前 文 再續 啊 書 接上 一回 啊 。
話 説 韋小寶 審問 元義方 ， 真 係 問 一句 元義方 啊 答 一句 ， 果然 毫無 隱瞞 啊 。
原來 王屋派 掌門人 司徒伯雷 ， 本來 係 明朝 嘅 一名 副將 ， 隸屬 山海關 總兵 吳三桂 部下 。
佢 一直 抗拒 清兵 入侵 ， 驍勇善戰 ， 立 咗 幾多 戰功 嘅 。
收尾 李自成 打破 北京 ， 吳三桂 啊 引 清兵 入關 ， 司徒伯雷 帶兵 同 李自成 部 作戰 ， 奮勇 殺敵 ， 攻佔 翻 北京 。
當時 佢 以 為 清兵 入關 ， 係 為 崇禎 皇帝 報仇 啫 ， 點 知道 清兵 乘機 佔據 咗 漢人 嘅 江山 ， 吳三桂 啊 做 咗 大 漢奸 。
司徒伯雷 嬲 到 不得了 ， 即刻 棄官 唔 做 喇 ， 去 王屋山 隱居 。
佢 舊時 嘅 部屬 都 幾多 唔 願意 投降 清朝 嘅 ， 都 嚟 晒 王屋山 居住 嘞 。
司徒伯雷 嘅 武功 好 高強 ， 得閒 就 用 武功 傳授 舊部 ， 噉 時間 一長 呢 ， 自然而然 噉 啊 成 咗 個 王屋派 。
佢 係 先 有 師徒 再有 門派 嘅 ， 同 其他 嘅 門派 都 唔 同 。
噉 講起 司徒伯雷 個名 ， 張康年 都 聽 過 嘅 。
元義方 話 嗰 個 帶頭 嘅 青年 ， 係 司徒伯雷 個 仔 司徒鶴 。
噉 其餘 嘅 有 啲 係 同門 師兄弟 ， 有 幾個 年長 嘅 呢 ， 就 叫 佢 哋 做 師 叔 。
嗰 個 少女 叫做 曾柔 ， 佢 父親 係 司徒伯雷 嘅 舊部 ， 已經 喺 幾年 之前 過 咗 身 嘞 ， 臨終 嘅 時候 ， 叫 佢 拜 司徒伯雷 做 師父 。
佢 哋 最近 得到 消息 ， 吳三桂 個 仔 吳應熊 嚟 咗 北京 ， 司徒 掌門 就 派 佢 哋 嚟 同 佢 見面 。
路過 呢 度 見到 清兵 軍營 ， 司徒鶴 少年 好事 就 偷偷 入 嚟 窺探 。
見到 眾 人 喺 度 賭錢 ， 噉 啊 想 逳 手 搶劫 。
佢 其實 呢 就 唔 係 志在 錢財 嘅 ， 係 想 殺 一殺 清兵 嘅 氣焰 嘅 啫 噉 。
韋小寶 問 佢 話 ： 你 哋 去 見 吳三桂 個 仔 做 咩 啊 ？
元義方 話 ： 師父 吩咐 ， 叫 我 哋 想法子 捉住 佢 去 王屋山 ， 要 嚟 威脅 吳三桂 ， 逼 佢 ， 嗯 ， 逼 佢 。
點啊 ？ 逼 佢 做 反 啊 ？
係 ， 係 師父 講 嘅 ， 誒 同 小人 冇 關係 㗎 。
小人 忠於 大清 ， 決 唔 敢 造反 。
小人 今日 同 王屋派 一刀兩斷 ， 就 係 唔 肯 跟隨 逆黨 ， 棄暗投明 ， 陣前 起義 啊 。
韋小寶 一腳 踢過去 ， 笑 住 鬧 佢 話 ： 你 阿爺 吖 ， 你 係 個 大 義士 啊 。
元義方 一 啲 都 唔 避開 ， 捱 咗 佢 一腳 話 ： 係 ， 係 ， 誒 全靠 將軍 大人 栽培 。
小人 今後 同 將軍 大人 做奴 做 僕 ， 忠心耿耿 ， 赴湯蹈火 ， 在所不辭 啊 。
韋小寶 諗 住 對方 一下 殺 咗 三名 御前 侍 衞 ， 自己 就 放走 咗 司徒鶴 同 曾 柔 一班人 。
佢 怕 張康年 呢 班 侍 衞 唔 服 ， 至少 都 會 怪 老子 擲 骰 仔太過 唔 好運 啦 。
而家 呢 件 案 ， 噉 啊 總要 畀 啲 好處 過 大家 至 得 嘅 。
佢 沉吟 咗 一陣 ， 有 咗 主意 喇 。
佢 出力 一拍 張 枱， 喝 元義方 話 ：
你 呢 個 大膽 反賊 吖 ， 明明 你 係 同 吳三桂 勾結 ， 造反 作亂 ， 你 又 話 要 綁架 佢 個 仔 ？
你 得到 吳三桂 幾多 好處 啊 同 佢 隱瞞 添 ？ 你 個 王八蛋 。
嚟 人 喇 ， 同 我 出力 啲 打 佢 。
喺 帳 外 有 七八名 軍士 入 嚟 ， 將 元義方 撳住 喺 地 ， 一輪 軍棍 ， 打 到 佢 皮開肉綻 。
韋小寶 話 ： 你 招 唔 招 啊 ？
你 話 要 去 綁架 吳三桂 個 仔 ， 點解 走 嚟 我 哋 軍營 殺害 御前 侍 衞 吖 ？
御前 侍 衞 同 驍騎 營 ， 都 係 皇上 最 親信 嘅 人 ， 你 哋 得罪 咗 御 前 侍 衞 同 驍騎 營 ， 就 係 唔 畀 面 皇上 。
張康年 、 富春 等 人 一 聽 ， 個心 好 舒服 ， 就 一齊 出 聲 威嚇 元義方 嘞 。
韋小寶 話 ： 呢 個 傢伙 花言巧語 ， 講 大話 嚟 呃 人 喎 。
呢 啲 反賊 啊 唔 打 邊度 有 真話 㗎 ？ 再同 我 打 。
眾 軍士 撳住 元義方 又 打 。
元義方 大叫 啊 ： 唔 好 打 喇 ， 唔 好 打 喇 ， 小人 願招 啊 。
韋小寶 問 ： 你 哋 喺 王屋山 上面 住 嘅 ， 總共 有 幾多 人 啊 ？
元義方 話 ： 誒 ， 誒 ， 總共 有 四百 幾人 。
連埋 家人 呢 ？
都 有 二千 幾 人 嘅 。
你 死 啦 你 ， 邊度 有 咁 少 㗎 ？ 同 我 打 ！
誒 誒 誒 ， 唔 好 打 ， 唔 好 打 ， 誒 有 ， 誒 誒 有 ， 有 四千 ， 誒 五千 幾 人 嘅 。
你 嘅 死人頭 嘩 ， 講 説 話 都 唔 爽爽快快 嘅 ， 九千 就 係 九千 ， 點解 話 四千 五千 分開 嚟 講 啊 。
係 ， 係 ， 係 ， 誒 有 九千 幾人 。
你 哋 呢 啲 反賊 ， 邊度 有 真話 講 㗎 ？ 話 九千 幾人 喎 ， 至少 就 有 一萬九千 。
嘭 一聲 ， 喺 枱面 一拍 ， 喝 佢 話 ：
喺 王屋山 聚眾 造反 嘅 ， 到底 有 幾多 人 ？
元義方 啊 聽 出 韋小寶 嘅 口氣 嘞 ， 人數 講得 越 多 ， 佢 就 越 鐘意 ， 佢 話 ：
聽講 ， 聽講 總共 有 三萬 幾人 啊 。
韋小寶 噉 就 歡喜 喇 ， 佢 話 ： 係 咯 ， 噉 就 差 唔 多 啦 。
佢 擰 轉頭 向 住 參領 富春話 ： 呢 啲 噉 嘅 衰 人 啊 ， 唔 打 唔 招 㗎 。
富春話 ： 冇 錯 嘞 ， 仲要 出力 啲 打 。
元義方 叫 喇 ： 唔 使 打 喇 ， 唔 使 打 喇 ， 將軍 大人 問 咩 嘢 ， 小人 招 咩 嘢 就 係 啦 。
佢 早就 打 定 咗 主意 喇 ， 總之 係 順住 呢 個 小 將軍 口風 ， 以免 皮肉 受苦 啊 。
韋小寶 話 ： 你 哋 呢 三萬 幾人 ， 個個 都 練武藝 嘅 係 唔 係 啊 ？
先頭 嗰 個 小姑娘 ， 先至 係 十五六歲 啫 ， 亦 都 練 咗 武藝 。
你 哋 都 係 吳三桂 嘅 舊部 ， 有 啲 年輕 嘅 ， 係 佢 部下 將領 嘅 仔 女 係 唔 係 啊 ？
係 ， 係 ， 大家 都 ， 誒 都 會 武藝 ， 都 係 吳三桂 嘅 舊部 。
你 哋 嘅 首領 司徒伯雷 ， 以前 係 吳三桂 嘅 愛將 ， 打仗 好 厲害 嘅 係 唔 係 啊 ？
佢 話 要 將 我 哋 滿洲 人 都 殺 清光 噃 吓 。
誒 呢 呢 啲 係 佢 大逆不道 嘅 説 話 ， 誒 非常 ， 非常 唔 啱 㗎 。
佢 派 你 哋 去 北京 見 吳三桂 個 仔 ， 商量 點樣 造反 ， 噉 點解 唔 去 雲南 同 吳三桂 當面 商量 呢 ？
誒 誒 ， 誒 恐怕 ， 誒 恐怕 另外 有 其他 原因 啦 。
其實 佢 哋 只 係 要 綁架 吳應熊 唧 ， 所以 對 韋小寶 呢 句 説 話 就 唔 容易 回答 。
韋小寶 話 ： 混 你 個 賬 ， 咩 仲有 其他 原因 啊 ？
你 哋 嗰 個 司徒伯雷 自己 早就 去 雲南 ， 同 吳三桂 乜嘢 都 講好 晒 㗎 喇 係 唔 係 啊 ？
誒 好好 ， 好似 誒 ， 好似 係 嘅 。
咩 好似 唔 好似 唧 ， 係 就 係 ， 唔 係 就 唔 係 。
誒 誒 啊 係 ， 係 嘅 ， 誒 去 去 去 ， 去過 㗎 。
張康年 、 趙齊賢 、 富春 三個 人 ， 聽住 韋小寶 一路 噉 指引 ， 漸漸 漸漸 將 一件 造反 陰謀 嘅 大 逆 案 ， 攀到 平西王 吳三桂 嘅 頭上 。
不由得 你 睇 我 我 睇 你 ， 唔 知 佢 係 咩 嘢 用意 噃。
韋小寶 又問 嘞 ： 司徒伯雷 係 吳三桂 嘅 愛將 ， 帶住 呢 三萬 幾 精兵 點解 唔 駐 扎 喺 雲南 ？
豈有此理 ， 王屋山 喺 咩 地方 啊 ？
佢 諗 ： 如果 王屋山 亦 喺 雲南 ， 噉 樣問 就 唔 啱 㗎 嘞 。
好 在 元義方 回答 話 ： 喺 河南省 濟源 縣 。
但 係 韋小寶 亦 唔 知道 河南省 濟源 縣 喺 邊 處 嚟 ， 佢 問 ：
嗰 度 離 北京 好 近 嘅 係 咪 啊 ？
誒 亦 唔 算 好 遠 。
死 啦 你 ， 好近 就 係 好 近 ， 咩 叫做 唔 算 好 遠 啊 ？
誒 誒 係 ， 係 ， 好近 ， 好近 。
好 嘩 ， 嗰 度 離 北京 好 近 嘅 。
你 哋 呢 啲 反賊 吖 用意 真 係 惡毒 嘞 ， 喺 京城 附近 山裏 便 埋伏 落 一支 精兵 。
吳三桂 喺 雲南 一 造反 ， 你 哋 即刻 就 喺 山裏 便 殺出 嚟 直撲 北京 。
將我 哋 呢 啲 御 前 侍 衞 、 驍騎 營 親兵 ， 一個個 斬瓜 切菜 ， 殺到 血流成河 、 尸積 如 山 、 沙塵 滾滾 、 屁滾尿流 係 咪 吖 ？
元義方 猛 咁 叩頭 話 ： 誒 ， 呢 啲 係 吳三桂 同 司徒伯雷 兩個 反賊 大逆不道 陰謀 ， 同 小人 冇 冇 冇 關係 㗎 。
韋小寶 微微一笑 個 心話 ： 你 呢 個 嘢 都 幾精 。
就 問 佢 ： 你 哋 王屋派 裏 便 喺 吳三桂 部下 當 過 軍官 兵卒 嘅 有 邊 啲 人 啊 ？ 講 ！
元義方 話 ： 誒 人數 好多 啊 。
就講 咗 好多 人 嘅 姓名 ， 呢 啲 呢 就 唔 係 捏造 㗎 喇 。
韋小寶 話 ： 好 ， 你將 呢 啲 人 嘅 姓名 都 寫 落 嚟 。
佢 哋 以前 喺 吳三桂 部下 做過 咩 官職 ， 亦 都 要 寫 清 寫楚 。
誒 誒 咦 咦 有 有 啲 小人 啊 唔 唔 唔 係 好 清楚 噃。
你 唔 清楚 係 嘛 ？ 拉落 去 再 打 三十 棍 你 就 清楚 喇 。
誒 誒 唔 好 打 唔 好 打 ， 誒 小人 誒 ， 誒 小人 都 ， 都 記得 喇 。
有個 軍士 攞 咗 紙筆 嚟 ， 元義方 就 寫 名單 。
韋小寶 見 佢 寫 咗 好 耐 都 未 寫 完 ， 唔 耐煩 喇 ， 噉 啊 對 張康年 話 ：
呢 個人 嘅 口供 叫 師爺 都 錄 低 佢 。
又 向 元義方 話 ： 你 先頭 講 嘅 口供 ， 去 同 師爺 再講 一次 ， 講得 有 啲 多 唔 清楚 嘅 斬 咗 你 嘅 頭 。
帶落 去 啦 ！
兩名 軍官 拉 咗 佢 落 去 。
韋小寶 笑 騎騎 噉 話 ： 三位 老兄 ， 我 哋 呢 次 啊 真 係 行 咗 大運 喇 ， 破 咗 呢 件 咁 大 嘅 造反 案 ， 我 哋 四個 人非 大大 升官 不可 。
張康年 等 三個 人 就 驚喜交集 。
趙齊賢 話 ： 呢 啲 係 都統 大人 嘅 明 見 英 斷 ， 屬下 有 啲 咩 功勞 吖 ？
韋小寶 話 ： 唔 係 啊 ， 見者有份 ， 人人 都 有 功勞 啊 。
張康年 話 ： 話 平西王 造犯 唔 知夠 唔 夠 證據 呢 嚱？
韋小寶 話 ： 呢 批 王屋山 嘅 反賊 要 造反 總 唔 係 假 㗎 啩？ 佢 哋 去 北京 見 吳三桂 個 仔 ， 噉 仲有 咩 好事 吖 ？
張康年 話 ： 呢 個 姓 元 嘅 講 ， 佢 哋 要 去 綁架 平西王 世子 逼 平西王 造反 吖 ， 噉 平西王 事前 恐怕 未必 同 佢 哋 有 咩 聯絡 㗎 噃。
韋小寶 話 ： 張大哥 同 平西王 府 個人 來往 密切 ， 內情 知道 好多 呢 係 唔 係 啊 ？
如果 佢 哋 造反 成功 平西王 做 咗 皇帝 ， 嘿嘿 。
張康年 聽 佢 語氣 不善 ， 大吃一驚 啊 連忙 話 ：
平西王 府 裏 便 嘅 人 ， 我 一個 都 唔 識 㗎 。
誒 ， 誒 ， 都統 大人 講得 啱 ， 吳三桂 嗰 個 嘢 大逆不道 ， 我 哋 即刻 去向 皇上 告狀 啦 。
韋小寶 話 ： 請 三位 同 師爺 商量一下 ， 睇 下 點樣 寫 呢 份 奏章 啦 。
噉 啊 張康年 等 三個 人同 軍隊 裏 便 嘅 文案 師爺 寫 好 咗 就 奏章 ， 就讀 畀 韋小寶 聽 。
內容 就 好似 元義方 嘅 招供 噉 ， 王屋山 吳三桂 舊部 各人 嘅 名單 就 附 埋 喺 後 便 。
噉 喺 奏折 裏 便 呢 加油添醬 ， 敘述 韋小寶 日頭 見到 啲 反賊 ， 夜晚 喺 軍營 裏頭 呢 ， 詐 假意 冇 防備 ， 引 敵人 嚟 偷襲 ；
班 反賊 兇悍 異常 啊 ， 韋小寶 帶住 大家 奮戰 ， 身先士卒 ， 生擒 賊魁 元逆義方 ， 知道 咗 佢 哋 嘅 逆 謀 。
噉 啊 御前 侍衛 葛通 等 三個 人 忠勇 殉國 ， 求 皇上 恩典 ， 對 三個 人 嘅 家屬 厚加 撫恤 。
韋小寶 聽 完 就 話 ： 將富 參領 同埋 張趙 兩位 侍 衞 頭領 嘅 功勞 亦 講翻 幾句 啦 。
富春 等 三個 人 就 好 高興 噉 多謝 一番 。
韋小寶 又 話 ： 再 加多 幾句 ， 話 我 哋 將 反賊 十九人 都 捉住 喇 ， 反賊 啊點 都 唔 肯 吐露 逆謀 。
我 就 依據 皇上 以前 所 教 嘅 方略 ， 故意 將 十八名 反賊 釋放 ， 噉 先至將 全部 逆謀查 得 明明白白 。
三個 人 一齊 話 ： 放走 十八名 反賊 ， 原來 係 皇上 教 嘅 方略 啊 ？
韋小寶 話 ： 噉 啊 梗 係 啦 ， 我 咁 細個 ， 邊度 有 咁 聰明 唧 ？
如果 唔 係 皇上 有 先見之明 啊 ， 呢 一件 大逆謀 點查 得出 啊 ？
韋小寶 講 嘅 呢 係 以前 康熙 叫 佢 放走 吳立身 、 敖彪 同 劉一舟 三個 人 ， 以便 查明 刺客 入 宮 嘅 真相 。
張康年 等 人 呢 ， 就 以 為 王屋派 嚟 襲擊 嘅 事 ， 皇上 早就 知道 嘞 。
噉 誣陷 吳三桂 亦 係 皇上 授意 㗎 啦 。
眼見 一場 大 富貴 啊 無 𪐀𪐀 噉 送到 埋 嚟 ， 個個 都 歡喜 異常 ， 向 韋小寶 啊 千恩萬謝 。
噉 啊 按照 清廷 規矩 ， 將軍 出征 啊 ， 如果 唔 係 奉 咗 詔書 就 唔 能夠 擅自 翻 轉頭 嘅 。
所以 雖然 韋小寶 離開 北京 不過 二十里 唧 ， 亦 都 唔 能夠 自己 回宮 向 康熙 稟奏 。
於是 就 叫 兩名 佐領 、 十名 御前 侍 衞 ， 率領 一個 牛錄 三百名 兵士 ， 漏夜 押 咗 元義方 去 奏 畀 康熙 知 。
各位 ， 八旗 兵 三百 人為 一個 牛錄 ， 牛錄 啊 大 箭 嘅 意思 嘞 ， 為 首 嘅 人 係 揸 住 大 箭 作 為 令 符 嘅 。
五個 牛錄 為 一個 甲 喇 ， 五個 甲喇為 一個 固山 。
好 喇 ， 噉 啊 言歸正傳 。
韋小寶 個 心裏 便 好 得意 啊 ： 呢 一下 搞 到 吳三桂 夠慘 㗎 喇 。
沐 王府 同 我 哋 天地會 比賽 ， 要 睇 下 邊個 鬥倒 鬥垮 吳三桂 。
老子 今日 啊 對 兩位 師父 都 立 咗 大功 ， 天地會 嘅 陳 師父 歡喜 ， 皇帝 師父 亦 必定 歡喜 嘅 。
第 日 ， 韋小寶 帶住 軍隊 慢慢 向 南行 ， 到 咗 中午 ， 兩名 御前 侍 衞 喺 北京 快馬 追住 嚟 佢 話 ：
皇上 有 密旨 啊 。
韋小寶 好 歡喜 ， 即時 召集 眾 侍 衞 、 驍騎 營眾 軍官 喺 中軍帳 接旨 。
嗰 個 宣讀 聖旨 嘅 侍 衞 企 喺 中間 ， 高聲 噉 話 ：
驍騎 營 正黃旗 副 都統 ， 兼御前 侍 衞 副 總管 韋小寶 聽住 ：
朕 叫 你 去 少林寺 辦事 ， 誰 叫 你 中途 多管閒事 ？
聽信 小人 的 胡 説 八道 ， 誣陷 功臣 ， 這樣 亂搞 ， 豈不令 藩王 寒心 ？
那些 亂七八糟 的 説 話 ， 從此 不 許再提 ， 若 有 一 言一語 洩漏 了 出去 ， 大家 提了 腦袋 回京 來見 朕 吧 。 欽此 。
韋小寶 一聽 ， 嚇 到 全身 出冷汗 ， 只有 叩頭 謝恩 嘞 。
中軍帳 內 人人 面目 無 光 。
富春 、 張康年 等 人 啊 唔 敢 多講 ， 個心 諗 ：
你 呢 個 細路 亂 咁 嚟 ， 皇上 唔 處分 你 啊 算 係 待 你 好好 㗎 喇 ， 而家 你 心情 好曳 ， 無謂 攞 板 嚟 撞 喇 。
於是 各人 辭別 就 翻出去 嘞 。
嗰 個 傳旨 嘅 侍 衞 行 去 韋小寶 身邊 ， 低聲 話 ：
皇上 吩咐 ， 叫 你 一切 小心 在意 喎 。
韋小寶 話 ： 係 ， 皇上 恩典 ， 奴才 韋小寶 感激萬分 。
就 攞 咗 四百兩 銀送 畀 兩名 侍 衞 。
等 嗰 兩個 人 走 咗 之後 佢 諗 ： 吖 唔 通 皇帝 知道 我 誣陷 吳三桂 ？
定 係 元義方 嗰 個 嘢 去 到 北京 之後 又 翻 口供 ， 話 佢 係 屈打成招 呢 ？
嗯 ， 睇 嚟 皇帝 對 吳三桂 好好 㗎 噃， 如果 要 摱冧 佢 都 唔 係 咁 容易 㗎 。
到 咗 傍晚 時分 ， 押解 元義方 嘅 侍 衞 同 驍騎 營 官兵 趕翻 上 大隊 。
韋小寶 撞 咗 呢 個 大板 ， 大家 賭錢 都 冇 興致 嘞 。
噉 一路 冇 嘢 ， 呢 一日 呢 ， 就 嚟 到 嵩山少林寺 嘞 。
住持 得到 報告 話 有 聖旨 到 ， 咪 率領 僧眾 落山 嚟 到 迎接 ， 將 韋小寶 一行 接 咗 入 去 寺裏 便 。
韋小寶 攞 出 聖旨 ， 拆開 封套 ， 由 張康年 宣讀 。
只 聽 佢 長篇大論 噉 讀 咗 好多 啊 ， 咩 嘢 法師 等 深悟 玄機 ， 早識 妙理 ， 克建嘉猷 ， 夾輔 皇畿 ；
咩 嘢 梵天 宮殿 ， 懸 日月 之 光華 ， 佛地 園林 ， 動 煙雲 之 氣息 ；
又 咩 嘢 雲繞 嵩岳 ， 鸞 回少室 ， 草垂仙露 ， 林升 佛日 ， 倬 焉 梵眾 ， 代有 明哲 等等等等 ；
跟 住讀 到 封 少林寺 住持 晦聰 ， 為 護國 佑 聖 禪師 ， 噉 啊 所有 喺 五台山 建功 嘅 十八名 少林 僧 ， 個個 都 有 封賞 。
到 最後 張康年 讀 ： 茲 遣 驍騎 營 正黃旗 副 都統 、 兼御前 侍衛 副 總管 、 欽賜 穿 黃馬褂 ， 韋小寶 為 朕 替身 ， 在 少林寺 出家 為 僧 ， 御賜 度牒 法器 ， 着 即 剃度 ， 欽此 。
前面 嗰 啲 文縐縐 嘅 駢四驪六 呢 ， 韋小寶 聽 咗 又 不知所云 ， 後 便 呢 段 説 話 就 聽得懂 嘞 ， 當堂 變 咗 面色 。
康熙 要 佢 去 五台山 做 和尚 佢 係 應承 咗 嘅 ， 不過 萬萬 估 唔 到 ， 會 叫 佢 喺 少林寺 剃度 。
呢 道 聖旨 一直 喺 佢 身邊 ， 但 係 唔 到 地頭 又 點敢 偷 拆開 嚟 睇 呢 ？
噉 就算 睇 咗 啊 ， 亦 唔 知 佢 噏 乜 東東 嘅 。
晦聰禪師 同埋 班 和尚 謝恩 。
啊眾 軍官 攞 啲 犒賞 嘅 禮物 出 嚟 分發 。
韋小寶 喺 旁邊 睇 住 ， 個心 係 冇 癮 到極 啊 。
晦聰禪師 話 ： 韋大人 代表 皇上 出家 ， 係 本 寺 嘅 殊榮 啊 。
佢 攞 把 剃刀 出 嚟 ， 佢 話 ：
韋大人 係 皇上 替身 ， 非同小可 ， 即使 係 老衲 ， 亦 唔 敢 做 你 師父 嘅 。
老衲 代 先師 收 你 為 弟子 ， 你 係 老衲 嘅 師弟 ， 法名 叫做 晦明 。
成個 少林寺 晦字 輩 嘅 ， 就 係 你 同 老衲 兩個 人 啫 。
韋小寶 到 咗 呢 個 地步 ， 唯有 含住 眼淚 ， 跪低 受 剃 嘞 。
晦聰禪師 啊 先 用 剃刀 喺 佢 頭頂 連 剃 咗 三刀 ， 跟 住 有 個 剃度 僧 ， 將 佢 頭上 本來 就 燒到 稀稀疏疏 個 頭髮 ， 剃到 清光 。
晦聰禪師 口 唸佛 偈 話 ：
少林 素壁 ， 不 以 為礙 。
代帝 出家 ， 不 以 為 泰 。
塵土 榮華 ， 昔晦 今明 。
不去 不來 ， 何損 何增 。
唸完 ，攞 咗 皇帝 嘅 御賜 度牒 ， 將 晦明 兩個 字 填落 去 。
又 帶 佢 跪拜 如來 ， 班 和尚 啊 齊宣 佛號 。
韋小寶 個心 就 鬧 嘞 ：
你 個 老 賊禿 吖 ， 十八代 祖宗 冇 陰功 啊 你 ， 你 走 嚟 剃光 老子 嘅 頭 ？
你 唸 一聲 阿彌陀佛 ， 老子 喺 個 肚 處 鬧 你 一聲 叉叉 叉 。
突然 間 悲從中來 放聲大哭 。
嗰 班 軍官 啊 都 驚 到 傻 晒 。
嗰 班 和尚 啊 喺 度 朗誦 佛號 ， 冇 個人 理 佢 。
韋小寶 喊 咗 一陣 就 冇 乜癮 嘞 ， 亦 只有 收聲 唔 喊 啦 。
晦聰禪師 話 ： 師弟 ， 本寺僧 眾 ， 係 以大覺 觀晦 ， 澄淨 華嚴 八個 字 排行 嘅 。
本師 觀證 禪師 ， 已經 喺 二十八年 前 圓寂 ， 寺裏 便 澄字輩 各憎 ， 都 係 你 嘅 師侄 啊 。
噉 班 和尚 呢 ， 順住 次序 上前 參見 ， 其中 澄心 、 澄光 、 澄通 等等 ， 都 係 同 佢 頗 有 交情 嘅 。
韋小寶 見到 一個個 白鬚 如 銀 嘅 澄 字 輩 老和尚 ， 都 稱呼 自己 做師叔 ；
淨字輩 當中 呢 ， 亦 有 唔 少 和尚 年紀 已經 好 老 㗎 嘞 ， 竟然 稱呼 自己 做師 叔祖 ；
就 係 華字 輩 嗰 班 和尚 啊 ， 亦 有 三 幾十歲 嘅 ， 參拜 嘅 時候 ， 竟然 口稱 太師 叔祖 ， 噉 啊 忍 唔 住 哈哈大笑 。
唉 真 係 又 喊 又 笑 烏蠅 打醮 ， 啲 人 見到 佢 噉 個 樣 都 笑 起 上 嚟 嘞 。
嗱 各位 ， 欲知 後事 如何 ， 且 聽 下回分解 。
