前 文 再續 啊 書 接上 一回 啊 。
話 説 韋小寶 啊 畀 陸先生 逼住 要 譯 嗰 啲 蝌蚪文 ， 韋小寶 冇 法子 嘞 ， 硬住 頭皮 ， 行去 書 枱 旁邊 坐落 ， 揸 住 支筆 ， 好似 揸 住 把 刀 劏 豬 噉 。
陸 先生 更 嬲 喇 ，不過 夾硬 忍住 ，佢 話 ：你 寫 自己 嘅 名 先 啦 。
韋小寶 啪聲 企起身 ，將 筆 掉落 地下 ，啲 墨汁 啊 四周圍 咁 蘸 ，大聲 話 ：
老子 乜 都 唔識 寫 ！咩嘢 洪教主 壽 與 天 齊 ，老子 係 亂咁噏 嚟 呃 嗰個 惡 頭陀 㗎 啫 嘛 。
你 要 老子 寫字 啊 ，等 我 投過胎 再 講 啦 ，你 要 殺 要 劏 ，老子 皺 下 眉頭 唔 算 好漢 。
你 咩 字 都 唔 識 啊 ？
唔 識 ， 唔 識 你 烏龜 個 龜 字 ， 又 唔 識 你 王八蛋 嘅 蛋 字 。
佢 既然 穿咗 煲 又 不由得 老羞成怒 。
橫掂 都 身陷 蛇島 有 死 冇 生 咯 ，求饒 亦係 冇用 嘅 ，幾大 就 幾大 啦 千祈 唔好 輸埋 牙臼 。
陸 先生 沉吟 咗 一陣 ，攞起 支 筆 ，喺 張 紙 上面 寫 咗 個 蝌蚪文 。
呢個 係 咩 字 啊 ？
韋小寶 大聲 話 ：死啦 你 ，我 話過 唔識 就係 唔識嘞 ，唔通 仲 有 假 嘅 咩 ？
好 ， 好 ， 原來 肥 頭陀 上 咗 你 嘅 大 當 。
不過 呢件事 已經 稟報 咗 畀 教主 知 嘞 ，你 呢個 賊仔 吖 ！
突然間 一步 跳上前 ，捻住 韋小寶 條 頸 ，雙手 越 捻 就 越緊 ，咬牙切齒 噉 話 ：
你 害到 我哋 矇騙 教主 ，人人 都 畀 你 陀累 到 死 無 葬身之地 啊 ，不如 大家 一齊 死咗 佢 罷啦 ，免致 受 嗰啲 無窮無盡 嘅 酷刑 啊 ！
韋小寶 畀 佢 捻到 唞唔過氣 ，個 面 都 紫黑色 ，連 條 脷 都 伸咗出嚟 。
陸先生 睇 住 隻 手 再 使力 呢 ， 呢 個 細路 就要 斷氣 死 㗎 喇 。
一諗起 呢件事 關係 非常 重大 ，個心 一驚 就 放開 手指 ，雙手 一推 ，將 佢 𢴈 喺 地下 ，噔噔噔 就 行 出 書房 。
過咗 好耐 ，韋小寶 先 起翻身 ，死烏龜 病烏龜 都 唔知 鬧咗 幾多 百聲 啊 。
佢 諗 喺 呢個 毒蛇島 ，冇 埞 逃走 嘅 ，如果 走入 樹林 草堆 裏 便 ，只有 死得 更快 㗎啫 。
佢 行 到 門 邊 㧬 下 道 門 ，嗰 道 竹 門 喺 外 便 反鎖 住 ；
行去 窗口 一望 ，下便 係 一個 好深 嘅 山谷 ，實在 係 無路可走 嘞 。
又 睇下 四面 牆壁 嗰啲 書畫 ，佢 諗 ：呢啲 衰鬼 字畫 有 咩 好唧 ？
咪 執起 支筆 ，蘸滿 墨 ，喺 一幅幅 書畫 上 便 就 畫 咯噃 ，大 烏龜 小 烏龜 畫咗 不計其數 。
噉 畫咗 幾十 隻 烏龜 手 都 攰晒 喇 ，掉咗 支 筆 喺 地 ，縮埋 喺 張 椅 處 ，一陣間 呢 ，哈 瞓着 噃 。
瞓醒嘅時候 個天 都 黑齊嘞 ，竟然 冇人 嚟 理佢 ，個肚 又 餓到 咕咕叫 ，佢 諗 ：
呢隻 綠毛龜 要 餓死 老子 啊 ？
過咗 好耐 下 ，忽然間 聽見 門外 有 腳步聲 ，喺 門罅 呢 有 燈光 射入嚟 。
竹門 一 開 ，陸 先生 啊 揸住 蠟燭 入嚟 嘞 ，側起 個 頭 望 實 韋小寶 。
韋小寶 見到 佢 冇 釐 表情 都 唔知 佢 歡喜 定 嬲 ，個 心 啊 反而 有 啲 怕 嘞 。
陸 先生 將 燭台 放 喺 枱面 ，一擸眼 ，見到 牆 上 掛住 嗰啲 字畫 呢 冚𠾴 唥 畀 佢 畫 到 花晒 ，嬲 到 佢 癲 咁滯 啊 ：你 ，你 ！
舉起 手 嚟 就 想 打落 去 ， 但 係 手掌 啊 停 喺 半空中 ， 終於 就 忍住 怒火 佢 話 ： 你 ， 你 ， 唉 ！
韋小寶 笑 住 話 ： 點啊 ？ 我畫 得 好 唔 好 啊 ？
陸 先生 長歎 一聲 ，喪咗 噉 扽 喺 處 佢 話 ：
唉 ，好 ，畫得 好啊 。
陸 先生 居然 唔 打人 ，仲 話 畫得 好 ，韋小寶 啊 真係 大 出 意料之外 嘞 。
不過 見到 佢 神情 咁 悽慘 實係 個 心 痛到 極 啦 ，噉 自己 嘅 心 呢 ，都 有 啲 過意唔去 佢 就 話 ：
陸 先生 ，對 ，對唔住 啊 ，我 畫 花咗 你啲 畫 喇 。
陸 先生 擰擰 頭 佢 話 ：哦 ，冇 ，冇咩嘢 。
雙手攬住 個頭 趴喺 張 枱面 ，過咗 好耐 佢 話 ：
你 實係 餓 㗎 喇 ，食咗 飯 再 講 啦 。
噉 去到 客廳 ，枱 上 已經 擺好咗 四菜一湯 ，有 雞 有 魚 啊 非常 豐盛 。
跟住 方怡 由 陸夫人 陪住 出嚟 ，噉 啊 四個人 一齊 食 。
韋小寶 啊 幾次 想 開口 問 㗎 嘞 ， 不過 見到 陸先生 啲 表情 啊 陰晴不定 ， 怕 激 嬲 咗 佢 飯 未曾 食飽 ， 結果 畀 佢 搶 咗 飯碗 去 ， 豈不是 太過 唔 化算 ？
所以 佢 一言不發 ，悶頭悶腦 啊 食飽 先 。
食完飯喇 ，陸先生 又 帶 佢 返 去 書房 。
陸 先生 喺 地下 執 翻 起 支 筆 ，喺 張 紙 處 寫 咗 韋小寶 三個 字 ，佢 話 ：
呢個 係 你 自己 嘅 名 ，你 會唔會 寫 啊 ？
韋小寶 話 ： 佢 識得 我 我 啊 唔 識得 佢 ， 點會 寫唧 ？
陸 先生 嗯咗 一 聲 ，望住 窗口 外 便 諗咗 一陣 。
然後 揸住 燭台 ，行到 嗰幅 蝌蚪文 前 便 仔細 噉 睇 ，噉啊 指住 一個個 字 個口 就 念念有詞 。
返到嚟 張 枱 旁邊 ，攞 咗 張 白紙 喳喳聲 就 寫 ，寫完 喇 數 一 數 蝌蚪文 嘅 字數 ，又 數 下 張 紙 上面 嘅 字數 ，噉 再 喺 張 紙 上面 改 。
翻轉頭 又 睇下 嗰幅 蝌蚪 文字 ，自言自語 噉 話 ：
嗰 三個 字 係 相同 ，呢 兩 個 字 又 係 一樣 嘅 ，要 天衣無縫 先至 得 嘅 。
諗諗諗諗咗好耐 ，又 喺 張 紙 上面 改咗 一輪 ，噉 啊 好 歡喜 話 ：得喇 ，得喇 。
韋小寶 唔知 佢 搞 咩 嘢 鬼噃 ，橫掂 飯 已經 食飽 嘞 就 唔 去 理 佢 咁多 。
只見 陸 先生 又 去 攞咗 張 白紙 ，仔仔細細 噉 寫字 。
呢次 佢 寫得 好 慢 ，寫完 之後 搖頭 晃腦 噉 啊 細細聲 讀咗 一次 。
韋小寶 只 係 聽到 有 咩 嘢 神龍 島啊 ， 洪 教主 啊 ， 壽與天 齊 啊 等等 嘅 語句 ， 最後 就 係 第一部 喺 何地何 山 ， 第二部 喺 何地何 山 。
吖 ，佢 恍然大悟 喇 ！
呢啲 説話 都係 佢 喺 普濟寺 對 肥頭陀 亂噏 一通 嘅 ，點 知道 肥頭陀 居然 信以為真 ，返嚟 就 大講特講 。
佢 諗 ：嗰日 肥頭陀 啊 請 我 嚟 神龍島 見 洪教主 ，我 又 點都 唔肯 ，誰知 鬼使神差 ，呢隻 船 又 會 駛 到 嚟 呢處 嘅 。
而家 穿咗 煲 啦 ，洪教主 啊 已經 知道咗 啦 ，呢隻 綠毛龜 梗係 要 大發脾氣 喇 。
只見 陸 先生 擰轉 頭 嚟 ，神情 十分 得意 微微 笑話 ：
韋公子 ，你 識得 石碑 上面 嘅 蝌蚪文 真係 可喜可賀 啊 。
亦係 本教 洪教主 洪福齊天 ，先至 天降 你 呢位 神童 能夠 讀 蝌蚪 文字 啊 。
韋小寶 話 ：哼 ！你 唔使 笑 我 ，我啊 識得 咩嘢 蝌蚪文 青蛙文 啦 ？老子 連 癩蛤蟆文 都 唔識 。
我 亂咁 講 呃 嗰個 瘦 竹篙 頭陀 啫 嘛 。
呵 ，呵呵呵 ，誒 韋公子 何必 過謙 吖 。
嗱 ，呢啲 係 公子 所 背誦 嘅 石碑 遺文 ，我 筆錄 咗 落嚟 ，請 公子 指點 ，睇下 有冇 錯誤 吖 。
講完 就 讀 喇 ：
維大唐貞觀二年十月甲子 ，特進 衛國公 李靖 ，右領軍大將軍 宿國公 程知節 ，光祿大夫 兵部尚書 曹國公 李績 ，徐州都督 、胡國公 秦叔寶 ，會於 五台山 錦繡峰 ，見 東方 紅光 耀天 ，斗大 金字 現於 雲際 。
文曰 ：千載 之下 爰 有 大清 。
東方 有 島 神龍 是 名 。
教主 洪某 得蒙 天恩 。
威靈 下濟 丕赫 威能 。
降妖伏魔 如 日 之 升 呢 。
羽翼 輔佐 吐故 納新 。
萬瑞 百祥 罔 不 豐登 。
仙福 永享 普世 崇敬 。
壽 與 天 齊 文 武 仁 聖 。
須臾 ，天 現 青字 ，文 曰 ：
天賜 洪某 四十二 章經 八部 。
一存 河南 伏牛山 蕩魔寺 ；
二存 山西 筆架山 天心庵 ；
三存 四川 青城山 凌霄觀 ；
四存 河南 嵩山 少林寺 ；
五存 湖北 武當山 真武觀 ；
六存 川邊 崆峒山 迦葉寺 ；
七 存 雲南 昆明 沐王府 ；
八 傳 雲南 昆明 平西 王府 。
靖 等 恭 錄 天文 雕 於 石碑 ，以 待 來者 。
陸 先生 抑揚頓挫 噉 讀完 喇 就 問 ：有冇 讀錯 啊 ？
韋小寶 話 ：嗰個 係 唐朝 嘅 石碑 ，點 會 知道 後世 有 個 平西王 吳三桂 唧 ？
上帝 聰明 智慧 無所不知 無所不曉 ，既然 知道 後世 有 洪教主 咯 ，當然 亦 知道 有 吳三桂 啦 。
韋小寶 偷笑嘞 ，岌一岌頭 話 ：噉 亦 講得 啱嘅 。
個心諗 ：都唔知 你 搞乜鬼 。
陸 先生 話 ：呢個 石碑 上面 嘅 文字 ，一個 字 都 唔 讀 錯得 嘅 。
雖然 ，韋公子 天賦 聰明 ，但係 照我睇呢 ，亦係 因為 聖靈 感動 先至 識得 呢啲 蝌蚪文 嘅 啫 ，如果 一時 倉猝 ，或者 會 認錯 嘅 。
噉 最好 韋公子 將 呢篇 碑文 讀到 滾瓜爛熟 ，等 洪教主 召見 嘅 時候 ，背誦 如流 ，噉 洪教主 一 歡喜 嘞 ，梗係 大有 賞賜 啦 。
韋小寶 當堂 恍然大悟 嘞 猛 咁 岌 頭 佢 話 ： 哦 ， 原來 係 噉 嘅 原來 係 噉 嘅 。
佢 估計 肥頭陀 同 陸 先生 稟報 洪 教主 ，話 有 個 細佬哥 識得 石碑 上 嘅 文字 ，噉 洪教主 啊 實 要 傳見 考問 嘅 。
點知道 呢件事 冚𠾴唥 都係 假嘅 ，陸先生 又 怕 教主 怪罪 啊 ，只有 偽造 碑文 嚟 呃 一呃 教主 啦 。
陸 先生 話 ：嗱 ，我 而家 讀 一句 ，韋 公子 跟住 一句 ，務須 記到 一字 都 唔 錯 為止 啊 。
維大唐貞觀二年十月甲子 。
事到臨頭韋小寶 想話唔讀都唔得嘞 ，何況 串 同埋 佢 呃 洪教主 ，噉 諗落 都 幾過癮 㗎噃 ，噉啊 跟住 佢 誦讀 。
佢 個人 呢 ，就 好 機靈 嘅 ，聽過 一段 幾百字 嘅 説話 ，要 佢 再 複述 出嚟 呢 ，噉 啊 一啲 都 冇 問題 。
不過 講到 讀書 就 攞 佢 條命 喇 。
呢篇 短文 呢 ，雖然 只係 寥寥 幾百 字 啊 ，但係 所有 嘅 句子 都 十分 拗口 ，啲 意思 啊 完全 唔 明白 添 啦 。
咩 嘢 丕 赫威能 啊 、 吐故納新 啊 冚𠾴唥 唔 知 咩 嘢 意思 ， 噉 唯有 跟 住 陸先生 一次 又 一次 噉 讀 嘞 。
好在 陸 先生 呢 就 唔 怕 厭煩 ，噉 讀 咗 三十幾 次 之後 呢 ，就 背得 一字 都 冇 錯 咯 。
當晚 ， 佢 喺 陸先生 屋企 瞓 ， 第二 朝早 呢 又 再次 背誦 。
陸 先生 聽 佢 全部 記住 喇 好 歡喜 。
於是就攞紙筆嚟 ，將 一個個 蝌蚪字 寫出嚟 教 佢 認 ，噉 邊一個 係 維字 啊 邊個 係 貞字 啊 等等 。
韋小寶噉就叫苦連天咯 ，嗰啲蝌蚪文啊 扭來扭去就形狀都差唔多嘅 ，要佢逐個嚟認 ，要佢嚟寫 ，噉啊真係殺佢都冇咁慘 。
佢 係 一陣間 咁耐 都 坐唔定 㗎 嘛 ，要 點樣 能夠 安安靜靜 嚟到 學 蝌蚪文 吖 ？
韋小寶 固然 係 愁眉苦面 咯 ，陸 先生 更加 係 惴惴不安 。
因為 陸 先生 早就 知道 ，石碑 上 嘅 文字 呢 另有 含義 嘅 。
佢 數咗 肥頭陀 嘅 拓片 上 便 嘅 字數 ，噉 啊 另外 作 一篇 文章 ，夾硬 湊 上去 但求 字數 相同 ，碑文 能夠 使 洪教主 歡喜 就算數 㗎 喇 ，就 唔理 原來 碑文 裏 便 寫 啲 咩 嘢 。
不過 噉樣 拼湊法 啊 梗係 破綻百出 啦 。
洪教主 係 聰明 到 極 嘅 ，呢篇 假 文章 多數 呃 佢 唔到 㗎 嘞 。
不過 大難臨頭 ，只有 暫時 搪塞住 先 啦 以後 嘅 禍患 啊 ，以後 先至 算咯 。
噉呢一日 ，陸先生 教 韋小寶 寫字 進展 啊 慢到 極 ，直到 中午 ，只係 學會 寫咗 四個 蝌蚪文 。
噉啊 好彩 蝌蚪文 呢 本來 就 奇形怪狀 ，韋小寶 寫得 點 難睇 都 唔係 覺得 點 刺眼 。
如果 寫 正楷 啊 ，由 一個 從來 未 學過 寫字 嘅 細路 寫出嚟 ，邊個 一 睇 就 知道 係 假 㗎啦 。
噉 下午 啊 學咗 三個 字 ，夜晚 又 學 多 兩個 ，呢一日 ，總共 學得 九個 字 。
韋小寶 啊 不停 口 噉 又 嘈 又 叫 幾次 掟 筆 唔 學 啊 。
陸 先生 又 嚇 佢 又 氹 佢 ，收尾 叫咗 方怡 嚟 坐 喺 佢 旁邊 陪 佢 ，噉 韋小寶 先至 勉強 耐心 學落去 。
陸 先生 一面 教 一面 啊 擔心 ，至 怕 洪 教主 啊 隨時 嚟 傳 。
如果 一篇 文章 仲未學齊 ， 就 畀 教主 叫 咗 去 ， 韋小寶 個人 頭 固然 落地 啦 自己 全家 都 難免 陪 埋 佢 死 啊 。
不過 呢件事 一啲 都 唔能夠 急 啊 ，越係 望 佢 快啲 學會 ，韋小寶 啊 反而 學得 越 慢 。
如是者 學咗 幾日 ，韋小寶 畀 毒蛇 咬 嘅 傷口 就 好晒 嘞 ；
不過 勉強 認到 嗰啲 蝌蚪文 只係 得 二三十個 ，而且 仲係 撈撈亂 嘅 ，十個 字 當中 往往 搞錯 七八個 。
陸 先生 正 喺度 煩惱緊 ，忽然間 聽見 門外 肥頭陀 叫 佢 話 ：
陸 先生 ，教主 召見 韋 公子 啊 。
陸 先生 面 如 土色 ，隻 手 一 震 ，嗰 支 蘸 淰 咗 墨 嘅 毛筆 跌 咗 落 件 衫 處 。
跟住 一個 極高極瘦 嘅 人 行 入嚟 書房 ，肥頭陀 到 嘞 。
韋小寶 笑住 話 ：肥尊者 ，你 點解 今日 先至 嚟 見 我 啊 ？我 等咗 你 啊 好耐 喇 。
肥頭陀 見到 陸先生 嘅 神情 知道 大事 不妙 嘞 ，就 唔 回答 韋小寶 ，佢 自言自語 噉 話 ：
我 早就 應該 知道 呢個 衰仔 係 亂講 無為 㗎喇 。
衰在 鬼迷心竅 ，要 立個 咩嘢 大功 保住 自己 條命 ，誰知 反而 死得 更加 早啲 。
陸 先生 冷笑話 ：哼哼 ，你 不過 係 光棍 一 條 啫 ，我 一家 八口人 啊 冚𠾴唥 都 要 陪 埋 佢 死 啊 。
肥頭陀 一聲 長歎 ：唉 ，大家 命 該 如此 ，呢啲 叫做 劫數 難逃 。
就算 冇 呢件事 ，教主 亦 未必 能夠 畀 我哋 做 多 幾日 人 嘅 。
陸 先生 睇咗 韋小寶 一 眼 ，佢 話 ：
係佢哋呢種人 當時 得令 ，我哋 老咯 該死喇 ，又 有 咩 法子 吖 ？
因為 我 見 佢 年紀 細 ，投其所好 ，就 噉 不顧 前 不顧 後 噉 稟報 咗 上去 ，唉 ！
細 亦 未免 細得 過頭 咯 。
陸兄 ，事情 到咗 呢個 地步 ，你我 同生共死 ，大丈夫 死 就 死啦 ，又 有 咩嘢 好 怕 呢 ？
韋小寶 拍住手 噉 話 ：肥尊者 呢句 説話 講得 啱喇 ，係 英雄 好漢 ，怕 咩嘢 死唧 ？
我 都 唔 怕 ，你哋 更加 唔使 怕 啦 。
陸 先生 冷笑 一 聲 話 ：哼哼 ，無知 小兒 不知 天高地厚 ，等到 你 識得 怕 嘅 時候 就 遲 喇 。
誒 ，肥尊者 ，唔該 你 等陣 ，我 去 吩咐 拙荊 幾句 啊 。
陸 先生 就 出咗 去 嘞 。
過咗一陣 ，陸先生 返到嚟 書房 ，塊面 仲有 啲 淚痕 。
肥頭陀 話 ：陸兄 ，你 嘅 升天丸 唔該 畀粒 我 啦 。
陸 先生 岌一岌頭 ，喺 身邊 攞咗 個 瓷瓶 出嚟 ，掹開 瓶塞 ，倒 咗 粒 紅色 藥丸 畀 佢 。
呢粒丸 ，一入口 就 死㗎喇 ，唔係 到 最後關頭 ，唔好 輕舉妄動 啊 。
肥頭陀 接咗 藥丸 苦笑話 ：多謝 。
我 肥頭陀 對 自己 條命 ，都 仲 睇得 幾重 ，唔想 咁快 就 升天 。
韋小寶 喺 五台山 嘅 時候 ，見到 肥頭陀 力敵 少林寺 十八 羅漢 ，威風凜凜 。
而家 就 攞 呢啲 毒藥 ，梗係 當 洪教主 怪罪 嘅 時候 ，就 自殺啦 。
哎呀 ，事態 果然 係 緊急 噃 ，佢 怕 嘞 。
三個人 出咗 門口 ，韋小寶 隱隱約約 聽見 內堂 有人 喊 噉聲 ，就 問 ：
方 姑娘 呢 佢 唔 去 啊 ？
肥頭陀 話 ：哼 ，你 小小年紀 真係 個 多情 種子 喎 ，喺 五台山 上 有 個 雙兒 ，呢處 又 有 個 方姑娘 。
左手 一手 將 佢 抱住 喝 一 聲 話 ：行 啦 ！
邁開大步 向住 東 便 就 行喇 ，一陣間 唧 就 快過 跑馬 。
陸 先生 喺 佢 身邊 一齊 行 ，仲 係 愁眉苦面 噉 嘅 樣 。
韋小寶 見到 佢 一啲 都 唔 費力 ，就 同 肥頭陀 一拍 噉 行 ，半步 都 冇 落後 ，先至 知道 文弱 書生 原來 亦係 有 上乘 武功 嘅 。
佢 話 ：肥尊者 ，陸 先生 ，你哋 兩位 武功 咁 高強 ，又 何必 怕 嗰個 洪教主 唧 ？你哋 。
肥頭陀 用 右手 一下 揞住 佢 個 口 ，好 嬲 噉 話 ：
喺 神龍島 上 便 ，你 講 呢啲 大逆不道 嘅 説話 你 嫌 命 長 啊 ？
韋小寶 畀 佢 突然間 揞住 個 口 ，氣 都 窒咗 啊 ，佢 諗 ：
死得 你 吖 ，你 怕 洪教主 怕 成 噉 嘅 樣 ，仲 自稱 係 英雄 喎 ，屎蟲 都 叻過 你 啊 。
三個人 向住 北方 嗰座 山峰 行上去 。
行咗冇耐 ，只見 樹上 、草上 、路上 東一條 西一條 冚𠾴唥 都係 毒蛇 。
吖但係 講起 上嚟 又 奇怪噃 ，對 佢哋 三個人 呢 完全 都 唔 理 噃 。
轉過咗 兩個 山坡 ，就 遠遠 見到 峰頂 有 幾座 大 竹屋 。
肥頭陀 抱住 韋小寶 直 上 峰頂 。
呢個 時候 山道 狹窄 ，陸 先生 呢 就 唔 能夠 同 肥頭陀 一拍 噉 行 嘞 ，就 落後 丈 幾 遠 。
肥頭陀 將 個 嘴 哄埋 韋小寶 耳仔 邊 ，低聲 噉 問 佢 話 ：你 嗰部 四十二章經 呢 ？
唔喺 我 身邊 喇 。
仲使講 咩 ， 你 個 身 啊 已經 畀 人 摷 過好 多次 喇 ， 搦 咗 去 邊處 啊 ？
少林寺 十八 羅漢 攞咗 經書 ，噉 梗係 搦去 交畀 佢哋 嘅 方丈 啦 。
韋小寶 個 心 諗 ：呢個 瘦 竹篙 頭陀 打唔過 少林 十八 羅漢 。
聽見 話 經書 去咗 少林寺 方丈 手裏 便 ，梗係 唔敢 去 要 喇 ，就算 敢 去 要啊 ，一 去到 又 畀 人 趕翻 出嚟 啦 。
噉啊嗰日 肥頭陀 親手 將 經書 交畀 澄心 和尚 ，所以 對 韋小寶 呢句 説話 呢 毫不懷疑 ，佢 低聲 話 ：
等陣 見到 教主 ，千祈 唔能夠 提到 呢件事 啊 。
否則 教主 逼 你 交 經書 出嚟 ，你 交唔出 ，教主 佢 老人家 非 將 你 掉入 毒蛇 竇 不可 。
嗱 各位 ，欲知 後事 如何 ，且 聽 下回 分解 。
