前文 再續 啊 書 接 上 一回 啊 。
話說 康熙 問 韋小寶 五台山 好唔好玩 啊噉 。
韋小寶 就 講咗 啲 五台山 上 嘅 風景 畀 康熙 聽 。
康熙 聽到 津津有味 佢 話 ：小桂子 你 去 先 ，我 冇 幾耐 就 嚟 㗎 喇 。
我哋 總係 要 想法子 迎接 父皇 回宮 至得 㗎 ，佢 老人家 如果 一定 唔肯 還俗 復位 咯 ，噉 喺 宮 裏 便 修行 ，亦係 一樣 啫嘛 。
韋小寶 擰頭 話 ：噉 都 恐怕 好難 㗎 。
忽然間 聽見 書房 外 便 有 一個 清脆 嘅 女子 聲音 叫 ：
皇帝 哥哥 ， 你 點解 仲 唔 嚟 同 我 比武 啊 ？
講完 就 嘭嘭聲 咁 打門 ，跟住 就 出力 噉 推 嘞 。
康熙 微微 笑話 ：去 開門 啦 。
韋小寶 諗 ：呢個 係 邊個 呢 ？唔通 係 建寧公主 ？
行到 門邊 ，攞咗 門戌 ，打開 道 房門 。
只見 一個 身穿 大紅 錦衣 嘅 少女 一浸 風噉 衝咗 入嚟 ，佢 話 ：
皇帝 哥哥 我 等 你好 耐喇 你 仲 唔 嚟 ， 怕 咗 我 呢 係 唔 係 呢 ？
韋小寶 見 呢個 少女 十五六歲 啦 ，瓜子口面 ，嘴唇 薄薄 ，眉目 靈動 都 幾 英俊 嘅 。
康熙 笑住 話 ：邊個 怕咗 你 唧 ？
我 睇 你 連 我 徒弟 都 打唔過 啊 ，仲 配 同 我 打 添 ？
嗰個 少女 好奇怪 話 ：你 收咗 徒弟 咩 ？佢 係 邊個 啊 ？
康熙 對住 韋小寶 眨眨眼 佢 話 ：
佢 係 我 個 徒弟 小桂子 ，佢嘅 武功 係 我 一手 教 出嚟 嘅 。
快啲 嚟 參見 師姑 建寧 公主 。
韋小寶 諗 ：真係 建寧 公主 噃 。
佢 知道 老皇爺 ，總共 生咗 六個 女 ，五個 都 夭折 ，只有 呢位 公主 養得 大唧 。
建寧公主 係 皇太后 親生 女 。
韋小寶 極之 怕 皇太后 嘅 ，平時 啊 甚少 去 慈寧宮 。
公主 呢 又 唔 嚟 皇帝 嘅 書房 ，因此 直到 今日 啊 先至 第一次 見到 佢 。
佢 聽 康熙 噉樣 講 ，知道 係 兩 兄妹 講笑 ，就 柴下 熱鬧 ，笑騎騎 噉 上前 請安 話 ：
師侄 小桂子 ， 叩見 師姑 大人 ， 師姑 萬福 金 。
建寧公主 笑咗 一笑 ，突然間 飛起 一腳 ，踢正 韋小寶 下爬 。
佢 一句 説話 都 未 講完 啊 ，下爬 突然間 捱咗 一腳 ，當堂 咬親 條 脷 ，痛到 佢 吖噉 大叫 一聲 。
一 開口 ，鮮血 惦流 。
康熙 吃咗 一驚 喇 ：你 ，你 。
建寧公主 亦 笑住 話 ：皇帝 哥哥 ，你 嘅 徒弟 功夫 咁 水 嘅 ？
我 踢 一腳 試下 佢 個 本事 啦 ，佢 竟然 避唔開 喎 。
我 睇 你 自己 嘅 武功 啊 ，亦 不過 如此 唧 。
講完 咭咭聲 咁 笑 。
康熙 安慰 韋小寶 話 ： 點啊 ？ 咬 親條 脷 啊 ？ 痛得厲 唔 厲害 啊 吓 ？
韋小寶 都 唔知 幾 嬲 啊 ，不過 佢 係 公主 ，又 點 敢 出聲 吖 ，只有 苦笑話 ：
冇咩嘢啫 ，冇冇咩嘢啫 。
因為 條 脷 受傷 啊 ，講説話 亦 講唔清楚 嘞 。
建寧公主 學 佢 講 ：冇咩嘢啫 ，冇咩嘢啫 ，條命 都 唔見咗 大半條 喇 。
咭咭聲 又 笑起上嚟 。
佢 拉住 康熙 隻 手 話 ：嚟 ，我哋 去 比武 咯 。
以前 皇太后 教 康熙 武功 嘅 時候 ，建寧公主 睇得 好 有興趣 ，就 纏着 母親 亦 要 教 佢 ，皇太后 就 教 佢 一啲 啦 。
佢 見 母親 敷衍了事 ，遠遠 唔及 教 哥哥 咁 畀心機 。
佢 個人 呢 ，又 要 強好勝 ，就 去 請 宮內 個 侍衞 教 佢 。
東學幾招 ，西學幾式 ，不過 練咗 兩三年 呢 ，吖 竟然 亦 小有成就 噃 。
前幾日 ，啱啱 學咗 幾招 擒拿手 ，噉啊 同 幾個 侍衛 試招 。
大家 梗係 讓 佢 定 啦 ，個個 裝模作樣 ，畀 小公主 啊𢴈 到 落花流水 。
佢 知道 班 侍衞 氹 佢 高興 嘅 啫 反而 唔 喜歡 ，就 去 約 皇帝 哥哥 比武 。
康熙 好耐 都 冇 同 韋小寶 過招 嘞 ，手腳 都 痕晒 ，而家 御妹 有約 唄 就 啱晒 啦 。
兩個人 喺 間 小殿 裏頭 打 ，康熙 半真半假 半讓半唔讓 ，五場 比賽 贏咗 四場 。
建寧公主 唔忿氣 嘞 ，又 要 去 母親 教 佢 。
皇太后 嘅 重傷 就 啱啱 好 精神 未 康復 ，唔 肯 教 。
噉佢 只有 再 搵 啲 侍衞 又 學咗 幾 招 擒拿手 ，就 約定 康熙 呢日 再 打 嘅 。
誰知 韋小寶 突然間 返到嚟 ，一傾起上嚟 ，康熙 早就 將 呢場 比賽 冚𠾴 唥 唔記得晒 嘞 。
佢 得到 父皇 嘅 確實 消息 ，悲喜交集 啊 心神恍惚 ，邊啲 仲 有 興致 同 妹妹 打交玩 吖 ？佢 話 ：
而家 我 有 緊要 嘅 事情 唔得閒 同 你 玩 喇 ，你 再 練 下 添 啦 ，過 幾 日 再 比 啦 。
建寧公主 皺起 眉頭 話 ：
我哋 江湖 上 英雄 比武 ，死約會 不見不散 ，你 唔嚟 赴約 ，天下 好漢 都 恥笑 你 啊 。
你 唔 嚟 比武 ，噉 就 係 認輸 嘞 噃 ？
呢啲 江湖 口吻 啊 都係 班 侍衞 教 嘅 。
康熙話 ：好好好好 ，算我 輸 就 算我 輸 。
建寧公主 武功 天下 第一 ，拳打 南山 猛虎 ，腳踢 北海 蛟龍 。
建寧公主 笑住 話 ：腳踢 北海 毛蟲 就 真 。
突然間 飛起 一腳 ，又 向住 韋小寶 踢過去 。
韋小寶 打 側 個 身 避開 ，噉 佢 呢 一 腳 呢 踢 空 咗 嘞 。
佢 睇見 皇帝 今日 唔肯 同 自己 比武 㗎喇 ，班 侍衞 呢 ，身材 咁 魁梧 ，如果 真係 打 ，自己 實 打唔過 佢哋 嘅 。
呢個 小太監 年紀 高矮 都 同 自己 差唔多 ，身手 又 好 靈活 ，攞 佢 嚟 試招 就 啱喇 ，佢 就 話 ：
好 ，你 師父 怕咗 我 ，唔敢 同 我 打 ，你 跟 我 嚟 。
康熙 向來 對 呢 個 活潑 伶俐 嘅 妹妹 好 歡喜 嘅 ， 唔 忍心 太過 掃 佢 嘅 興 ， 就 吩咐 話 ：
小桂子 ，你 去 陪 公主 玩 下 啦 ，聽日 再 嚟 侍候 啦 。
建寧公主 突然間 叫 一聲 ：皇帝 哥哥 看招 ！
揸起 兩個 拳頭 仔 鐘鼓齊鳴 ，向 康熙 兩個 太陽穴 打過去 。
康熙話 ：嚟得好 ！
舉手一格 ，跟住 轉腕 側身 ，變 一招 推窗望月 ，喺 佢 背脊 輕輕 一推 。
公主 企唔穩 ，就 舂咗 幾步 。
韋小寶 忍唔住 咭噉 笑 一聲 。
公主 老羞成怒 鬧 佢 話 ：死 太監 笑 咩 啊 你 ！
一伸手 ，揦住 佢 隻 右耳 ，將 佢 拖出 書房 。
韋小寶 如果 要 避開 佢 呢 ，公主 係 揦 佢 唔到 嘅 ，但係 畢竟 唔敢 無禮 啊 ，唯有 任得 佢 扭住 耳仔 出去 啦 。
建寧公主 扭住 佢 耳仔 一直 行過 一條 長廊 。
噉啊 書房 外 便 呢 ，有 大排侍衞 、太監 企 喺 處 侍候 嘅 ，佢哋 見到 噉樣 都 好好笑 ，不過 怕 韋小寶 個 權勢 ，邊個 都 唔敢 笑出聲 。
韋小寶 話 ：好喇好喇 ，唔該 你 快啲 放手 啦 ，你 去 邊處 我 跟住 你 去 就係 啦 。
公主 話 ：你 呢個 橫行不法 嘅 大賊頭 吖 ，今日 畀 我 捉住 咯 ，點 可以 隨便 放手 啊 ？
我 點咗 你 嘅 穴道 先至 講 。
伸出食指 ，喺 佢 心口 同 小腹 重重噉 督咗 幾下 。
佢 就 唔會 點穴 嘅 ，呢 幾下 當然 係 亂咁 督 啦 。
韋小寶 大叫 ：點 中 穴道 喇 ！
噗聲 坐 響 處 口 瞪目 呆 就 唔 逳 嘞 。
公主 又 驚 又 喜 ，輕輕 踢咗 佢 一 腳 。
韋小寶 逳 都 唔 逳 。
公主 喝 佢 話 ：起身 ！
韋小寶 仍然 唔逳 。
公主 仲 以為 自己 誤打誤撞 ，真係 點中咗 佢 穴道 ，佢話 ：我 嚟 同 你 解 穴 。用 腳 喺 佢 後腰 一 踢 。
韋小寶 諗 ：呢個 衰女 見解 唔開 我 個 穴道 仲要 再 踢 㗎 噃 。
於是 吖噉 一聲 ，跳翻 起身 佢 話 ：
公主 ，你嘅 點穴 本事 呢 真係 高明 喇 ，怕 連 皇上 都 唔 會 啊 。
你呢個小太監 好狡猾嘅 ，我 幾時 會 點穴唧 ？
但係 見 佢 咁 識 睺人 心水 ，亦都 好 歡喜 ，就 話 ：跟 我 嚟 啦 。
韋小寶 跟住 佢 ，去到 佢 同 康熙 往日 比武 嗰 間 屋 。
公主 話 ：戌住 道門 啦 ，唔好 畀 人 嚟 偷 拳學 師 啊 。
韋小寶 笑 一笑 佢 諗 ：你 呢啲 微末 功夫 ，有 鬼 嚟 偷 拳 學 師 咩 ？
於是 聽 佢 話 閂埋 道門 。
公主 攞起 門戌 ，好似 要 遞畀 佢 噉 。
突然之間 ，韋小寶 耳邊 嘭 一聲 ，頭頂 一陣 劇痛 ，就 人事不知 嘞 。
等到醒翻 ，擘開眼 ，只見 公主 笑吟吟 噉 叉住腰 企響處 ，佢 話 ：
都冇用嘅 ，學武 個人 ，講究 眼觀六路 、耳聽八方 吖嘛 。
我 打 你 呢 一下 你 點解 唔 防備 啊 ？ 仲學 咩 武功 吖 ？
韋小寶 話 ：我 ，我 。
只覺得 頭痛 欲裂 ，左眼 裏 便 啊 濕瀝瀝 ，擘唔開 ，個 鼻 啊 聞到 一浸 血腥 𡃴 ，先至 知道 啱先 畀佢 一門 戌 打到 頭破血流 啊 。
公主 一擺 門 戌 喝 佢 話 ：有種 嘅 快啲 起身 再 打 ！
呼一聲 ，又係 一門 戌 打 喺 佢 膊頭 上 便 。
韋小寶 吖噉 一 聲 跳起身 。
公主 將 門戌 打橫 一掃 ，打佢 腳骨 。
韋小寶 側身 閃開 ，伸手 去 搶 門戌 嘞 喎 。
公主 話 ：嚟得 好 ！
門戌 挑起 ，猛插 佢 心口 。
噉韋小寶又向左便避開 ，誰不知 門戌反過嚟 ，啪噉一聲 ，重重打中佢塊面 。
韋小寶 眼前 金星 亂冒 ，踉蹌 咗 幾步 。
公主 大叫 話 ：你 呢個 綠林大盜 ，非要 趕盡殺絕 不可 ！
舉起 門戌 猛力 橫掃 。
韋小寶 噼啪 一 聲 就 跌咗 喺 地 嘞 。
公主 高興 喇 ，舉起 門戌 向 佢 後腦 出力 咁 打落去 。
韋小寶 聽見 腦後 風聲 勁急 ，驚到 佢 不得了 ，將 個身 一趢 ，啪一聲 ，門戌 打 喺 地下 。
公主 大叫 一聲 哎吖噉 ，呢一下 使力 太重 啊 ，震到 虎口 痛到 不得了 。
佢 嬲 起上嚟 ，喺 佢 條 腰 處 重重 踢 一 腳 。
韋小寶 話 ： 投降 喇 投降 喇 ， 唔 打 喇 。
公主 舉起 門戌 打落去 ，呢一下 呢 就 打中 佢 小腹 ，啪噉 一聲 ，好彩 係 打中 佢 懷內 所藏 嘅 五龍令 上便 。
韋小寶 啱啱 想 跳翻起 ，又 跌翻低 。
公主 打 完 一下 又 一下 鬧 佢 話 ： 你 呢 個 死 太監 吖 ， 我要 打 你 你 敢 避開 ？
公主 嘅 氣力 雖然 唔 大 啊 ，但係 出手 毫不容情 ，好似 要 將 佢 當場 打死 噉 。
韋小寶 又 驚 又 嬲 ，就 奮力 轉身 跳起 。
公主 舉起 門戌 兜口 兜面 打過嚟 。
韋小寶 左手 一格 ，嘎 一聲 ，哎呀 ，手骨 爭啲 斷 喇 。
佢 諗 ：公主 明明 唔係 同 我 玩 嘅 ，點解 要 打死 我 呢 ？
啊係喇係喇 ，佢 受咗 皇太后 囑咐 ，要 攞 我 條命 啊 。
一想到 呢處 就 決唔能夠 任佢 打喇 。
右手 兩個 手指 雙龍 搶珠 ，向住 公主 雙眼 插過去 。
公主 哎吖 一 聲 ，退咗 一步 。
韋小寶 左腳 打橫 一掃 ，公主 噼啪 一聲 跌倒 ，大叫 話 ：死太監 你 真係 打 啊 。
韋小寶 一手 搶過 門戌 ，就要 向 佢 頭頂 打落去 。
但 係 見到 公主 雙眼 嘅 表情 又 恐懼 又 惱怒 ， 不由得 心中 一驚 嘞 ：
呢處 係 皇宮 內院 ，我 呢一 門 戌 打落去 就係 大逆不道 嘅 事 噃 ，除非 將 佢 殺咗 用 化尸粉 化咗去 啦 ，否則 後患 無窮 啊 。
就係噉樣 一遲疑 ，舉起嘅 門戌 就 打唔落去 嘞 。
公主 鬧 佢 話 ：死太監 ，拉 我 起身 啦嘛 。
韋小寶 個 心 諗 ：佢 真係 要 殺 我 都 唔係 咁 容易 嘅 。就 拉 佢 起身 嘞 。
公主 話 ：你 武功 唔 及 我 ，不過 我 唔 小心 跌 咗 一 跤 啫 嘛 。
先頭 你 已經 叫咗 投降 喇 ，點解 又 打 啊 ？
男子漢 大丈夫 ，唔守 武林 嘅 規矩 都 得 嘅 咩 ？
韋小寶 額頭 鮮血淋漓 ，搞到 睇唔到 嘢 佢 就 用 衫袖 去 抹 。
公主 笑住 話 ：你 打輸 嘞 真係 冇用 啊 。
嚟 啦 ， 我同 你 抹 下 啲 血 啦 。
喺 身邊 攞出 一條 雪白 嘅 手巾仔 行 近 幾 步 。
韋小寶 退後 一步 話 ：奴才 唔敢當 。
我哋 江湖 上 英雄好漢 ，需要 有福 同享 有難 同當 吖嘛 。
就 用 手巾仔 去 抹 佢 面上 嘅 血跡 。
韋小寶 聞到 佢 身上 一陣 幽香 ，個心 暈咗 下浪 。
呢個 時候 兩個 人 距離 好 近 ，見到 佢 嗰個 秀麗 嘅 樣 ，皮色 白嫩 個 心 諗 ：
呢個 小公主 生得 好 靚 噃 。
公主 話 ：擰轉 個 身 啦 ，等 我 睇下 你 後枕 嘅 傷 點樣 。
韋小寶 聽 佢 話 擰轉身 ，個 心 諗 ：
先頭 我 啊 多疑 嘞 ，原來 小公主 真係 玩 㗎啫 。
不過 佢 又 好勝 心切 ，出手 唔知 輕重 啫 。
公主 用 手 輕輕噉 摸 下 佢 後枕 嘅 傷口 笑住 問 ：痛得 厲唔厲害 啊 ？
韋小寶 話 ：麻麻地 啦 。
突然之間 ，韋小寶 背心 一陣 劇痛 ，腳下 畀 佢 一勾 成個 趴住 跌咗 喺 地 。
原來 公主 靜靜 喺 靴處 攞出 把 短刀 ，突然間 偷襲 佢 。
左腳 踩住 佢 背脊 ，攞 把 刀 喺 佢 左腳 右腳 各 插 一 刀 笑住 話 ：
痛得 厲唔厲害 啊 ？你 話 麻麻地 吖嘛 ，噉 就 再 插 幾刀 啦 。
韋小寶 大驚 啊 佢 諗 ：老子 要 歸天 喇 。
因為 有 寶衣 護身 啊 ，短刀 插唔入 背脊 。
腳上 呢 兩刀 呢 亦唔係 重傷 ，不過 已經 痛到 佢 死去活來 喇 。
噉啊 想要 施展 洪夫人 所 教 個 第二招 小憐 橫陳 甩身 啦 ，但 一來 ，先 受咗 傷 冇咗 力 ；
二來 呢一招 呢 未熟練 ，掙扎咗 一下 ，想要 喺 佢 褲𧜛 蜎 到 佢嘅 背後 啦 ，但係 行動 太過 慢 ，個 身 啱啱 逳唧 ，屁股 又 捱 咗 一刀 。
只聽見 佢 咭咭聲 噉 笑住 話 ：痛得 厲唔厲害 啊 ？
韋小寶 話 ：厲害 到 極 喇 。
公主 武功 高強 ，奴才 唔係 你 老人家 嘅 對手 。
江湖上嘅 ，誒 好漢 、大英雄 ，捉住 人哋 一定 放生佢 嘅 。
死罪 可恕 ，活罪 難饒 啊 。
公主 一下 坐 喺 佢 屁股 上面 喝 佢 話 ：
你 逳 一逳 ，我 就 一刀 殺咗 你 。
唉 ， 唉 ， 奴才 半 逳 都 唔 逳 喇 。
但係 公主 啱啱 坐正 佢 傷口 上 便 ，痛到 佢 猛咁 呻吟 。
公主 解咗 佢 條 腰帶 ，將 佢 雙腳 綁住 ，用 刀 割咗 佢 衣襟 ，又 將 佢 雙手 捩轉嚟 綁住 ，佢 話 ：
你 係 我 個 俘虜 ， 我 哋 嚟 練 一招 功夫 叫做 ， 叫做 諸葛亮 七擒 孟獲 。
清廷 皇族 啊 人人 對 三國 故事 非常 之 熟悉 嘅 ， 三國 故事 公主 已經 睇 咗 三次 嘞 。
韋小寶 啊 睇過 呢齣戲 ，噉 佢 連忙 話 ：係啊 ，係啊 。
誒 ，諸葛亮 擒 孟獲 啊 七 擒 七 縱 吖 ，建寧 公主 擒 小桂子 呢 ，只要 一 擒 一 縱 唧 。
你 一放 咗 我 ， 我 就 唔 反 嘞 ， 你仲叻過 諸葛亮 啊 七倍 啊 。
唔得 ，諸葛亮 要 火燒 藤甲兵 。
吓 ？ 誒 奴才 冇 ， 哦 ， 奴才 冇 着 藤甲 啊 。
噉啊 燒 你 件 衫 都 一樣 嘅 啫 。
唔好啊唔好啊 。
咩 叫做 唔好 啊 ？
諸葛亮 要 燒 就 燒 ，藤甲兵 唔 准 多講 。
公主 見 枱面 燭台 旁邊 ，有 火刀 、火石 ，就 即刻 去 打着 火 ，點着 支 蠟燭 。
韋小寶 叫 ：諸葛亮 並冇 燒死 孟獲 啊 ，你 燒死 我 啊 ，你 就 唔係 諸葛亮 ，你 係 曹操 。
公主 揸住 佢 衫角 ，正話 要 用 蠟燭 火 去 點 ，忽然間 見到 佢 油光烏亮 條 辮 心念 一動 ，就 用 蠟燭 火 去 燒 佢 條 辮 尾 。
頭髮 係 極易 着火 嘅 ，一點 着 ，即時 就 燒上去 ，燒到 滋滋聲 ，成屋 都 又 燶 又 臭 。
韋小寶 嚇 到 魂飛天外 大叫 ： 救命 啊 救命 啊 ！ 曹操 燒死 諸葛亮 喇 。
公主 啊 揸住 佢 條辮頭 ，不停 咁 捹 ，哈哈 大笑 佢 話 ：
係 支 火把 啊 ，真係 好玩 喇 。
轉眼之間 ，火頭 燒到 近嘞 ，噉 啊公主 放開 隻手 。
眨 下眼 ， 韋小寶 滿頭 都 係 火 啊 。
危急之中 啊 氣力 大增 ，一彈 翻起身 ，一頭 撞落 公主 懷抱 ，公主 哎吖 一聲 ，避唔切 嘞 。
韋小寶 已經 撞正 佢 小腹 ，頭上 啲 火 竟然 間 熄咗 。
公主 雙手 撲打 件 衫 啲 焦灰 斷髮 ，只覺得 小腹 好痛 ，又驚又怕 ，噉 用 腳 喺 韋小寶 個 頭 亂 咁 踢 。
踢咗 幾下 ，韋小寶 已經 暈咗 嘞 。
韋小寶 迷迷懵懵 ，忽然間 覺得 全身 傷口 痛到 不得了 ，一下 醒翻 。
發覺 自己 打昂 瞓 喺 地 ，心口 啊 打開晒 ，件 衫 啦 、背心 啦 內衣 啦 冚𠾴 唥 解開咗 。
公主 左手 呢 ，就 揸住 一紮 白色 粉末 ，右手 用 短刀 喺 佢 心口 割 咗 一條 三四分 深 嘅 傷口 ，將 啲 白粉 呢 撒 入 傷口 處 。
韋小寶 大叫 ：你 做咩 啊 ？
公主 笑住 話 ：
的侍衞 講 ，佢哋 捉到 啲 大賊頭 ，賊人 唔招供 呢 ，就 喺 佢 傷口 裏 便 加 啲 鹽 ，痛到 佢 大叫 救命 ，噉 就 非 招 不可 喇 。
所以 我 隨身 都 帶住 啲 鹽 ，專門 嚟 對付 你 呢啲 江湖 大賊 嘅 。
韋小寶 覺得 傷口 一陣陣 抽住 咁 痛 大叫 話 ： 救命 啊 救命 啊 ， 我招 喇 。
公主 話 ： 你 呢 個 孱友 吖 ， 咁 快 就 招有 咩 好玩 啊 ？
你 要 話 ：老子 今日 落 喺 你 手 ，要 殺 要 劏 ，皺 一下 眉頭 嘅 唔係 好漢 。
噉 我 再 割 你 幾道 傷口 ，放 多啲 鹽 落去 ，噉 你 再 求饒 ，噉 先 有 癮 㗎 嘛 。
韋小寶 好 嬲 啊 鬧 佢 話 ： 你 阿爺 吖 你 個 衰女 ， 喂喂 喂喂 哎 我 我 我 唔 係 鬧 你 我 唔 係 鬧 你 ， 我 ， 我 唔 係 好漢 ， 我招 喇 ， 我招 喇 。
公主 歎咗 口氣 ，想 將 啲 鹽 掉咗 佢 ，轉念 一諗 ，又 將 啲 鹽末 撒咗 落 佢 傷口 裏 便 ，好正經 噉 話 ：
我係 建寧派 掌門人 ，武功 天下 第一 ，捉住 你 呢個 無惡不作 嘅 大賊 。
好 ， 好 ， 我 係 江洋 大賊 ， 今日 藝 不如 人 ， 畀 武功 天下第一 嘅 建寧 派 掌門人 捉住 ， 有 死 冇 生 。
江湖上 講得好 ，殺人 不過 頭點地 啫 ，在下 既然 服嘞 噉 就 得咯 啩 ？
公主 聽 佢 滿口 都係 江湖 漢子 嘅 説話 ，同 張康年 班 侍衛 講 畀 佢 聽 嘅 一樣 ，個 心 就 歡喜 喇 ，讚 佢 話 ：
係咯 ，噉至啱㗎嘛 ，既然 要 玩嘞 ，就 玩得 似模似樣 至得㗎嘛 。
韋小寶 個 心裏 便 啊 衰女 臭女 噉 猛 咁 鬧 佢 。
全身嘅 傷口 痛到 入骨 ，一時之間 就 估唔到 佢 到底 係 奉 咗 太后 之 命 嚟 殺死 自己 嘅 呢 ，定係 不過 模擬 江湖 豪客 行徑 。
佢 諗 呢個 衰女 下手 咁 毒辣 嘅 ，就算 係 攞 我 嚟 玩 啊 ，老子 呢條命 ，仲 係 要 畀 佢 玩完 嘅 。
忽然間 諗 起 當日 恐嚇 沐劍屏 呢條 計策 都 幾 靈 嘅 ， 啲 姑娘 仔都 怕鬼 ， 於是 就 強忍 疼痛 佢 話 ：
老子 忽然之間 呢 又 唔服 喇 。
掌門老師 ，你 如果 有種 就 放咗 我 ，我哋 再 嚟 打過 。
你 如果 怕 老子 武功 高強 唔敢 逳手 ，噉 就 一刀 殺咗 我 啦 。
我 變咗 冤鬼 ，日頭 跟住 你 ，夜晚 啊 蜎 喺 你 被竇 裏 便 捻住 你 條 頸 ，吸 你 嘅 血 。
公主 嘩 噉 大叫 一聲 ， 聲 都 震 晒 話 ： 我 殺 你 做 咩 嘢 唧 ？
噉啊 快啲 放咗 我 啦 。
唔放 ，你 死 太監 你 嚇 我 。
攞起 燭台 用 燭火 去 燒 佢 塊 面 ，燭火 燒落 塊 面 處 吱 一 聲 。
韋小寶 痛嘞 ，向 後 一仰 ，右手 出力 向住 佢 手臂 撞過去 。
公主 手臂 一逳 ，燭台 落地 燭火 啊 當堂 熄咗 。
佢 嬲 起上嚟 舉起 門戌 ，又 兜頭兜腦 咁 打 佢 。
痛到韋小寶啊死死下 ，佢 害怕到極啊 。
呢次 冇 命 喇 ，大叫 一 聲 ：我 死 喇 ！
詐假意 死咗 就 唔 逳 嘞 。
嗱 各位 ，欲知 後事 如何 ，且 聽 下回 分解 。
