前 文 再續 啊 書 接上 一回 啊 。
話説 呢一日 ，韋小寶 同埋 公主 一行 ，嚟到 長沙 。
陸高軒 喺 神龍島 飛馬 趕嚟 同 韋小寶 相會 ，噉啊 帶咗 洪教主 嘅 口諭 嚟 ，話 教主 得到 兩部 經書 非常 歡喜 。
嘉獎 白龍 使 辦事 忠心 ，精明能幹 ，係 本教 大大 嘅 功臣 ，特賜 豹胎 易筋丸 嘅 解藥 噉 。
韋小寶 呢 一排 呢 日日 都 胡天胡帝 ， 早就 唔 記得 自己 身上 有 劇烈 嘅 毒藥 嘞 ， 聽 佢 噉 樣 講 都 好 高興 。
於是 同 陸高軒 、肥頭陀 食咗 解藥 。
肥陸 兩個人 又 躬身 多謝 ，話 全靠 白龍 使 建立 大功 ，兩個人 先至 得到 教主 恩賜 靈藥 ，除去 身上 嘅 心腹之患 噉 。
陸高軒 又 話 ： 教主 同 夫人 傳諭 白龍 使 ， 剩 翻 嗰 六部 經書 ， 仲要 繼續 搵 埋 佢 。
白龍使 如果 能夠 再 建 奇功 ，教主 不吝 重賞 啊 。
韋小寶 話 ：噉梗係 要 努力 去 搵 啦 。
教主 同 夫人 恩重如山 ，我哋 粉身碎骨 ，都 難以 報答 㗎嘛 。
肥陸 兩個人 齊聲 話 ：教主 永享 仙福 ，壽 與 天 齊 。
白龍 使 永享 清福 ，壽 比 南山 。
韋小寶 微微 笑 唔出聲 ，個心 諗 ：清福 有 咩 好 享唧 ？
呢日日 好似 而家 噉樣 ，永享 艷福 ，壽比 南山 ，先 有 啲 意思 㗎 嘛 。
噉話說韋小寶同埋公主啊 ，只係 望去 雲南 呢條路 呢 永遠 都 行唔到 盡頭 ，但係 路途 雖然 係 遠 ，行得 雖然 係 慢啊 ，噉啊 終於 亦 有 到達 嘅 一日 。
貴州省 係 吳三桂 嘅 轄地 ，喺 貴州 羅甸 ，吳三桂 有 重兵 駐扎 嘅 。
建寧公主 一行 啱啱 入 貴州省 境 ，吳三桂 就 派出 兵馬 前 嚟 迎接 嘞 。
就快 去到 雲南 嘅 時候 ，吳應熊 出省 嚟到 迎接 ，噉 見到 韋小寶 ，不停口 咁 多謝 。
按照 朝廷 嘅 禮節 啊 ，喺 成親 之前 呢 ，佢 同 公主 啊 唔 能夠 見面 嘅 。
當其時 ，公主 正係 同 韋小寶 好到 如膠如漆 ，聽見 吳應熊 嚟到 啊 當堂 柳眉 倒豎 大發脾氣 。
當晚 ，公主 對 韋小寶 話 ，要 想 個 法子 送 吳應熊 去 見 閻羅王 ，噉 就 可以 同 佢 做 長久 夫妻 喇 噉 。
韋小寶 嚇咗 一跳 啊 ，個 心 諗 ：假駙馬 不妨 喺 夜晚 偷偷摸摸 噉 做下 啫 ，真 駙馬 就 點 都 唔 能夠 做 嘅 。
公主 見到 佢 皺住 眉頭 喺度 沉吟 ，就 發惡話 ：點解 唔 出聲 啊 ？
要 送 吳應熊 呢個 衰仔 去 見 閻羅王 係 你 自己 講 嘅 ，又 唔係 我 想 出嚟 嘅 主意 。
韋小寶話 ：送係一定要送 ，嗯不過 我哋 要 等 個 好 機會 噉 先 逳得手 㗎嘛 ，唔能夠 使 人哋 疑心 㗎 。
好 ， 暫時 聽住 你 先 ， 總而言之 呢 ， 我 跟定 你 㗎 喇 ， 點都 唔 同 呢 個 衰仔 同床 嘅 。
你 如果 唔 送 佢 去 見 閻羅王 ，我 就 乜嘢 事 都 扽晒 出嚟 。
我 同 吳三桂 話 ，係 你 強姦 我 。
就算 皇帝 哥哥 點鐘意 你 都好 ，恐怕 吳三桂 啊 都 會 將 你 斬成 十七八碌 啊 。
噉 你 就 去 見 閻羅王 先 啦 ，算係 同 吳應熊 做 先行官 嘞 ，嘿嘿嘿嘿 。
韋小寶 嬲 到 不得了 ，出力 摑 佢 一巴 喝 佢 話 ：亂噏 無為 ！我 幾時 強姦 你 啊 ？
公主 啊 反而 騎騎 笑噃 ，攬住 韋小寶 佢 話 ：
你呢個 狠心 短命 嘅 小冤家 ，落手 咁重 嘅 ，都 唔怕 人哋 痛 。
呢一日 ，上下 嚟到 昆明 嘞 ，只 聽見 隊伍 裏 便 吹起 號角 ，一名 軍官 報告 話 ：平西王 嚟 迎接 公主 鑾駕 。
韋小寶 縱馬 上前 ，只見 一隊隊士兵 ，鎧甲 鮮明 ，騎住 高頭大馬 跑到 面前 ，就 一齊 落馬 ，排列 兩旁 。
喺 音樂 聲 中 ，幾百 名 身穿 紅袍 嘅 少年 手執 旌旗 ，帶領 一 名 將軍 嚟到 軍前 。
一名 讚禮官 高聲 話 ：
奴才 平西 親王 吳三桂 ，參見 建寧 公主 殿下 。
韋小寶 仔細 噉 打量 下 吳三桂 ，見 佢 身軀 雄偉 ，紫膛 面 ，鬍鬚 頭髮 啊 白 多 黑 少 ，年紀 雖然 係 老 啊 ，仍然 步履 矯健 ，高視闊步 噉 行過嚟 。
韋小寶 見 佢 行到 公主 架 車 前 便 ，跪低 叩頭 。
佢 喺 個 心 先 話 ：老 烏龜 吳 三桂 免 禮 。
噉 等 佢 叩 完 頭 喇 ， 佢 就 話 ： 平西親王 免禮 。
吳三桂 企起身 ，行到 韋小寶 身邊 笑住 話 ：
呢位 就係 勇擒鰲拜 ，天下 揚名 嘅 韋爵爺 喇 。
韋小寶 請 咗 個 安 佢 話 ： 不敢 ， 卑職 韋小寶 參見 王爺 。
吳三桂 哈哈大笑 ，握住 佢 隻手 話 ：
韋爵爺 大仁大義 ，小王 久仰 英名 ，呢啲 虛禮 俗套 快啲 免咗佢 。
小王 父子 ，今後 全靠 韋爵爺 維持 。
如蒙不棄 ，我哋 一切 就 好似 自己 屋企人 一樣 噉 就係喇 。
韋小寶 聽 佢 講説 話 帶住 揚州 口音 ，佢 諗 ：你 同 我 係 同鄉 噃 。
就話 ：噉就唔敢當 ，卑職 點 敢 高攀 呢 ？
講説話嘅時候 ，亦 加咗 幾分 揚州 口音 。
吳三桂 笑住 話 ：韋爵爺 係 揚州 人 咩 ？
係啊 。
噉就 更加 好咯 。
小王 寄籍 遼東 ，原籍 揚州 高郵 。
我哋 真正 係 一家人 啊 ，哈哈哈哈哈哈哈 。
韋小寶 諗 ：原來 你 係 高郵 鹹 鴨蛋 。
揚州 出咗 你 呢個 大漢奸 呀 ，老子 都 畀 你 陀 衰埋 啊 。
吳三桂 同 韋小寶 騎住 馬 一拍 行 ，喺 前 便 開路 ，引導 公主 入 城 。
昆明城外啲百姓 ，聽見 公主 下嫁 平西王 世子 唄 ，噉 啊 街道 兩邊 啊 早就 逼到 人山人海 爭住嚟 睇 熱鬧 嘞 。
城內 張燈結綵 ， 到處 都 係 牌樓 、 喜幛 ， 一路上 鑼鼓 炮仗 啊 震到 耳 都 聾 啊 。
吳三桂 迎接咗 公主 去 昆明 城 西 ，安阜園 住落 。
嗰度 係 明朝 黔國公 沐家 嘅 故居 ，本來 就 崇樓高閣 美輪美奐 嘞 ，吳三桂 得到 公主 下嫁 嘅 消息 之後 ，又 大興土木 ，修建 得 煥然一新 。
吳三桂 父子 隔住 簾帷 ，向 公主 請安 之後 ，就 陪同 韋小寶 嚟到 平西王府 嘞 。
平西王府 啊 喺 五華山 ，本來 係 明朝 永歷帝 嘅 故宮 ，噉 周圍 有 幾里 咁 大 ，吳三桂 住咗 入去 之後 ，連年嚟 不斷 增添 樓台館閣 。
呢陣時 高閣 雕牆 紅亭 碧水 ，同 皇宮 內院 啊 亦 相差 無幾 嘞 。
入到去 大廳 ，噉 早 就 擺開 盛大 嘅 宴會 歡迎 賜婚 使 。
平西王 麾下 文武百官 ，都 嚟 作 陪 。
噉欽 差 大臣 韋小寶 當然 係 坐 首席 嘞 。
酒 過 三 巡 ，韋小寶 啊 笑住 話 ：
王爺啊 ，喺 北京 嘅 時候 呢 ，時時 聽 話 你 要 造反 。
吳三桂 當堂 面 都 黑晒 ，文武百官 都 變咗 面色 ，佢 繼續 話 ：
今日 嚟到 王府 先至 知道 嗰啲 人 呢 都 係 亂噏 無為 嘅 啫 。
吳三桂 嘅 神情 呢 稍為 好翻啲 ，佢 話 ：
韋爵爺 明鑒 ，卑鄙小人 妒忌 誣陷 ，決不可信 啊 。
當然係啦 ，我 諗 你 要 造反 喇 ，亦 不過 係 想 做 皇帝 啫嘛 。
不過 皇上 嘅 宮殿 呢 冇 你 啲 咁 華麗 ，衣服 又 冇 你 啲 咁 靚 。
皇上 嘅 伙食 向來 係 我 一手 經辦 哎 真係 慚愧 到 極 嘞 ，亦 冇 你 王府 咁 好味道 。
你 做 平西王 啊 ，就 比 皇上 舒服得多 嘞 ，又 何必 去 做 皇帝 唧 ？
呢 ，你 等 我 返到 北京 ，就 同 皇上 話 ，平西王 啊 點 都 唔會 造反 嘅 ，就係 請 你 做 皇帝 啊 ，你 老人家 亦都 點 都 唔會 做 嘅 。
一時之間 ，大廳 之上 啊 靜英英 。
百官 停晒 杯 唔 飲酒 嘞 ，定晒 型 噉 聽住 佢 不倫不類 一番 説話 ，人人 個 心 都 嘭嘭聲 亂 咁 跳 。
吳三桂 嘅 面色 ，直情 係 一陣 紅 一陣 白 ，都 唔知 點樣 回答 先至 係 ，佢 諗 ：
聽佢 噉樣 講 ，皇帝 果然 早就 懷疑 我 有 造反 嘅 意思 。
噉佢 只有 騎騎騎 噉 乾笑 幾 聲 佢 話 ：
皇上 英 明仁孝 ， 勵精圖治 ， 真 係 自古 賢皇所 不及 啊 。
韋小寶 話 ： 係 啊 ， 腰 腎 魚湯 甘拜下風 啊 。
吳三桂 又係 打個 特 ，隔咗 一陣 先至 明白 佢 講 嘅 係 堯舜禹湯 ，就 話 ：
微臣 仰慕 皇上 儉德 ，本來 亦 唔敢 起居 奢華 嘅 。
只不過 聖恩浩蕩 ，公主 來歸 ，我哋 唔敢 簡慢 ，只好 盡心竭力 ，侍奉 公主 同 韋爵爺 。
等到 婚事 一 完 ，就 要 大大 節省 咯 。
佢 諗 呢個 僆仔 返到去 北京 ，同 皇帝 話 我 呢處 窮奢極恀 ，皇帝 一定 係 嬲 嘅 ，一定 要 設法 塞住 佢 個 嘴 先至 得 。
點知 韋小寶 擰擰頭 話 ：唔係啊 唔係啊 ，仲係 傾 鈴 哐唥 亂 咁 捹 開心啲 啊 。
你 做到 王爺 ，有錢 唔使 去 做 咩 王爺唧 ？
你 如果 嫌 金銀 太多 擔心 一時 使唔完 ，我 幫 你 使下 吖 都 得㗎 ，係唔係 ？哈哈哈哈哈哈 。
佢 呢句 説話 一 講 ，吳三桂 當堂 歡喜 晒 嘞 ，心頭 一嚿 大石 即刻 落翻 地 ，個心 諗 ：
你 肯 收錢 噉 仲 唔 容易 咩 ？
文武百官 聽 佢 喺 筵席 之上 公然 開口 要 錢 ，噉 人人 都 笑逐顏開 ，都 諗 ：
呢個 細佬哥 容易 對付 啫 。
噉啊 各人 一便 飲酒 ，一便 喺 個 心處 諗住 點樣 送禮 行賄 嘞 。
噉 原來 喺 席間 嗰 啲 尷尬 惶恐 啊 一掃而空 ，各人 歌功頌德 ，吹牛 拍馬 盡 歡而散 。
吳應熊啊 親自 送 韋小寶 返去 安阜園 ，嚟到 大廳 坐落 。
吳應熊 雙手 送上 一個 錦盒 ，佢 話 ：呢處 一啲 零碎 銀兩 ，請 韋爵爺 求其 做啲 零用 先 。
等到 大駕 北歸 ，父皇 另有 心意 嚟 酬謝 韋爵爺 嘅 辛勞 。
韋小寶 笑住 話 ：噉 就 唔使 客氣 喇 。
我出 京 嘅 時候 啊 ， 皇上 啊 吩咐 我話 ： 小桂子 ， 大家 話 吳三桂 係 奸臣 ， 你 幫 我 親眼 睇 下 ， 到底 係 忠臣 吖定 係 奸臣 。
你 要 同 我 睇 得 仔細啲 啊 ，唔好 睇 差眼 啊 。
噉 我 就 話 ：皇上 萬安 ，奴才 擘大 雙眼 從頭到尾 噉 睇 ，睇到 明明白白 。
嘿嘿嘿 ， 小王爺 ， 係 忠 係 奸 ， 都 係 靠 把 口 講 嘅 啫 嘛 係 唔 係 ？ 哈哈哈 哈哈 。
吳應熊 不禁 個心 有啲 嬲 嘞 ，佢 諗 ：
你 大清 嘅 江山 都 係 我 阿爹 一手 幫 你哋 打翻嚟 嘅 ，大事 已定 之後 就 忘恩負義 ，嚟 查問 我 父子 係 忠 係 奸 。
噉樣睇上嚟 ，公主 下嫁 亦未必 係 有咩 好意 嘅 。
佢 話 ：我 父子 忠心耿耿 為 皇上 辦事 ，做 狗 做 馬 亦 報答 唔 了 皇上 嘅 恩德 啊 。
韋小寶 翹起 隻 腳 佢 話 ：係 ，我 亦 知道 你 係 最 忠心 㗎 嘞 。
皇上 如果 信唔過 你 ，亦 唔會 招 你 做 妹夫 啦 。
小王爺 ，你 一做咗 皇帝 嘅 妹夫 ，連升 八級 ，真係 快過 飛 啊 。
呢啲 係 皇上 天恩浩蕩 ，韋爵爺 維持 周旋 ，我 亦 感激不盡 啊 。
韋小寶 個 心 諗 ：我 送 隻 烏龜 你 做 下 ，唔知 你 係 唔係 亦 感激 不盡 呢 ？
噉啊 送咗 吳應熊 出去 ，打開 錦盒 一睇 ，裏面 係 十紮 銀票 ，每紮 四十 張 ，每張 五百 兩 ，總共 係 二十萬 兩 銀 。
韋小寶 又 驚 又 喜 佢 諗 ：嘩嗨 ，佢 出手 真係 闊綽 嘞 ，二十萬 兩 銀 ，算係 畀 我 做 零用 嘅 。
老子 如果 要 大筆 嚟 使 ，豈不是 要 一百萬 、二百萬 ？
第日 ，吳應熊 嚟 請 欽差 大臣 賜婚 使 去 較場 閲兵 。
韋小寶 同 吳三桂 一拍噉 企 喺 閲兵台 上 。
平西王 屬下 嗰 兩名 都統 ，率領 幾十名 佐領 ，頂盔披甲 ，下馬 喺 台前 行禮 。
噉 跟住 一隊 隊兵馬 喺 台下 操過 。
藩兵 過晒 之後 ，係 新編 嗰 五營 忠勇兵 、五營 義勇兵 ，每 一 營 由 一名 總兵 統帶 ，排陣 操演 ，果然 係 兵強馬壯 啊 ，訓練 精熟 。
韋小寶 雖然 完全 唔懂 軍事 ，但係 見到 兵馬 雄壯 ，一隊隊 噉 過極 都 過唔完 ，噉 就 對 吳三桂 話 ：
王爺 ， 我 今日 真 係 服 咗 你 嘞 。
我係 驍騎營 嘅 都統 ，我哋 驍騎營 係 皇上 嘅 親軍 。
講起 嚟 真 係 慚愧 喇 ， 你 話 同 你 部下 嘅 忠勇 營 、 義勇 營打 起 上 嚟 啊 ， 驍騎 營非 零兵 賴敗 落荒而逃 不可 啊 。
吳三桂 非常 得意 嘞 佢 笑住 話 ：韋爵爺 誇獎 ，愧 不敢當 。
小王 係 行伍 出身 ，訓練 士卒 ，呢啲 係 本分 嘅 事 唧 。
突然間 ，聽見 號炮 轟轟轟 噉 響咗 三聲 ，眾兵將 齊聲 吶喊 ，聲震 四野 。
韋小寶 吃咗 一驚 啊 ，雙腳 一軟 ，一下 扽倒 喺 張 椅 處 當堂 面 如 土色 。
吳三桂 個 心 就 暗暗 好笑 嘞 。
你 不過 係 皇上 身邊 一個 小小 嘅 弄臣 ，恃住 花言巧語 氹到 小皇帝 嘅 歡心 ，除此之外 又 有 咩 嘢 屁用 啊 ？
一個 乳臭未乾 嘅 黃口小兒 ， 居然 晉封 子爵 ， 做到 驍騎 營 都統 、 欽差大臣 ， 可見 小 皇帝 莫名其妙 ， 只會 任用 親信 啊 。
佢 本來 就 冇 將 康熙 睇 在 眼內 嘅 ，而家 見到 韋小寶 膽小 到 噉樣 ，更加 暗暗 歡喜 ，估計 朝廷 冇 人 啊 不足為慮 。
閲 兵 完畢 ， 噉 啊 韋小寶 攞 出 皇帝 嘅 旨意 交 畀 吳三桂 佢 話 ：
呢道 係 皇上 嘅 聖諭 ，王爺 讀 畀 大家 聽 下 啦 。
吳三桂 跪低 接過 聖旨 佢 話 ：係 皇上 嘅 聖諭 ，仲 係 請 欽差 宣讀 。
韋小寶 笑住 話 ：佢 識得 我 我就 唔識得 佢 ，我 大字 都 唔識 一個 ，點 讀 吖 ？
吳三桂 笑咗 一笑 ，捧住 聖旨 對住 兵將 大聲 宣讀 ：
佢 聲音 清朗 ，中氣 充沛 ，一句句 噉 遠遠 傳 出去 。
廣場上 幾萬 兵將 一齊 跪喺度 ，鴉雀無聲 噉 喺度 聽 。
喺 聖旨 裏 便 ，嘉獎 平西 親王 功高勛重 ，勤勞 王事 ，鎮守 邊陲 ，撫定 蠻夷 ，屬下 諸 將士 卒 ，都 有 辛勞 業績 ，各 升職 一級 ，並 有 賞賜 。
噉 啊 聖旨 讀完 嘞 ， 吳三桂 向 北方 叩頭 ， 佢 大聲 話 ： 恭謝 皇上 恩典 ， 萬歲 萬歲 萬萬歲 ！
眾兵將 一齊 話 ： 恭謝 皇上 恩典 ， 萬歲 萬歲 萬萬歲 ！
呢 一次 韋小寶 因為 事前 有 準備 ，所以 就 冇 吃驚 ，但係 幾萬 兵將 驚天動地 噉 嗌 出嚟 ，都 令 佢 心 都 震晒 ，企 都 企唔穩 喇 。
返到 平西王府 ，吳三桂 啊 同 佢 商量 公主 嘅 吉期 。
韋小寶 皺起 眉頭 非常 唔高興 嘞 。
吳三桂 話 ：下個月 初四 係 黃道吉日 ，婚嫁 喜事 大吉大利 。
韋爵爺 睇 呢個 日子 好嘛 ？
韋小寶 諗 ：公主 一 嫁咗 畀 吳應熊 噉 我 呢個 假 駙馬 就 做 唔成 嘞 噃 。
就話 ：似乎 太 侷促 啲 嘞啩 ？
公主 下嫁 非同小可 ，王爺 ，你 要 一切 順利 周到 先至 係啊 。
唔怕 同 你 講 啦 ，呢位 公主 啊 好得 太后 同 皇上 寵幸 嘅 ，你話 有 咩 事 做得 馬虎咗 ，我哋 做 奴才 嘅 唔係 點 方便 嘅 。
吳三桂 諗嘞 ：你 故意 刁難 ，即係 勒索 賄賂 啫 。
就 笑住 話 ：係 ，全靠 韋爵爺 照顧 ，有 咩 不到之處 請 你 吩咐 指點 ，我哋 盡力 辦理 。
初四 如果 係 太 侷促 嘅話 ，噉 下個月 十六 亦 係 極 好 嘅 日子 ，公主 同 小兒 嘅 八字 完全 冇 衝克 ，百無禁忌 。
韋小寶 話 ：好啦 ，我 去 請示 公主 睇下 佢 點 講 啦 。
返到去 安阜園 ，噉啊 已經 有 好多 雲南 嘅 官員 等候 傳見 嘞 。
韋小寶 收咗 禮物 ，隨口 敷衍 幾句 ，就 打發 佢哋 走咗 。
佢 想 嚟到 雲南 之後 ，結拜 兄長 楊溢 之 都 未 見過 ，噉 就 派 人 去 講 畀 吳應熊 聽 ，請 楊溢 之 過嚟 見 下面 。
楊溢之 就 冇 嚟 ，吳應熊 就 親自 嚟 喇 ，佢 話 ：
韋爵爺 ，父皇 派咗 楊溢之 出外 公幹 未 返 ，唔能夠 嚟 侍候 爵爺 嘞 。
韋小寶 好 失望 啊 佢 問 ：唔知 佢 去咗 邊度 呢 ？幾時 可以 返嚟 啊 ？
吳應熊 嘅 面色 有 啲 變變地 嘞 佢 話 ：
佢 ，佢去咗 西藏 ，路途 遙遠 ，呢一次 ，韋爵爺 恐怕 見唔到 佢 喇 。
韋小寶 見到 佢 有啲 支支吾吾 噉樣 ，個心 諗 ：
佢 講得 不實不盡 ，搞咩鬼 呢 ？
佢 話 ：唔知 楊兄 去 西藏 辦 咩 緊要事 呢 ？去咗 幾耐 啊 ？
誒 亦 唔 係 咩 緊要 嘅 事 嘅 ， 西藏 嘅 喇嘛 派 人 送 咗 禮物 嚟 ， 父王 就 叫 楊溢之 送回 禮返 去 ， 仲 係 前幾日 先走 㗎 啫 嘛 。
吖噉 真係 唔啱 嘞 。
送走咗 吳應熊 之後 ，佢 越 諗 就 越 覺得 呢件事情 其中 有 古怪 。
佢哋 明知 自己 同 楊溢之 交情 非常之 好嘅 ，自己 嚟到 雲南 ，噉啊 派 楊溢之 陪伴 接待 就 啱㗎啦 。
點解 遲 唔 走 早 唔 走 ， 自己 啱 啱 到 雲南 ， 吳三桂 就 派 咗 楊溢之 出門 呢 ？
嗯 ，好似 係 故意 唔 畀 佢 同 自己 見面 噉 噃 。
噉就叫咗 趙齊賢 同 張康年 兩個人 嚟 ，叫佢哋 去 同 吳三桂 父子 嘅 侍衞 飲酒 賭錢 ，設法 探聽 楊溢之 嘅 消息 。
呢晚 ，佢 同 公主 見面 ，講起 完婚 嘅 日期 已經 定咗 下個月 十六 喇 噉 。
公主 話 ：嗱 ，我 限 你 喺 婚期 之前 ，送 吳應熊 呢個 僆仔 去 見 閻羅王 啊 ，否則 我 喺 拜堂 嘅 時候 大嘈大鬧 ，點 都 唔 嫁 佢 㗎 。
韋小寶 個 心情 本來 已經 好唔好 㗎 嘞 ，聽 佢 噉樣 講 ，更加 係 火上加油 啦 ，一𨂽腳 就 行出 房門 。
公主 衝 上去 拉住 佢 隻手 ，畀 佢 出力 一捹 ，噉 就 行咗 出 房 走咗 。
公主 就 搲搲聲 咁 喊 ，佢 當 冇 聽見 啊 。
好喇 ，各位 ，欲知 後事 如何 ，且 聽 下回 分解 。
