常 佩服 。
初時 呢 ，幾下 就 追到 嘞 ，但係 九難 不斷 傳授 新 嘅 訣竅 ，到咗 直隸省 境 嘅 時候 ，徐天川 就 點都 追 佢 唔到 嘞 。
嗱 各位 ，欲知 後事 如何 ，且 聽 下回 分解 。
