前文 再續 啊 書 接 上 一回 啊 。
話説 韋小寶 一 聽 罕帖沙 話 羅剎國 亦都 會 出兵 ，啊 ，心頭 一震 啊 。
羅剎國 就係 俄羅斯 。
嗰啲人 呢 黃頭髮 、綠眼珠 ，個樣 非常 古怪 㗎 ，中國人 睇 佢 呢 好似 鬼 噉 。
羅剎 ，係 佛經 裏頭 惡鬼 嘅 意思 ，因此 當時 呢 稱 之 為 羅剎國 。
順治 年間 ， 羅剎 國 嘅 哥薩克 騎兵 ， 曾經 同 清兵 打 過 幾次 ， 雖然 ， 每次 都 畀 清兵 打退 咗 啊 ， 不過 清兵 呢 亦 都 損傷 好重 。
韋小寶 就 唔 懂 國家 大事 㗎 ，不過 佢 喺 皇宮 之 中 呢 ，亦都 聽講過 羅剎國 兵 將 殘暴 兇悍 ，火氣 凌厲 難當 ，佢 諗 ：
哎呀 不得了 ， 吳三桂 賣國 成 性 ， 又 要 去 勾結 羅剎 國 嘞 ， 唔 得 ， 要 快 啲 稟奏 畀 小 皇帝 知 ， 想法子 抵擋 羅剎 國 嘅 槍炮 火器 啊 。
罕帖摩 見 佢 沉沉吟吟 唔出聲 ，有啲 唔高興 嘅 表情 ，就 問 ：
唔知 小王爺 有 咩 指教 呢 ？
韋小寶 嗯嗯啊啊 ，頭腦 呢 又 飛快 咁 轉 ，要 再 套 佢 啲 嘢 出嚟 。
突然 間 ， 佢 想起 鄭克 塽 同 佢 阿哥 爭 王位 ， 派 馮錫范 嚟 殺 師父 陳近南 嘅 事 ， 即刻 企 起身 ， 好 憤慨 噉 話 ：
豈有此理 ，我 有 咩 希望 啊 ？
將來 我 阿哥 繼承 皇位 ， 我 只 係 做 個 親王 ， 有 咩 嘢 咁 好 吖 ？
罕帖摩 恍然大悟 嘞 ，行埋 佢 身 跟 低聲 話 ：
我哋 王子 既然 同 小王爺 係 好 朋友 ，小人 返去 同 王子 講明 小王爺 呢番 意思 。
大事 成功之後 ，我哋 蒙古 同 羅剎國 ，再加埋 西藏 嘅 活佛 ，三家 力保 小王爺 ，噉 ，嘿嘿 ，噉 ，噉小王爺 又 何必 擔心 呢 ？
韋小寶 個 心話 ：啊 ，原來 四家 起兵 嗰 四家 ，係 蒙古 、西藏 、羅剎國 ，再加上 吳三桂 。
佢 嘅 表情 歡喜 翻 喇 佢 話 ：
如果 你 哋 三家 真 係 出力 ， 我 大權 在手 ， 當然 會 重重 報答 ， 一定 唔 會 忘記 你 老兄 嘅 好處 嘅 。
講完 ，隨手 喺 身邊 攞咗 四張 五百 兩 銀 嘅 銀票 ，交咗 畀 佢 。
你 攞 去 做 零用 啦 。
罕帖摩 見 佢 出手 咁 闊綽 ，歡喜 到 不得了 ，噉 即刻 多謝 一番 。
佢 個 心 呢 ，本來 就算 佢 有 多少 懷疑 嘅 ，而家 都 冇 晒 喇 。
估計 呢位 小王爺 係 要 同 佢 阿哥 吳應熊 爭 皇帝 做 ，噉 主子 葛爾丹 王子 ，同 自己 呢 就 啱晒 喇 ，可以 上下其手 ，大佔 好處 啊 。
韋小寶 話 ：你哋 王子 話 事情 成功 之後 ，天下 點樣 分法 啊 ？
罕帖摩話 ：中原 嘅 江山 ，當然 都係 你哋 吳家 㗎 啦 。
四川 歸 西藏 活佛 。
天山 南北 路 同 內蒙 東 四 盟 、西 二 盟 、察哈爾 、熱河 、綏遠 城 都 歸 我哋 蒙古 。
韋小寶話 ：嘩 ，你哋 分 嘅 地面 好大噃 。
佢 本來 唔 知 呢 啲 地方 嘅 大小 嘅 ， 但 係 聽 罕帖 摩講 咗 咁 多 地名 ， 估計 一定 唔 細 嘅 。
罕帖摩微微笑佢話 ：我哋 蒙古 為 王爺 出 嘅 力 ，亦都 好大 㗎 。
嗯 ，噉 羅剎國 呢 ？
羅剎 國大 皇帝 話 ， 羅剎 國同 王爺 轄 地 ， 以 山海關 為界 ， 佢 哋 決 唔 踏入 關内 一步 。
山海關 之外 ，本來 都係 滿洲 嘅 地界 ，羅剎國 只係 佔 滿洲人 嘅 ，缺 唔 佔 中原 嘅 一寸 土地 啊 。
噉樣 講 都 算 公平 。
你哋 王子 預定 幾時 起事 啊 ？
呢件 大事 王爺 係 主 ，其餘 三家 只係 呼應 夾攻 ，梗係 一切 全憑 王爺 嘅 主意 啦 。
父王 要 確實 知道 我哋 出兵 之後 ，你哋 三家 點樣 呼應 啊 ？
呢一層 ，請 王爺 不必 擔心 。
王爺 大軍 一 出 雲貴 ，我哋 蒙古 精兵 就 由 西 而 東 ，羅剎國 嘅 哥薩克 精鋭 騎兵 ，由 北 而 南 ，兩路 夾攻 北京 ；
西藏 活佛 嘅 藏兵 呢 ，立刻 攻掠 川邊 ，而 神龍教 嘅 奇兵 。
韋小寶吖 一 聲 ，拍 一拍 大髀 ，佢 話 ：神龍教 嘅 事 你 ，你哋 都 知道 啊 ？
洪教主 ，佢 點樣 講 啊 ？
聽見 神龍教 竟然 同 呢項 大 陰謀 有關 ，佢 個 心 好 震動 ，連 講説話 把聲 都 震震地 嘞 。
罕帖摩話 ：神龍教 嘅 事 ，王爺 有冇 同 小王爺 講過 啊 ？
呵呵呵呵 ，點解 冇 講過 啊 ？我 同 洪教主 、洪夫人 詳談過 兩次 。
教裏 便 嘅 五龍 使 我 都 見到 嘞 ，我 以為 你哋 王子 唔 知道 呢件事 咋 。
罕帖摩微微笑話 ，神龍教 洪教主 既然 受 羅剎國 大皇帝 嘅 敕封 ，羅剎國 一 出兵 ，神龍教 當然 係 非 響應 不可 嘅 。
將來 ，中國 所有 沿海 島嶼 ，包括 台灣 同 海南島 都係 神龍教 嘅 轄地 啊 。
再加上 福建 耿精忠 、廣東 尚可喜 、廣西 孔四貞 ，大家 都 會 響應 嘅 。
只要 王爺 登高 一呼 ，東南西北 一齊 逳手 ，清朝 嘅 天下 ，嘿嘿嘿嘿嘿 ，仲 會 話 唔係 王爺 嘅 咩 ？
呵呵 ，妙極 ，妙極 。
其實 佢 嘅 心 就 話 ：弊喇 ，弊喇 。
佢 到底 係 年紀 細 啊 ，平常 嘅 事情 車 幾 句 大炮 一啲 都 唔 露 破綻 。
一遇到 呢啲 國家 大事 ，就 不禁 為 小皇帝 擔憂 嘞 。
妙極妙極 呢 四個字 ，講起 上嚟 一啲 都 唔快活 嘅 。
罕帖摩 個人 非常 精明 ，睇出 佢 另有心事 嘞 就 話 ：
小王爺 同 我 哋 王子 嘅 交情 唔 係 一般 ， 對 小人 又 咁 厚待 ， 小人 真 係 粉身 難報 啊 。
小王爺 有 咩嘢 為難 嘅 地方 ，不妨 明白 指點 吖 。
小人 如果 有 機會 效勞 咯 ，萬死不辭 啊 。
韋小寶 話 ： 我 係 喺 度 諗 啊 ， 大家 東分 一窟 西分 一窟 ， 將來 我 如果 做成 咗 皇帝 ， 所 管 嘅 土地 七零八落 噉 啊 好 冇 癮 㗎 噃。
罕帖摩 個 心諗 ：啊 ，原來 你 擔心 係 呢樣嘢 ，噉 都有道理 。
佢 低聲 話 ：小王爺 明鑒 ，等到 大功告成 之後 ，耿精忠 、尚可喜 、孔四貞 佢哋 一班人 ，一個個 剷除 咗 就係 喇 。
到其時 ，如果 要 我哋 蒙古 出兵 幫助 ，我哋 當然 係 義不容辭 嘅 。
多謝 晒 ， 多謝 晒 ， 呢 一句 説 話 ， 一定 要 幫 我講 畀 你 哋 王子 聽 。
你 係 葛爾丹 王子 嘅 心腹 親信 ，你應承過嘅 説話 ，就 同 王子殿下 親口 應承 一樣 㗎喇 。
罕帖 摩有 啲 為 難 嘞 ， 但 係 想到 嗰 啲 係 將來 嘅 事 吖 ， 而家 唔 怕 亂 咁 應承 佢 先 嘅 。
於是 一拍心口 就 話 ：小人 一定 為 小王爺 盡心竭力 ，決 唔 辜負 小王爺 厚望 。
噉韋小寶 又再 盤問咗 好耐 ，實在 問唔出 咩嘢 喇 ，就話 ：
你 喺 呢度 休息 ，我 去 報告 父王 啊 。
我哋 講過 嘅 嘢 ，你 如果 洩漏 半句 啊 ，我 阿哥 非 下毒手 害死 我 不可 ，恐怕 連 父王 都 救 我 唔到 啊 。
蒙古 部族 裏頭 兄弟 爭位 ， 自相殘殺 嘅 事 ， 罕帖 摩 見得 多 啦 ， 知道 呢 件 事 係 非同小可 嘅 ， 即刻 跪低 指天 發誓 啊 。
韋小寶 行咗 出 房 ，吩咐 風際中 同 徐天川 嚴密 看守 罕帖摩 ，然後 就 去 睇 楊溢之 嘞 。
一推開道房門 ，不禁 大吃一驚 ，只見 楊溢之 半橛身體 ，趢咗 喺 地下 嚟 ，連忙 衝上前 啦 。
見佢 睩 大 雙眼 ，逳 都 唔 逳 ，已經 死咗 咯 。
喺 床上 嘅 白被單 上面 寫住 幾個 血字 。
韋小寶 呢 淨 係 識得 一個 三字 ， 一個 桂字 ， 就問 ： 係 咩 嘢 字 啊 ？
高彥超 話 ：係 吳三桂 造反 賣國 七個字 。
韋小寶 歎 一口氣 話 ：
唉 ，楊大哥 臨死 嘅 時候 用 隻 斷手 寫 嘅 。
係啊 。
話説 韋小寶 召集 天地會 群雄 ，將 罕帖摩 嘅 説話 講咗 。
群雄 非常 憤慨 啊 ，痛罵 吳三桂 做咗 一次 漢奸 之後 ，又 想 做 第二次 。
玄貞道人 咬牙切齒 ，突然 解開 衣襟 佢 話 ：各位 請 睇 。
只見 佢 心口 有個 海碗 咁 大 嘅 疤痕 ， 左膊 上 便 ， 又 有 一道 尺幾 長 嘅 刀傷 。
大家 同佢 相交 咁 耐 嘞 ，都 唔知 佢 曾經 負過 重傷 嘅 ，一下 見到 都 嚇咗 一驚 。
玄貞道人話 ：呢啲 就係 畀 羅剎國 鬼子 嘅 火槍 打傷 嘅 。
韋小寶 話 ：道長 同 羅剎人 打過 咩 ？
玄貞 道人 神情 悽慘 ，佢 話 ：
我 父親 、阿伯 、阿叔 、兄長 九 個人 ，冚𠾴 唥 畀 羅剎人 殺死 。
貧道 亦係 因為 噉樣 而 出家 嘅 。
原來 佢 屋企 祖傳 做 皮貨 生意 ，喺 張家口 開咗 間 皮貨行 ，係 一間 百年 老店 嘞 。
呢 一年 佢 伯父 同 父親 帶埋 兄弟 子侄 ，一齊 去 塞外 收購 銀狐 、紫貂 等 貴重 嘅 皮貨 。
半路 呢 遇到 羅剎人 ，噉 啊 貪心 佢哋 嘅 金銀貨物 ，就 出手 搶劫 。
佢哋 皮貨行 本來 請咗 三名 鏢師 保護 嘅 ，但係 羅剎人 火器 厲害 ，開槍 射擊 噉 啊 三名 鏢師 當堂 死咗 。
父兄叔伯 ，冚𠾴唥 死於 火槍 同 馬刀 之下 。
玄貞 呢 膊頭 中 刀 ，心口 畀 火藥 炸傷 ，暈咗 喺 血泊 之中 。
羅剎人 以為 佢 已經 死咗 嘞 ，噉 啊 搶咗 金銀貨物 就 走咗 。
玄貞醒翻之後 ，喺 山林 裏 便 就 掙扎咗 幾個月 ，啲 傷 先至 好翻 。
經過 呢一場 大禍 ，家產 蕩然無存 ，皮貨行 呢 亦 都 倒閉 。
佢 心灰意冷 ，就 出家 做咗 道人 。
明朝 亡咗 之後 入咗 天地會 ，想起 羅剎人 火器 咁 凌厲 ，雖然 事隔 二十幾年 嘞 ，半夜 三更 ，時時 會 發 惡夢 扎醒 大聲 咁 嗌 嘅 。
李力世 話 ：羅剎人 最 厲害 嘅 係 火器 ，只要 能夠 想法子 破咗 佢 ，就 唔 怕 佢哋 嘞 。
玄貞擰頭話 ：火器 一發 啊 ，真係 好似 雷鳴 電閃 噉 㗎 任你 武功 再高 ，亦係 閃避 唔切 ，抵擋 唔住 㗎 。
徐天川 話 ：罗刹人 同 吳三桂 聯手 搶奪 清廷 嘅 天下 噉啱晒啦 ，我哋 袖手旁觀 ，等 佢哋 打到 天翻地覆 。
噉 我哋 漁翁 得利 ，乘機 就 可以 光復 大明 嘅 江山 嘞 。
玄貞 話 ：就怕 前門 拒 虎 後門 進 狼 呢 。
羅剎 人比 清廷 啊 仲要 兇狠 十倍 ， 佢 哋 打垮 咗 清兵 之後 ， 決 唔 會 以 山海關 為 界 嘅 ， 一定 會 入關 嚟 佔 我 天下 。
徐天川 話 ：噉唔通 我哋 反而 去 幫 清廷 嘞 噃 ？
群雄 議論 紛紛 。
韋小寶 梗係 決心 幫 康熙 啦 ，不過 就 唔敢 公然 講 出口 ，佢 話 ：
呢件事 而家 都 唔使 決定 住 嘅 。
嗱 ，我哋 劫咗 楊大哥 ，捉咗 罕帖摩 同埋 盧一峰 ，吳三桂 好快 就 會 知道 㗎喇 ，噉 點樣 應付 呢 ？
大家 喺度 沉吟 諗計 。
有啲人話 即刻 同佢 反面 打過 ，有人話 呢 不如 漏夜 逃走 啦噉 。
韋小寶 話 ：呢隻 老烏龜 手下 兵馬 眾多 ，打係 打唔過 佢 㗎喇 。
雲貴地方 咁 大 ，十日八日 呢 亦 走唔出 佢 嘅 手掌 嘅 。
嗯 ，噉樣啦 ，各位 將 盧一峰 呢個 狗官 ，同埋 楊大哥 個 屍體 ，即刻 送翻 去 黑門檻 監獄 啦 。
群雄 打 個 特嘞 都 問 ：送翻去 ？
冇錯 。
我哋 只要 嚇一嚇 盧一峰 呢個 狗官 ，我 睇 佢 啊 多數 唔敢 聲張 嘅 。
佢 如果 稟報 上去 ，佢 自己 都 唔得掂 㗎 嘛 。
楊大哥 橫掂死 咗 咯 ， 留 翻 佢 嘅 屍體 亦 係 冇 用 嘅 。
李力世 話嘞 ：我 睇 盧一峰 呢個 狗官 ，個 膽 細 到 芝麻 噉 ，就 怕 佢 ，就 怕 呢件 大事 佢 唔 敢 唔 報 噃 。
韋小寶 笑住 話 ：我 唔係 怕 佢 膽小 ，我 係 怕 佢 愚蠢 冇用 唔會 做 官 唧 。
官場 之中 開講 有話 瞞 上 不 瞞 下 ，天 咁大 嘅 事情 ，只要 遮掩 得住 咯 ，邊個 都 唔會 故意 孭 個 黑鑊 嘅 。
你哋 帶 呢個 狗官 嚟 ，等 我 點醒 佢 幾句 啦 。
噉啊 高彥超 轉身 行出去 ，將 盧一峰 啊 拉咗 入嚟 擠 喺 地下 。
佢 又 捱打 又 嚇親 ，早就 面無人色 嘞 。
韋小寶 話 ：盧老哥 你 辛苦 喇 。
盧一峰 話 ：誒誒誒 ，誒 ，誒不敢 ，誒不敢 。
盧老哥 好夠 朋友 啊 ，將 平西王 個 機密 大事 ，一五一十 噉 講咗出嚟 畀 我哋 聽 ，一啲 都 冇 隱瞞 。
好啦 ，我哋 而家 放 你 翻去 。
老哥 洩漏 咗 平西王 機密 嘅 事 我哋 亦 決 唔 同人 提起 。
江湖上 嘅 好漢 ，講説話 一係一 ，二就二 。
不過 你 老哥 如果 自己 鐘意 張揚 出去 ，要 公然 同 平西王 作對 ，噉 嗰啲 係 你 自己 嘅 事 喇 ，嘿嘿嘿嘿嘿嘿嘿 。
盧 一峰 全身 發抖 話 ： 誒 小 ， 小 ， 小人 就 係 有 天 ， 天 咁 大 嘅 膽 ， 誒 ， 亦 都 係 唔 敢 啊 。
好 ，眾位 兄弟 ，你哋 護送 盧大人 返去 衙門 辦公 。
嗰個 監犯 嘅 屍體 亦都 護送 返去 ，免得 畀 上頭 查問 起嚟 ，盧 大人 難以 交代 啊 。
群雄 齊聲 答應 。
盧一峰 真係 又 驚 又 喜 又 糊塗 ，噉 就 畀 群雄 湧 咗 出去 嘞 。
噉 此後 幾日 啊 ，天地會 群雄 提心吊膽 ，恐怕 盧一峰 向 吳三桂 報告 ，平西王 麾下 嘅 大隊 人馬 就 殺嚟 安阜園 ，吖 但係 居然 冇 到 動靜 噃 。
都唔知 吳三桂 係 老奸巨猾 ，要 等 謀定而後動 呢 ，定係 韋香主 估計 冇錯 ，盧一峰 果然 唔敢 舉報 嘞 。
群雄 個 心 都 有 啲 唔安樂 ，連 氣 幾日 都 喺度 商量 。
收尾 ，韋小寶 話 ：噉啦 ，我 去 拜訪 吳三桂 ，探下 佢 口風 。
徐天川 話 ：就係 怕 佢 扣留住 你 ，唔放 你 返嚟 噉 就 弊 喇 。
韋小寶 笑 住 話 ： 我 哋 都 喺 佢 手板 心 嚟 ， 老 烏龜 如果 要 捉 我 ， 我 就算 唔 見 佢 啊 ， 都 走 唔 甩 㗎 啦 。
於是 點起 輕騎 營 官兵 同 御前侍衞 就 去 平西王府 嘞 。
吳三桂 親自 出嚟 迎接 ，笑吟吟 噉 拖住 韋小 隻手 ，同 佢 一齊 行入去 ，佢話 ：
韋爵爺 有 咩嘢 事 ，傳 小兒 去 吩咐 噉 咪 得囉 ，點 敢 勞煩 你 嘅 大駕 呢 ？
韋小寶 話 ：哎呀 王爺 噉樣 講 呢 太 客氣 嘞 。
小將 官卑職小 ， 同額 駙 啊 爭好 遠 啊 。
王爺 噉樣 講 ，小將 點 好意思 啊 ？
哈哈哈哈 韋爵爺 ，係 皇上 身邊 最 寵幸 嘅 愛將 ，前程 遠大 無可限量 。
將來 ，就算 嚟 呢度 王府 做 王爺 都係 毫不 稀奇 啊 。
韋小寶 嚇咗 一跳 ，不由得 變咗 面色 ，佢 停住 腳步 話 ：
王爺 呢句 説話 就 唔係 點 啱 喇 。
點解 唔啱 ？
韋爵爺 只不過 係 十五六歲 啫 ，已經 貴為 驍騎營 都統 、御前侍衛 副總管 、欽差 大臣 ，爵位 封 到 子爵 。
從 子爵 到 伯爵 、侯爵 、公爵 、王爵 ，再 到 親王 ，亦 不過 係 十幾 二十 年 嘅 事 而已 啫 。
哈哈哈哈哈哈哈哈哈哈 。
王爺 ，小爵 呢次 出京 ，皇上 曾經 講嘞 ，佢 話 ：
你 叫 吳三桂 好好地 做官 ，將來 呢個 平西親王 ，就係 我 妹夫 吳應熊 嘅 。
吳應熊 死 咗 之後 呢 ， 呢 個 親王 就 係 我 外甥 嘅 ， 外甥 死 咗 ， 就 係 我 外甥 嘅 仔 嘅 。
總而言之 ，呢個 平西 親王 等 吳家 一直 做落去 啦噉 。
王爺 ， 皇上 呢 番 説 話 講 得 懇切 之至 啊 。
吳三桂 好 歡喜 啊 ，佢 話 ：皇上 真係 噉 講 啊 ？
梗係啦唔通我仲呃你咩 ？
不過 皇上 吩咐 ， 呢 番 説 話 呢 唔 好 同 你 講 咁 急 住 ， 要 我 仔細 啲 睇 下 ， 如果 王爺 果然 係 位大 忠臣 呢 ， 呢 啲 説 話 就 同 你 講 嘞 噉 。
否則 ，呵呵 ，豈不是 變成 萬歲爺 講説話 唔算數 ？
嗯 ，韋爵爺 ，今日 同 我 講 呢番 説話 ，就係 當 我 係 忠臣 喇 。
係定啦 ，王爺 如果 唔係 忠臣 ，天下 亦都 冇 邊個 係 忠臣喇 。
所以啊 ，如果 韋小寶 將來 真係 有噉一日 ，能夠 好似 王爺 金口 噉 亦都 封到 咩 征東王 、掃北王 、定南王 。
不過 喺 呢度 雲南 嘅 平西王府 呢 ，呵呵 ，我 呢世 人 都 係 人客 ，永遠 輪唔到 做 主人 㗎 咯 。
兩個人 一面 傾 一面 行 入去 。
吳三桂 畀 佢 一番 説話 講得 好 高興 啊 ，拉住 佢 手 話 ：嚟嚟嚟 ，嚟 我 內 書房 坐下 。
噉啊 穿過 兩處 庭院 ，嚟到 內 書房 裏 便 。
呢間屋 ，雖然 話 係 書房 ，但係 裏 便 掛滿咗 刀槍劍戟 ，並 冇 咩 書架 書本 嘅 。
當中 一張 太師椅 ，上 便 鋪住 虎皮 。
平常 虎皮 呢 必定 係 黃章 黑紋 ，呢一張 老虎皮 卻 係 白章 黑紋 非常 奇特 。
韋小寶 話 ：哎呀 王爺 ，呢 張 白老虎皮 真係 好 名貴 啊 。
小將 喺 皇宮 裏 便 都 從來 未 見過 ，今日 啊 真係 大開眼界 嘞 。
吳三桂 好得意 啊 佢 話 ：
呢隻 老虎 係 當年 我 鎮守 山海關 ，喺 寧遠 附近 打獵 打到 嘅 。
呢種 白老虎 叫做 騶虞 ，極之 少見 ，得到 佢 嘅 大吉大利 啊 。
王爺 日日 喺 呢張 白老虎皮 上面 坐一坐 ，升官 發財 永遠 都 冇 盡頭 ，真係 厲害 噃 。
只見 虎皮椅 旁邊 有 兩座 大理石 屏風 ，都 有 五六尺 高 嘅 ，石上 便 山水 木 石 ，就 好似 係 畫出嚟 嘅 噉 。
一座 屏風 上 便 呢 有 一座 山峰 ，山峰 上 便 似乎 有 隻 黃鶯 ，水邊 呢 ，有 隻 老虎 ，顧盼 生姿 。
嗱 各位 ，欲知 後事 如何 ，且 聽 下回 分解 。
