前文 再續 啊 書 接 上 一回 啊 。
話説 馮錫范 騎 喺 馬 上 ，見到 韋小寶 ，佢 話 ：呢個 細佬哥 係 邊個 嚟 啊 ？
鄭克塽 回答 話 ：係 陳 姑娘 嘅 師弟 。
馮錫范 岌一岌頭 。
韋小寶 擔 高頭 睇下 佢 ，見 佢 容貌 瘦削 黃中發黑 ，留翻 兩撇 燕尾鬚 ，嗰 雙眼 好似 兩條 罅噉 ，十足 個 廢癆鬼 。
韋小寶 個 心 掛住 楊溢之 佢 就 話 ：
馮師傅 ，你 真係 好 本事 㗎喇 ，一陣間 唧 ，就 將 鄭公子 救咗 翻嚟 。
嗰個 蠻子 嘅 頭頭 殺咗 佢 㗎 啦 ？
馮錫范話 ：咩嘢 蠻子 ，假扮嘅 。
韋小寶 個 心 一 驚 ，佢 話 ：假扮 ？噉 點解 佢哋 會 講 蠻子 話 嘅 ？
馮錫范話 ：假嘅 。
佢 不屑 同 呢個 細佬哥 講 咁多 啊 。
佢 同 鄭克塽 話 ：公子 ，你 攰 嘞 ，去 祠堂 裏 便 休息 一陣 先 啦 。
阿珂 又 掛住 師父 ，佢 話 ：就怕 師父 瞓醒 唔見咗 我 着急 啊 。
韋小寶 話 ：我哋 快啲 返去 啦 。
阿珂 望住 鄭克塽 ，個心 呢 ，望佢 一齊 去 嘅 。
鄭克塽話 ：師父 ，不如 大家 去 客店 食 啲 嘢 ，再 好好 瞓翻 一覺 啦 。
喺 路上 ，韋小寶 問 鄭克塽 脱險 嘅 經過 。
鄭克塽 當然 猛吹 師父 點樣 使得 啦 ，噉 幾招 之內 ，就 將 班 蠻子 啊 殺散 晒 喇 。
韋小寶 問 清楚 蠻子 頭頭 冇 死到 ，噉 就 放心 嘞 。
眾人 去到 客店 ，都 天光 嘞 ，九難 早就 起咗 身 。
佢 估到 阿珂 會 拉埋 韋小寶 去 救 鄭克塽 嘅 ，所以 唔見 咗 佢 兩個 呢 亦 不以為意 。
鄭克塽 佢哋 嚟到 喇 ，介紹 馮錫范 同 佢 相識 。
九難 見 佢 一副 無精打采 嘅 樣 ，但係 偶然 擘開 雙眼 ，卻係 神光炯炯 ，個 心 諗 ：
此人 號稱 一劍無血 ，睇嚟 係 名不虛傳 ，武功 實 咗 使得 㗎 。
食完早飯 ，九難 話 ：鄭公子 ，我哋 師徒 有 啲 事 要 做 啊 ，我哋 要 分手 嘞 。
鄭克塽 打個 特 ，非常 失望 啊 佢 話 ：
難得 有緣 拜見 師太 ，正係 想 多多 請教 嘅 。
唔知 師太 要 去 邊處 呢 ？晚輩 橫掂 冇事 ，就 搭 個 伴 一齊 行 啦 。
九難 擰 下個 頭話 ：出家人 好多 唔方便 嘅 。
講完 ，帶住 阿珂 同 韋小寶 就 上車 起行 喇 。
鄭克塽 茫然 失措 ，唔出得聲 。
阿珂 當堂 啊 眼都紅 咗 ， 爭 啲 喊 出聲 啊 。
韋小寶啊 出力 板起 塊面 ，喺 個 心處 啊 禱告 ：師父 長命百歲 ，多福多壽 ，阿彌陀佛 ，菩薩 保佑 。
佢 問 ：師父 ，我哋 去 邊處 啊 ？
九難話 ：去 北京 。
過咗一陣 ，佢 冷冰冰 噉 話 ：
嗰個 姓 鄭 嘅 如果 跟住嚟 ，邊個 都 唔准 理 佢 。
邊 一個 唔 聽話 我 就 殺咗 嗰個 姓 鄭 嘅 。
阿珂 吃咗 一驚 啊 佢 問 ：師父 ，點解 啊 ？
九難話 ：冇咩點解 ，我 鐘意 清靜 ，唔鐘意 人哋 啰嗦 。
阿珂 唔敢 再 問 嘞 。
過咗一陣 ，忽然間 想起 一件事 佢 就 問 ：
如果 師弟 同 佢 講 嘢 呢 ？
九難話 ：我 一樣 殺咗 鄭公子 。
韋小寶 點 都 忍唔住 喇咭咭聲 咁 笑起嚟 。
阿珂 話 ：師父 噉 唔 公道 嘅 ，師弟 會 特登 去 嘍 人哋 傾偈 嘅 。
九難 睩咗 佢 一眼 話 ：
呢個 姓 鄭 嘅 如果 唔 跟住 嚟 ，小寶 點 會 同 佢 講 嘢 㗎 ？
佢 同 我 糾纏不清 ，就係 死有餘辜 。
韋小寶 心花怒放 啊 ，覺得 世界上 啲 好人 ，冇人 好得過 師父 㗎 嘞 。
突然 攞起 九難 隻 手 ，喺 佢 掌心 上面 吻咗 一下 。
九難 將 隻 手 捹開 喝佢 話 ：咪 咁曳 啦 ！
但係 二十幾年 來 啊 ，從來 未 有人 同 佢 咁 親熱過 嘅 。
呢個 弟子 雖然 放肆 ，不過 就 顯示出 真情 。
個口 係 喝佢 啊 ，不過 嘴角 呢 就 帶住 微笑 嘅 。
阿珂 見到 師父 偏心 ，又 唔 知道 幾時 可以 再 同 鄭公子 相會 ，越 想 越 傷心 ，啲 眼淚 啊 噼噼啪啪 咁 流 。
幾日之後 ，三個人 又 返到 北京 嘞 ，喺 東城 搵 間 僻靜 嘅 小客店 住落 。
九難啊 去到 韋小寶 間 房 ，戌埋 道門 ，低聲 話 ：
小寶 ，你 估 我哋 又 嚟 北京 為咗 咩嘢事 呢 ？
韋小寶話 ：我 諗 ，唔係 為咗 陶阿姨 呢 ，就係 為咗 其餘 嗰 幾 部 經書 嘞 。
冇 錯 ， 係 為 咗 嗰 幾部 經書 啊 。
我 呢次 身受 重傷 ，好 有 感觸 。
一個人 無論 佢 武功 練到 咩嘢 境界 ，力量 總係 有 盡 嘅 時候 。
天下大事 ，終須要 群策群力 ，眾志 先至 能夠 成城 。
群雄 喺 河間府 開 殺龜 大會 ，我 仔細 諗過 嘞 ，就算 殺咗 吳三桂 奸賊 一個 人 ，江山 仲 喺 清廷 手 上 ，大家 不過 洩得 一時 之 憤 啫 ，又 有 咩 嘢 用 呢 ？
如果 我哋 攞齊咗 經書 ，斷咗 佢哋 龍脈 ，號召 普天下 仁人志士 共奉 義旗 ，嗰陣時 還 我 大明 江山 先 有 希望 啊 。
係 ，師父 講得 啱 。
我 再 靜養 半個月 ，內力 就 可以 完全 恢復 嘞 ，到時 ，再 去 皇宮 探聽 確實 嘅 消息 。
總要 設法 搵到 其餘 嗰 七部 經書 ，先至 係 頭等 大事 啊 。
噉啦 ，等 弟子 混入 去 皇宮 先 ，豎起 隻 耳仔 ，畀 心機 探聽 ，講唔定 天公 保佑 ，會 聽到 啲 咩 嘢 線索 都 唔 定 㗎 。
你 聰明機警 ，或者 能夠 辦成 呢件 大事 嘅 ，呢一件 大功勞 。
講到 呢處 ，長長 歎 一口氣 ，啲 眼神 裏 便 都 係 鼓勵 嘅 意思 。
韋小寶 衝動 起嚟 ，佢 真係 想 吐露 真情話 ，另外 五部 經書 啊 都 喺 弟子 處 啊 噉 。
但係 跟住 轉念 一諗 ：小玄子 同 我 係 過命 嘅 交情 ，我 如果 一味 幫住 師父 ，毀咗 佢 嘅 江山 ，使到 佢 做唔成 皇帝 ，噉 就 太過 冇義氣 啦 。
九難 見到 佢 有 啲 遲疑 ， 以 為 佢 擔心 唔 能夠 成功 ， 就 話 ：
呢件事 本來 好難 話實 成功 嘅 ，總之 大家 盡心竭力 就係 嘞 。
呢啲 叫做 謀事 在人 ，成事 在天 啊 。
唉 ，亦唔 知道 朱家 係 氣數 已盡 呢 ，定係 興復 有望 嘞 ？
呢幾十年來 ，我 早就 萬念俱灰 塵心 已 斷 。
想 唔 到 遇到 你 同紅英 之後 ， 我 本來 唔 想理 國家 大事 嘅 ， 但 係 國家 大事 ， 又 偏偏 搵 到 我 。
師父 ， 你 係 大明 公主 ， 呢 個 江山 本來 係 你 哋 嘅 ， 噉 畀 人 哋 搶 咗 去 ， 梗 係 要 搶 翻返 嚟 啦 。
噉亦唔淨止係我哋一家人嘅事 ，我屋企嘅人 差唔多 都 死晒 嘞 。
九難 摸 下 韋小寶 個 頭 ，佢 話 ：
小寶 ，呢啲 事 千祈 唔能夠 喺 你 師姐 面前 洩漏 半句 啊 。
韋小寶 岌頭 應承咗 佢 ，個心 諗 ：
師姐 咁 美麗 可愛 ，不過 師父 呢 就 唔係 點 喜歡 佢 ，唔知 點解 呢 ？
睇嚟 ，實係 因為 佢 唔會 托 師父 大腳 啦 。
話説 第 日 一 早 ，韋小寶 就 入 宮 去 叩見 皇帝 嘞 。
康熙 啊 歡喜 到 咩嘢 噉 ，拉住 佢 隻手 笑住 話 ：豈有此理 ，點解 今日 先 返嚟 啊 ？我 日日 喺度 等 你 啊 。
我 以前 一直 擔心 ，怕 你 畀 嗰個 師姑 捉咗 去 命仔 保唔住 。
前日 聽到 多隆 回奏 ，話 見到 你 喇 ，我 噉 先至 放心 咋 。
你 點樣 脱 點㗎 ？
韋小寶 話 ：多謝 皇上 掛心 ，又 派咗 御前侍衞 嚟 搵 奴才 。
嗰個 師姑 啊 ，初初 好嬲 啊 對 我 拳打腳踢 ，噉 我 話 ，皇上 係 腰腎魚湯 ，係 好好 嘅 皇帝 ，唔 殺得 㗎 。
噉佢 又 講咗 好多 大逆不道 嘅 説話 。
我 讚 你 一句 ，佢 就 摑 我 一巴 ，噉 收尾 我 唔肯 吃 眼前 虧 啦 ，唯有 唔出聲 嘞 。
你 畀 佢 打死 咗 亦 係 白死 㗎啫 。
呢個 師姑 到底 係 咩嘢 來歷 呢 ？
佢 嚟 行刺 ，係 受 咗 邊個 指使 㗎 ？
佢 受 邊個 指使 呢 奴才 就 唔知 喇 。
嗰陣時 ，佢 捉住 我 ，用 條 繩 綁住 我 雙手 好似 玩 馬騮 噉 拉住 行 。
皇上 ， 我口 雖然 唔 敢鬧 咋 噃， 喺 個 心 處 啊 ， 我 將 佢 十七八代 祖宗 鬧 到夠 啊 。
噉啊梗係啦 ，邊度 有 唔鬧 㗎 ？
噉佢 拉住 我 行咗 幾日 ，幾次 想 殺 我 ，哈 好彩 半路 呢 遇到 一個 人 。
呢個人 同 奴才 有 啲 交情 嘅 ，幫 我 講咗 好多 好話 ，噉 嗰個 師姑 先至 唔 打 我 咋 。
嗰個 邊個 啊 ？
呢個人 姓 楊 ，係 平西王 世子 手下 嘅 衛士 頭頭 。
康熙 好感興趣 啊 佢 問 ：
係 吳三桂 嗰個 嘢 手下 啊 ？噉 點解 佢 會 幫 你 講 好話 啊 ？
其實 係 出於 皇上 嘅 恩典 嘅 。
嗰次 雲南 沐家 嘅 人 入 宮 嚟 搗亂 ，想 陷害 吳三桂 ，噉 大家 都 信 啦 。
但係 皇上 英明 無比 ，識穿 佢哋 嘅 陰謀 。
皇上 派 我 向 吳三桂 嘅 仔 傳諭 ，噉 嗰個 姓 楊 嘅 ，就係 嗰次 識得 奴才 嘅 。
哦 ，原來 係 噉嘅 。
韋小寶 入 宮 之前 呢 ，早就 諗定 成肚 大炮 㗎 喇 。
而家 又 猛車 嘞 喎 ，佢 話 ：嗰個 姓 楊 嘅 叫做 楊溢之 。
同嗰個師姑 講起 沐家 呢件事 ，話 皇上 年紀 雖然 係 輕唧 ，不過 見識 呢 就 叻過 腰腎魚湯 ，講到 聰明智慧 啊 ，簡直 就係 神仙菩薩 下凡 啊噉 。
個 師姑 啊 將 信 將疑 ，噉 對 我 呢 就 看得 冇 咁 緊 嘞 。
有 一 晚 ，楊溢之 同 師姑 喺 房間 傾偈 ，我 啊 詐瞓 偷聽 嘞 噃 。
原來 呢個 師姑 嚟 行刺 皇上 ，果然 係 有人 主使 嘅 。
係 吳三桂 。
韋小寶 整成 好驚奇 噉 話 ：原來 皇上 早就 知道 㗎 喇 ？係咪 多隆 稟奏 㗎 ？
唔係 ，吳三桂 嘅 衛士 頭目 識得 呢個 師姑 ，同 佢 鬼鬼祟祟 噉 商量 ，仲 會 有 咩 嘢 好事 吖 ？
韋小寶 又 驚 又 喜 ，跪低 叩頭 話 ：
皇上 ，我 跟 你 辦事 係 真係 痛快 㗎 喇 。
咩嘢事 你 都 好似 一估就中 噉嘅 ，都 唔使 我 講 。
我哋 呢一世 啊 ，真係 萬事大吉 ，永遠 都 唔會 輸 畀 人哋 啊 。
呵呵呵呵呵 ，起身 ，起身 。
上次 喺 五台山 清涼寺 亦 夠 危險 㗎 嘞 ，如果 唔係 你 拼死 喺 我 前 便 一擋 ，呢嗰 奸賊 嘅 陰謀 已經 得逞 嘞 。
康熙 記起 當日 白衣尼 嗰 一擊 ，好似 雷鳴 閃電 噉 ，仲係 不寒而慄 啊 。
韋小寶 話 ：其實 嗰個 師姑 一劍 刺過嚟 啊 ，你 身手 敏捷 ，當然 會 使 一招 孤雲出岫 避開 佢 。
你 跟住 反手 一招 仙鶴 梳翎 ，打 喺 嗰個 師姑 膊頭 ，佢 非 大叫 投降 不可 嘅 。
不過 我 又 怕 傷咗 你 ，一時 糊塗 起上嚟 ，只係 想到 要 擋住 喺 你 前便 ，代 你 受咗 呢 一 劍 啫 。
唉 皇上 一身 功夫 冇 機會 施展 ，喺 少林 和尚 面前 出 下 風頭 真係 可惜 嘞 。
康熙 哈哈大笑 。
佢 知道 當日 如果 唔係 韋小寶 噉樣 一擋 ，自己 係 實 畀 白衣尼 刺死 嘞 。
呢個 細路 咁 忠心 ，而且 呢 又 唔 居功 噃 ，真係 難得 。
佢 話 ：你 小小年紀 ，官 ，已經 做得 夠 大 喇 ，等 你 大 多 幾 歲 啦 ，再 升 你 嘅 官 。
嗯 ，我 亦 唔 想 做 大官 嘞 ，只係 望 時時 同 皇上 辦事 ，唔 激嬲 你 ，噉 我 就 心滿意足 喇 。
康熙 拍下 佢 膊頭 話 ：好極嘞 。
你好好噉 同我 辦事 ，我 只有 歡喜 嘅 啫 點 會 嬲 㗎 ？
係 嘞 ， 嗰 個 姓 楊 嘅 同 嗰 個 師 姑 仲 講 啲 乜嘢 添 啊 ？
韋小寶 話 ：楊溢之 啊 不斷 咁 勸 嗰個 師姑 ，講咗 皇上 好多 好多好處 。
佢 話 ，吳三桂 對 佢 父親 有 恩 ，佢 父親 臨死 嘅 時候 呢 ，囑咐 佢 要 保護 吳三桂 。
但係 吳三桂 呢 ，一心一意 想 做 皇帝 ，大逆不道 。
噉 將來 事情 敗露 ，大家 都 要 滿門 抄斬 嘅 。
嗰 個 師 姑 話 ， 佢 全家 都 畀 滿 ， 誒 滿 ， 誒 都 畀 我 哋 滿洲 人 殺死 咗 咯 ， 吳三桂 又 對 佢 咁 客氣 。
噉佢嚟行刺 ，一來 係 畀面 吳三桂 啦 ，二來 係 為 自己 爹娘 報仇 。
佢 屋企人 早就 死 清光 嘞 ，亦 唔 怕 咩 滿門 抄斬 喎 。
康熙 岌一岌頭 ，韋小寶 又 話 ：
楊溢之 又 話 啊 ， 皇上 待 百姓 好好 嘅 ， 如果 ， 如果 害 咗 你 ， 噉 吳三桂 做 咗 皇帝 ， 佢 自己 雖然 可以 做 大官 、 做 大將軍 啊 ， 但 係 天下 百姓 呢 就要 捱苦 咯 。
嗰個 師姑 心腸 好 軟 嘅 ，噉 講究 啲 咩 嘢 慈悲 啊 噉 ，諗咗 好耐 佢 就 話 ，佢 嘅 説話 好 啱 ，呢 件 事 呢 佢 決定 唔 做 喇 。
噉 兩個 人 商商量量 ，話 吳三桂 如果 再 派 人 嚟 行刺 ，佢 兩個 呢 ，暗中 就 殺 咗 嗰個 刺客 噉 話 啊 。
康熙話 ：呢 兩 個 人 倒是 深明 大義 噃 。
韋小寶 話 ：不過 楊溢之 話 另外 有 件事 都 幾 惡搞 嘅 。
又 有 咩 古怪 啊 ？
佢 兩個人 細細聲 傾咗 好多 嘢 ，我 就 唔係 點 明白 嘞 。
只係 聽到 一味 話 咩 延平郡王 ，台灣 鄭家 乜嘢 噉 ，好似 吳三桂 話 要 同 一個 姓 鄭 嘅 平分 天下 。
康熙 企起身 ，大聲話 ：原來 呢個 嘢 同 台灣 嘅 反賊 暗中 亦 有 勾結 嘅 。
韋小寶 問 ： 台灣 鄭家 係 乜 鬼 嘢 龜 蛋 啊 ？
康熙話 ：嗰 姓 鄭 嘅 反賊 盤踞 台灣 ，不服 王化 ，因為 遠 在 海外 一時 唔 容易 平定 唧 。
韋小寶 整成 恍然大悟 噉話 ：哦 ，原來 係 噉嘅 。
嗰陣時 呢奴才 越聽越嬲嘞 ，個心 諗 ：呢個 江山 係 皇上 嘅 ，佢 姓 吳 姓 鄭 嘅 係 乜鬼嘢 啊 ，有膽 想 嚟 平分 皇上 嘅 天下 ？
噉 楊溢之 話 ，台灣 嗰個 姓 鄭 嘅 派 佢 第二 個 仔 ，叫做 鄭克 ，吖 鄭克 。
鄭克塽 。
係 ， 係 ， 啊 皇上 咩 嘢 都 知道 嘅 。
康熙 微微 笑 唔 出聲 。
佢 近年來 一直 喺度 籌劃 將 台灣 收歸 版圖 ，鄭家 父子 兄弟 ，以及 台灣 嘅 軍政 大事 、兵將 海船 等等 嘅 情形 ，早就 打聽 得 清清楚楚 咯 。
韋小寶 話 ：鄭克塽 最近 去 咗 雲南 ，同 吳三桂 商量 咗 大半 個 月 。
康熙 勃然 變色 啊 佢 話 ：有 噉嘅 事 ？
台灣同 雲南 兩 笪 地方 原來 係 佢 最大 嘅 隱憂 ， 想 唔 到 鄭吳 兩個 人 ， 竟然 會 勾結 密謀 。
鄭克塽 去 雲南 嘅 事 直到 而家 先至 知道 。
韋小寶話 ：台灣 有 個 武功 好高 個 傢伙 ，噉 一路 保護 鄭克塽 嘅 。
呢個 傢伙 姓 馮 ，叫做 咩嘢 一劍出血 。
康熙話 ：一劍 無血 馮錫范 。
佢 同 劉國軒 、陳永華 三個人 ，號稱 台灣 三虎 。
韋小寶 聽見 皇帝 提到 師父 個 名 ，個心 一震 佢 話 ：
係 ， 係 ， 係 一劍 無血 馮錫范 啊 。
楊溢之 話 ， 台灣 呢 三隻 老虎 之中 呢 ， 陳永華 係 個 好人 ， 馮錫范同 另外 嗰 個人 呢 就 係 壞蛋 。
陳永華 唔肯 做 反叛 皇上 嘅 事情 吖嘛 ，不過 佢 一隻 老虎 ，頂唔住 其餘 嗰 兩隻 老虎 呢 。
佢 喺 康熙 面前 就 猛 講 九難 、楊溢之 、陳近南 三人 嘅 好話 ，你 話 將來 三個人 萬一 畀 清廷 捉住 ，而家 有 咗 伏筆 嘞 ，噉 救起 上嚟 就 容易 啲 嘞 。
康熙 擰頭 話 ：噉 亦 未必 ，陳永華 比起 另外 兩隻 老虎 更加 厲害 得多 啊 。
韋小寶話 ：噉 楊溢之 同 嗰個 師姑 又 話 ，江湖上 啊 有 好多 吳三桂 嘅 對頭 ，喺 河間府 聚會 ，開 一個 殺龜 大會 ，商量 點樣 殺咗 吳三桂 。
嗰個 鄭克塽 同 馮錫范 呢 要 混入 去 大會 打聽 消息 ，然後 去 通知 吳三桂 。
佢哋 越 講 就 越 細聲 ，我 聽咗 好耐 都 聽唔清 ，好在 佢哋 唔係 想 害 皇上 嘅 ，所以 就 唔去 理 佢哋 咁多 嘞 。
收尾 我 真係 瞓着咗 。
皇上 ，奴才 呢件事 呢 有 啲 貪懶 喇 ，不過 嗰陣時 實在 攰到 要死 。
半夜 ， 楊溢之 靜靜 嚟 嗌 醒 我 ， 解開 我個 穴道 ， 話 嗰 個 師 姑 呢 喺 度 打坐 練功 ， 叫 我 鬆 人 喎 ， 噉 我 唔 係 甩身 囉 。
嗯 ，呢個 姓 楊 嘅 都 仲 有 良心 。
噉咪係 ，將來 皇上 誅殺 吳三桂 嘅 時候 ，楊溢之 啊 仲要 請 皇上 開恩 ，放生 佢 啊 。
如果 佢 能夠 立功 ，我 不但 放生 佢 ，仲有 封賞 添 。
係喇 ，喺 殺龜 大會 上 仲 聽到 啲 咩嘢 啊 ？
佢哋 每一 省 推舉 一個 盟主 。
鄭克 塽 啊 做 咗 福建省 嘅 盟主 ， 好似 將 福建 、 廣東 、 浙江 、 陝西 啊 噉 ， 都劃 埋 畀 佢 鄭家 啊 。
康熙 微微 一笑 個 心諗 ：小桂子 搞錯 定 嘞 ，實係 江西 唔係 陝西 。
佢 雙手 擺 喺 背後 ，喺 書房 踱嚟踱去 來來回回 行 咗 十幾 趟 。
突然 佢 話 ：小桂子 ，你 敢唔敢 去 雲南 啊 ？
韋小寶 吃咗 一驚 ，呢一下 大出意料之外 啊 佢 問 ：
皇上 派 我 去 吳三桂 嗰度 探聽 消息 啊 ？
康熙 岌一岌頭 ，佢 話 ：呢件事 係 有啲 危險 嘅 ，不過 你 年紀 細 ，吳三桂 唔會 點樣 提防 。
楊溢之 又係 你嘅 朋友 ，實會 照顧 你嘅 。
韋小寶 話 ：係 ，皇上 啊 ，我 唔係 怕 去 雲南 啊 ，不過 啱啱 回宮 ，都 冇 見 你 幾多 日 唧 ，又 要 離開 你 嘞 ，真係 唔捨得 啊 。
我 個 心 都 係 噉樣 諗 ，唉 可惜 我 做咗 皇帝 ，唔能夠 隨便 想 去 邊處 就 去 邊處 唧 ；
否則 我哋 兩個 一齊 去 雲南 ，我啊 揪住 吳三桂 嘅 鬍鬚 ，你 捉住 佢 雙手 ，一齊 問 佢 ：叉叉叉 吳三桂 你 嘩 ，投唔投降 啊 ？你 話 幾 過癮 呢 。
韋小寶 笑住 話 ：嘿噉 真係 妙 啊 。
皇上 ，你 唔能夠 去 雲南 吖 ，等 我 去 呃 吳三桂 嚟到 皇宮 ，我哋 再 揪 佢 鬍鬚 你 話 好唔好 啊 ？
康熙 哈哈大笑 佢 話 ：好係極之好喇 ，就怕 呢個 嘢 老奸巨猾 唔肯 上當 唧 。
啊小桂子 ，我 想到 個 法子 嘞 ，令 佢 唔會 思疑 嘅 。
皇上 神機妙算 ，一定 高明 到 極 喇 ，點啊 ？
我哋 將 建寧 公主 嫁 畀 佢 個 仔 ，結成 親家 ，佢 就 一啲 都 唔會 防備 嘞 。
嗱 各位 ，欲知 後事 如何 ，且 聽 下回 分解 。
