前文 再續 啊 書 接 上 一回 啊 。
話説 韋小寶 想 帶 人 去 賭場 救 嗰班 御前侍衞 。
突然間 ，佢 諗起 兩個人 就 話 ：唔使 心急 ，我 而家 親自 去 睇下 。
張康年 高興 喇 佢 話 ：係 ，我 去 叫 人 嚟 ，帶 一百 人 去 就 夠 喇 。
韋小寶 擰頭 話 ：唔使 帶 咁多人 去 。
副 總管 ， 仲 係 要 小心 啲 好 啊 ， 呢 個 老 乞 衣 嘅 功夫 啊 好 使得 㗎 。
唔怕 ，有 我 喺度 吖嘛 。
韋小寶 返入 自己 間 房 ，攞 咗 一 大沓 銀票 、十 幾 錠 黃金 ，擠 喺 個 袋 處 。
然後 行去 東便 偏房 外便 ，敲敲 門 就 話 ：兩位 喺度 吖 嘛 ？
房門 打開 ，陸高軒 行 出嚟 話 ：請 入嚟 啦 。
韋小寶 話 ：兩位 跟我嚟 ，我哋 去 辦 一件事 。
陸高軒 同 肥頭陀 着住 驍騎營 軍士 嘅 服飾 ，一直 跟住 韋小寶 ，咁 耐 嘞 ，始終 冇 出手 辦過 咩 嘢 事 。
因為 佢哋 怕 畀 人 睇穿 咗 形跡 啊 ，所以 成日 都 匿埋 喺 間 房 裏 便 ，早 就 悶 到 死死下 嘞 。
而家 聽 韋小寶 話 要 佢哋 去 辦 一 件 事 喎 ，就 高高興興 噉 跟住 佢 出嚟 。
張康年 見到 韋小寶 只係 帶咗 兩名 驍騎營 軍士 ，個心啊 非常 不以為然 就 話 ：
副總管 ，屬下 去 叫 啲 侍衞 兄弟 嚟 侍候 副總管 啦 。
韋小寶 話 ：唔使 喇 人 多 反而 麻煩 添 。
嗱 ，你 叫 一百個 人 嚟 ，如果 都 畀 佢 捉住 咗 ，一千 兩 銀 一個 就 要 十萬 兩 銀 嘞 噃 ，嘿嘿 我 真係 有 啲 肉赤 喇 。
我哋 呢度 四個 人 啫嘛 ，不過 係 四千 兩 啫 ，噉 就 唔緊要 。
張康年 知道 佢 係 講笑 ，但係 見 佢 隨便 帶 咗 兩名 軍士 就 隻身 去 冒險 ，實在 係 太過 自信 喇 就 話 ：
係嘅 ，不過 嗰個 反賊 嘅 武功 啊 真係 好高 嘅 呢 。
韋小寶 話 ：好 ，我 就 同 佢 鬥下 ，如果 輸咗 咯 ，只要 佢 唔係 劏開 我 嚟 零賣 ，亦係 冇 緊要 嘅 。
張康年 皺起 眉頭 唔敢 再 講 嘞 。
佢 又 點 知道 呢 兩個 驍騎營 軍士 ，係 武林 中 嘅 第一流 人物 。
賭場 裏 便 一個 無賴 ，無論 佢 武功 高到 點樣 啊 ，神龍教 嘅 兩 大 高手 ，總 唔會 炮製 佢 唔住 嘅 。
噉話説 張康年 帶 韋小寶 去到 賭場 ，啱啱 到 門口 唧 ，就 聽見 賭場裏 便 有人 大聲 噉喝 ：
我 呢度 七點一 對 ，夠 大 嘞啩 ？
另外一個人 哈哈大笑話 ：對唔住之至喇 ，兄弟 呢處 啊啱啱 有 一對 八點唧 。
跟住 啪 一 聲 ，似乎 係 話 有 七點一 對 嘅 人 ，將 牌 出力 拍 喺 枱 上 便 ，跟住 就 大聲 噉 鬧 嘞 。
韋小寶 同 張康年 互相 望咗 一眼 個 心 諗 ：點解 裏 便 又 賭 起嚟 啊 ？
韋小寶 大步噉 行入去 ，張康年 呢 ，就 思思縮縮噉 跟住 喺 後便 。
陸高軒 同 肥頭陀 兩個人 行到 大廳 門口 ，就 企定 嘞 ，喺度 等候 韋小寶 指示 。
只見 廳 嘅 正中 有 一張 大 枱 ，四 個 人 分別 坐 喺 四便 ，正在 賭錢 。
趙齊賢 同 五名 侍衞 仲 係 瞓 喺 地下 。
東便 坐嘅 係 個 絡腮鬍鬚佬 ，衣衫 破爛 ，喺 啲 爛窿 裏 便 呢 ，露出 毛茸茸 嘅 黑肉 ，呢個 就 梗係 嗰個 老乞衣 嘞 。
南 便 坐住 一個 相貌 英俊 嘅 青年 書生 。
韋小寶 一見 打個特 ，認得 呢個 人 係 李西華 ，當日 喺 北京城 曾經 見過 面 。
佢 武功 都 幾 使得 嘅 ， 曾經 中過 陳近南 嘅 一下 凝血 神 抓 ， 以後 就 一直 都 冇 再見面 嘞 ， 估 唔 到 ， 會 喺 柳州 嘅 賭場 裏 便 重逢 。
西便 坐嘅 ，係 個 農夫 噉 嘅 樣 嘅 人物 ，五十 歲 左右 啦 ，神情 愁苦 低眉 耷目 ，顯然 ，已經 輸 到 抬唔起 頭 嘞 。
北便 嗰個人 ，形格相貌 極之 奇特 ，生得 又 矮 、又 肥 ，全身 好似 個 肉球 噉 ；
衣飾 呢 就 十分 華貴 噃 ，長袍 馬褂 都 係 錦緞 做 嘅 ；
五官 呢 ，就 逼埋 一齊 ，好似 畀 人哋 夾硬 搓 成 一嚿 噉 。
呢個 矮肥佬 揸住 兩張 天九牌 ，一雙 大眼 啊 眯到 一條線噉 ，全神貫注 噉 喺 處 睇牌 。
韋小寶 諗 ：呢個 李西華 唔知 仲 認唔認得 我 呢 ？
隔咗咁耐嘞 ，而且 我 今日 着咗 官服 ，多數 唔認得 㗎 嘞 ，好 ，唔使 咁 心急 同佢 招呼 嘅 。
就 笑 住 話 ： 四位 朋友 咁 好 興致 啊 ， 兄弟 嚟 賭 翻 一手 得 唔 得 啊 ？
講完 行埋 去 嘞 。
只見 枱 上 堆住 五六千 兩 銀 ，嗰個 鄉下佬 面前 係 最多 。
佢 係 大贏家 ，不過 呢 ，成個 大輸家 噉款 ，淒淒涼涼 ，哈 確 有啲 奇怪 嘞 。
嗰個 矮肥佬 用 三隻 肥大 嘅 手指 慢慢 甩牌 ，突然間 ，吖哈噉 一聲 大叫 ，嚇咗 韋小寶 一跳 啊 。
只 聽見 佢 哈哈大笑 話 ： 哈哈哈哈 哈哈哈哈 ， 好 嘢 ， 好 嘢 ！
呢 一次 仲唔 輸到 你 跳 ？
啪一聲 ，將 一隻 牌 拍 喺 枱 上便 ，係 隻 十點 梅花 。
韋小寶 諗 ：佢 手裏 便 另外 一隻 牌 ，多數 亦係 梅花 嘞 ，一對 梅花 ，贏 嘅 成數 好高 噃 。
嗰個 矮肥佬 笑容滿面 ，啪 一聲 ，又 將 一隻 牌 拍 喺 枱 上 。
啲人 一 睇 ，都 愕然 喇 ，跟住 就 放聲 大笑 。
原來 係 隻 四六 ，亦 係 十點 ，十點 加 十點 乃 係 密十 ，牌九 之中 細 到 無 可 再 細 喇 。
佢 又 係 閒 噃， 就算 佢 莊 亦 係 密 十 啊 ， 密十食 密十 ， 仲 係 莊家 贏 。
嗰個 農夫 仍然 係 愁眉苦面 ，一啲 笑容 都 冇 。
韋小寶 睇下 佢 面前 嘅 牌 ，係 一對 九 ，佢 係 正在 做 莊 ，同 矮肥佬 個牌 啊 ，一個 喺 天 就 一個 喺 地 啦 ，佢 諗 ：
呢個人 不動聲色 ，賭錢 最 厲害 就係 呢挺人 喇 。
矮肥佬 問 大家 話 ：吖 有 乜 咁 好笑 啊 ？
又 對 嗰個 農夫 話 ：我 一對 十點 ，啱啱 贏 你 一對 九點 。
一百兩銀 ，快啲 攞嚟 。
嗰個 農夫 擰下 頭 話 ：你 輸 嘞 。
咩話 ，你 講唔講 道理 㗎 ？
你 數 下 吖 ，呢隻 牌 ，一二三四五六七八九十 ，十點 ，嗰隻 牌 呢 ，亦 係 一二三四五六七八九十 ，十點 ，噉 仲 唔係 一對 十 ？
韋小寶 睇咗 張康年 一 眼 ，佢 個 心 諗 ：
呢個 矮肥佬 嚟 做 御前侍衞 都 幾 啱 喎 ，贏 咗 就 攞 錢 ，輸 咗 就 撒賴 。
嗰個 農夫 仍然 擰 下 個 頭 話 ：你 係 密十 ，你 輸 嘞 。
矮肥佬 怒不可遏 ，一下 跳起身 ，哈 ，誰知 佢 一跳起身 ，反而 矮咗 個 頭 。
原來 佢 坐 喺 凳 上 便 啊 雙腳 唔 到 地 嘅 ， 反而 比 佢 企 喺 地下 仲高 。
佢 用 手指 住 農夫 個 鼻哥 喝 佢 話 ：
我係密十 ，你係密九 ，梗係 密十大過密九啦 。
我係一對九 ，你係密十 ，密十就係冇點吖嘛 。
哈 ，你 唔係 明明 蝦人 ？
韋小寶 忍唔住 嘞 ，就 插口 話 ：老兄 啊 ，你 呢 副 牌 唔係 一對 嚟 㗎 。
講完 ，喺 啲 牌 處 又 搵出 一隻 梅花 、一隻 四六 ，同 另外 兩隻 梅花 四六 啊 分別 夾成 一對 。
佢 話 ：嗱 ，噉 先至 一對 吖嘛 ，你 兩隻 十點 唔同 花 嘅 ，梅花 係 全黑 ，四六 就 有 紅色 㗎 嘛 ，唔係 一對 呢 。
矮肥佬 仲係 唔服 ，指住 嗰對 九點 話 ：
佢 嗰 兩 隻 九點 ，唔通 又 係 同花 咩 ？
又唔係 一隻 全黑 ，一隻 有 紅色 嘅 ，大家 都 唔同 ，仲 係 十點 大過 九點 。
韋小寶 覺得 呢個人 係 強詞奪理 ，一時 講唔清 嘞 ，只有 話 ：
呢啲 係 牌九 嘅 規矩 ，向來 就係 噉樣 㗎 嘞 。
矮肥佬 話 ：就算 向來 係 噉 啊 ，都係 唔通 唧 。
唔通 就係 唔得 ，我哋 仲 講 唔講 道理 吖 ？
李西華 同 老乞衣 只有 笑口吟吟噉 坐 響度 ，並冇 插嘴 。
韋小寶 又 笑住 話 ：嘿嘿 ，賭錢 就 要 講 規矩 ，如果 冇 規矩 係 點樣 賭法 啊 ？
嗰個 矮肥佬 話 ：好 ，嗱 細路 ，我 問 你 嘞 ，點解 我 呢一對 十點 ，就 贏唔到 佢 一對 九點 吖 ？
講完 ，攞起 兩隻 梅花 放 喺 面前 一拍 。
韋小寶 話 ：唓 ，你 先頭 都 唔係 呢 兩 隻 牌 。
矮肥佬 嬲 到 極 啊 ，佢 話 ：混賬 ，邊個 話 我 唔係 呢 兩隻 牌 啊 ？
攞起 一對 梅花 隨手 仆 轉 佢 ，喺 枱 上 一拍 ，又 掀過嚟 話 ：
先頭 我 就 啪噉 一拍 ，留咗 個 印 喺度 ，你 睇下 吖 ，你 睇下 吖 。
只見 枱面 牌痕 清晰 ，一對 梅花 嘅 點 啊 突咗出嚟 ，手勁 啊 實在 使得 啊 。
韋小寶 擘大個口 得個窿 ，講唔出 説話嘞 。
嗰個 農夫 話 ：冇錯冇錯 ，係 老兄 贏 喇 ，嗱 ，呢度 係 一百 兩 。
攞咗 一隻 銀元寶 啊 送到 矮肥佬 面前 。
跟住 就 將 三十二 張 牌 翻轉 ，洗咗 一陣 ，排 翻好 佢 ，八 張 一 排 ，總共 係 四 排 ，擺得 齊齊整整 。
噉啊輕輕將一笪牌啊推到枱面中間 ，跟住將面前嗰一大堆銀啊向前一推 。
韋小寶 眼尖 啊 ，已經 見到 枱 上 齊齊整整 ，竟然 有 三十二 隻 牌 嘅 牌印 。
雖然 牌印 啊 唔 及得 嗰 對 梅花 咁 深 啊 ，只係 微微 噉 若有若無 ，但係 噉嘅 舉重若輕 嘅 手法 ，睇嚟 ，武功 啊 不在 嗰個 矮肥佬 之下 。
佢 將 啲 銀 一 推 ，就 將 牌 印 大部分 遮住 嘞 。
韋小寶 擸 一擸 ，就 睇到 一對對 天牌 、地牌 、人牌 ，都 排埋 一齊 ，嗯 ，知道 係 嗰個 農夫 喺度 暗中 搞鬼 嘞 。
嗰個 矮肥佬 將 二百 兩 銀 喺 天門 上面 落注 ，佢 話 ：擲骰仔 啦 ，擲骰仔 啦 ！
又 對 李西華 同 老乞衣 話 ：快啲 落注 啦 嘛 ，咁 慢 嘅 。
李西華 笑住 話 ：老兄 咁 性急 ，仲係 你 兩個 對賭 啦 。
矮肥佬 話 ：好啊 。
轉頭 問 老乞衣 話 ：你 落唔落 注 啊 ？
老乞衣 擰頭 話 ：唔落 ，密 十 贏 密 九 ，噉嘅 牌九 我 唔會 啊 。
矮肥佬 嬲 嘞 ：啊 你 話 我 唔啱 嘞 噃 ？
老乞衣 話 ：我 話 自己 唔會 啫 ，冇 話 你 唔啱 啊 。
矮肥佬 氣咕咕噉 鬧 ：豈有此理 ，你哋 冇 個 好嘢 。
喂 ，你 個 細路 喺 處 口哇哇 ，你 賭唔賭 㗎 ？
呢句 説話 係 對住 韋小寶 講 嘅 。
韋小寶 笑住 話 ：我 嚟 幫 莊 啦 。
呢位 大哥 ，我 同 你 夾份 做莊 呢 好唔好 啊 ？
講完 喺 身邊 攞 咗 八九 隻 小金錠 出嚟 就 放 喺 枱面 ，金光燦爛 ，至少 都 值得 成千 兩 銀 㗎 。
嗰個 農夫 話 ：好 ，小兄弟 你 福大 命大 ，包贏 。
矮肥佬 好嬲 噉 話 ：哈 ，你 即係話 我 包 輸 嘞 噃 ？
韋小寶 笑住 話 ：你 如果 怕 輸 呢 ，落 少啲 注 都 得㗎 。
豈有此理 ，再加 二百兩 。
矮肥佬 又 攞咗 兩隻 元寶 擠 喺 天門 上 便 。
嗰個 農夫 話 ：小兄弟 你 手氣 好 ，你嚟 擲 骰仔 啦 。
韋小寶 話 ：好啊 。
噉啊攞起骰仔喺手裏便稱一稱 ，嗯 ，知道係灌咗鉛嘅 ，好歡喜喇佢諗 ：
呢處 賭場 嘅 骰仔 原來 都 有 呢籠 嘢 嘅 。
佢 個 口 啊 念念有詞 嘞 ：天靈靈 地靈靈 賭神 菩薩 第一 靈 骰仔 小鬼 抬 元寶 一隻 一隻 抬 入 門 ，通殺 ！
個口 一喝 ，手指 轉咗 一轉 ，將 骰仔 砸 出去 。
果然 係 七點 ，天門 就 攞 第一 副 牌 ，莊家 攞 第三 副 牌 。
韋小寶 啊 睇 到 枱 上 嘅 牌 印 ， 知道 矮肥 佬 搦 嘅 ， 係 一隻 四六 、 一隻 斧頭 ， 咪 只有 一點 ， 自己 係 一對 地 ， 就 對 嗰 個 農夫 話 ：
老兄 ，嗱 我 擲骰仔 ，你啊 睇牌 ，係 輸 係 贏 ，各 安 天命 。
嗰個 農夫 攞起 牌 嚟 摸 咗 一 摸 ，就 仆 轉 放 喺 枱面 嘞 。
嗰個 矮肥佬 哈 一聲 ，掀轉 一隻 四六 ，佢 話 ：十點 ，好嘢 ！
又 試哈 噉 一聲 ， 又 掀轉 一隻 斧頭 ， 就 話 ： 一二三四五 ， 六七八九十 ， 十一 ， 十一點 ， 好 嘢 ！
一手 就 掀開 莊家 嘅 牌 ，佢 話 ：一二三四 ，總共 係 四點 ，我 啊 廿一點 ，食 你 四點 ，我 贏 喇 。
韋小寶 同 嗰 個 農夫 你 望 我 我 望 你 啊 冇 聲出 。
矮肥佬 話 ：快啲 畀錢 啦 。
韋小寶 話 ：哦 ，點多 就 贏 ，點少 就 輸 ，唔理 你 天槓 地槓 有 對 冇 對 ，都係 計 點數 嘅 係唔係 啊 ？
點解唔係啊 ？哦 ，唔通 點數 多 嘅 ，仲 輸 畀 點數 少 㗎 ？
你 四點 ，想 贏 我 廿一點 ，唔使 嚟喇 。
好 ，就係 噉樣 賭法 啦 。
就 畀咗 四隻 小金錠 佢 。
韋小寶 話 ：嗱 ，每 隻 金錠 算 一百 兩 銀 ，你 再 落注 啦 。
嗰 矮肥佬 歡喜 到 乜嘢 噉 ，佢 話 ：仲係 落 四百 兩 ，落得 多過 頭 ，怕 你哋 輸 到 慌 啊 ，哈哈 ，哈哈哈哈 。
韋小寶 睇咗 枱面 嘅 牌印 ，一擲 擲 個 五點 ，噉 啊 莊家 攞 牌 先 ，係 一對 天牌 。
矮肥佬 呢次 呢 ，一隻 長三 、一隻 板凳 ，兩隻 牌 加起上嚟 亦 唔 及 一隻 天牌 嘅 點數 咁多 。
佢 把 口 就 咿咿吟吟 喺度 鬧 ，噉 啊 只有 認輸 嘞 。
跟住 又 落咗 四百 兩 銀 ，如是者 三 鋪牌 賭完 ，矮肥佬 啊 輸 到 乾乾淨淨 ，乾 咗 塘 嘞 ，面前 一 兩 銀 都 冇 剩 。
佢 成塊面 都 唂到 紅晒 ，就 好似 個 血球 噉 。
兩隻 短短 肥肥 嘅 手 ，喺 身邊 東 摸摸 西 摸摸 ，點 都 摸唔到 咩 嘢 嚟 落 注 嘞 。
佢 忽然間 ，扚起 瞓 喺 地下 嗰個 趙齊賢 佢 話 ：呢個 嘢 都 值得 幾百 兩 啩 ？我 落 佢 嚟 做 注 。
講完 ，將 趙齊賢 打橫 放 喺 枱面 。
趙齊賢 係 畀 人 點咗 穴道 ，早就 冇得 逳卒 嘞 。
嗰個 老乞衣 突然間 話 ：咪住 。
呢幾名 御前侍衞 係 在下 捉住 嘅 ，老兄 點解 攞去 同人 賭 啊 ？
矮肥佬 話 ：借嚟 使下 都 得啩 ？
噉 如果 輸咗 ，你 攞 咩嘢 嚟 還畀 我 啊 ？
誒 ， 誒 ， 唔 會 輸 嘅 ， 唔 會 輸 嘅 。
如果 老兄 手氣 唔好 ，又 輸 咗 呢 ？
噉 都 容易 啫 ，呢 一排 柳州 城 ，有 唔 少 御前 侍衞 ，我 捉翻 幾 名 嚟 還翻 畀 你 唔係 得 囉 。
老乞衣 岌一岌頭 話 ：噉 都 得 。
噉矮肥佬啊催韋小寶話 ：快啲擲骰仔啦 。
先頭 嗰 一手牌 呢 已經 賭完 嘞 ，韋小寶 對 嗰個 農夫 話 ：
唔該 老兄 洗牌 疊牌 啦 ，仲係 先頭 噉樣 啦 。
嗰個 農夫 一言不發 ，將 三十二 隻 牌 喺 枱面 洗嚟洗去 ，洗咗 一陣 ，疊翻 好牌 ，吖 弊傢伙 嘞 。
枱上 不但 唔見 有 新 嘅 牌印 ，連 原來 個牌印 啊 都 畀 佢 潛運 內力 ，洗咗 一陣 牌 都 抹到 乾乾淨淨 。
唯有 縱橫 幾十道 印痕 啊 ，再 分唔清 點數 嘞 。
如果 矮肥佬 仲係 用 金銀 落注 ，韋小寶 大 可以 唔理佢 ，由得 個 農夫 同 佢 對賭 ，邊個 輸 邊個 贏 都 冇 關係 。
但 而家 天門 上 係 趙齊賢 押響處 噃 ，呢一鋪 非 贏 不可 嘅 。
不過 佢 唔知 大牌 疊 喺 邊度 呢 ，喺 骰仔 上面 作弊 就 冇用 嘅 ，佢 話 ：
兩個人 對賭 啊 何必 賭牌九 吖 ？不如 擲骰仔 呢 ，邊個 點數 大 邊個 就 贏 好唔好 啊 ？
嗰個 矮肥佬 猛咁 擰頭 話 ：老子 就係 鐘意 賭 牌九 。
韋小寶 話 ：你 都 唔識 賭牌九 嘅 ，仲 賭 咩 嘢 唧 ？
矮肥佬 好嬲啊 ，一手 揦住 佢 心口 將 佢 扚起嚟 ，搖咗 佢 一輪 就 話 ：死人頭 你 嘩 ，你 仲 話 我 唔識 賭 牌九 ？
韋小寶 畀 佢 搖咗 一輪 ，全身 骨頭 都 散晒 。
忽然 聽到 身後 有人 叫 ：快啲 放手 ，唔得㗎 ！
係 肥頭陀 個 聲音 。
嗰個 矮肥佬 右手 將 韋小寶 高高噉 舉 喺 空中 ，好奇怪 噉 話 ：
咦 ？你 點解 嚟咗 呢度 嘅 ？點解 唔得 㗎 ？
又 聽見 陸高軒 把 聲 話 ：呢一位 韋 ，韋大人 好 有 來頭 㗎 ，千祈 唔好 得罪 佢 啊 ，快啲 放低 佢 啦 。
矮肥佬好 歡喜 噉 話 ： 佢 ， 佢 就 係 韋 ， 吖 豈有此理 ， 佢 就 係 韋小寶 啊 。
哈哈哈哈哈哈哈哈 ，妙極啦妙極喇 ，我正係想搵佢呢 ，啊 ，呢下搵到喇 。
講完 ，轉身 就 行 出去 門口 ，右手 仍然 高高噉 舉住 韋小寶 。
肥頭陀 同 陸高軒 一齊 攔住 佢 。
陸高軒 話 ： 瘦 尊者 ， 你 既然 知道 呢 位 韋大人 嘅 來歷 嘞 ， 點解 仲 咁 冇 禮 㗎 ？ 快 啲 放低 啦 。
矮肥佬 話 ：就係 教主 親自 嚟 啊 我 都 唔 放 ，除非 攞 解藥 嚟 啦 。
肥頭陀 話 ：唔好 亂嚟 啊 ，你 又 冇 食 豹 ，誒 嗰啲 丸藥 ，要 解藥 嚟 做 乜嘢 啊 ？
矮肥佬 話 ：哼 ，你 識 乜嘢 吖 ？
快啲 行開 ，否則 唔好 怪 我 對 你 唔客氣 啊 。
韋小寶 畀 佢 舉起 喺 半空中 ，聽住 三個人 嘅 對答 ，佢 諗 ：
啊原來 呢個 矮肥佬 就係 肥頭陀 嘅 師兄 瘦頭陀 ，唔怪得 知 佢 肥得 咁 古怪 矮得 咁 滑稽 啦 。
嗰日 喺 慈寧宮 ，有 個 大 肉球 噉 嘅 怪物 就 匿埋 喺 假太后 嘅 被竇 裏 便 ，赤身露體 噉 抱 咗 假太后 逃走 咗 。
韋小寶啊 收尾 問 肥頭陀 同 陸高軒 ，知道 係 肥頭陀 個 師兄 瘦頭陀 。
皆 因 嗰 日 佢 逃走 得太快 啊 ， 冇 睇 清楚 佢 嘅 相貌 ， 以致 同 佢 賭 咗 半日 仲 認 佢 唔 出 。
韋小寶 又 諗 嘞 ： 肥 頭陀 曾經 講過 話 當年 同 佢 師兄 瘦頭陀 兩個 人 ， 奉 咗 教主 之命 去 海外 辦事 就 唔 能夠 依期 趕翻 去 ；
搞到 食咗 嘅 豹胎 易筋丸 嘅 毒性 發作 ，肥頭陀 變得 又 高 又 瘦 ，瘦頭陀 就 變咗 個 矮 肥佬 。
而家 佢 兩個人 ，早就 食咗 解藥 啦 ，不過 原來 個 身形 已經 變唔翻 轉頭 嘞 ，噉 而家 矮肥佬 又 要 解藥 嚟 做 乜嘢 呢 ？
啊 冇 錯 喇 冇錯喇 。
假太后 老 舉 乸 身上 嘅 豹胎 易筋丸 毒性 未解 啊 ，呢個 瘦 頭陀 同 佢 瞓埋 一齊 ，梗係 老相好 啦 ，就 大聲 話 ：
你 要 豹胎 易筋丸 嘅 解藥 仲唔 快啲 將 我 放低 ？
瘦頭陀 一聽到 豹胎 易筋丸 五個字 ，全身 嘅 肥肉 當堂 一震 ，右手 一彎 就 放低 韋小寶 ，伸出 左手 佢 話 ：
快啲 攞嚟 啦 ！
韋小寶 話 ：你 對 我 咁 冇禮 ，嘿 ，你 剛才 講 嗰啲 咩 嘢 説話 啊 ？
瘦頭陀 突然 一跳 上前 ，左手 撳住 韋小寶 後心 喝 佢 話 ：快啲 攞 解藥 嚟 。
佢 嗰隻 手掌 所 撳 嘅 地方 ，正係 大椎穴 ，只要 掌力 一 吐 啊 ，韋小寶 個 心脈 即時 震斷 。
嗱 各位 ，欲知 後事 如何 ，且 聽 下回 分解 。
